بالفيديو.. هالة فاخر: "ميبقاش فتى أحلامك مهند.. عشان في الآخر هتاخدي سليمان عيد"

قالت الفنانة هالة فاخر، لكل بنت بتحلم بالأمير اللي هييجي يخطفها على الحصان الأبيض، ويتجوزها ويعيشوا في تبات ونبات، أولا إحنا في نظام رئاسي مش ملكي، ومفيش أمراء ولا أحصنة، ثانيا هو الأمير هيبصلك على إيه.
وأضافت "فاخر" خلال برنامجها "هات م الآخر"، على قناة "صدى البلد"، اليوم الأحد، أن القصر الوحيد اللي نفسك العريس ياخدك ليه، هو القصر العيني الفرنساوي وده هتروحي هتروحي بس بعد الجواز، ولما تكوني بتحلمي بواحد هيخطفك يبقى إنتي بتحلمي بواحد مسجل خطر مش عريس.
وتابعت: "ميبقاش فتى أحلامك مهند، عشان في الآخر هتاخدي سليمان عيد".