45 دقيقة

موضوع الحلقة : تصويت المصريين على الانتخابات الرئاسية في الخارج
اهم ماجاء في الحلقة
كثافة تصويت المصريين في الخارج يؤكد ان الشعب المصري لن تثنيه قوة عن تحقيق هدفه
اتوقع ان تكون الدقهلية اكبر المحافظات تصويتا في الانتخابات الرئاسية
محمد بشير: اهلا بكم في حلقة جديدة من برنامج 45 دقيقة معنا في هذه الحلقة مع المهندس عمر الشوادفي محافظ الدقهلية.. صورة المصريين في الخارج اصدق تعبير تعليق سيادة المحافظ على هذه الصورة
م/ عمر الشوادفي: صورة رائعة وتؤكد ان الشعب المصري لن تستطيع اي قوىى ان تثنيه عن هدفه وماحصل في ثورتين تؤكد ان المصري اكبر حاشد في التاريخ ودخل الموسوعة يوم 30 يونيو واللي حصل النهاردة يؤكد ذلك
محمد بشير:عايز سعادتك تنقلي صورة رب الاسرة الدقهلاوي كيف يرى يوم الانتخابات الرئاسية
م/ عمر الشوادفي:المواطن الدقهلاوي واعي وايجابي جدا وتفجير الدقهلية كان هدفه ارهاب الدقهلاوية وبعده بربع ساعة كانت امام مبنى الدقهلية مئات الالوف فنفس الشئ في الانتخابات انا اتحديث انه لو نتيجة الاستفتاء كانت 95% هقدنم استقالتي وجاءت نتيجة الاستفتاء 99.1% نعم للدستور
محمد بشير:احنا ممكن نساعد الرئيس القادم ازاي والواجب الملقى على عاتقنا ايه
م/ عمر الشوادفي:الشعب المصري حصل فيه تغيرات غير عادية وغير مسبوقة ويمكن الاعلام له دور كبير جدا ولكن احذر من الانسياق وراء اشاعات غلط والفترة القادمة عايزين نكون على قلب رجل واحد وفيه تراكمات 50 سنة من التقصير ولا يوجد مسئول يستطيع ان يغير الكون في لحظة
محمد بشير:دايما المحافظ هو اللي بيشيل الشيلة زي ما بيقوله ودايما هناك بعض العتاب والاستنكار والشجب من رئيس مدينة او رئيس حي بتقابل دا ازاي وايه سلطاتك لخدمة المواطن
م/ عمر الشوادفي:يجب ان يكون عندنا ثقة في انفسنا واي حد بيخطئ لازم يتحاسب وفيه ناس راحت التحقيقات وبتتحاسب ولكن لا نلقي الاتهامات جزافا ودايما التقصير يتحمله راس المحافظة ولا اتنصل من اي مسئولية والحمد لله فيه انجازات كتيرة اتعملت
محمد بشير:احنا قصرنا انه مانزرعش في الطفل والشاب المصري الثقافة المصرية ازاي نؤهلهم لذلك المرحلة القادمة
م/ عمر الشوادفي:اخطر حاجة على اي شعب انه ما يبقاش ليه جذور واحنا مصريين اعظم شعوب الارض ولابد من عودة دروس التاريخ والحديث عن اجدادنا..
محمد بشير:الصحة ياسيادة المحافظ كيف ترى المجهودات التي تقوم بها وزارة الصحة
م/ عمر الشوادفي:الفترة اللي فاتت الدقهلية عندها اشهر مركز طبي على مستوى العالم وهو مركز الكبد والكلى ووزارة الصحة قدمت دعم غير عادي لمستشفى المنصورة القديم و150 سرير وكرسي اسنان ورغم الظروف الاقتصادية
محمد بشير:لكن الاداء المهني داخل هذه المؤسسات بتتم ازاي
م/ عمر الشوادفي:فيه بعص التصرفات السلبية لكن الغالبية العظمى اداؤهم متميز
محمد بشير:نقطة الامن كيف اصبح الامن بعد عملية تفجير مديرية امن الدقهلية
م/ عمر الشوادفي:كان الهدف ان تعم الفوضى والامن استعاد كفاءته الان وفيه منظومة تعاون ولا ننسى دور الشعب والدقهلاوية اكبر معاون للمباحث وبيبلغوا عن اي شبهة وفرض كلمته والامور ماشية بخير
محمد بشير:نتكلم عن ازالة التعديات من بحيرة المنزلة
م/ عمر الشوادفي:بحيرة المنزلة دي كنز ويمكن فيه صيادين ماتوا في البحر الاحمر والاهالي بيقولوا لو بحيرة المنزلة ترجع زي زمان وفيه لحنة عليا اتشكلت برئاسة وزارة الزراعة للتطوير والتصدي لعمليات الردم
محمد بشير:مشروع ال91 لاقامة 1760 وحدة سكنية مساحتها ايه
م/ عمر الشوادفي:دي بيقوم بتنفيذها القوات المسلحة وهي وحدات سكنية لائقة حضاريا وفيها مساحات خضراء وبتمويل من دولة الامارات الشقيقة واسمها مشروع اسكان الشيخ زايد وشعب الامارات الشقيق دا مش غريب عليه والوحدة تتراوح بين حاجة وتمانين الى مية وشوية وانا في دماغي فكرة انه الشاب ياخدها بالايجار ويدفعه على اساس انه قسط وبمقدم بسيط يبقى مقدم كوديعة لصيانة العمارات وان شاء الله هيبقى فيه ضوابط انه لا يجوز البيع ولا التأجير للاخر
محمد بشير:شكرا لك والى اللقاء