إحم إحم!

كنا نستعد لجولتنا العلاجية اليومية عندما قالت لي أمي: بأقولك إيه.. أنا إللي هاسوق النهاردة.. ولاخايف علي عربيتك؟ قلت: فداكي مليون عربية أنا خايف عليك عشان مبتعرفيش تسوقي وأوعدك بعد ما نعالج رجلك وعينك أعلمك السواقة.. فقالت: ومين قالك إن إللي بيسوق في البلد دي لازم يعرف السواقة وهو يعني الشيخ حسني الكفيف بتاع الكيت كات كان بيعرف يسوق.. ثم تناولت المفاتيح قائلة:اركب اركب ماتخافش فركبت مرعوبا قائلاً: بس متنسيش يامه إن الشيخ حسني وقع بالموتوسيكل في النيل فقالت وهي تدوس بنزين: ده في السيما لكن في الواقع إللي يسوق ومعندوش فكرة بيوقع في المركز الطبي العالمي.. فرصة نستجم يومين ياعبيط!