مفروسة أوي

قالت لي صديقة أوروبية وهي تضحك معقولة أنتو بترقصوا علي أغنية بتلعن أعز الناس وتتهمهم ! قلت لها إحنا شعب أولا يحب الأغاني الحزينة زي عينيه والدليل أن المحترم اللي بحب صوته جدا هاني شاكر معظم أغانيه حزينة، ولو لم تغن شيرين جرح تاني في بدايتها ربما لم تكن نالت نفس الشهرة.. وعبد الباسط حمودة بنبرة صوته الشعبية كل مصر بترقص علي كلمته أنا مين.. وحسن الأسمر الله يرحمه الناس كانت بتعيط وهي بترقص...أقولك ايه ولا ايه ولا ايه ؟... تعال معايا فرح بنت واحدة صحبتي بكرة عملاه في أكبر فنادق مصر ونجومه معروفين الليثي وعبد الباسط وبوسي..إحنا شعب كده ملناش كتالوج.