45 دقيقة

محمد القاضى : اهلا بكم حلقة جديدة من 45 دقيقة فيها موضوعات جديدة ومعانا كمان تساؤلات نفسية واجتماعية هيكون معانا عالم الطب النفسى د. يحيى الرخاوى خنشوف عناوين الموضوعات اولا
فاصل
محمد القاضى : وحدات خاصة من الجنود والمظلات تستعد لاستعادة الجنود المختطفين
صحيفة الفايننشال تايمز ارتفاع معدلات الجريمة بعد الثورة
تحقيق لبرنامج 45 دقيقة على ضرائب الشركات والدخل
حادث العمرى فاروق الاخير يفتح ملف ضوابط مشجعى الاندية
فاصل
محمد القاضى : عارفين ان فى مفاوضات لاستعادة الجنود المخطوفين هناك وحدات خاصة من الصاعقة والمظلات بتستعد لاستعادة المختطفين وكان فى اجتماع مع رئيس الجمهورية والمخابرات هذه الاستعدادات تتم على قدم وساق الخيار العسكرى مازال قائما خيار القوى مازال قائما سنلقى مزيدا من الاضواء حول هذه العملية بالاتصال التليفونى مع السيد اللواءحسام سويلم الخبير الامنى والعسكرى مساء الخير سيادة اللواء
اللواء حسام سويلم : مساء النور اهلاوسهلا
محمد القاضى : كيف تقرا هذه العملية سيادة اللواء ؟
اللواء حسام سويلم : عملية ايه
محمد القاضى : عملية استرجاع المختطفين
اللواء حسام سويلم : عملية الاختطاف طبعا هى عملية ابتزاز للدولة لتسليم بعض المسجونين المحكوم عليهم باعمال ارهابية فى طابا سنة 2004-2005 دهب ونويبع 2006 فى شرم الشيخ 2012 فى قسم شرطة العريش كل دول مجرمين موجودين عايزين يلوا ذراعنا ويفرجوا عن هوؤلاء الناس مقابل خطف الجنود نازلين اجازة عادية وفرض شروطهم وده امر مرفوض لان لو نفذت اى شرط هيتكرر هذا العمل كثيرا وتضيع هبة الدولة والقوات المسلحة المفاوضات استمرت 4 ايام بدون نتيجة للمفاوضات الرئيس فى الاجتماع دعا الاحزاب التى تتألف مع الاخوان المسلمين حزب العدالة حزب الوسط حزب النور الجماعة الاسلامية
محمد القاضى : اذن اللواء حسام شكرا جزيلا لك
معانا خبر من الفايننشال تايمز يقول ان معدلات الجريمة ارتفعت بعد الثورة فى مصرونشرت فيديو يوضح معدلات الجريمة فى مصر بعدالثورة وعدد السرقات 22 الف حالة واضافت ايضا ان عمليات السطو المسلح زاد 12 مرة عن عام 2010 وتتساءل الصحيفة كيف وصلت المعدلات لهذا المستوى فى المقابل فى جهود بتتم لمواجهة هذه الجريمة صبرى يونس يرصد فى تقريره بعض هذه المحاولات من خلال مصلحة الامن العام
صبرى يونس : عقب احداث ثورة الخامس والعشرين من يناير تعددت اشكال الجريمة لذلك تغيرت الخطط الامنية لمواجهتها
اللواء / امجد شافعى : مدير معهد بحوث الامن العام توجد تدريبات بتخدم عمليات البحث الجنائى الجريمة بتتطوروبالتالى اداءنا بيتطورلكن الان نعانى من اثار الثورة والانفلات المجتمعى الذى له صوركثيرة جدا
صبرى يونس : نتحدث كثيرا عن ضرورة عودة الامن والامان بشكل كامل ولم نتحدث ابدا عن دور كل منا فى هذا الشان المسالة ليست مسئولية وزارة الداخلية بعينها ولكنها مسئولية امه باكملها تريد ان تنهض وتضع اسمها بحروف من نور على صفحات التاريخ الخالدة من مركز محاكات الجريمة بقطاع الامن العام صبرى يونس تليفزيون المصرى
فاصل
محمد القاضى : مجلس الشورى اعلن عن العمل بالقانون الجديد للضرائب الخاص بالدخل والشركات وقيل ان المجلس وافق على هذا القانون لتمثل توسع شامل للسياسة الضريبية فى الفترة القادمة محمود عمر رصد اجواء هذا القانون فى مجلس الشورى
تقرير: تعديل اللائحة التنفيذية لقانون ضريبة الدمغة والشرائح الجديدة للضريبة على الدخل التى اقرهامجلس الشورى لتطبق اليوم المقبل هذا التعديل اكد الخبراء انه سيصب فى صالح مصر خاصة على الجانب الاستثمارى
أ./ محمد الفقى : عضو مجلس الشورى المواطن اللى بيقبض 9000 مش هيدفع حاجة خالص و10 الالاف و11 و12 الدفع بعد 12 الف جنية وبنفس المعدلات هى هى الشريحة اللى دخلها السنوى اكثر من 250 الف جنية
محمود عمر: وتاكيد على النظام الضريبى فى مصر لم يشمل التعديل الحد الاقصى للضريبة لتظل على حالها 25% على الجميع سواء افرادا او شركات
أ./ حمدى حسن : عضو مجلس الشورى انا شايف ان حد الاعفاء غير كافى كان مفروض رفعنا الى 15 الف او 20 الف لان الاسرة المصرية النهاردة 1000 جنية لا يكفى لاى شئ
