حالة حوار

د/عمرو عبد السميع : مساء الخير وأهلا بكم في حالة حوارالعشوائيات شوكة في خاصرة هذا الوطن ليس فقط لأنها اختراق للقانون بالتشييد دون تراخيص وليس فقط لان المباني التي تمت تشييدها بمجافات القانون تحولت الى أحياء تنموا نموا سرطانيا بغير انتظام وليس فقط لأنها جاءت خلوا من المرافق والخدمات على نحوا تضررت منه الحالة الإنسانية عامة ولكن لان 20 مليون بني ادم ربع سكان هذا البلد يقطنون تلك العشوائيات ويشعرون بالانعزال والتهميش الصورة بالأرقام قاتمة معتمة لكن على الأرض هناك بصيص آمل بصيص ضوء وبالذات في جهود محافظة القاهرة هناك أيضا خطط وتحركات في المطبخ السياسي من اجل القضاء على ذلك الاختلال العمراني والسكاني والاجتماعي انا ناقشت قضايا تتعلق بمحافظة القاهرة قبل ذلك ووعدتكم إنني سوف أعود بحلقتين واحدة للعشوائيات والأخرى للمقابر المؤتمر السنوي السادس للحزب الوطني الديمقراطي الحاكم وضع قضية العشوائيات على قمة الملف الاجتماعي الذي يحدد فيه مواجهاته ده شجعني ان أعجل بطرح القضية في حالة حوار وها انا افعل
د/عمروعبد السميع : اسمحوا لي أولا ان أرحب بضيوفي وضيوفكم الدكتورعبد العظيم وزير محافظ القاهرة الدكتور محمد كمال أمين التثقيف بالحزب الوطني الديمقراطي الحاكم الروائي الكبير الأستاذ يوسف القعيد الدكتورة رباب الحسيني الخبيرة بالمركز القومي للبحوث الاجتماعية والجنائية وأرحب بضيوفي في الأستوديو علاء خالد رئيس تحرير مجلة أمكنة محمد السيد صالح نائب رئيس تحرير المصري اليوم محمد حمدي الكاتب الصحفي بالأهرام الدولي وأبنائي وبناتي شبات وشباب مصر أهلا وسهلا بكم
د/عمروعبد السميع : بقي يا دكتور وزير كل مرة ها الله ها الله على الجد والجد ها الله ها الله عليه بقي في البيانات الصادرة عن محافظة القاهرة هناك 81 عشوائية في القاهرة 19 منهم انضموا لمحافظة حلوان لما أنشأت محافظة حلوان يعني باقي 62 ال 62 دول منهم 9 قامت محافظة القاهرة بإزالتهم يبقي فاضل 53 منهم 4 هناك وجوبية لإزالتهم و49 قابلين للتطوير محافظة القاهرة بإمكانيتها الذاتية دفعت 900 مليون جنية لتطوير العشوائيات سواء لحكر أبو دوامة أو ملاعب شيحة أو ارض الترجمان أو خلف الشونة وهناك هيئات ومنظمات دولية ساهمت في تطوير الدويقة ومنشية ناصر والدرب الأحمر وهناك رجال أعمال وجمعيات أهلية ساهموا في النهضة والمعصرة وعزبة الوالدة وزنهم طيب فاضل اد اية على هذا المشروع علشان نقضي على العشوائيات من ناحية الزمن و أيضا محتاجين فلوس اد اية وهتجبوها منين ؟
د/عبد العظيم وزير : أولا عاوز أقول بداية ان المناطق التي تم إزالتها دي كانت مصنفة من البداية ان دي مناطق لا يجدي فيها تطوير وباقي من هذه النوعية حوالي أربع مناطق كبيرة بالإضافة الى انه عندي عزبة أبو قرن وعندي تل العقارب وعندي عزبة أبو حشيش وعندي أيضا حكر ألسكاكيني دول أربع مناطق طبعا دي محتاجة مبالغ طائلة ومحتاجة استعدادات ارض مباني نقل فدي مسالة يعني جاري العمل فيها يعني مسالة المنطقتين الاولتين جاري العمل فيهم شغالين فيهم مفيش نقاش فيهم وباقي المناطق تحتاج بعض تطوير بسيط لكن احنا يعني كان في السنتين اللي فاتوا بدئ يظهر على الساحة أولوية جديدة وهي المناطق الخطرة لابد ان أبدء بها واصفيها لان المناطق الخطرة قد يترتب عليها مشاكل كبيرة عندنا مثلا المناطق الجبلية المناطق اللي فيها الصخور