"معتصمو الرئاسة" يتوجهون في مسيرة ل "روكسي".. ومتظاهر:"خرجنا عشان العالم يشوفنا.. وراجعين تاني"

توجه المئات من معتصمي قصر الاتحادية في مسيرة اتجاه ميدان روكسي، للتنديد بسياسات الرئيس محمد مرسى والمطالبة بحل جماعة الإخوان المسلمين ومصادرة أموالها وتسليم مقراتها الى الدولة "باعتبارها أموال الشعب المصري التى تم تجميعها من أموال الزكاة" -وفق تعبيرهم-.
ورفع المتظاهرون لافتات كتبوا عليها: "يسقط يسقط حكم المرشد "، و"الشعب يريد إسقاط الإخوان"، و"النور و المية أبسط حقوقنا الإنسانية"، كما رددوا هتافات منها "يا مرسى خد قرارك.. السجن فى انتظارك"، و"بيع بيع بيع... الثورة يا بديع"، و"أيوة بنهتف ضد المرشد .. يسقط يسقط حكم المرشد".
وقال منير اسحاق أحد المتظاهرين "40 عاما": "إحنا خارجين فى مسيرة عشان العالم كله يشوفنا وإحنا بنقول لمرسى فتحت المعابر ليه لغزة قبل ما تأمن شوارع مصر، الناس هنا بتتخطف من الشوارع و بعدين النور يقطع عند كل الناس وعند المسئولين محدش يقدر يقطع عليهم النور".
وأضاف إسحاق "إحنا هنرجع تانى الاعتصام بس كل شوية هنخرج فى مسيرة حتى يسقط حكم الإخوان، عشان مش عايزين حزب وطنى تانى بس بدقن، مرسى ماشى فى نفس طريق النظام السابق عنده شلة ومكتب إرشاد وعشان كدة كل شوية يطلع المهندس خيرت الشاطر فى كل الجرايد الأجنبية بيتكلم عن السلطة و يطلع العريان يتكلم هو كمان".
Comment *