ناشط يروى تفاصيل مداهمة الشرطة لشقة والقبض على زميله: نيمونا علي بطننا وداسو على دماغنا بالجزم

روى الناشط اسلام نور الدين، الذى يلقب نفسه باسم " حامى الميدان " بحسابه على تويتر، تفاصيل القبض على ناشط من زملائه خلال توجداهم سويا بشقة خاصة بهم، حيث اتهم الضابط وليد العراقى بتوجيه قوة من الشرطة لمداهمة الشقة بعد مراقبته والصنت على تليفون أحدهم.وبحسب رواية إسلام, ألقت قوة الشرطة القبض على الناشطين " تركى وبلبيسى " بعدما داهمت الشقة وحطمت أثاثها واستولت على كل متعلقاتهم، عبر خداعهم فى البداية عندما صعد إليهم أحد الأفراد وقال لهم إنهم قد طلبوا " أوردر " طعام، وعندما طلبوا منه الشيك طلب منهم إمهاله الوقت ليأتى به، ثم لم يعد وفوجئوا بقوة من 50 فردا من الشرطة يداهمون الشقة.وجاء نص شهادة اسلام نور الدين على الواقعة عبر تدوينات كتبها عبر حسابه على تويتر كالتالى: 1_بودي امبارح اتصل بكنتاكى من تليفونه وتليفونه متراقب وقال العنوان فى التليفون بالتفصيل وأنا أخذت التليفون ولغيت الأوردر2_ النهاردة بودي نزل واحنا كنا قاعدين ف الشقة ومعانا اتنين من اسكندرية فجأة الباب خبط ولقينا واحد بيقول إننا طلبنا أوردر من كنتاكى3_ قال الأوردر باسم عبد الرحمن أحمد (بودي) خرجت وقولتله لو سمحت أديني رقم عبد الرحمن اللى على الشيك .. قالى هنزل أجيب الشيك من تحت4_ الراجل نزل يجيب الشيك مجاش تانى بعدها ب10 دقايق لقينا الباب بيخبط بنفتح لقينا قوة زيادة عن 50 واحد داخلين بيرفعونا بالطبنجات5_ قعدونا علي الأرض ونيمونا علي بطننا وربطونا خلفى ودخل يسأل علي بودي بلبيسي قاله أنا عارف أنتوا جائين ليه .. الظابط مش عارف أسامينا الحقيقية6_ الظابط سأل بلبيسي أنت اسمك ايه قاله أنا احمد البلبيسي يا باشا قال فين تركي ؟ تركي رد وقاله إنا ياباشا .. قلبوا الشقة كلها ملقوش حاجة7_ فضلوا يضربوا فينا ويدوسوا علي دماغنا بالجزم وبعدين كتفوا بلبيسي وغموه ونزلوه .. وبعد كدة جولى قالولى انت اسمك ايه قولتله إسلام8_قاللى والشهرة بتاعتك قولتله مليش اسم شهرة سأل محمد موته انت أسم شهرتك ايه قاله مليش اسم شهرة9_أخدوا تركي وغموا عينيه ونزلوا بيه وفكوني أنا وموته وإسلام عشماوى وعبد الرحمن الإسكندرانى وقالولنا دي مهمة سرية من مباحث القاهرة10_ نزلوا وسابونا فى الشقة وهما نازلين الظابط نازل فى اللاسلكي بيتكلم بيقول يا باشا احنا لقينا تركي وبلبسي وملقيناش موكا وموته وبودي11_شوية ولقينا واحد من اسكندرية بيتصل بينا بيقول ان تركي معاه وانهم رموه م العربية .. قابلناهم لقينا تركي كويس12_ تركي قالنا ان الظابط كلم وليد العراقى وقاله يا وليد باشا أنا معايا تركي وبليسي قاله سيب تركي أنا هعرف أجيبه وهات بلبيسي وتعالي13_ ولاذ ال**** بقى خذوا كل فلوسنا وساعاتنا وبرفاناتنا حتي الولاعات سرقوها المهم ان اللي محبوس دلوقتي بلبيسي ومش عارفين مكانه بلبيسي بكرة هيتعرض علي نيابة زينهم أو الدرب الأحمر لازم حد يكون متواجد فى المحكمتين دول لازم نعرف فين بلبيسي
أنا لغاية دلوقتى مش فاهم ومش مستوعب اللي حصل بالليل بس اللي مستوعبه إن اللى إتاخد ده أرجل وأجدع شاب شوفته فيكي يا مصر #الحرية_للبلبيسي
نقلا عن البداية