زي الدويقة في منشية ناصر عندنا أيضا مخرات السيول ولو ان طبعا مخرات السيول بقت موجودة في حلوان دلوقتي عندنا ودي منتشرة مباني عشوائية تحت خطوط الضغط العالي مباني موجودة في مناطق ربما لا تستطيع وسائل الإطفاء فيما لو قام حريق انها تدخل فدي نسميها مناطق خطر من الدرجة الأولي وهي نديها الأولوية حاليا طبعا نتمنى ان الجهود والفلوس والاعتمادات وكله يبقي يكفينا ان احنا نبدأ في الكل لكن إذا كانت الجهود والاعتمادات المالية لا تفي بالكل يبقي لابد يبقي في أولويات فهذه الأولويات يعني احنا النهاردة شغالين في ثلاث مناطق تعتبر مناطق فيها خطورة وهي منطقة عزبة خير الله ومنطقة إسطبل عنتر ومنطقة بطن البقرة و منطقة منشية ناصر ما زال فيها مناطق محتاجة ان انا افضيها من السكان خالص وخصوصا ان هذه المناطق لا تصلح أراضيها فيما بعد لأي استخدام يعني يدوب تخلي المناطق دي وتحميها هندسيا بطريق أو بأخر لكن مش هيبقي لها قيمة تسويقية يمكن الاعتماد عليها مشكلة التمويل التمويل كان لغاية سنة 2007 بتيجي في موازنة المحافظة و كل محافظة مبلغ تحت عنوان تطوير العشوائيات الدولة غيرت أسلوب التعامل
د/عمرو عبد السميع : كان حجمه اد اية كده ؟
د/عبد العظيم وزير : في محافظة القاهرة بيوصل ما بين بعد سنين 50 , 65 , 70 كنا نستطيع ان احنا مثلا بنعمل ميه في منطقة نعمل صرف في منطقة نعمل شوارع إنارة خدمات صحية خدمات تثقيفية لكن رؤى من هذا العام انه الجهود مبعثرة دي كلها إضافة الى مشروعات المياه والصرف الصحي الصعيد كان مفتح مشروعات ميه وصرف صحي وبحري كمان كان هنا في القاهرة فالحكومة رأت انها لو جمعت هذه المبالغ كلها وبدأت تعمل مشروعات كبري المفتوحة تقفلها يبقي ده أفضل للمواطن فأصبح النهاردة معنديش ميزانية تحت بند تطوير العشوائيات
د/عمرو عبد السميع: طبعا ده بعيد عن حضرتك لكن أولويات الحكومة تحتاج الى دراسة في هذا البلد لان في الحقيقة هي تحدد أولوياتها على ضوء تصورات أعضائها لكن مش على ضوء الاحتياج الحقيقي للناس أو للمجتمع وعلى سبيل المثال وده برضو مش اختصاص حضرتك مثلا الحكومة تقعد تبحث تحويل شرم الشيخ والغردقة الى مدينتين خضراوين في الوقت الذي يعاني فيه الناس من القمامة على الأرض والسحابة في السماء فالأولويات فيها اختلال على أي الأحوال أتفضل حضرتك ؟
د/عبد العظيم وزير : لأ على أي الأحوال عاوز أقول ان الموارد التمويلية الخاصة بالمناطق العشوائية وتطوير المناطق العشوائية دي مشكلة ويمكن ده اللي دفع الحكومة مؤخرا الى إنشاء صندوق تطوير العشوائيات ويعني ان كنت اتمني ان الدكتور ان الدكتور فرماوي يحضر معانا اللي هو ماسك هذا الصندوق لكن تبين ان هو مشغول في حاجة خارج القاهرة لكن اللي عاوز أقوله ان الصندوق المركزي لا يغني عن
د/عمروعبد السميع : الصندوق ده حجمه 500 مليون جنية وإنشاء في إعقاب حادث سقوط صخرة الدويقة
د/عبد العظيم وزير : بالظبط كده اللي احنا عاوزين نتكلم فيه النهاردة ان هذا لا يقعد المحافظات عن انها تتحرك سريعا وبإمكانياتها المتاحة وتخلق إمكانيات غير متاحة وتبدأ تشتغل في هذا احنا اشتغلنا في محافظة القاهرة مع المجتمع المدني في بعض المناطق وأقول حقيقة يعني ان هؤلاء الناس بذلوا وأعطوا دون مقابل بريادة من جمعيات أهلية عملاقة كبيرة لها ثقل
د/عمرو عبد السميع : زي جمعية الرعاية المتكاملة وزي جمعية الهلال الأحمر .
