45 دقيقة

عنوان الحلقة واهم ما جاء بها : تاثير ا لحالة الامنية على الاقتصاد
الاعداد : سكينة حمدى اسماعيل
عمرو توفيق : اهلا بكم مشاهدينا فى حلقة جديدة من 45 دقيقة فى ظل الظرف الذى نمر به الامر لا يخلو من امرين كل منهما يكمل الاخر الامر الاول الاقتصاد والامن فحتى نكون اقوياء سياسيا لابد ان نكون اقوياء اقتصاديا وان يستعيد الاقتصاد المصرى عافيتة وحتى تتحقق هذه القوة الاقتصادية لابد ان يتحقق الامن سياتى المستثمرون وتستانف المصانع اعمالها ونشاطها وحتى يحس الجميع ان مصر بلد امنة للاستثمار بالفعل يسعدنا اليوم ان يكون معنا الاستاذ الدكتور صلاح جودة الخبير الاقتصادى
أ.صلاح جودة : اهلا وسهلا
عمرو توفيق : اهلا بحضرتك قبل ان نبدا حوارنا مع ضيفنا الكريم فى الفترة الاخيرة لاحظنا ان فى ارتفاع فى مؤشرات الاقتصاد المصرى احيانا البورصة بتحقق مكاسب جامدة واحيانا تنخفض مرة واحدة وهى شديدة الحساسية لاى خبر من هنا او من هناك فيما يتعلق بالسياسة او بالامن فى دول عديدة رفعت حظر السفر الى مصرعلى راسها روسيا الاتحادية لكن كان قبل كل ده تم رفع درجة الائتمان نشو ف تقرير محمد عطية ونرجع تانى
تقرير : فى ضوء المتغيرات الاقتصادية والسياسية التى تشهدها البلاد خاصة بعد ارتفاع التصنيف الاقتصادى لمصر وتحقيق تقدم ملحوظ فى الفترة المقبلة
مواطن : التنصيف الائتمانى انخفض 6 مرات من 25 يناير الى الان دى المرة الاولى اللى يرتفع فيها من التسعينيات تقريبا فلازم نحافظ على بلدنا علشان يجى المستثمر
مواطن : الحكومة مطالب منها ان تحافظ على هذا التحرك وتشجع رجال الاعمال لابد من اعادة الانتاج للمصانع
مواطن : ترك التظاهرات واعادة عجلة الانتاج
مذيع : المواطنون طالبوا الحكومة بضرورة تحقيق الامن والاستقرار واعادة تشغيل المصانع
مواطن : انا شايفة ان الحكومة مش مقصرة فى حاجة وعازين يدوروا عجلة الانتاج
مواطن : كل واحد عايش على ارض مصر لازم يحب مصر
مواطن : لازمن نهدى ونركز فى عملنا
مذيع : اى سياسية اقتصادية لن تكون ناجحة مادام الامن غائبا ومادامت المظاهرات مستمرة ومادامت القوى السياسية تتناحر دون النظر الى المصلحة العليا للوطن فمصر تحتاج الى ثورة جديدة لتشغيل عجلة الانتاج
عمرو توفيق : اذن وبشهادة المواطن المصرى والذى يحب بلدة وخايف عليها لابد من عودة الامن فا يحدث التعافى الاقتصادى اللى فيه الخير انشاء الله ضيفى الكريم ارجع شايف ايه العقبات امام الاقتصاد المصرى
أ.صلاح جودة : انا من انصار التالى الاقتصاد مرض الاقتصاد والسياسية عرض لو علجت المرض زال العرض معظم اللى بينزل فى مظاهرات حاليا لو مسكناهم ورجعنا معاهم مش هنلاقى واحد له وظيفة قاعد على القهوة فلما ادى له 100 جنية وتعالى يا عم اضرب فلان عصيتين او قنبلة طب وماله زى الفل نار رابعة فى اخر ايام رمضان مكنتش تلاقى لا غلبنا ولا شحات فى الشارع راجل بياخد 150 -200 جنية فى اليوم بياكل له وجبتين داخل الجنة وبيتجوز