بالفيديو.. ننشر خطاب الرئيس السيسي خلال حفل إفطار الأسرة المصرية

أكد الرئيس عبد الفتاح السيسي، أن الدستور الحالي، دستور طموح ورائع جدًا، مضيفًا: 'إذا كنتوا بتثقوا فيا لا يمكن اعمل أي إجراء غير اللي يرضي ربنا والوطن، وهذه مسئولية انتوا حطتوها في رقبتي'.
وأضاف الرئيس خلال حفل إفطار الأسرة المصرية، إن قانون مكافحة الإرهاب، المثار عليه لغط كبير ليس القصد به ظلم الناس أو الحد من الحريات.. حيث قال: ' مش هنظلم بيه الناس ولا نحد من الحريات'.
وتابع السيسي، قبل حرب الاستنزاف كان يسقط كل يوم شهداء.. بس محدش كان بيعرف وبالتالي الدولة كانت متماسكة، النهاردة كل واحد بيسقط مصر كلها بتبقي عارفة، ده كويس بس لها تأثير علي كل المصريين والروح المعنوية للمصريين أكيد هتتأثر، ولازم نحصن الدولة في تحديها الكبير'.
ونقل الرئيس السيسي، رسالة من والد الشهيد حسام كمال، حيث قال والد الشهيد له: 'كنت عايز أشوفك علشان ابني قدم نفسه عشان ينقذ زملاءه الموجودين في الكتبية، وأنا مسلتمش جثمانه لحد الآن لأنه بقي تراب'، وعلق الرئيس علي الرسالة: 'إن الشهيد قدم نفسه لأجل خاطر ال90 مليون مصري، وهو بيعمل كده عشان يحمي المصريين من أهل الشر'.
وتابع الرئيس: 'أنا بقول الكلام علشان الرسالة تصل لكل الناس في مصر إحنا في معركة كبيرة جدًا، في وقت صعب جدًا بتعاني منه المنطقة كلها.. ربنا أراد كده إن الابتلاء يبقي كبير'، وتابع: 'لا قدر الله إن لو مافيش إرادة الشهادة في نفس كل شهيد ممكن ال90 مليون يجرلهم أيه؟'.
وطالب الرئيس السيسي المصريين باختيار أعضاء مجلس النواب المقبل، بتجرد تام من أجل مصلحة البلد، مضيفًا 'أنا بقول لكل المصريين' الدستور ده طموح جدًا، وحط صلاحيات لو مكنش هيستخدم في البرلمان برشد وبوطنية ممكن يتأذي المواطن أوي ومصر تتأذي أوي، مش هنعمل إجراء استثنائي وأنا أؤكد ذلك، وممكن البرلمان يكون أداؤه خطيرة جدًا بقصد أو بدون قصد يعرق كل اللي بنعمله'.
وتابع الرئيس: 'من فضلكم أفاضل الناس، لا تنحازوا سوي للصالح.. بقول الكلام ده لكل المصريين في الصعيد والريف وفي كل حتة في مصر'.
كما دعا الرئيس السيسي، جموع المصريين للمشاركة في افتتاح مشروع قناة السويس الجديدة، في السادس من أغسطس المقبل، مضيفًا، 'هنحتفل وعدد كبير جدا لازم يشارك في الاحتفال ده، لأن ده جهدكم وحلمكم وأموال المصريين، ومن حقكم تبقوا موجودين في اليوم ده'.
وعاتب الرئيس، بعض الأصوات التي انتقدت مشروع قناة السويس علي غير الحقيقة، حيث قال، 'الحديث علي أن مشروع قناة السويس شو إعلامي بيزعلني'.
ووجه الرئيس السيسي حديثه للمصريين قائلاً: 'أنتم بتطلبوا مني الكمال في كل شيء في ظروف البلد الصعبة.. معنديش حاجة أخبيها ومعنديش حاجة أخاف منها'.
ويعد هذا الإفطار هو الثاني خلال شهر رمضان الكريم و يحضره عدد من أسر الشهداء من القوات المسلحة والشرطة والأمهات المثاليات، ومجموعات من شباب الرياضيين والسياسيين ورجال الأعمال والبحث العلمي، ومجموعة من الشخصيات العامة بالدولة تشمل رؤساء الأحزاب ومفكرين ورؤساء تحرير صحف وإعلاميين.