روما يتأخر أمام بورتو بثلاثية بمشاركة محمد صلاح.. ويقترب من توديع دوري الأبطال.. بالفيديو

أكد شريف منير حسن، عضو مجلس نادي الزمالك، أن والده وكيل لاعبين معروف من 1986 وهو وراء التعاقد مع إيمانويل وكوفي وكلويبالي وغيرهم.
وقال شريف، في بيان له عبر صفحته بموقع التواصل الاجتماعي "فيس بوك": «والدى وكيل لاعبين من 86 ومعروف أنه وكيل لاعبين مش محامي، والدى مش مستنيني أكون عضو مجلس إدارة، والدي الذى احضر إيمانويل وكوفى وكلوبالى وغيرهم واتوفيستر وكابرال ومدرب الأحمال الحالى وبدون عمولات من نادى الزمالك! اقسم بالله لم أتدخل فى عمله مع النادى وأول موسم صفقات كنت على علم عن أسامى الاعبين الذين نقوم بالتفاوض معهم وكنت انا من اخترت على جبر وآخرين ولم أتحدث ولا اساعد والدى في عمله، ويسأل عن ذلك المحترم احمد سليمان».
وتابع: "والدى عرض لاعبين الموسم الماضي نجوم حاليا و آخرهم لاعب نادى الأهلى وقع معه...عيب اوى الكلام الحقير المتداول حاليا حول الاعب زاكرى...الموضوع والدى عرض الاعب و احد الاشخاص من النادى كلم الاعب مباشرة و والدى انسحب من الموضوع....و بعد فشل الشخص فى الحصول على توقيع الاعب رمى فشله على والدى و سمعة والدى اللى هو معروف عنه مدى احترامة و حبه و أخلاصه للنادى...يعنى والدى اتصل باللاعب و قاله أرفض النادى؟!و جواب العموله ده شى طبيعى فى عمل والدى..عرض 300 ولا 200 ولا اى حاجة على النادى الاخر اقسم بالله معرفش بس اكيد اوفر من ادفع لى وكيل 300 الف دولار لوحدة".
واستكمل: "فى ناس للأسف شايفة نفسها أكبر من الزمالك و مايعرفوش قيمة الزمالك و انا حلتزم الصمت عشان انا عارف معنى نادى الزمالك....نصيحه فقط كمال درويش و جلال إبراهيم أعظم بطولات الجمهور فاكرهم عشان محترمين و الناس بتجيب سيرتهم بالخير مش عشان بطولة و انا اتمنى اكون ربعهم....البطوله للنادى و اللاعبين و التاريخ".