د/عبد العظيم وزير : بالظبط كده وتمكنا ان احنا نطور عدد غير قليل من العشوائيات لسه منطقة منطقة بس منطقة موجودة في الويلي حجمها معقول عملنها مع جمعية المستقبل والناس رجعوا بيوتهم ورجعوا مدارسهم ورجعوا متاجرهم وكل شيء أذن المجتمع المدني هنا له دور كويس جدا رجال الاعمال لهم دور أيضا انا في الظروف اللي حصلت بعد قسم القاهرة أصبح معنديش ارض ابني عليها أصبح عندي صندوق إسكان صندوق الإسكان وظيفته في الفترة الماضية منذ فصل القاهرة عن حلوان لشراء وحدات سكانية في المحافظات المجاورة لأنقل إليها الناس اللي في مناطق خطرة يعني نقلنا في إسطبل عنتر وفي عزبة خير الله ما يقرب من 1200 أسرة لو إني كل أسرة معدلها أب وأم وثلاثة أبناء يبقي عندي تقريبا هنا
د/عمرو عبد السميع : يا سيادة المحافظ انتم هنا طلعتوا كتاب فخم ضخم مدون كبير لمحافظة القاهرة بتتكلموا فية عن التنمية الحضارية وتحديات العشوائيات في هذا الكتاب قلت بالنص ان العشوائيات تنشا في القاهرة وعلى حواف القاهرة لان هناك جاذبية للعاصمة لان فرص العمل والحياة تتوافر فيها أذن سيظل هذا العامل قائما حتي لو روحتم بنيتم مساكن بره القاهرة سيظل هذا العامل موجودا جاذبية القاهرة وفرص العمل وبالتالي تتكون العشوائيات تلقائيا وتتكاثر وتتناسل على النحو الذي نراه
د/عبد العظيم وزير : هو الكلام سيادتك من حيث المبادئ صح لكن لما اجي أطبق
د/عمرو عبد السميع : طيب من حيث المنتهي ؟
د/عبد العظيم وزير : لأ من حيث الواقع القاهرة أصبحت حدودها لا تسمح لها بأي امتدادا أخر خلاص لما بنروح مجتمعات عمرانية جديدة منظمة ومنسقة زي مثلا مدينة 15 مايو نشتري فيها وحدات سكنية ونروح القاهرة الجديدة الشيخ زايد مدينة بدر مدينة 6 أكتوبر ونشتري وحدات سكنية من صندوق الإسكان الذي لدية المال الذي كان ينبغي ان يبني على ارض تلك المحافظة طبعا انا محبش أقول محافظة ومحافظة كلها ارض مصر 15 مايو والقاهرة الجديدة كانت أمبارح القاهرة مش هتفرق النهاردة انها تبقي حلوان أو تبقي محافظة اخري لكن احنا بنوظف هذا الصندوق ان احنا بنشتري وحدات سكنية لتخلص الحال جدا من المناطق الخطرة علشان ما يبقاش في أي احتمال لأي شيء يحدث
د/عمرو عبد السميع : طيب المناطق اللي تطوروها دي تتابعوها بعد التطوير يعني هنا فرص ان تحدث بما يسميها الردة الاجتماعية والعمرانية و السكانية مرة اخري بمعني ان المنطقة تطورها من هنا ثم تتفاعل فيها عوامل بحكم وجود سكان كثير فيها بحكم قلة خدمات فيها الى آخرة وتحولها مرة اخري الى عشوائية
د/عبد العظيم وزير : تمام انا يمكن ده الرد على هذا الموضوع ان كل منطقة عشوائية نطورها وفق فلسفة تطوير العشوائيات في المحافظة واللي اعتقد انها موجودة في كل تطوير العشوائيات في الدولة ككل ان المسالة ليست مكان ولكن مكان وإنسان بمعني زي ما قلت حضرتك ان احنا لو طورنا وعملنا مباني جديدة وشوارع وإنارة ومياه وصرف صحي وكل شيء وسبنها ومشينا هتدهور بعد كده وخصوصا ان احنا محتاجين نعمل التنمية الحضارية اللي حضرتك قلت عليها كل منطقة يبقي لها جهاز ونسمية جهاز التنمية الحضارية بيشكل من عناصر حكومية من المحافظة وعناصر من المجتمع المدني اللي تساهم معنا وشريك في التنمية ويبدوا يرعوا هذه المناطق يعني لو خدنا مثل لزينهم بنجد لكل عمارة أو مجموعة