كمان زى الالماز انا لو فاضى كنت رحت قعدت مكانة هى دى الاشكالية اوجد للناس عمل وظف الناس الناس جاية من برة بتدفع لك فلوس جاية بشركات احنا دولة لا تعمل الناتج القومى لمصر 1600 مليار1.6 ترليون جنية مصرى لما نحوله بالدولاريبقى 230 ملياردولارمصر عدد سكانها جوا مصر 86 مليون بيطلعوا بال230 مليار دولار فى دولة اسمها فلندة 5 مليون عددها فيها شركة فيها 35 الف موظف بتعمل تليفونات بتبيع فى السنة قيمة المبيعات فى السنة 263 مليار دولاريعنى احنا اقل منهم
عمرو توفيق : بشركة تليفونات
أ.صلاح جودة : بس شركة واحدة 35 الف واحد فى دولة كلها 5 مليون احناعايشين بالسلف والدين والشحاتة الاهم هل عندك ثروات تخليك تشتغل باختصار كلمة مصر ال 3 حروف دول يعنى ا يه واحد مليون كيلو متر مربع 2 الفين وخمسمائة كيلو متر شواطئ بحر ابيض وبحر احمر الف ومائة كيلو متر نهر النيل 450 كيلو متر اذرع نهر النيل 11 بحيرة طبيعية اكبر بحيرة صناعية فى العالم 500 الف فدان ثلث اثار العالم موجودة فى حته اسمها الاقصرمسارين فى سينا مش موجودين فى دول العالم مسار خروج اليهود ومسار العائلة المقدسة ممر قناة السويس 172 كيلو متر 62% من دول العالم سفنها بتعد ى على ناصية اسمها بورسعيد 22% من حاويات العالم بتعدى من المنطقة الموجودة عندك ارض 8 مليون فدان مزروعة او قابلة للزراعة بميتهم موجودة ارض مستوية يتجاوز ال 22 مليون فدان لاتزرعهم مصر الدولة الثالثة على مستوى العالم فى الثروة المحجرية عندك 46% من قيمة السكان الموجودين سن العمل من 18 الى 55 سنة دول وقود امة انت ربنا مديك 46 % من شعبك فى سن العمل ازاى بعد كل هذه الموارد وابقى رجل اى كلام
عمرو توفيق : فين الخلل فين المشكلة هل هى فى التخطيط هل هى فى قلة الاستثمارات الخلل فين ؟
أ.صلاح جودة : مطلوب طلبين ارادة سياسية قوية للعمل ارادة رشيدة قوية لموارد الدولة
عمرو توفيق : الارداة السياسية ممكن تكون موجودة مفيش رئيس حكومة او رئيس دولة مش عايز ينهض ببلدة وتبقى كويسة
أ.صلاح جودة : لأ فى انت كان عندك حسنى مبارك قعد 30 سنة مجاش ناحية سينا مدقش مسمار فيها خلال 30 سنة عند حضرتك جه 368 يوم محمد مرسى دق مسمار واحد فى اى حته فتح مصنع واحد لأ فتح محل واحد لأ دا كان بيشيل جزء من سينا بيدية هنا وجزء من حلايب وشلاتين وحتى قال عليها شلايب وحلاتين يعنى معناها ان ناس مش واخده بالها من الدنيا حكومة النهاردة قاعدت 135 يوم بنقول عايزين استثمارات عايزين مستثمرين قلت له مفيش حاجة فى الدنيا اسمها عاوز مستثمرين زى عاوز اكل اكل ايه انت عاوز استثمارات فى مجا ل ايه اية اللى انت عاوزة ايه المحافظات اللى هتنميها لازم خريطة استثمارية علشان خريطة الحوافزمثلا محافظات الصعيد عاوز ايه محطات صرف صحى مثلا محطات تحلية المياة عاوز محطات للمية عاوز اعمل مصانع لتدوير المخلفات عاوز اعمل قطر هناك عاوزاعمل محطات اتوبيس يبقى اللى يجى يعمل المصانع فى الوقت ده