تلميذ ل بن لادن يصدر كتابا عن “بلال فضل” يصفه ب “مؤذن الشيطان”.. وبلال: النبي الاسم حلو

* فضل : بافكر أخوف بناتي بالغلاف عشان يسمعوا الكلام ويستأذن الشيخ عشوش ممكن أحول أسم الكتاب لفيلم
* بلال: أيا كان اللي في الكتاب سايب حسابه لربنا لكن أرباح المبيعات مش مسامح فيها أبدا حقي يجيني
كتب- عاطف عبد العزيز :
كشف الكاتب بلال فضل على حسابه على تويتر عن صدور كتاب جديد عنه تحت عنوان “صفحات من عار العلمانية بلال فضل مؤذن الشيطان” للشيخ أحمد عشوش أحد أعضاء رفقاء أسامة بن لادن وأيمن الظواهري وأحد المقاتلين بأفغانستان ، وحمل غلاف الكتاب صورة لتنين وشيطان مغطى الوجه .
وقال المؤلف في المقدمة ” طالعنا المدعو بلال فضل بمقال خبيث تطاول فيه على الله – عز وجل – وعلى رسل الله جميعاً صلوات الله وسلامه عليهم ، حيث زعم أن من قال أو اعتقد أن الجنة لا يدخلها إلا نفس مسلمة فإنه لا يكون إلا أبله وتساءل في سخرية عن حقيقة مليارات البشر من الكفار هل يلعبون دور الكومبارس في تمثيلية مشهد النهاية فيها أن يدخل المسلمون فقط إلى الجنة ، واتهم فضل بسب الله والرسول صريحاً قبيحاً مقذعا .
من جانبه علق الكاتب بلال فضل على الكتاب في تغريدات على موقع التواصل الاجتماعي تويتر .
” أنا كده لما باتحول. بافكر أخوف بناتي بالغلاف عشان يسمعوا الكلام. أنا مؤذن الشيطان. عووو “
وقال في تغريده أخرى” النبي حلو الاسم . هو أنا ينفع أستأذن الشيخ أحمد عشوش إني أعمل فيلم أسمه مؤذن الشيطان “
وأضاف : أنا مخبي مفاجأة للشيخ عشوش بس هيعرفها يوم القيامة. أنا أشاسا مش علماني. بخ ... في ناس من طنطا كلموني وطلبوا يحولوها لفيلم وقلت لهم يسعدني جدا طالما هواة ومتنازل عن كل حقوقي “
وعن حفل توقيع الرواية قال ” دول مابيعملوش حفل توقيع. بيعملوا حفل تفسيق “
وكتب في تدوينه أخرى ” دي الغابة اللي باروح أقابل فيها إبليس عشان بنغير كلمة السر كل يوم “
وخاطب مؤلف الكتاب ساخرا ” شيخ عشوش الناس عايزه تشتري الكتاب بشرط يبقى موقع مني. وأنا موافق. دي إمات بقى وأبو قسم “
ويضيف ساخرا ” كنت فاكر إن الناس هتكتب عني كتب بعد ما أموت. بس ربنا كريم كتبها لي بدري ... أديني عملت دعاية أهوه للكتاب. أيا كان اللي فيه سايب حسابه لربنا لكن أرباح المبيعات مش مسامح فيها أبدا. حقي يجيني لو الكتاب باع كتير ” .