من العمارات يبقي لها زي رئيس وهو يبلغ عن أي شيء يحدث من رشح مياه انسداد وبعدين في هذا الجهاز يعمل الصيانة يعمل الحراسة يرعي الخضرة يرعي المشاكل التنمية بتاعة الناس فرص العمل محو الأمية التسرب من التعليم الزواج المبكر كل دي لها جهاز التنمية الحضارية وبذلك بعد ما يجري هذا الجهاز ويمشي بنسميه الاندماج بعد ما يمشي نبقي مطمئنين لهذه المنطقة يستمر الجهاز بس يعني نعتبر ان احنا سلمنا المنطقة دي الى أهلها يديروها أدارة ذاتية وبننتقل الى منطقة اخري
د/عمرو عبد السميع : كلمة الاندماج دي الحقيقة بتحلني الى ملف شديد الأهمية وهو ان الجهد الذي قامت به السيدة الفاضلة سوزان مبارك في تطوير العشوائيات سواء في عزبة الوالدة أو في زينهم أوغيرها من منشية ناصر أيضا كان قائم على فكرة إدماج السكان المحليين في عملية التطوير هذه المسالة تهمني في الواقع يعني انا يمكن الخطاب الإشرافي
د/عبد العظيم وزير : مجتمع امن
د/عمرو عبد السميع : بالظبط الخطاب الإشرافي بتاع اللجان والأجهزة ومش عارف اية ده يخصكم انتم تقدروا تشوفوا اية اللي يمشي شغلكم بطريقة أحسن لكن انا اللي يهمنى جدا جدا الناس وعليه انا أسئل ازاي يتم إدماج السكان الحاليين في عملية التطوير وباي نتيجة وباي جدوى ؟
د/عبد العظيم وزير : هو طبعا لما يبقي في مجموعة من البشر عيشين في منطقة عشوائية يبقي أنت مش قادر تحكم بالظبط أو تعرف اية طبيعة الناشط الاقتصادي اللي يمارسه تجد ان مسالة القضية السكانية شبة غائبة تجد أيضا انه التسرب من التعليم عمالة الأطفال الصغار في سن صغيرة في قيم يعني يجب نتصدي لها هذه القيم لما الأم سواء كانت سيدة بيت أو معيلة للأسرة تجد انه أوفر لها تدريب على فرصة عمل لازم تدريب لا يكفي ان انا ادي مساعدة لأ لازم تدريب علشان تحس انها صاحبة مشروع وتنتج وتكسب تبدأ تحس انها فرد نافع في المجتمع أيضا التسرب من التعليم قضية لازم نشفها الأمية موجودة في هذه المناطق العادات السلبية وأيضا دي نقطة جديدة محش يركز عليها كثير هذه المناطق فيها قيم ايجابية بس محدش يبرزها احنا نبرز السلبي وخاصة في الاعمال الفنية بتعتنا وخصوصا لما نيجي نعمل عمل ما اقدر اعتبره إظهار للسلبيات وإظهار لأوجاع الوطن وألام المواطن دون التركيز على الجوانب الايجابية في حرف تراثية عند الناس دي ودي صادفنها في الدرب الأحمر حرف تراثية
د/عمرو عبد السميع : حضرتك بتتكلم عن تسليط الأضواء على أوجاع الناس دون النظر الى مصالح الوطن أظن ان ده محتاج الى توقف شوية لان احنا غير مرة في هذا البرنامج لمسنا سلوك الصحافة المصرية قومية وخاصة وحزبية وشوفنا في هذا اللون من السلوك في الحقيقة اللي هو ما جري على الأرض بالفعل من أشياء تحسب في النهاية وفي التحليل النهائي لصالح هذا النظام و لصالح توجهاته ولصالح أجهزته يعني انا دائما أقول للأولاد اية إي انا أحرضكم علشان تتحاوروا ايوة انا بحرضكم علشان تبنوا مواقفكم المستقلة لكن في نفس الوقت لازم المواقف دي تبقي مبنية على حقائق يعني اية تروح تشوف اللي احنا بنتكلم عنه ده لما أقول لك ان في تطوير حدث في زنهم وفي منشية ناصر وهنا وهنا وهنا متصدقنيش وروح وشوف بنفسك وابني مواقفك على هذا الأساس أتفضل كمل؟
