فيديو

نص التسجيل الصوتى ل"مبارك" كاملا

عرضت فضائية "الحياة" تسجيلاً صوتيًا للرئيس المخلوع محمد حسنى مبارك، من داخل مقر إقامته، أثناء تلقيه اتصالاً هاتفيًا من أحد الصحفيين.
إلى نص المكالمة:
محسن: حضرتك مع السيسى ولا مش معاه؟
مبارك: مقدامكوش غيره السيسى دلوقتى.
محسن: طيب يافندم، انت مطمّن على مصر؟ والإخوان موضوعهم انتهى، خايفين على أولادنا وبيوتنا وعيالنا.
مبارك: بُص، أنا حذر جدًا فى الحكاية دى.
محسن : من موضوع الإخوان؟
مبارك: أيوه، حذر جدًا.
محسن: النهاردة بريطانيا يا سيادة الريس اعتبرتهم...
مبارك: أمريكا بتقول مش هنديكم الطيرات غير لما تدخَّلوا الإخوان، يعنى عايزين يركَّعونا، وحاولوا معايا أركع وماركعتش، وتَربِست معاهم تمامًا، بارفض بارفض.
محسن: بس قطر كدا بتحاصرنا، وبريطانيا بتمارس ضغوط عليهم، طبعًا الموضوع بالنسبة لقطر تقلّص؟
مبارك: كلهم بيدوَّرا على نفسهم، واحنا إن شالّه نروح فى داهية، أنا ما عنديش ثقة فيهم أبدًا، ومادام معاهم قاعدة أمريكية الأمريكان حطينهم فى جيبهم، والأمير بتاعهم يروح يزور ويقعد تلات أسابيع، مايقابلهوش، هم الأمريكان كدا.
محسن: دعم الإمارات والسعودية يطمن؟
مبارك: بيدعَّمونا بس لازم نشتغل، مش هيفضلوا يدعمونا علطول واحنا مابنشتغلش.
محسن: موضوع ممر قناة السويس المشروع؟
مبارك: أنا باسمع عنه طراطيش كلام، بس ماعنديش قناعة بيه، قناة السويس اللى عايز ياخد الضفة الشرقية الإخوان المسلمين علشان يجيبوا شركات أجنبية ببسبورات يهودى، مشاريع لحد مايوصلوا للعريش، وهتبقى شركات إسرائيلية علطول مع بسبورتات أمريكانى لكن من جنسية إسرائيلية، طيب ما تيجى خليج السويس، ما تيجى العين السخنة.
وتابع: اشمعنى الضفة التانية بتاعت قناة السويس، علشان واسعة ويتوسعوا بالتدريج، يتوسَّعوا لحد مايبقوا كلهم بباسبورات أجنبية، كلهم يهود بس بباسبورات أمريكانى، يهودى بس بباسبور إنجليزى.
محسن: تعرف يا فندم فيه ناس كتيرة جدًا عملت توكيلات لحضرتك ولجمال مبارك تترشحوا لرئاسة الجمهورية.
مبارك: ههههههههه، أنا خلاص تعبت، هقولك حاجة، أنا بشتغل بقالى 62 سنه، 30 سنه حروب و30 سنه بخدم البلد0
محسن: بس انت كان عندك راجل اسمه "حبيب العادلى" كان ماسك البلد من قبضة من حديد.
مبارك: آا طبعًا طبعًا، مسك البلد بإيد من حديد، لكن دلوقتى كل واحد بيدور على نفسه، والبلد تروح فى داهية مايجراش حاجة.
محسن: أنا كدا هانتخب السيسى علشان أنت نصحتنى.
مبارك: انتخب السيسى أحسن انتخاب، السيسى هو الوحيد على المسرح وأصلح واحد.
شاهد الفيديو: