احمد بصيلة:مشاهدينا الاعزاء مساء الخيروحلقة جديدة من يحدث فى مصر تناولنا وزارة الاسرة والسكان فى التصدى لمشكلة الزيادة السكانية رشا مجدى:فى حلقة الليلة هنتناول دوراخر للوزارة وهوالدور فيما بعد الانجاب فى المشاكل المتعلقة بفترة الطفولة دورالوزارة فى مكافحة وعلاج الادمان دورها فى القضاء على ظاهرة اطفال الشوارع دورها فى موضوع زواج القاصرات احمد بصيلة:نرحب بضيفتنا فى الاستوديو الوزيرة مشيرة خطاب وزيرة الدولة للاسرة والسكان مساء الخير سيادة الوزيرة سيادة الوزيرة مشيرة خطاب:مساء النور احمدبصيلة:اسمحلنا قبل ما نبدا هذا الحيث المهم استكمالا للحلقة السابقة نشوف تقرير حول هذا الموضوع تقرير الزيادة السكانية هى المصدر الاساسى لمشاكل الاسرة المصرية من التعليم الى الصحة الى المصروفات الى المسكن الامر الذى القى بظلاله على جهود التنمية ويتجاوز الامر كل ذلك ليمثل تهديد للاستقرار المعيشى منى امين*مدير البرنامج القومى لتمكين الاسرة ومناهضة ختان الاناث :من السبعينات والتمانينات كان فيه جهود كبيرة جدا للتغلب على مشكلة الزيادة السكانية لانها الحقيقة من اكترالمشكلات اللى بتاثرعلى التنمية الاقتصادية اطفال الشوارع وعمالة الاطفال واستغلالهم والقضايا المتعلقة بالحقوق القانونيه للاطفال والنساء والفتيات مث ختان الاناث والزواج المبكر والتسرب من التعليم اشكالا مختلفة من العنف تمارسه الاسرة والمجتمع فى حق الطفل وهو ما تسعى وزارة الاسرة والسكان لمواجهته من خلال برامج محددة عزة العشماوى*رئيس وحدة مناهضة الاتجار بالاطفال :زواج الفتيات دون السن القانونيه خاصة لما بتبقى صفقه بين الاهل والزوج وفيه سمسار فى النص دا بيعد نوع من انهع الاتجار فى الاطفال نوع من العبوديه المعاصرة اللى فيها انتهاك وخرق لحقوق الطفل . سمية الالفى*مدير مشروع الحد من الفقر والحقوق القانونية: الوزارة الحقيقة بتتعامل مع هذه القضية من منطلق شامل فبنشتغل جزء من الجهود المخصصه بتوجه الى جهود الوقاية جهود الوقاية من نزول اطفال جدد للشارع جاءت التعديلات على قانون الطفل عام 2008 لتضفى مزيد من الحمايه للاطفال مصر بل التفت لتشمل هؤلاء الذين تزيد اعمارهم ثمانية عشر عاما لحمايتهم رشا مجدى:معالى الوزيرة تحبى نتبتدى من الاتجاربالاطفال ولا عمالة الاطفال؟ سيادة الوزيرة مشيرة خطاب:ابتدى بعمالة الاطفال علشان هى مرتبطة بالقضية السكانية رشا مجدى:الوزارة واجهت المشكلة دى ازاى ؟ هى مشكلة مش سهلة لكن انا ممكن اقول انها اخفت حددتها بعض الشىء يعنى مبقتش زى الاول لكن فيه مشكلة عمالة الاطفال حتى هذه اللحظة سيادة الوزيرة مشيرة خطاب:اولا انا هربط الكلام ده بالقضية السكانية وبكل القضايا اللى شوفناها النهاردة فى الفاصل ده بتترتبط القضايا السكانية هى دى الحاجات اللى بتؤدى الى مشاكل فى المجتمع وانشاء وزارة هيخلينا نربط ما بين القضايا ومابين قضية