كشفت الفنانة هالة صدقي حقيقة التغريدة التي تداولها عدد من النشطاء علي موقع التواصل الاجتماعي "تويتر" عن تبرعها بعشرة ملايين جنيه في حالة إعدام الرئيس المعزول محمد مرسي. وكتبت صدقي عبر حسابها الشخصي علي موقع فيس بوك: "الحقيقة لو عندي المبلغ ده هتبرع بيه للتعليم وللمرضي ولمشاريع الشباب.. وهبني بيت بدل ما انا عايشه في استراحة وممكن اشتري عربية جديدة واحتمال أسافر أعمل شوبنج لو الفلوس كفت". وأضافت صدقي: "لكن بالنسبه للاخ مرسي ليس له عندي اي اهتمام وخصوصا لانه من وجهة نظري المتواضعه ضحية. عبد المأمور. موظف عند الاخوان. اباجوره". وتابعت: "بقول للاخوة اللي عاملين يشيروا حاجات باسمي ان عمري ما استخدمت تويتر غير مرة واحدة وان دي مش صفحتي وبالنسبه لي انا لا هيفرق معايا مرسي يموت او يعيش لان من مبادئ ان عقاب ربنا اكبر بكتير من عقاب البشر". واختتمت: "وبما اني مطمنه علي مصر فمش هيفرق معايا اي حد يعيش غير مصر.. والله يسامحهم كلهم".