د/عبد العظيم وزير : ليس من راء كمن سمع وده يعني في الكثير من الأخوة الصحافة وفي البرامج التلفزيونية دعوتهم ان هما يروحوا ويشوفوا هذا الكلام وأتمنى ان يفعلوا ذلك أعود الى النقطة اللي عاوز أقولها ان المناطق العشوائية ليست كلها سواد وليست كلها سلبيات بدليل ان المواطن اللي احنا كنا نصفه بهذا ونتعامل معه على هذا لما يجد الفرصة الايجابية يظهر معدن آخر يظهر شخص آخر وتتفجر فيهم طاقات اخري وخصوصا ان انا زي ما قلت لحضرتك من شوية الدرب الأحمر لما دخلنا في مشروع بتاع حديقة الأزهر وحولناها من مجرد حديقة الى مشروع تنموي الحقيقة كله بدأنا ننقل الصندوق الاجتماعي يدي قروض يحافظ على حرف تراثية حرف ممكن تندسر مع الوقت في أيضا قيم ايجابية راسخة في تاريخ الإنسان المصري مش عوزنها تتواري مش عاوز أفضل أقول سواد سواد وبعدين مع السواد تضيع الحاجة الايجابية اللي ممكن نلتقطها الآن في الوقت المناسب ونحيلها الى قيمة ايجابية هذا هو المقصود بالاندماج هذا هو المقصود بالمجتمع الأمن هذا هو المقصود ان احنا نعول على الشباب الصغار يكونوا زي معاونين في أدارة الحي وإدارة المنطقة اللي يتم التطوير فيها ونفس الشيء بالنسبة للمناطق اللي يجري تطويرها نستعين بهم أحيانا انه طبعا الإنسان من الصعب عليه انه يترك مكان نشاء فيه لما نيجي نقول والله احنا نزيل هذا المكان وننتقل الى مجتمع جديد والإنسان دائما عدوه ما جهل يبقي خايف من الجديد وصديق ما آلف اللي أتعود عليه يبقي هو ده الكويس لما نقلنا مجموعة من السكان إسطبل عنتر وعزبة خير الله الى 6 أكتوبر خلينا أتكلم بصراحة فوجئنا بعدد منهم رجع بالليل بالرغم انه
د/عمرو عبد السميع : يقول لك عاد بليل ؟
د/عبد العظيم وزير : اه يعني المكان اللي كان عايش فيه لا يقارن البتة بالمرة بالمكان اللي عاش فيه انما الغربة الاغتراب والمجهول اللي هو ريحه ومعايا برضو يبقي في مجموعة من شباب التنمية الحضارية دول يبدأ يفسر طيب هما يشتكوا من اية يقول لك أصل هما
د/عمرو عبد السميع : منين هما شباب التنمية الحضارية
د/عبد العظيم وزير : هما مجموعة الشباب اللي احنا نعتمد عليهم في هذا الاندماج ويكونوا من الجمعيات الأهلية يقول لك ده راح ويشتكي يقول انه مش لاقي حاجة يروح بها شغله يبقي هيئة النقل ممشية خطوط ده الولاد اللي في المدرسة ده في مدرسة واحدة ده مش عارف اية نروح نتفق مع المحافظ في 6 أكتوبر أو في حلوان عوزين نخصص جناح من المدرسة الجديدة اللي لسه لم تفتتح يأخذ الأولاد دول مفيش فرص عمل للستات الستات زهقنين نعمل مشغل وهكذا نسمح لهم ان هما
د/عمرو عبد السميع : التجاوب مع احتياجات المجتمع ؟
د/عبد العظيم وزير : التجاوب مع الاحتياجات ولذلك استقرت الامور وفي 1200 أسرة استقروا دلوقتي والعجلة دائرة اتمنى ان يكون دورانها أو كنت اتمنى ان دورانها يكون في كل الاتجاهات ومع كل المستويات بتاعة العشوائيات لكن لما تكون الإمكانيات البشرية والمالية والهندسية الأرض ومواعيد البناء وبتاع مينفعش لابد ان انا اعمل جدول أولويات
د/عمرو عبد السميع : في جملة واحدة محتاجين فلوس أدي اية وتجيبوها منين ؟
د/عبد العظيم وزير : احسبها وأقول لك
د/عمرو عبد السميع : يعني اية هتحسبها وتقول لي لازم تكونوا حسبنها يا سيادة المحافظ ؟