فى المكان ده هو اللى يتمتع بالحوافز اعفية من الضرائب من الجمارك جيت انا صلاح افتح مصنع فى شارع 26 يوليو متدنيش الحوافز دى لان ده مش ضمن خطتك انما انت عاوز مستثمرين حطيت القطاعات اللى انت عاوزها ابدا والله العظيم حطيت الاماكن والمصحف ابدا حطيت المحافظات اللى هتنميها يبقى انا اتكلم كلام للاستهلاك المحلى حطت خريطة استثمارية لما تطلع برة للمستثمرين عاوز مستثمرين فى محطات تحلية المياة 3- 4 اكلمهم احنا طلعنا الدول العربية الثلاثة السعودية الامارات الكويت هل خدنامعانا مجموعة من المشروعات ابدا
عمرو توفيق : يعنى خدنا الفلوس معملناش بيها حاجة
أ.صلاح جودة : لأ الفلوس اللى جاءت لنا معونات صرفنا جزء منها لسد عجز الموازنة الرحلات اللى قام بها السيد رئيس الوزراء ونائب رئيس الوزراء والمجموعة الاقتصادية طلعوا الامارات والكويت هل اخذت معك مجموعة من المشروعات اللى انت عاوزها اخذت دراسات هذه المشروعات انت قلت عاوزين نعمل 50 صومعة
عمرو توفيق : هذا الكلام بناءا على ملعومات والا تحليل للمشهد
أ.صلاح جودة : انا المستشار الاقتصادى لدول الخليج فى مصر انت لسة هيجى المستثمر يقعد يقدم طلب يطلع يجيب موافقة هيئة الاثار ثم البترول ثم الادارة المحلية القوات المسلحة وخلافة على ما يعمل دى تكون فى ست ثورات قاموا ثاتى ياعمى اطلع بالحاجة جاهزة ادى اراضى نعمل عليها الصوامع وادى الدراسات وادى الموافقات كلها خالصة هات الفلوس نشتغل الصبح 6 شهور الصوامع اتعملت هو ده كده اعمل 50 صومعة فى 50 مليون ادى 2.5مليار بقى يتوفر لمصر سنويا 6 مليار جنية مصرى من قيمة فاقد القمح 30% من القمح افقدة نتاج الطيور والتخزين الغير مناسب بشترى القمح مش فى وقت الذروة يبقى بسعر ارخص
عمرو توفيق : قد يرد عليك يقولك حد احنا عندنا الهاجس الامنى هو المسيطر هناك من يحاول وضع العراقيل امامها امنيا احنا مرتبكين بسبب المشهد الامنى ترد تقول ايه
أ.صلاح جودة : هقولة عندنا لاول مرة نائب امنى لرئيس الوزراء لشئون الامن الفريق السيسى الاستاذ محمد ابراهيم ماسكين ملف الامن هل بتاع الاقتصاد ماسك ملف امن سعدتك اشتغل فى ملفك ومتخليش زيادة المشكلة لما نروح فى المحلة الناس بتتظاهر علشان المصنع متوقف احل المشكلة ده مالة ومال الامن الناس اللى بتطلع فى مظاهرات ده مالة ومال الامن افتح للناس الوظائف والاستثمارات يشتغل اطور الموانئ 23 مينا مش متطورين لو طورتها هستقبل سفن عليهم هصدر هعمل صناعة حاويات هيجيب سفن اصنعها وصيانة السفن ده يشغل 280 - 290 الف بنى ادم
عمرو توفيق : يعنى رغم ارتباك المشهد الامنى ممكن نحقق خطوات اقتصادية وده يقلل الضغط على الامن الموجود لانى هاخذ الناس تشتغل معنا على الهاتف دكتور يسرى العزباوى مرحبا بك دكتور
د. يسرى العزباوى : اهلا بحضرتك
عمرو توفيق : طرد السفير التركى من القاهرة كيف يكون له تاثير اقتصادى على الاقتصاد المصرى خصوصا ان هناك استثمارات تركية فى مصروان هناك علاقات تجارية مع تركيا ؟