الزيادة السكانية والخصائص السكانية وعدالة التوزيع الجغرافى للسكان كل المشاكل دى بتنشا نتيجة عجزالاسرة عن القيام بمسئولياتها ارجو يكون كلامك يا رشا يكون مظبوط ونكون نجحنا فى التخفيف من حدة عمالة الاطفال انا اعتقد ان احنا لسه محتاجين نعمل نقله فى قضينين عمالة الاطفال واطفال الشوارع لسة انا مش راضية عما تحقق احنا عملنا كتيرانا هقولك يعنى المجلس القومى لطفولة والامومة بقيادة السيدة الفاضلة سوزان مبارك حطت كل اوراق السياسات اللى بتضمن حقوق هؤلاء الاطفال اللى انتم تعرصتوا اليهم ودى مهمة المجلس ودى مهة الوزارة رسم السياسات لان احنا مش جهة تنفيذ احنا جهة رسم سياسات تنسيق جهود وتقييم ومتابعة اول حاجة عملناه عملنا مسح قومى لعمالة الاطفال رصدنا اعداد الاطفال العاملين احنا سنة 2002 كان عندجنا 2 مليون و78من 100 طفل عامل يعنى 2,8 طفل عامل معملناش مسح بعد كده علشان نعرف هما زادوا ولا اقلوا بس مش هستغرب لو ما لقتهمش قلوا نفذنا عدد من المشروعات التجريبيه لتاهيل الاطفال العاملين واعادتهم للمدارس الاخطر من هذا اللى احنا عملناه للقضاء على عمالة الاطفال مبادرة تعليم البنات مبادرة تعليم البنات دى نجحت نجاح كبير ويمكن انا انسب نجاح المبادرة دى لنجاحنا فى القضاء على عمالة الاطفال او فى زواج الاطفال ان احنا برضه بقيادة السيدة الفاضلة سوزان مبارك عملنا خطة قوميه لتعليم البنات واختارنا 7 محافظات اللى فيها اعلى للفجوة النوعيه اللى هو الفرق بين حق البنات والبنين فى التعليم وبنينا من خلال مشاركة اجتماعيه وعدد كبير من الوزارات والجمعيات الاهلية وبعض منظمات الاممالمتحده 1120 مدرسه ادت الامل غيرت حياة يعنى اقول ايه 32 الف بنت لحد دلوقتى والاعداد ان شاء الله بتزيد انهم ما كنش عندهم امل يخشوا مدارس النهاردة بياخدوا تعليم على اعلى مستوى من الجودة الحقيقه يعنى كل دول كانههينزلوا سوق العمل وهينزلوا سوق الزواج مبكرا ودول النهاردة بقى عندهم طموح وفيه منهم دخل التعليم الاعدادى وبيكمل المبادرة دى انا بضيفها لعمالة الاطفال لكن عايز اقول ان الحل الاساسى لمشكلة عمالة الاطفال ومشكلة اطفال الشوارع هو منع التسرب من التعليم دى مشكلة يعنى انا املى كبير ان الوزير احمد بدر ان شاء الله هيديها اولويه لان اححنا لو نفذنا قانون الطفل وعاقبنا ولى الامر اللى ما بيوديش ابنه الى المدرسه او اللى بيتحرم من المدرسه علشان يوديه يشتغل هتعمل فرق كبير احمد بصيلة: هو بيعمل كده يا سيادة الوزيرة عنده مشاكل اقتصادية اعتقد انه لما الطفل هيشتغل هيرجعلوا بفلوس يعنى هو الموضوع حالة اقتصادية ؟ سيادة الوزيرة مشيرة خطاب:صحيح بس انا برجع الى قبل ما هو يخلف ان هو عارف حالته الاقتنصاديه قبل ما هو يخلف وزى ما سياد الريس قال فى كلمته امام مؤتمر السكان سنة 2008 بعض الاهل بيستخدموا اطفالهم كوسيلة للدخل فانا هنا بقلب الايه بدل من الباللغ هو اللى يعول الطفل اصبح الطفل هو اللى بيعول البالغ ودا خلل اخلاقى وخلل اقتصادى بيؤدى الى بطالة الكبار فموضوع عمالة الاطفال المشكلة اللى انا محتاجة اعمل تغيير فيها هى تغيير ثقافة المجتمع لعمالة الاطفال هناك من النخبة من يدافع حتى الان عن عمالة الاطفال باعتبارها وسيلة لمكافحة الفقر احمد بصيلة: فى الدول المتقدمة فى اطفال بيتعلموا وبرضه بس بشكل مختلف كنوع من التدريب نوع من جمع المحاصيل اطفال صغريين وفى دول متقدمة جدا يعنى دا موجود ولكن بشكل مختلف شويه عن عندنا سيادة الوزيرة مشيرة خطاب:فعلا كلامك مظبوط بس موجود ازاى بقى ؟ الاطفال الصبح قل ما يروحوا المدرسه بيرحوا يوزعوا اللبن على البيوت ياخدوا قزايز اللبن يحطوها قدام البيوت او يوزعوا الجرايد على البيوت لكن دا بيبقى لمده ساعة الصبح قل ما يروح المدرسه عادى انا مقلتش حاجة فى الاجازة بيشتغل مقلناش حاجة بيساعد اهله مقلناش حاجة بس بشرط انه العمل دا لا يسبب له الم بدنى او نفسى او يعرضه للخطر او يعيقه عن تعليمه مقلناش حاجة انما الطفل من اصله ما يرحش المدرسه علشان يشتغل وبعدين تخلف 10 ، 12 علشان تشغلهم دا غير اخلاقى رشا مجدى:واطفال الشوارع ؟ سيادة الوزيرة مشيرة خطاب:نفس الكلام عن اطفال الشوارع اطفال الشوارع هما ضحايا والحقيقه انا بحيى وزارة الداخليه لان زمان كان بيقبضوا على الاطفال النهاردة ما بيقبضوش على الاطفال فى الشوارع لكن يبقى السؤال ماذا نحن فاعلون مع اطفال الشوارع ؟ اطفال الشوارع الجمعيات الاهليه هى اللى بتشتغل معاهم لازم يكون هدفها اعادة الطفل لاسرته او وضع الطفل فى اسرة بديلة انما الطفل اللى يفضل نايم فى الشارع والنهاردة احنا بنشوف مشاكل الاطفال اللى بيتولودوا فى الشارع او ملهمش شهادات ميلاد واحنا عملنا تعديل فى القانون علشان ياخد شهادة ميلاد لكن دى مشكلة يجب ان يضع لها حل رشا مجدى:دى مشكلة موجودة قرينا لو تفتكرى عن مغارة وفيه حاجات تانيه كتير. سيادة الوزيرة مشيرة خطاب:بالظبط ما انا قلتى لحضرتك اوزل ما ابتديت الكلام لا مشكلة عمالة الاطفال ولا مشكلة اطفال الشوارع نقدر نقول ان احنا عملنا فيها حاجة احنا خدنا خطوات وخطوات مهمة رسمنا سياسات طلعنا قانون عملنا خط النجده الحقيقة خط النجده 16 الف خط نجدة الطفل ساعد الالاف من الاطفال ودا الحقيقه يعنى جهد المجتمع المدنى تضافر معانا وبتجلينا تبرعات وبنساعد اطفال وبندفع لجمعيات اهليه علشان تستقبل هؤلاء الاطفال لكن دا نقطة فى بحر لازم الاهل يساعدونا انهم ما يرموش ولادهم فى الشارع ما يبعتوش ولادهم يشتغلوا يكلمونا يقولوا انى انا مش قادر اودى ابنى المدرسه علشا مطلوب منى ادفع كذا انا هجبله اللى يدفعله المصاريف رشا مجدى:واطفال الشوارع يعنى حضرتك ممكن نربطها بالعنف الاسرى يعنى ان فيه هناك عنف داخل الاسرة فيعنى يمكن دى العامل الاساسى الولاد بيهربوا ؟ سيادة الوزيرة مشيرة خطاب:كلامك مظبوط 100% وللاسف ان معدلات العنف فى المجتمع بترتفع بنشوفها فى الشارع بنشوفها داخل الاسر حتى الاعمال الفنيه معدلات العنف فيها بقت كتيرة حتى البالغين ما يقدروش يتحملوها دى قضية لازم نهتم بيها يعنى السبل السلمية لحل الصراعات موجوده لازم نطبقها ولازم نفكر فى اطفالنا انا مش بس بتكلم عن الاسر اللى بتبعت اطفالها فى الشوارع انا بتكلم عن الاسر المقتدرة والميسورة الحال وان العنف داخلها زاد وبنشوفها فى حالات الطلاق والرؤية ماسى ماسى احمد بصيلة:وارتفاع نسبة الطلاق؟ سيادة الوزيرة مشيرة خطاب:وارتفاع نسبة الطلاق نتيجة ارتفاع معدلات التحمل عند الطرفين زيادة التطلاعات احمد بصيلة:ولكن سياد الوزيرة برضه مازالت الصورة فى شوارع القاهرة صورة سيئة جدا للاطفال الشوارع ووجودهم الموجودين فى الشارع حاليا هنعمل فيهم ايه ؟او عمللناهم ايه ؟ سيادة الوزيرة مشيرة خطاب:شوف حضرتك احنا لما عملنا استراتيجية اطفال الشوارع رئيس الوزراء عمل اجتماع للوزارات المعنيه واتفق على انه وزارة النضامن دى هى الوزارة التى ستتولى الجانب التنفيذى للاستراتيجيه احنا من ناحيتنا مستمرين فى خط النجده علشان كده انا لما بطلع فى اى لقاء بقو كلمونا على 16000 انا بصرف سنويا 2 مليون جنيه على خط نجدة الطفل على الجمعيات اللى هى بتستقبل هؤلاء الاطفال بندفع مرتبات شهريه للاخصائيين اللى بينزلوا يستقبلوهم ومكالمات التليفون وخلافه وساعدنا بعض الاطفال لكن المهم ان احنا كلنا كمجتمع لازم نبقى عارفين ان الحل مش انى انا اعمل مؤسسه لهؤلاء الاطفال كلنا عارفين المؤسسات وبيحصل ايه فى المؤسسات الطفل مكانه داخل الاسرة ويجب ان ندفع فى هذا الاتجاه ومنرددش مقولة ان هناك اسر غير صالحة لخماية الطفل الاسر الغير صالحة لحماية الطفل قليلة قوى معظم الاطفال اللى فى الشارع ليهم اسر لكن هما فى الشارع للاسترزاق ولما بينزل الشارع بيتشوه الطفل وبيدمر نفسيا فمبيقدرش يرجع تانى يعيش مع اسرته رشا مجدى:معالى الوزيرة اسمحلنا نطلع بفاصل بعد الفاصل عندنا قضيتين مهمين جدا ختان الاناث ودور الوزارة فى ختان الاناث وزواج القاصرات نطلع فاصل ونرجع تانى فاصل احمد بصيلة:لسه معاكم اعزائى المشاهدين وكل ما يهم الاسرة المصرية سواء كان الحالة الصحية او الاطفال او ايضا تربية الابناء وخاصتا وتحديدا هذه الجزئية الخاصه بى الفتيات خطوات كبيرة جدا اتخذتها الحكومة من اجل الحد من ظاهرة الختان نجحت بشكل كبير وضعت القوانين والتشريعات الى اى مدى نجحت هذه القوانين والتشريعات فى الحد من هذه الظاهرة السيئة نستكمل الحديث مع الوزيرة مشيرة خطاب عملتم خطوات كبيرة جدا الناس كلها اتكلمت فى الموضوع ده اول ما ابتدت القصة ؟ سيادة الوزيرة مشيرة خطاب:دا بقى عكس اللى انا قلته فى اطفال الشوارع وفى عمالة الاطفال احنا فعلا عملنا نجاح كبير جدا فى مكافحة ممارسة ختان الاناس بنينا على جهود من سبقنا الجمعيات الاهلية كانت عاملة شغل جميل جدا وزارة الصحة كانت فيه محاولات استصدار قرار من وزير الصحة يقضى على هذه الممارسه فاحنا بدانا بالعمل مع المجتمع المدنى فى الكفور وفى القرى لمناهضة هذه الممارسة وشوفنا ازاى انهم اقتنعوا وواحدة تلوالاخرى ظهرت واعلنت انها ضد هذه الممارسة ولن تمارسها مع بناتها بعد الان استثمرنا هذا فى الذهاب الى مجلس الشعب وضمن تعديلات قانون الطفل طلع قانون يجرم هذه الممارسة بالسجن والغرامة علشان تشوف النقله الكبيرة اللى حصلت ان لما بدور ماتت فى هذه الجريمة الدنيا قامت وماقعدتش بدور مش اول بنت تموت من هذه العملية قبلها مات كتير وماحدش اتكلم وانما نتيجة جهود التوعية اللى احنا عملناها المجتمع حس بالجريمة وموت بدورعجل الحقيقة عملت السيدة الفاضلة سوزان مبارك اجتماع فى الرئاسة فى مقر الرئاسة وحضره عدد كبيرمن الوزرا والمفتى وممثل الكينسه ووقتها طلع قرار وزير الصحة اللى بيجرم هذه الممارسة بدون اى فجوات سددت الفجوات اللى كانت موجوده فى القرارات السابقه وطلع هذا القرار مجلس الشعب القانون المؤسسه الدينيه اشتغلت معانا جامد جدا جدا المسيحيه والمسلمة والمؤسسه التعليميه المحامين والممرضات كل المجتمع الحقيقة الاعلام لعب دور النهاردة لما تشوف 50% والكلام ده من سنتين 50% من البنات والبنين شايفين ان دى ممارسة خاطئة فى مقابل ان نسبة الممارسه فى السيدات المتزوجات او اللى عمرهم ما اتجوزوا من 15 لى 40 سنه كان بيتردد انها 97% انا الحقيقة يعنى بشك اوى فى 97% لان هذه الظارهة يعنى ما بنشوفهاش اللى فيه تقريبا بعض الارياف انما على اى حال من الاحوال المسح السكانى قال ان هى 97 % النهاردة يعنى انا بقول لايمكن لايمكن هتزيد عن حاجة و50 % لا يمكن النهاردة بقى اللى اختلف ان احنا بنتكلم على جريمة مبقتش العملية متروكة لتقدير كل واحد فانت بتروح بعض المدارس فى الحضرتلاقى معدل انتشار الممارسه 9،% فدا يوريلك انها غير موجوده فى بعض المناطق بتروح فى حتت تانيه بتلاقيها 60% و70% لكن هى فى انحصار خط نجدة الطفل 16000 عمل خدمة مستقله لتلقى الاتستفارات الخاصة بختان الاناث لان المكالمة ممكن تقعد ساعه او ساعتين فممكن تعطل الخط واحيانا الناس تتكلم وتقول نلاقى الخط مشغول لان انت بتحاول تقنع ام ما تختنش بنتها او بنت بتبلغ دانا اهلى عايزين يعملوا مش عارفه ايه ونجحنا الحقيقه فى معاقبة الحقيقه النائب العام يعنى عمل جهد جبار معانا معاقبة اطباء واهم حاجة كان الاعلان عن العقاب لانك لما تعاقبوا سكيتى فالختان النهاردة ختان الاناث العالم كله بيتكلم على التجربة المصريه بالظبط زى تعليم البنات العالم كله بيتكلم النهاردة على تجربة مصر فى تعليم البنات وتعليم البنات بيصب مباشرا فى الزيادة السكانية لان الست المتعلمة بتنظم نسلها وولادها بيبقوا احسن حال رشا مجدى:بمناسبة العقاب يعنى تذكرت القضية الاخيرة اللى هى ماذون السيدة زينب المتهم بتزويج اكثر من 1000 فتاة قاصرة مكنش حالة فرديه اكيد الحالة دى موجودة فى الارياف والصعيد بكثرة طيب ايه الضوابط اللى وضعتوها بقى لوقف اللى بيحصل ده ؟ سيادة الوزيرة مشيرة خطاب:والله وقفنا كتير دا برضه يعنى انا امينة معاكم وبقولك اللى اتعمل واللى ما اتعملش احنا عملنا نقلة انا بحمد ربنا ليل ونهار ازاى احنا نجحنا فى موضوع زواج الاطفال انا اتذكر لما رحنا مجلس الشعب بتعديلات قانون الطفل كان كل خوفنا من قضيتين اتنين قانون ختان الاناث ورفع سن المسئولية الجنائية من 7 سنين لى 12 سنة كانت مفاجاتنا السارة ان بعض نواب مجلس الشعب طالبوا بزيادة العقوبة اللى احنا مقترحينها على ختان الاناث المفاجاه غيرالسارة كانت اكبرمقاومة جتلنا فى رفع سن الجواز من 16 ل 18 سنة كانت حرب لكن الحمد الله اقرت يعنى فالنهاردة لما بشوف ان العالم كله واقف ضد زواج الاطفال بقول الحمد الله بقول يعنى دا انجاز اخر يضاف الينا ويحسب لى مصر لان البنت اللى بتتعفى من هذه الجريمة وتكمل تعليمها وتتجوز وهى قادرة على الزواج اكيد هتبقى اسرتها اسعد حالا وولادها احسن حالا ومصر احسن حالا رشا مجدى:طيب بما انى احنا بنتكلم وفاتحين فاتحة صراحة كده مع بعض العنف ضد المراة وصندوق كمان مهم جدا مكافحة وعلاج الادمان. سيادة الوزيرة مشيرة خطاب:عايز اقول ان قضية العنف ضد المراة قضية مهمة جدا جدا والمجتمع بدا يصحى ليها والعنف ضد المراة مرتبط بالعنف ضد الطفل مرتبط بالعنف ضد الرجل والعنف ضد الاسرة لانه احنا بنبصلهم كاسرة متكامله فى مكتب شكاوى المراة فى المجلس القومى للمراه والحقيقة بيحلوا مشاكل كبيرة جدا جدا واحنا ماسكين العنف ضد الطفل واحيانا بنساعد النساء فيما يتعلق بعلاقاتها بالاطفال لكن قضية العنف ضد المراة لن تحل الى لو المجتمع تجرد من اى تحيز فكرى ونظر الى المراة كمواطن كمواطن فى المجتمع بيقوم بدور خطير مش علشان هى المراة ولكن علشان هى اللى بتخلف هى اللى بتربى هى اللى بتطلع للمجتمع والعنف ضد المراة بيترجم بعنف ضد الطفل سواء الانثى او ذكر هكذا يغذى العنف جزء كبير من العنف ضد المراة بيمارس بكل حب هى علشان ما بتميزش انا بعمل معاها كذا هى علشان مش فاهمة انا بحبهالك على بلاطة انتى بتعاملى المراة كقاصر لما بتقولى ما تسافرش الا بموافقة زوجها ما تعملش مش عارفه ايه الا لما انا اقولها معرفش ازاى ؟ هى ملهاش الحق فى كذا لكن ليها الحق ما تشوفى القانون بيعامل المراة ازاى ؟ بيعامل الرجل ازاى ؟ احمد بصيلة:للحفاظ على حقوقها يا سيادة الوزيرة ؟ سيادة الوزيرة مشيرة خطاب:ما انا بدات وقلت دا بيتعمل بحب وحماية لكن مضر لما انا ادخل بارادتى فى الزواج وافقد ارادتى بمجرد التوقيع على عقد الزواج وينتقل حق انتهاء هذا الزواج بارادة منفردة للرجل وانا لوحبيت انهيه بارداتى المنفردة اتنازل عن كل حقوقى هذا قمة الظلم ويجب ان يعاد النظر فيه, الحاجة التانية دورالام تجاه اطفالها الدستور بيتكلم على مسئولية الدولة فى تمكين المراة من التوفيق من دورها داخل الاسرة وخارج الاسرة دا لمصلحة المجتمع يعنى انا لو بصيت للمراة على انها ند للرجل انا هفشل انا ببص للرجل والمراة على ان هما الاتنين فى قارب واحد وان صحة وسلامة المجتمع بتتوقف على صحة وسلامة العلاقة بينهم والعلاقة بينهم هتكون سليمة لما ببصلها على انها مواطنة او هى انسان وانت انسان والاتنين لهم حقوق واحدة حق فى الكرامة وحق فى الحصول على الحقوق بدون ما ادخل اى قضايا اخرى احنا بنحترمها ما جاء فى القران بنحترم هذا ما بنمسش فيه انما انا ابرر ان انا اضربها اببر انى انا اسيىء معاملتها انها مش عايز تعيش معايا واشدها لبيت الطاعة واعزباها وعايزة تطلق ومطلقهاش كل دا بينعكس على الاطفال وبعدين احنا كنا لسه بنتكلم عن العنف فى المجتمع ارجع لى دى دى النقطة الاساسيه كيف ينظر الطفل لامه هى نتيجة معاملة الرجل للمراة وما بعفيش المراة من المسئولية المراة عليها دور مهم جدا اولا انها تتعلم انها تحكم العقل فى كل ما تتخذه من قرارات هى هتحكم العقل لما تحس بانها بتعامل على قدم المساواة انه لو انا بعاملها على انها الاقل يبقى بحجم امكانياتها وبحجم عطاءها لازم تهتم بتعليم المراة ومحطلهاش اه انتى تروحى سكرتارية او تدريب منزلى وهو يدرس رياضيات وعلوم حيوية وبتاع كل ده بيضر المجتمع هى دى قضية العنف ضد المراة واعتقد ان احنا ماشين بس الاعلام عليه دورمعلش انا برمى عليكم كتيرلان المصريين بيتفرجوا على التليفزيون اكتر ما بيقروا لازم الرجل قبل المراة يبقى مقتنع باللى احنا بنعمله والعمل مع المراة فى مواجهة الرجل خطا كبير جدا ابصلهم كلهم من منظور الاسرة يا اما الاسرة اللى هى الفاميلى او اسرة مصر المجتمع كله احمد بصيلة:صحيح وزى ما بنبص للمراة كده نبص للرجل لانه عنده مشاكل كتيرة . سيادة الوزيرة مشيرة خطاب:ما انا بقول اهو انا موافقاك 100% ان احنا لازم نهتم بالرجل ممكن تكون مشاكلة بيطلعها فى المراة او مشاكلة نتيجة معاملة المراة ليه ما هو انا برضه لو انا بتصرف كطفل وافضل ازن على جوزى ومش حاسة بمشاكلة احمد بصيلة:مش هيستحمل . سيادة الوزيرة مشيرة خطاب:مش هيستحمل المخدرات ما اتكلمناش عن المخدرات احمد بصيلة:انما سريعا ماشيين كويس فى موضوع علاج المخدرات ؟ نخليه فى حلقة بعد كده بس نعرف هل ماشيين كويس فى علاج المخدرات ؟ سيادة الوزيرة مشيرة خطاب:الحمد الله بس مش زى ما احنا عايزين رشا مجدى:معالى الوزيرة احنا بنشكر حضرتك شكرا جزيلا وبنرحب بوجودك دايما معانا فى يحدث فى مصر واكيد هنفتح موضوع صندوق علاج ومكافحة المخدرات اهلا بيك سيادة الوزيرة مشيرة خطاب:اهلا وسهلا احمد بصيلة:شكرا لكم اعزائى المشاهدين كانت هذه حلقة اخرى من يحدث فى مصر حول الاسرة المصريةبشكل عام الى اللقاء .
