اتجاهات

أشرف عبد الحليم: ايها السادة السلام عليكم ورحمة الله وبركاته في حلقة جديدة من اتجاهات في حديث رئيس مجلس الوزراء المصري الدكتور حازم الببلاوي اكد على ان ساعة العمل قد حانت .. الحقيقة ان الدعوة للعمل جاءت في وقتاها تماما لان مصر ليست دولة فقيرة ولكنها كانت منهوبة ولن تبنى الا بسواعد ابنائها ولن يصلح اقتصاد مصر الا بجهد ابناءها نرحب بضيف خلقة الليلة الدكتور محمد نور الخبير الاقتصادي الدولي .. يمكن اهن سؤال عن كلمة رئيس مجلس الوزراء دكتور حازم الببلاوي وعايز اعرف قرات دعوته ازاي بالعمل وعدم الاعتماد على المعونات والدعم فقط
د. محمد نور: بالاعتماد على النفس وانا عندي مشروع قومي لتطوير مصر بايادي مصرية وهو دا المضمون اللي قاله سيادة الدكتور الببلاوي
أشرف عبد الحليم:ازاي مانعتمدش على المعونات والدعم واحنا في امس الحاجة الى المعونات والدعم
د. محمد نور:المعونات والدعم مش هي كل شئ الفكرة كلها لما ببيحصل في الدول الحضارية انه لما بيحصل ازمة كبيرة الشعب كله بيتكاتف فما يبقاش الاساس امعونات وانما تضامن كل اشعب ولذلك المشروع اللي انا عامله بيقول الكلام دا
أشرف عبد الحليم:مصر حتى في هذه المرحلة محتاجة انها تستمد معونات واعتما\دات معينة حتى في بداية مرحلة نهضتها
د. محمد نور:بالاضافة الى فيه جزء من المصريين بالخارج وبعتوا في السنة الماضية 18 مليار دولار والبنك الدولي فيه 5 مليار دولار فلما اقول كل المصريين يبقى برة وجوه بالاضافة الى المعونات ندعوالمصريين في الخارج الى انهم يستثمروا هنا
أشرف عبد الحليم:حجم المعونات والدعم اللي مصر بتاخده تقريبا من حجم اقتصادنا الكلي
د. محمد نور:دعم اولايات المتحدة اغلبه دعم عسكري وادعم اعسكري بيروح لاشياء عسكرية وبعدين هم المستفيدين منها لانهم اولا بيسوفقوا السلعة بتاعتهم وهي السلام الامريكي لدولة محورية ومهمة جدا في الشرق الاوسط اللي هي مصر بتستعمل السلاح بتاعه
أشرف عبد الحليم:طيب غير الدعم العسكري فيه دعم اخر من الاتحاد الاوربي من دول الخليج
د. محمد نور:دعم دول الخليج دا مهم لسبب انهم اولا حاملين الجميل لمصر يعن في اول فرصة تلاقيهم بيتكلموا على مصر ويقولك دول هما اللي علمونا والمدرسين علمونا
أشرف عبد الحليم:احنا قبل كده كنا بناخد دعم
د. محمد نور:لا مكانش دعم واللي جه من قطر كان مجرد عملة صعبة بيشغلوها وبياخد عليها فوايد وفي اي وقت ممكن يسحبها
أشرف عبد الحليم:الاتحاد الاوربي ممكن يدينا دعم
د. محمد نور:الاتحاد الاوربي في الفترة اللي فاتت كان فيه اضكطرابات بيخليهم يبعدوا
أشرف عبد الحليم:على اي حال الدكتور حازم الببلاوي طالب الوزراء باشفافية والمكاشفة حوالين المشاكل اللي بتعانيها مصر انه المواطن يشترك في هذه المشاكل خصوصا انه لا احد ينكر دور الشعب في المرحلة الحالية كيف يمكن ان يساهم الشعب في هذه المرحلة
د. محمد نور:اولا امشاكل مش مشاكل اقتصادية بس هي في الظاهر مشاكل اقتصادية ولكن اساس الموضوع فيه 4 اشياء الفقر والبطالة والمرض والامية .. لو بصيت للبطالة اي مشروع بيبتدي على انه يشغل الناس واللي حاصل في السنين اللي فاتت ان الناس تتخرج من الجامعات وتركنوا في البيت
أشرف عبد الحليم:عايز اناقش المكاشفة والمصارحة ان انتوا تكاشفوا الجماهير بحجم المشامكل الاقتصادية كان يعني بيها ايه دكتور محمد
د. محمد نور:كان يعني ان الناس تحس بحجم المشاكل نمرة اتنين الدعوة بعد كده للشعب انه يشترك في حل المشكلة واحنا شفنا لما جمعوا تبرعات والناس جمعوا ما اتاخروش
أشرف عبد الحليم:هل دا ممكن يخلي المواطن يصبر على المشكلة الاقتصادية اللي بيعاني منها شوية
د. محمد نور:يصبر لانه فيه مكاشفة
أشرف عبد الحليم:بس المواطن بيقول اه انت تكاشفني بحجم المشكلة لكن ما بتنقليش انت هتحل امتى
د. محمد نور:لازم مع المشكلة يبقى فيه حلول وهو فيه حلول
أشرف عبد الحليم:المدى الزمني تتحل على مدار قد ايه
د. محمد نور:دي في بعض القطاعات لكن قطاعات اخرى منتظرة بس الانفلات الامني ينتهي وتشتغل زي القطاع السياحي وبعض المصانعه اللي مش ضامن ان البضاعة بتاعته هتوصل ولا هتتسرق في السكة وانت عندك بنية تحتية تعتبر الى حد كبير قوية وعندك 29 مطار ولو فتح مطار بورسعيد بقوا 30 انت دولة كبيرة .. فيه عندك جميع انواع المعادن موجودة فيه عندك زراعة زكل دا قابل للتطوير انت مش هتبدا منلصفرل
