محمد رجب : أنا كل ذنبي ..جنسيتي المصري الفقير

الحكاية مش حكاية شاب مات أو ألف شاب
الحكاية دى حكاية شعب عاش بيقول يارب
أصل غيره يروح لمين؟
عاش جعان مكسور حزين
واللى مسئول عنه سابه
أحنا فين وهما فييييييييييين
ناس تقول الدنيا بمبى
والفلوس كتير كتير
وأعمل أيه وأنا كل ذنبى
جنسيتى المصرى الفقير
جنسيتى المصرى اللى داق الذل بره وجوه آآآآآآآآه
مصرى عاش يصرخ بحرقة بس مين يسمع نداه
بس مين هيحس تعبه
يبقى وقت الشدة جنبه
يبقى وقت الحاجة عونه
مش وظيفته يذل فيه
أنت يا مسئول يا هيبة
ياللى زدت العيبة عيبة
ياللى واخد حقى قوة
يوم حسابك تعمل إيه؟
اتقى وراعى الله فينا
بكرة تتحاسب علينا
بكرة تتمنى نسامحك
فات أوانك تعمل إيه؟
لما قالوا فيه علاوة
قولت زاد غالى الغلاوة
العلاوة للحكومة
واللى زاى هيعمل إيه؟
الصنايعية البساط
اللى نومهم ع البلاط
اللى أجرتهم بقوتهم
لو تعب يوم يعمل أيه؟
حتى تأمينى ومعاشى
جم وحطوا العين عليه
قالوا زودنا المرتب
طب وجدى يعمل أيه؟
اللى عاش يخدم بزمة
مات بصدمة يومها لما
المعاش ربع المرتب
طب يجيب إيه ولا إيه؟
القلق والخوف ملينى
خوفى من بكرة اللى جاى
السواد بقى مالى عينى
دا اللى جاى ملهوش زى
خوفى يوم ملاقيش هوية
واللى ليا ما يبقى ليا
خوفى يبقى كتير عليا
جنسيتى المصرى البسيط