د/عبد العظيم وزير : لأ أصل المسائل تختلف انا دلوقتي لما أحب اشتري وحدات سكنية غير لما أكون ابني غير لما أكون أجيب ارض فانا اقعد احسب كل منطقة لوحدها دي تتكلف اد اية يعني عندي مثلا المنطقة بتاعت تل العقارب اللي في السيدة زينب حسبنا 20 فدان ب 27 مليون جنية لأنه لازم يبقي في حصر للسكان وحصر لاحتياجات السكان وما الى ذلك الكلام
د/عمرو عبد السميع : تجيبوا الفلوس دس منين من ميزانية الدولة بس ؟
د/عبد العظيم وزير : ممكن تيجي من ميزانية الدولة وممكن تيجي من المساهمات بتاعة رجال الاعمال
د/عمرو عبد السميع : وممكن تيجي من التمويل الدولي ؟
د/عبد العظيم وزير : وممكن تيجي من التمويل الدولي طبعا
د/عمرو عبد السميع : كلام حضرتك عن العجلة تدور في الحقيقة يدفعني الى تدوير عجلة هذا النقاش وانتقل الى الدكتور محمد كمال أيضا في النقطة التي أسلمنا إليها أو العتبة التي أسلمنا إليها سيادة المحافظ اللي هي تتكلم عن إدماج السكان المحليين في عمليات التطوير إدماج السكان المحليين ما هواش وظيفة يقوم بها الجهاز التنفيذي فحسب انما ده في صميم شغل الحياة الحزبية والعمل الحزبي فانا عاوز اعرف انتم تعملوا اية من اجل إدماج السكان المحليين بالتحرك وسط هؤلاء السكان المحليين لان احنا درجا في حالات اخري كثيرة على ان احنا نشوف الحزب الوطني الديمقراطي الحاكم مجموعة من الأوراق تعد في أمانة السياسات أو تنتشر على الانترنت على الشبكة العنكبوتية لكن بعد كده ما نشوفش ترجمه لده في الواقع ألعملياتي أوالميداني ومن ثم انا عاوزك تجيبني في قو لا واحد عن نوع الحركة التي يقوم بها الحزب الوطني الديمقراطي في وسط الناس من اجل إدماج هؤلاء السكان المحليين في عملية التمويل
د/ محمد كمال : تمام انا في الحقيقة اعتقد ان هذا الموضوع هو الوجه الأخر للعملة من موضوع مكافحة الفقر في الألف قرية الأكثر فقرا في مصر لما نتكلم على الفقر في المدن مكان تركزه
د/عمرو عبد السميع : معالي الأمين العام المساعد لحزب الوطني الديمقراطي يقوم بجولات بصفة منتظمة لتفقد هذا البرنامج في الألف قرية الأولي بالجهد الحكومي للتطوير .
د/ محمد كمال : بالظبط فالمقابل للفقر في القرى هو الفقر المتمركز في منطقة العشوائيات التعامل مع الفقر في القرى كان متعدد الأبعاد والجوانب لم يعتمد فقط على مساعدات نقدية لا هالي هذه القرى ولكن اعتمد على مد خدمات مياه شرب صرف صحي كهرباء مدارس مد توسع مظلة معاش التضامن الاجتماعي مد إدماج الشباب اندية الى آخرة وبالتالي التعامل مع ظاهرة العشوائيات في المدن أيضا هيخضع لنفس التفكير المتكامل بالإضافة الى الجهد اللي هيقوم به صندوق تطوير العشوائيات موضوع التمويل اللي حضرتك أشارت إليه ده نقطة في غاية الأهمية يعني احنا ننتكلم على 500 مليون جنية لكن تفكيرنا الحقيقة 500 مليون جنية دي يتم توفيرها بشكل سنوي مش بشكل مبلغ كده
د/عمرو عبد السميع : مش مبلغ مقطوع ؟
د/ محمد كمال : مش مبلغ مقطوع طبعا المسئلة محتاجة تفاوض مع الدكتور يوسف في هذا الأمر وهتبقي مسئلة مش سهلة لكن الحقيقة
د/عمرو عبد السميع : الدكتور يوسف بطرس غالي وزير المالية .
د/ محمد كمال : اه لكن توجهنا الحقيقة في المناقشات الأخيرة ان يتم تخصيص هذا المبلغ بشكل سنوي
د/عمرو عبد السميع : وإذا ما وفرهوش الدكتور يوسف ؟
د/ محمد كمال : لأ ده هيبقي توجة للحزب والحكومة وان شاء الله هيوفره
د/عمرو عبد السميع : يعني كلام الحزب ملزم قوي؟