دعوات لإضراب 11فبرايرعلى طريقة س وج: لو حد قالك هيخسر مصر مليار”؟.. فمبارك سرق 70

* لو حد قالك هيجوعنا ويوقف حالنا ويخرب بيتنا؟.. قوله هنرجع بيه فلوس الأرامل واليتامى اللى سرقها بطرس غالى وبيتفسح بيها
* لو حد سألك انت ليه زعلان من المجلس العسكرى.. دا يومين ويمشى؟ قوله ده ورط جيشنا يعرى بناتنا ويدهس بمدرعاته شبابنا
كتب – عمرو شوقي و محمود عبد المنعم :
دعت صفحة “جمعة شرفاء الجيش مع الثوار لاسقاط المشير وبقايا النظام ، الشعب المصري إلي المشاركة في الإضراب العام 11 فبراير و جاءت دعوتها من خلال صياغة إجابات لبعض الأسئلة المتوقع توجيهها للمشاركين في الإضراب وجاءت الأسئلة والإجابات كالتالي :
‎* لو حد قالك إن العصيان المدنى هيخسر مصر مليار؟ فمبارك سارق منا 70.
* لو حد قالك إن العصيان المدنى هيخسر مصر مليار؟ فالإنفلات الامنى بيخسر السياحة 70 مليار.
* لو حد قالك إن العصيان المدنى هيوقع البورصة؟ ففلوس البورصة بتاعة رجالة مبارك مش بتاعتك .
* لو حد قالك إن العصيان المدنى هيجوعنا وهيوقف حالنا وهيخرب بيتنا ؟قوله هنرجع بيه فلوس الأرامل واليتامى فى التأمينات والمعاشات اللى سرقها بطرس غالى وبيتفسح بيها فى أوروبا .
* لو حد قالك إن العصيان المدنى هيسقط الدولة والجيش؟ قوله ده عمل سلمى وحماية لينا عشان منتحولش لسوريا أو ليبيا .
*لو حد يسألك إنت ليه زعلان من المجلس العسكرى مع أنه يومين وهيمشى؟ قوله ده ورط جيشنا يعرى بناتنا ويدهس بمدرعاته شبابنا .
*لو حد قالك ماهم خلاص هيعملوا انتخابات رئاسة ؟قوله اللى هيديرها هو اللى كان بيدافع عن تزوير الإنتخابات فى عهد مبارك .
*لو حد سألك انت ليه هتعمل عصيان مدنى؟ قوله علشان فلوسى اللى بدفعها للدولة بيشتروا بيها رصاص وقنابل غاز بيقتلوا بيها ولادنا .
وختمت الصفحة التي يصل عدد أعضائها إلي ما يقرب من 66 ألف دعوتها بالجملة قائلةً :
*أوعى تصدق ان اللى بتعمله ده ضد البلد ودعوة للتخريب والفوضى بالعكس انت بتحب البلد دى وعاوزها تبقى فعلا بتاعتك وبتخدمك مش مسروقة من شوية حرامية المجلس العسكرى بيحميهم .