إحم إحم!

دخل سي السيد البيت وهو علي آخره وهز زوجته من ذراعها قائلا: هو أنا كيس جوافة يا أمينة.. الحتة كلها بتتكلم عنك وأنا آخر من يعلم؟اعترفي وقولي انتخبتي مين؟ فقالت وهي ترتعش:أصل.. بص.. هاقولك الصراحة.. الكدب خيبة أصل الفريك ناداني ياسي السيد لقيت ايدي بتعلم عليه.. فقاطعها قائلا: يعني بتتحديني يا أمينة طيب طالما غاوية طيران يبقي تاخدي أول طيارة وعلي بيت أمك لغاية لما ابعتلك ورقتك.. فبكت متوسلة: إديني فرصة تانية أصلح غلطتي في الاعادة ياسي السيد دي العشرة برضه متهونش إلا علي ولاد الحزب الوطني ثم مسحت دموعها وقالت:لكن قولي ياسي السيد اومال الأصوات الكتيرة إللي خدها سي شفيك دي تطلع إيه؟فقال وهو يبرم شنبه:متقلبيش المواجع ياوليه..دي أصوات أتلفها الهوي!