بالفيديو.. ننشر نص مكالمة مبارك في حديثه مع "المصري اليوم"

ننشر نص مكالمة مبارك مع الصحفي محسن سميكة المحرر بجريدة المصري اليوم والتي تم عرضها على قناة الحياة في برنامج "الحياة اليوم".
وجاءت نص المكالمة كالتالي:

محسن: أزيك يا فندم اخبارك حضرك أخبار صحتك
مبارك: أيوة يا محسن ربنا يخليك
محسن: نفسنا نشوفك والله يا فندم ونقعد نسمع حضرتك ونتكلم معاك
مبارك: أن شاء الله شوفوا ظروفكم 3 أو 4وتيجو تقعدو معايا شوية
محسن: ياريت يا فندم هو حضرتك مع السيسي ولا مش معاه؟
مبارك:مقدمكيش غيره دلوقتي
محسن: طاب يا افندم انت مطمن على مصر والإخوان موضوعهم انتهى.. خايفين على اولادنا وبيوتنا وعيالنا
مبارك: بص انا حزر جدا في الحكاية دى
محسن: من موضوع الإخوان؟
مبارك: انا حذر جدا
محسن: النهادره بريطانيا يا سيادة الريس اعتبرتهم
مبارك: أمريكا بتقول مش هنديكم الطيارات غير لما تدخلوا الإخوان يعني عايزين يركعونا
محسن: اااه
مبارك: حاولوا معايا اركع ومركعتش وتربست معاهم تماما برفض برفض
مبارك: انا كنت برفض على طول
محسن: بس قطر كدا بتحاصرنا وبريطانيا بتمارس ظغوط عليهم طبعا الموضوع بالنسبة لقطر تقلص ؟
مبارك: كلهم بيدوروا على نفسهم واحنا أن شاء الله نروح في داهية
مبارك: انا معنديش ثقة فيهم ابدااااا
مبارك: ومادام معاهم قاعدة أمريكية الأمريكان حاطينهم في جيبهم
مبارك: والامير بتاعهم يروح يزور أمريكا ويقعد تلات اسابيع ومايقبلهوش.. هما الانريكان كدا
محسن: دعم الإمارات والسعودية يطمن؟
مبارك: بيدعمونا بس لازم نشتغل مش هيفضلوا يدعمونا على طول واحنا ما بنشتغلش
محسن: الموضوع الممر قناة السويس المشروع ؟
مبارك: انا بسمع عنه طراطيش كلام لكن معنديش قناعة بيه
مبارك: قناة السويس اللى عايز ياخد الضفة الشرقية الإخوان المسلمين علشان عايزين يجيبوا شركات اجنبية
مبارك: بباسبورات يهودى ويبنوا مشاريع لحد ما يوصلوا للعريش وبعدها الله يعوض على سيناء ويعوض علينا
مبارك وهتبقى شركات إسرائيلية على طول من باسبورات أمريكاني ولكن جنسية إسرائيلية على طول.. طاب ماتيجي خليج السويس والعين السخنة.. اشمعنا الضفة التانية بتاعت قناة السويس.. علشان واسعه ويتوسعوا بالتدريج يتوسعوا لحد ما يبقوا كلهم بباسبورات اجنبية كلهم يهود، لكن بباسبورات أمريكاني يهودى بس بباسبور انجليزى وبعدين تبص تلاقينا ضعنا وهتروح مننا.
محسن: حمدين صباحي
مبارك: حمدين صباحي دا مفيش فايدة منه وما ينفعش وازاى هيبقى رئيس انا هتجنن
محسن: ااااه ياريته زى عبد الناصر لكن مش كويسة
مبارك: لالالا سيبك من عبد الناصر.. دا كلام مزيكا بيتمحكوا فيه، طيب عبد الناصر كان ما سكها بايد من حديد واللى يفتح بقه يروح السجن، بيتحكموا في عبد الناصر وابن عبد الناصر بيمشي معاه لكن يوم ما هيمسك هيدى الناس بالشلوت، هو في ناس كدا على طول.
محسن: اااه تعرف يا فندم في ناس كدا عملت توكيلات لحضرتك وجمال مبارك علشان تترشحوا في انتخابات الرئاسية
مبارك: هههههه انا خلاص تعبت، هقولك على حاجة انا بشتعل بقالى 62 سنة 30 سنة حروب و30 سنة بخدم البلد.
محسن: بصراحة كان عندك راجل اسمه حبيب العادلى.. الراجل دا مسك البلد مسكه من حديد والأمن بتاعها
مبارك: اه طبعا طبعا مسك البلد بيد من حديد لكن دلوقتى كل واحد بيدور على نفسه والبلد تروح في داهية مايجراش حاجة.
مبارك: انتخب السيسي احسن انتخاب السييس هو الوحيد الموجود على المسرح واصلح واحد
محسن: ربنا ينعم عليك بالصحة ونشوف حضرتك على خير