عشرات الصيادين .. محتجزين في ليبيا ودموع اسرهم لم تجف

دموع عشرات الاسر لم تجف ... اكثر من ستين يوما من الحزن والقلق لم يذق فيها الامهات
والاشقاءوالاباء طعم النوم والراحه ..تحولت علي اثرها منطقه ميناء الصيد بابي قير شرق الاسكندريه الي منطقه ميناء الالام والاحزان !!تببددت الافراح والاعياد اختلطت دموع الحزن بمياه البحر الغادره التي كانت حتي وقت قريب تعني الرزق والامان وبدلا من يكون الميناء هو المرسي والاستقرار اصبح هو رمز الضياع وعدم الاستقرار..ففي قريه الصيادين تعلقت الانظار نحو الغرب املا في عوده اكثر من عشرين شابا ساقتهم الاقدارفي رحله لايعلم نهايتها الا الله انهم الصيادين الذين خرجوا بحثا عن الرزق الحلال في رحله غالبا لاتستغرق سوي يومين علي الاكثر تسعه منهم انطلقوا قبل العيد من خلال مركب ضغيره تسمي 'يابركه دعاء الوالدين ' يؤكد ابراهيم غانم والذي يعمل صياد منذ أكثر من 45 عاما اعياه المرض واكلت عظامه امواج البحر ليسقط طريح الفراش بمرض مزمن حيث لاتقوي ارجله علي مجرد حمله ويلجا الي العكاز ليساعده علي الحركه ويضيف ابنائي هم عكازي في الحياه السيد 31سنه ودسوقي 33سنه توراثوا المهنه منذ صغرهم وتعاونوا معي ويعلم الله اننا استدنا من اجل ان نشتري مركبنا الصغيره المصرح لها بالصيد كما اشارت الاوراق التي تحت تصرفنا بالصيد علي السواحل المصريه ويضيف كان الموعد قبل عيد الاضحي خرج اولادنا ومعهم طاقم المركب ولم يعودوا حتي الان طال غيابهم حتي فوجئنا بمكالمه من ليبيا تخبرنا ان ابنائنا محتجزين هناك !!!ويضيف باكيا لم اتصور ابدأ ان اعيش دون ابنائي !!ويؤكد سقطت ومن يومها لم اغادر الفراش وينخرط في البكاء قائلا مش عايز غير اني اشوف اولادي قبل ماأموت !!!وتلتقط زوجته نظيره طلبه اطراف الحوار قائله اولاد الحلال من جيرانا قالوا لنا ان الولاد ومعهم سبعه من طاقم المركب التسعه صادفتهم عاصفه شديده القت بهم في منطقه بالقرب من السلوم غرب الاسكندريه وجاءلهم ناس في زورق عرضوا عليهم الانقاذ وكانت المفاجاه انهم طلعوا من السلطات الليبيه وقاموا بتسليمهم ووضعهم في السجن وتضيف احنا غلابه مش عارفين نعمل ايه والله احنا عايشين علي صدقات اهل الخير انا يوم في البيت ويوم في المستشفي وابوهم ياعالم حيشوفهم مره تانيه ولا ؟؟؟وتؤكد جمعيه الصيادين اللي بيقدوا عليه من معونه بيدوها لنا بس لامتي انا عايزه ولادي هما اللي بيصرفوا علي البيت !!ويشير الحاج محمد احمد عبد الله امين صندوق جمعيه الصيادين قائلا دي مش المركب الوحيد في نفس التوقيت في مركب اسمها نور الهدي وعليها 11 صياد من خيره الشباب تعرضوا لنفس الموقف ولم يعودوا حتي الان !!ويكمل احنا عرب وبينا نسب وعلاقات قويه من زمان لازم يتم الحل في هذا يالاطار لابد من تدخل وزراه الخارجيه وعوده ولادنا ولو في عقاب يكون غرامه مش سجن دول غلابه واهلاليهم كمان غربه مش لاقيين قوت يومهم ويكمل فرج ابراهيم قائلا ابن اختي عمره 23 سنه واول مره ينزل البحر دي اول رحله يسرح فيها كان عايز يجيب هدوم العيد لاخواته الاربعه ولكنه مارجعش امه مرضت واخواته دموعهم لم تجف وانا مش عارف اروح لمين !!اما ماجده ابراهيم تبكي قائله ابن اخويا ياقوت عمره 21 سنه ولد علي 4 بنات انا لم اتزوج علشان اربيهم بعد وفاه ابوهم وامهم وهو العائل الوحيد لنا انا مش عارفه اعمل ايه ؟؟وفي النهايه كانت ماساه اسره حسن اسماعيل الذي تخرج من معهد التكنولوجيا حاصلا علي بكالوريوس هندسي وكما تؤكد والدته ربنا اعلم هو تعب قد ايه علشان يتعلم وتضيف سافر علشان يعرف يستخرج شهادته وقال لي ياماما يومين واجي افرحكم للاسف لم يفرح ولم يستطع ان يفرحنا ؟؟لم يعود وتمسك بشهادته في يديها قائله اهو الشهاده احنا جيبناها له وموعد الجيش لازم يسلم نفسه بعد ايام لكن مستقبله غامض ووتبكي بكاء هستيري قائله يعني دول لو مش ولاد ناس غلابه مش كانت المشكله اتحلت ربنا معانا ؟؟؟ انهيت حواري معهم وانا غير مصدقه ان هذا هو حال العلاقات الانسانيه بين الشعوب العربيه امله ان تتدخل وزراه الخارجيه من اجل عوده هؤلاء الشبان الي ذويهم وكفي بهم غدر البحر ؟؟ووعصف امواجه لتكون المساعي الدبلوماسيه اكثر عطفا عليهم من غدر الامواج !!!