د. يسرى العزباوى : تركيا تجاوزت كل الاعراف والتقاليد الدبلوماسية بين دولتين لهم حق التصويت فى الجمعية العامة للامم المتحدة وممثلين فى كثير من المنظمات الدولية اولا ثانيا ماحدث فى 30/6 عكس المشروع التركى فى المنطقة ومحاولة السيطرة على النخبة الحاكمة الجديدة فى مصر بشكل واضح ومصر لم تستفيد من التبادل الاقتصادى مع تركيا
عمرو توفيق : نكاد نكون سوق لتركيا
د. يسرى العزباوى : وايضا فتح كثير من المصانع التركية فى مصر اغلب المشروعات مرتبطة بفكرة القطاع الخاص وتم الحد من التجارة الصينية لصالح التجارة التركية وفتح المصانع فى مصر وفتح فروع لها اغلب المشروعات مرتبطة بفكرة القطاع الخاص وفكرة عودة مشروع الخلافة الاسلامية مرة ثانية تركيا تحاول الانضمام للاتحاد الاوروبى المسالة متعلقة بفكرة المصلحة
عمرو توفيق : تركيا تحاول اظهار نفسها انها رجل المنطقة الذى يستطيع ان يقول لمن واين يكون التغيير وهى التى لها القول الفصل فى هذه المنطقة اشكرا شكرا جزيلا دكتور يسرى العزباوى اعود اليك دكتور صلاح
أ.صلاح جودة : باختصار شديد نحن لا نتعلم من التاريخ ولا نقرا التاريخ وان قراناه لا نفهمة سنة 58 السفير التركى فما مصر جاءت تعمل الوحدة مع تركيا جاء فى احد لقاءات احتفالات 23 يوليو 58 وقف قال كلمة ان مصر بتعمل ليه وحدة مع سوريا ودول دول بعيدة وخرج من الاجتماع جمال عبد الناصر كان معاه محمود فوزى وزير الخارجية فى ذلك الوقت قال له الراجل ده بعد ساعة يمشى من هنا بعد ساعة مش عاوز اسمع اسمة قال له طردوه بعد ساعة كان موقف حازم ده بيتدخل فى شئونا ليه
عمرو توفيق : ده كان جمال عبد الناصر
أ.صلاح جودة : يا سيدى الفاضل مكنش جمال عبد الناصر كان رئيس دولة جمهورية مصر العربية
عمرو توفيق : اه
أ.صلاح جودة : بس يطلع جمال عبد الناصر يطلع زيد يطلع عبيد هو قاله مصر بتتدخل فى ده ليه
عمرو توفيق : كان رجل له موقفة
أ.صلاح جودة : طبعا السؤال التالى قطع العلاقات مع تركيا يفيد مصر ويضر بتركيا مصر بتستورد من تركيا سنويا 5.5 مليار دولار بتصدر لها بنص حجم التبادل التجارى بينا وبين تركيا 6 مليار بالاضافة الى سياح مصر لتركيا 2.5 مليار دولار سنويا يعنى انت يتنفق 2.5 مليون دولار طالعين من المصريين داخلين للاتراك الامارات هددت فقطع العلاقات وانهاء الاستثمارات فى تركيا استثمارات الامارات فى تركيا تتجاوز 70 مليار دولار لما تسحبهم الصبح ده يوقف ويوقف اردوغان عند حده
عمرو توفيق : الدارسون للاقتصاد بيعقودوا ندوات بحث ونقاش حول الاقتصاد المصرى جامعة عين شمس
أ.صلاح جودة : انا مقرر عام المؤتمر
عمرو توفيق : كويس عقدوا مؤتمر تحت عنوان تحسين الوضع الاقتصادى لسد عجز الموازنة وحضرة لفيف من الخبراء الاقتصاديين منهم الدكتور صلاح جودة نذهب لتقرير نعيم ابراهيم ونرجع نكمل كلامنا
تقرير: فى محاولات جادة لايجاد فرص حقيقية لتحسين الوضع الاقتصادى وسد عجز الموازنة عقد مؤتمر بكلية التجارة جامعة عين شمس
