سجال على صفحة أبو إسماعيل بعد تهديده بكشف قضايا رشوة.. وتعليقات: تسترت عليها للمساومة؟ والساكت عن الحق شيطان أخرس

* العشرات يهاجمون تصريحات أبو إسماعيل.. وأنصاره مصدوم.. ومستميت في الدفاع عنه
* تعليق: هو التستر على الرشوة من أخلاق الإسلام؟.. و “يعنى تنشر لمصحتك بس”.. وإحدى مناصراته: “مابقتش عارفة الصح ايه؟”
* مناصرة للمرشح المستبعد: احذف البوست ده يا ادمن هيتفهم غلط.. وآخر: موتوا بغيظكم حازم رئيس مصر
كتب- علي خالد:
استنكر عدد من أعضاء صفحة “حازم صلاح أبو إسماعيل” الرسمية على فيسبوك تهديدات المرشح المستبعد من الرئاسة بالكشف عن قضايا رشوة ضد بعض الأشخاص ردا على استبعاده من الترشح للرئاسة, فيما دافع مناصري الشيخ عنه متهمين المعلقين ضده بأنهم حملة إليكترونية من أجهزة مضادة للشيخ حازم.
وانتقد عدد من المعلقين صمت الشيخ على قضايا الرشوة.. وتساءلت Noha Hany هو التستر على الرشوة من أخلاق الإسلام؟.. وأضاف Moustafa Magdy و كنت متستر عالمرتشين ليه يا شيخ .. ربنا ياخدكم أخذ عزيز مقتدر, وتساءلت Dalia Fawzy:” ولماذا تسترت عليها؟هل كانت وسيلة للمساومة؟”
ورصدت البديل عدا من التعليقات المنددة بتهديدات المرشح المستبعد:
Mazen Negm- ويعنى تنشر لمصحتك بس ... اعمل لوجه الله وانشرها فواااا .... اذا لم تكن تضرك فسوف تضر غيرك ... وسوف تسال عنها يوم القيامة عن هذا الاخفاء
-Mo'men Kamal والساكت عن الحق شيطان اخرس
-Eslam El Homosy وكنت ساكت ليه من الاول يا عم عم الشيخ ؟؟؟؟
عايز تبقي رئيس وبتستر علي الفساد وبتطلعه وقت ما تخسر
-Hany Abd Elgalil وكانت فين القضايا دى قبل القرار وقبل الترشح ولا طالب السلطه يتغاضى عن اى شىء لحد ما يوصل
-Fathy Hamza هو انت لوصاحب الحق منتشرتش من الاول لية
Nibal Kassem و ايه كانمسكتك يا شيخ حازم!!!!
Mahmoud El Kaaky والله يعنى انت كنت يا شيخ مستنى حاجة تحصلك علشان تفضح اى واحد فاسد فى البلد ده ايه الهنا ده:S:S:S:S
Amr Samir بدات تتحول الي شخص مثل مرتضي سيديهات
في المقابل.. أبدى بعض المعلقين دهشتهم حيال تصريحات أبو إسماعيل, وقال يحيي أبو الفضل: ماذا تقول يا شيخ انت اكبر من ان تقول كلمة انتقام..وأضاف Eslam Yahya يدمي قلبي ان اسمع هذا الكلام... وأين كانت هذه القضايا ياشيخ ؟! لاحول ولا قوة الا بالله.. وقالت Azza Mahmoud انا مابقتش عارفة الصح ايه؟
من جهة أخرى, انتقد مؤيدو الشيخ حازم انتقادات المعلقين:وردت إحدى مؤيدات الشيخ على المنتقدين لتهديداته قائلة:” ايه يا جماعة هي الصفحة بقت بتاعة عمر سليمان و لا ايه احنا هنا لنصرة الشيخ حازم غير كده لا والي مش عجبه في دهيه.
-أخصائية تخاطب: احذف البوست ده يا ادمن لانه هيتفهم غلط
-Muhamed Abbas هو مش عاوز يعمل مشكله في الاوقات الصعبة التي تمر بها البلاد
-Mohammed Ghama موتوا بغيظكم حازم رئيس مصر القادم وهنطبق الشريعة
-هشام محمود: نحنو معك حتى النهاية ونبايعك على الموت فى سبيل تحقيق شرع الله
-Mohammed Heikal ياريت ياشيخ تفضحهم ونحن وراءك ولن نتهاون فى الحق
-Fatema Elshoura : سنحيا كراما.. حازموووووون , ولو كره الكارهون.
-Ma'any Khaled الاقلام المأجوره التي ملأت الصفحه لن تغير من نظرتنا للشيخ فهو قامه عاليه لن تستطيعوا الوصول اليها بهذه البذاءات من القول