أنا عندي مشكلات كتير في حياتي مالهاش حل؛ بس أكبر مشكلة فيهم إني حبيت واحد وهو حبني، وأهله كانوا بيحبوني أوي؛ بس هم سمعوا عني كلام وحش؛ زي إني باروّح بيتي في وقت متأخر، وأنا في منطقة تقريبا شعبية، وده عندهم عيب جدا؛ فرفضوني رفض تام. أنا وهو بنحب بعض، وبصراحة أكتر أنا وهو متجوزين عرفي، وعارفة إنه ممكن كتير منكم ييجي عليّ ويقول إني غلطانة؛ بس أنا واحدة عايشة طول عمري في وحدة ومن غير أم، وما صدّقت لقيت حد أترمي في حضنه. وأهله عرفوا بموضوع جوازنا العرفي، وبقيت في نظرهم بنت مش كويسة.. أرجوكم أنا محتاجة رد سريع، أنا باموت في اليوم ألف مرة، أنا بجد بحبه جدا، وهو كمان بيحبني جدا، ومش عارفين نعمل إيه؟ Moon.sunlove