مواطن : الفساد فى مصر قوى لابد من مواجهتة غير الفساد نرفع الوعى الضريبى عندنا بعض الناس اصحاب الصوت العالى واصحاب الثروات اللى لهم نفوذ بييقفوا امام ادى اصلاح ضريبى اواقتصادى حقيقى مصر طول عمرها دولة مركزية لو تحولنا الى شئ من اللامركزية ونوع من الاستقلالية لوحدات الحكم المحلى وتقسيم مصر الى اقاليم اقتصادية كل اقليم له استقلاليتة وكل اقليم له حرية فى زيادة مواردةيخفف عبئ الضغط على الموازنة العامة للدولة
مواطن : بالمشاركة فى المؤتمرات العلمية التى تسعى لمحاولة النهوض بالاقتصاد المصرى وتحسين الاداء المتمثل فى سد ثغرات الفساد الذى ينفذ منها للمال العام وسد هذه المنافذ التى ينفذ منها الفساد
مذيع : الاعضاء اكدوا دور الضرائب ومشكلة عجز الموازنة العامة فى الدولة وطرق العلاج من خلال محاور اساسية
مواطن : نركز على جانب الايرادات وزيادة الارادات دون فرض ضرائب النفقات عايزة ترشيد كثير
مذيع : وحدة الاقتصادالمصرى يدفع فاتورة عدم الاستقرار الامنى فى الشارع المصرى فمعا نعدي الامن لبلادنا حتى يسترد الاقتصاد المرى عافيتة من جديد
فاصل
عمرو توفيق : نرجع لضيفنا الدكتور صلاح وهو مقرر عام مؤتمر تحسين الوضع الاقتصادى وعلاج الموازنة والذى عقدتة جامعة عين شمس
أ.صلاح جودة : قلنا مؤتمر بنجمع فيه مجموعة من الخبراء والعقول الاقتصادية والادارية والرقابية عملنا ابحاث وتوصيات الدكتور حازم الببلاوى قال احنا حكومة مؤقتة
عمرو توفيق : هناك تبرير مؤقتة لكن بنؤسس لمن سياتى بعدنا
أ.صلاح جودة : زى الفل مفيش مشكلة
عمرو توفيق : فى حاجة صحح لى لو انا غلطان فى ناس بيقولوا ان كلام الاكاديميين داخل قاعات المحاضرات كلام جميل لكن وقت التطبيق على ارض الواقع هناك فارق ده كلام صح
أ.صلاح جودة : ده كلام بالنسبة لى انا ده كلام فارغ دى واحد لعدة اسباب الكلام ده ينطبق على الوزارة الموجودة هما
عمرو توفيق : المفروض هما تكنوقراط
أ.صلاح جودة : مش كدة بردوا اكاديميين والا انا غلطان فى مجموعة من القرارات لما ناخذها ملها ش علاقة لا بسياسى ولا بكذا فى ناس قامت باعمال ومسكت حاجة انا الناس دى المستشار الاقتصادي للمفوضية الاوروبية بالشرق الاوسط 22 دولة بنحط مشاكل وحلول اكيد احنا ناس متميزين 3 لما اقول وضع حد ادنى واقصى للاجور ده محتاجة اكاديمى والا سياسى اناعاوز اخذ قرار موجود لما اخذ قرار ارخص الاسعار لما اعمل حد اقصى لهامش الربح لو انا قلت والله حد اقصى لهامش الربح الصناعات التعدينية اللى بتكسب 200 و300 % ما تزيدش عن 30% زى دول العالم ده محتاج اكاديمى ايه الاكاديمية اللى فيها لما اقول افرض على جميع مصانع الالبان والعصائر والمشروبات الغازية 30 35% من الطاقة الانتاجية بتعها يكونوا فى عبوات زجاجية تروح وترجع علشان اخفض الاسعار يبقى كيلو اللبن ابو 10 – 11 لو اناعاملة فى زجاجات اللبن زى بتاع زمان و25% هامش ربح كيلو اللبن يصل 5 جنية دى محتاجة اكاديميين فى ايه احنا عندنا عجز فى الفكر
