صالح الغازي : بنعرَّف نفسنا للوطن

الأحصنه زي ما هيا
راكبينها اللي اتغيروا.
نفس الحواجز.
شوفت الحقيقه المجرمة!
والحَكَم بيرضي جميع الأطراف!
مين يشد؟
ومين يرخي؟
الناس..الناس
مالهمش حصان
وما يملكوش غير صوتهم.
2-الفرح ما كملش
تهجم علينا ريح الليل
نتعفر..
الروس السوده ..
جالها قلب تسيِّل الدما والدمع
وزي ما هيا
ودم شهيد طازه
وديته وعد بنُصب تذكاري!
نصب.
جايه ليالي نسف التراب
واللا احنا أول السكه؟
3-مين داخل السبق؟
الوطن ما فيهوش سباق
سيبوني أشوف أرضي
قدمي تلاقي مكانها وطن على قدي
مين اللي عاجبه المُر؟
الحزن مش راجع للعيون تاني.
مكملين ..
علي قد ما الشمس مشتاقه تعرفنا
مشتاقين نعرَّف نفسنا.
8 يوليو 2011
صالح الغازي
شاعر مصري
salehelghazy@gmail.com