(قطع )

(...قطع...)
وأنت بتطلع
منى
حته كبيره
أتقطعت وياك
كل الناس
بتقول ملهاش لازمه
أنا وحدي بس
اللي أعرف
إني من غيرها
بجد
ماليش لازمه
(حيرة)
متضايق مخنوق
مش قادر تكتب
حاجه بتكتم
على نفسك
عارفه ..
نفسك .. شيلها
طب حتشيلها
إزاى
وان راحت منك
ح تعيش إزاى
وان فضلت فيك
ح تكون إزاى
أحسن حل
إنساها
طب تنساها إزاى
آه وسط الناس
ويا الشعر ..
وسط البحر .. قلب الحلم
واما تموت
فيهم
ح تعيش فيهم
وان مت بجد
راح تستغرب
كل الدنيا
وتقول .. مات
طب مات إزاى
.. ؟
(نثر)
قبلك شعري كل
حروفه حزينة
بعدك شعري
برضه حروفه حزينة
يعنى وجودك
مفرقش كتير
يمكن بس رغم
أن أنا موزونه كويس
حاسة بقلبي
قصيدة نثر
Comment *