فيديو: والدة الشهيد معاذ السيد: هنزل يوم 25.. وهقف في نفس المكان اللي استشهد فيه ابني عشان أطالب بحقه

* والدة الشهيد: ابنى كان بيتمنى الشهادة ... وتتساءل: إزاي العسكري يقف ضد المخلوع بعدما سلمه الحكم ؟
* معاذ قال لي قبل الثورة بيومين أنه حلم أنه صعد للسماء وكان سعيدا جدا.. وأطالب المواطنين بالنزول في 25 للدفاع عن دماء الشهداء
كتب – عاطف عبد العزيز :
قالت والدة الشهيد معاذ السيد محمد أنها ستنزل يوم 25ينايرميدان التحرير للدفاع عن حق ابنها ، وأنها ستقف في نفس المكان الذي استشهد فيه نجلها يوم جمعة الغضب لتدافع عن حقه ودمه للنهاية .
وأشارت والدة معاذ الطالب بكلية التجارة إلى أن ابنها أصيب بأربع طلقات خرطوش من على بعد 3أمتار, مضيفة أنه جاء من شبرا في مسيرة سلمية، وأنه كان يقول لها قبل الثورة أن أمنيته أن يموت شهيداً، وأنه قال لها ذلك قبل أحداث الثورة بأسبوعين ، وقالت والدموع تملأ عينيها أنه قال لها قبل الثورة بيومين أنه حلم أنه صعد للسماء وكان سعيدا جدا .
وأضافت : معاذ كان بينزل من أول يوم في الثورة ، ولغاية دلوقتى ماشفناش حاجة حصلت ولا حد اتحاكم .. إحنا مش عايزين حاجة إحنا عايزين حق الدماء اللى سالت” .
وغالبت دموعها وهى تقول ” إبنى مش كان لاقى حد يشيله لأن اللى كان بيقرب منه كان بيتضرب زيه “.
واستنكرت إحضار الرئيس المخلوع فى طائرة كل يوم ، وإنفاق نصف مليون على حد قولها كمصاريف فى اليوم الواحد على الطائرة، فى الوقت الذى يتحدثون فيه عن أن الثوار خربوا البلد والاقتصاد ” ، وطالبت والدة الشهيد المصريين بالنزول للميدان يوم 25يناير للدفاع عن حقوق الشهداء ودمائهم .
وتساءلت “ازاى العسكرى يقف ضد المخلوع وهو اللى سلمه السلطة والحكم ” ، وردا على اتهام الثوار بالبلطجية قالت ” لو فيه بلطجية فى الميدان يبقى هما اللى حاطينهم وجايبينهم عشان يشوهوا صورة الثوار ” ، مؤكدة أن البلطجية معروفين بالاسم ولهم ملفات لدى أجهزة الأمن .
شاهد الفيديو: