بالصور.. انتشار القطط نموذج صارخ للاهمال داخل مستشفي كفر الزيات العام

أنتشار القطط نموذجا صارخا للإهمال الضارب فى القدم بأرجاء مستشفى كفرالزيات العام بالغربية، فلم يقتصر الوضع على الإهمال الطبي والفوضي ولكنه تضمن الإهمال العام في نظافة المستشفي من الحشرات والمخلفات الطبية حيث انتشرت القطط لتصل إلي داخل العناية المركزة.
قال علي الشرقاوي مواطن من أبناء مدينة كفر الزيات أن مباني مستشفي كفرالزيات العام، أصبحت نموذج صارخ للإهمال في جميع المجالات وأصبحت المستشفي ترفع شعار " الداخل مفقود والخارج مولود" لافتا أن الإهمال الذي تفشي بالمستشفي كالصاروخ تسبب في وفاة ربة منزل أثناء إجراء عملية ولادة منذ عدة أيام نهايك عن انتشار القطط التي وصلت إلي العناية المركزة بالمستشفي مناشدا محافظ الغربية ووزير الصحة بالتدخل ومحاسبة المقصرين على هذا الإهمال الجسيم علي حدقوله.
وعلق طبيب حديث التخرج ويعمل بمستشفي كفر الزيات العام، علي الإهمال بالمستشفي رافضا ذكر اسمه خوفا من التنكيل به قائلا" "فيه مستشفي حكومي في مصر عدلة اصلا ؟ المستشفي العام مثلها، والجامعة مثلها مثل غيرها من المستشفيات الحكومية بلا أطباء لديهم ضمير ولو فيه فالامكانيات مش مساعداهم أصلا ولا أجهزة ولا مستلزمات طبية ولا حتي أدوية ولا حتي اقل حاجة يبقي فيه نضافة في المستشفي أحنا في مستشفي كفرالزيات العام عندنا جهاز بايظ بقاله اكتر من شهر بنبعت للوزارة والمديرية ولا حياة لمن تنادي.
وأضاف الطبيب " الدكتور أيمن الملاح، مدير المستشفى يكتفى فى معاقبة الزملاء المتقاعسين عن العمل، بالخصم والجزاءات العادية، معتقدًا أنه يصلح من شأنهم بهذه الطريقة، إنما "مفيش فايدة العيب في النفوس نفسها"، وللأسف المشاكل تكاثرت بشدة فأصبحت في المستشفي والمعدات ونفوس الدكاترة كلهم، وفى النهاية يتهمون مدير المستشفى بأنه السبب.
وتسائل الطبيب " لو الحكومة مش هتعرف تصلح المستشفي وتخليها مصدر للعلاج تتقفل أحسن بدل ما تبقي مجزرة للموت بالشكل ده إحنا نفسنا الدكاترة لو سألتنا انتو عايزين تشيلو المدير ليه وأولهم إلي باعت يشتكي هيقولك عشان بيدينا جزاءات كتير ومش مرتاحين كدة يعني لا همنا مستشفي تتصلح ولا غيره
وبالنسبة لموضوع ان المدير بيسيب المستشفي عشان شغله الخاص فحضرتك ياريت تروح تشوف عيادته بقت بتشتغل فترة واحدة بسبب انه فترة الصبح شغله بيبقي في المستشفي بس ولو المشكلة الشغل الخاص كان غيره الي كان متفرغ وبيبات ف المستشفي عرف يعمل حاجة .
واختتم الطبيب بقوله الموضوع موضوع فساد كامل ومش هيتصلح بفرد واحد ولا اتنين منظومة كاملة بايظة وهي منظومة الصحة في مصر من نفوس وإدارة ومعدات طبية لنا الله الواحد بيشوف الدول التانية وبيتحسر علي نفسه لحد امتة هنفضل كدة ياريت إلي بأيده يصلح حاجة يصلحها ويتغير المدير ياريت نشوف غيره يعرف يغير حاجة وتصليح المعدات والمستشفي نفسها أصلا تتصلحو مش هنعرف نتغير من غير تغيير النفوس نفسها.