لميس الحديدي تعلق علي أزمة امتحانات الطلاب اليوم

قالت الإعلامية لميس الحديدي، إن 90% من طلاب الصف الاول الثانوي أدوا امتحانات اليوم الاول، موضحة: "كان في مشكلة، لكن ده مش معناه إن السيستم كله وقع، كل الهدف من الكلام ده إن محدش يمتحن، لكن هنكمل الامتحانات والسيستم هيتظبط بالتعاون بين وزارتي التعليم والاتصالات".
وأضافت "الحديدي"، خلال تقديمها حلقة اليوم من برنامج «كلمة أخيرة» الذي يعرض عبر شاشة «on»: «لا نقول إن أي مشكلة لم تحدث في لجان الامتحانات، حدثت بعض المشكلات، لكن يجب وضع الأمور في نصابها.. مينفعش نقول إن سيستم الامتحانات كله وقع، علي فكرة هنكمل الامتحانات، وكل ده ضغط علي الولاد متمتحنش».
وتابعت: « الامتحانات هتكمل برضه ومشكلة سقوط السيستم ممكن تحصل تاني عادي، وبتحصل في دول كثيرة».
وقالت: «أنا أعرف ناس كثير في لندن وسويسرا والولايات المتحدة حصلت عندهم نفس المشاكل وإبني زمايله حصلهم هناك كده بتحصل عادي، الأهم أشوف العيب فين وأصلحه».