عمرو توفيق : رئيس الوزراء كنا نسمعة فى البرامج التليفزيونية قبل ما يبقى رئيس وزراء وفى التوك شو يبقى الكلام جميل جدا جدا جدا لو فرضنا حضرتك انشاء الله مستقبلا توليت منصب وزير المالية او اى حاجة اقتصادية مش ممكن تبقى زيهم
أ.صلاح جودة : انا وانا سنى 28 سنة ابن رئيس مصلحة الضرائب عينة مدير المكتب الفنى عندى وقال لى خلال سنة عاوز ازود الحصيلة واطورالمصلحة خلال 8 اشهر زودت الحصيلة بنفس الناس وبنفس الملفات بنفس الاليات الموجودة الى 13 مليار جنية مصرى و42 مليار فى 8 اشهر ايه العبقرية فى كده ولا حاجة اى واحد كان يعمل الكلام ده مجرد تنظيم وعمل الدكتور حازم لم يتبوأ مركز تنفيذى فى جمهورية مصر العربية غير مكانين اثنين رئيس بنك تنمية الصادرات وؤئيس مجلس ادارة شركة تنمية الصادرات والاثنين فى الحالتين مكنوش مؤثرين قوى
أ.صلاح جودة : عبد الناصر مسك الحكم وسنة 36 سنة 54 اللى جم عملوا الصناعة فى مصر كان عزيز صدقى ومصطفى خليل كان سنهم 33 سنة و34 سنة وعملوا اقوى صناعة موجودة يعنى انت يااجيب واحد فوق التسعميت سنة يا اجيب واحد خارج من السجن له خمسين سنة محبوس ينسى حتى برة فى ايه هى الدول مفهاش واحد عليه الطل ينفع نستخدمة ازاى بس ازاى اهد الكفاءات الموجودة فى قرارات تقدر تاخذها الصبح انا حكومة مؤقتة اجيب 10 والا 35 انا عندى دول العالم 183 دولة فاتح كام سفارة ومكتب برة من ضمن الحاجات عندى دول زى الاكوادور عدد المصريين فى الاكوادور 43 مصرى منهم 34 اعضاء سفارة افتح سفارة 43 واحد يخدموا على 7 مصريين ايه الكلام ده ايه الكلام الفارغ اللى احنا فيه ده
عمرو توفيق : حضرتك من الممكن فى اد ايه من حيث الزمن الاقتصاد المصرى ينصلح حالة ويرجع تانى قوى
أ.صلاح جودة : على الاكثر 180 يوم فى ظل ظروف العن من الظروف دى اعمل حد ادنى وحد اقصى لا يزيد عن 30 الف ده لجميع العاملين فى الحكومة والقطاع العام وقطاع الاعمال والوحدات المحلية عدد موظفى الدولة 5.5 مليون 560 الف عمالة مؤقتة اللى بيستفيد به 20 الف موظف يتقاضى 64 مليون جنية 40% من اجور الدولة عندى برة 183 سفارة فى حاجةاسمها السفير الاقليمى الولايات المتحدة الامريكية رئيس مجلس ادارة العالم 78سفارة انا اغنى من الولايات المتحدة الامريكية انا بادعم السفير الامريكى والاسرائيلى والاوروبى ادهم الابنوبة فى السفارات ب 8 جنية اخلية يمون بنزين 92 انا ادعمهم وهما هناك ازاى عندى 51 هيئة اقتصادية خارج نظام منظومة العمل ومنظومة الموظفين المصريين ارباحها لا تراها بابيع بلوك الاسمنت الطن الموجود حاجة اسمها 19 القيمة الحقيقية للكلام ده لو اخذت القيمة العادلة اقل من القيمة العادلة يعمل لى 25 مليار جنية هى قصة ادارة رشيدة فقط
عمرو توفيق : باشكر ضيفى الكريم والعزيز الاستاذ الدكتور صلاح جودة الخبير الاقتصادى طرحنا العديد من التساؤلات والحلول نشكركم والى اللقاء.