بالفيديو.. يوسف الحسيني: العيال اللى نازلين 28 نوفمبر متخلفين عقليا..واللى هيفكر يشيل سلاح هينضرب بالنار فورا

أكد الإعلامى يوسف الحسيني إن كل مؤسسات الدولة مستعدة ليوم 28 نوفمبر الحالي ولا خوف مما سيحدث فى هذا اليوم ،قائلا "العيال اللى نازلين استجابة لنداء الجبهة السلفية دول عيال متخلفين عقليا ،ونزولهم مش هيطور من وضعهم وكل التصورات المتعلقة بأن العيال دى قادره على هز الدولة مش هيحصل ولو حتى نكشة رأس".
وأضاف الحسيني فى برنامج "السادة المحترمون" الذى يقدمه على قناة "أون تى فى" :"هفكركم بالوضع الأمنى فى مصر منذ 30 يونيو ،فلا توجد مقارنه بين الوضع بعد فض اعتصام ربعة والوضع الأمنى الآن ،كل ده عدى الحمد لله ،واحنا عاوزين أحسن من كده وهيحصل".
وأكد الحسيني :"يوم الجمعة مش هيحصل حاجة ،ونصيحه لوجه الله تعالى للعيال اللى نازلين يوم الجمعه ،عشان خاطر أمك متنزلش ،ونزولك هيستفز الأمن ،ومجرد ظهور سلاح معاك هتنضرب بالنار وبالقانون".
ولفت الحسيني الى أن من يظن أنه سيتظاهر سلميا ولكنه سيقطع الطريق :"هتقطع الطريق هتضرب علقة موت وهيتقبض عليك والله ،وعاوز تجرب قرب ،الأمن مش هيهرج اليوم ده".