أشرف عبد الحليم:عندنا مشروع محور قناة السويس
د. محمد نور:طبعا وفيه اضافات ليها لانه الدول المتقدمة تقاس بعدد المناطق الحرة اللي فيها فانا بدعو الى زيادة المناطق والمناطقث الحرة مش معناها انه واحد يشتري قميص وانما معناها عدد المصانع وصناعات في مصر وانا بدعو من هنا اننا ناخذ بالعلم في اي خطط اقتصادية
أشرف عبد الحليم:انت مع الوزراء التكنوقراط في الوزارة
د. محمد نور:اسلاميا من 1400 سنة الاسلام قال عين الشخص الكفء وفعلا جاء في القران" لقد اخترت القوي الامين" يعني القوي في مهنته والامانة
أشرف عبد الحليم:خلينا نتحول الى المشروع الخاص بحضرتك د. محمد واعتقد ان حضرتك لك مشروع للنهوض بالاقتصاد المصري ربما يؤثر على القارة الافريقية بشكل عام نحب نتكبلم عن معالم هذا المشروع
د. محمد نور:معالم المشروع 3 مراحل المرحلة الاولى تنمية اقتصاد مصر بأيادي مصرية واللي اعنيه المصريين بالداخل والخارج فيه عندنا 10 مليون مصري في الخارج والمرحلة التانية بناء تحالفات او تكتلات اقتاصدية قائمة على المصالح الاقتصادية وانا حددت البلاد ايه هي .. هنشتغل في بلاد حوض النيل وهنبدأ فقط بمصر والسودان والكونغو الديموقراطية ولا تداخل للسياسة بن الدول وتكون معامل التكتل دا فيما يشبه السوق الاوربية المشتركة ويبقى فيه ربط اقتصادي بن الدول ويكون هناك تعريفة موحدة لتبادل اقتصادي والمواني كلها مفتوحجة وفيه ربط لين المواني بطرق بحيث في النهاية التكتل دا الفكرة اللي فيه انه عندك مواني على 5 قارات ودي مش موجودة في العالم الميزة دي ودا معناه انك تتحكم في البضائع بتاعة العالم كلها عندك مواني على اوربا وافريقيا وآسيا وعندك مواني لى الامريكتين والكونغو الديموقراطية والمحيط الاطلسي وهيبقى عندك اقوى بورصة
أشرف عبد الحليم:دا هيكون على اموال المصريين في الخارج
د. محمد نور:لا دا هيكون بعد بناء مصر اقتصاديا ولكن فيه امل كبير ان دا يحصل اسيا جدلوقت اللي مسيطرة على اقتصاد العالم واوربا عندها تقشف يبقى هييج الدور على افريقيا .. احنا لما ماليزين ابتدت النهضة بتاعتها الاقتصادية اعتمد على انه قلد الموضوع بتاع محمد علي وارسل الناس للخارج عشان ريجيبوا العلم من الخارج ويرجعوا والخطوة دي احنا مش محتاجينها احنا عندنا علماؤنا في الخارج هنقولهم ارجعوا ادونا الافكار بتاعتكم ودا مهم جدا في تطوير اساس اي دولة وهو العلم
أشرف عبد الحليم:دكتور محمد البعض بيرى ان الروشتة او المخرج الوحيد من الازمة هي المشروعات الاقتصادية سريعة العائد خفيفة العمالة
د. محمد نور:دي احد الوسائل لكن مش عايزين نركز على الصناعات التحويلية وفيه مشاريع كتيرة موجودة وواخدة موافقات ومعاها دراسات جدوى دي الاولى انها تتحط على المواقع بتاعة الوزارات المعنية وانا بدعو ان كل مجموعة تعمل شركة مساهمة يعني الجالية المصرية ف السعودية تعمل شركة مساهمة ولا اتنين بادارة محترفة وختاروا احد المشاريع المصرية يستثمروا فيها والجالية اللي في الامارات والجالية اللي في الكويت والجالية اللي في انجلترا والناس اللي في الداخل بدعوهم ان كل نقابة يدعو لاكتتاب وانشاء شركة مساهمة يبقى انا عندس شركات مساهمة يبقى الشعب كله وراء التنمية ويبقى موضوع دعم الاقتصاد مش كلام وانما افعال
ومن ضمن فكرتي التركيز على المرض من خلال المستشفيات والاعتماد على الدولة فقط مش مظبوط والافراد تشترك وانا عندي اقتراح بعمل مدينة طبية وعندي تمويلها وهتبقى لكل فئة من الفئات اللي ذكرتها لحضرتك
أشرف عبد الحليم:والمشاريع دي اتقدمت بيها لاي جهة ولا لسيه
د. محمد نور:لسه.. انا بدعو الدكتور حازم الببلاوي انه يستمع للافكار بتاعتي لان انا عايز ادي مصر بدل مايدي الاجانب
أشرف عبد الحليم:اجمل ختام ويارييت مصر تستفيد من عقول ابناءها المفكرين والعلماء من احل القدرة على الاستنهاض لهذا الوطن بشكر ضيفي الدكتور محمد نور الخبير الاقتصادي الدولي شرفتنا في اتجاهات يافندم وبشكر حضراتكم على هذه المتابعة الكريمة والى اللقاء في حلقة جديدة من اتجاهات