محمود عمر : وبالرغم من الظروف الاقتصادية الصعبة التى تمر بها مصر الا ان الحكومة تمسكت بالسياسات المالية والاقتصادية المتعلقة بتقديم تيسيرات ومزايا للمستثمرين لتحقيق مبدا العدالة بين الممولين
فاصل
محمد القاضى : المعجزة الماليزية التى شهدها العالم من الثمانينات فى التسعينيات بدات تجنى ماليزيا ثمار هذه المعجزة مفيش احنا مش عايشين فى عصر ا لمعجزات ولا حاجة لكن ايضا فى المقابل مفيش حاجة اسمها مستحيل عشان كده البعض بيسمى مهاتير محمد قاهر المستحيل رئيس الوزراء الماليزى الذى تولى حكم البلاد وهى فى حالة يرثى لها وخلال 10 سنين بدات ماليزيا تجنى ثمار هذه السياسات مهاتيرمحمد بيقدم روشتة الاصلاح فى مؤتمر تجارب الاصلاح والنهضة فى العالم جاء مصر وبيشهد مجموعة من اللقاءات من اهم النقاط التى اشار اليها قال انه دعا المصريين الى صناعة تجربة خاصه بهم فى النهضة لايشجع نقل تجارب غيرنا لكن تجربة تخصنا تتفق مع ثقافة المجتمع المصرى كما حذر من نصائح وتوجيهات صندوق النقد الدولى وقال متخبط ونصائحة لنا غير حقيقية بلده رفضت نصائح صندوق النقد الدولى اثناء الازمة المالية وقررت انها تتعامل مع ازمة انخفاض سعر العملة بطريقتها الخاصة بنحاول نفتح ملف روابط مشجعى الاندية خاصة بعد الحادث الذى تعرض له وزير الرياضة العمرى فاروق احمد فؤاد تابع هذا الموضوع من خلال التقرير:
تقرير: الالتراس على فكرة هما جامعات وولاد ناس بس هما زعلانين على اصحابهم اللى ماتوا
طالب : اكيد حد بيسوق الالتراس بيقولة اخرب واعمل مش ده الالتراس عمرنا ما شفنا التراس بيعمل كده ليه بقى يقتحم ويعمل ويسوى فى هذه الايام
مواطن : هما تنظيم وفى ناس بتوجههم لان معظمهم شباب صغير 16-18-السن ده ما يعملش
حاجة عشوائية لوحده
احمد فؤاد : رغم اختلاف الاراء وتعدد وجهات النظر الا ان محللوا الرياضة اكدوا على ان الالتراس كيان منظم له اعتقاداتة وتوجهاتة
محمد الهوارى : صحفى رياضى بالاهرام .. ظهر 2006 واخذنا من اوروبا الشئ السئ فى الالتراس التراس ممكن يبقى كويس جدا ويعمل تشجيع كويس جدا لكن اخذنا الشئ السئ الصواريخ الشماريخ الاحتجاجات فاكرين ان محدش يقدر عليهم لأ الدولة مسئولية للجميع واحنا لما نحافظ على النظام نطلع الشئ الحسن بيجيبوا الفلوس دى منين اكيد فى وراهم حد احنا من 2006 بنعانى لازم حد يقعد مع الكاب اللى بيقولوا عليهم قيادتهم ونشوف بيقولوا ايه نقرب منهم ونوصلهم الى ان يعملوا الحاجة الحسنة
فاصل
محمد القاضى : شان اى تجربة فى مصر التاكسى الابيض شكل حضارى العداد بيحكم العلاقة بين الزبون والسائق لكن كالعادة تبدا التجارب جميلة مبشرة لكن تنتهى بمشاكل تعالوا نشوف ايه مشاكلهم
منذ 5 سنوات وهذه السيارات تجوب شوارع القاهرة تعرف بمشروع التاكسى الابيض لتحل محل السيارات القديمة حيث اشاد بعض اصحاب التاكسى الابيض بهذه التجربة التى انعكست بالايجاب على مستوى معيشتهم
سائق : مفيش مشكلة مع الزبون
زبون : كويس جدا بالعداد
اخرين يرون ان مشاكل الاقساط وعدم توافر قطع الغيار وعدم سداد الاقساط
أ.محمد عبد الصبور: وزارة المالية رات فى هذه التجربة فوائد سواء لاصحاب التاكسى الابيض او المظهر الحضارى لشوارع العاصمة ووصل عدد السيارات الى 60 الف سيارة
محمد القاضى : اى مشاكل تحدث الكل بيسال هو الناس حصل لها ايه
د. يحيى الرخاوى : مساء النور
محمد القاضى : هو الناس جرا لها ايه
د. يحيى الرخاوى : الناس هما الناس محدش بيتغير فجاة
محمد القاضى : امال ايه العبث
د. يحيى الرخاوى : غياب الدولة وعدم التعلم الناس بيستجيبوا له لكن الناس لما تلاقى حاجة سايبة مفيش دولة ولم يتعلموا من اخطائهم ولا فى بعد نظر ولا فى مسئولية الواحد بيتحرك بما يسمح له والخبرات السياسية السابقة
محمد القاضى : الناس انفصلوا عن الدولة
د. يحيى الرخاوى : الدولة فصلت الناس عنهم
محمد القاضى : ده من 60 سنه يعنى بنتكلم فى حقبة اشتراكية يعنى كان كل موارد الدولة كله الناس معتمده على الحكومة كلها د. يحيى الرخاوى : يعنى لما يجيى الرئيس الله يرحمة عبد الناصر يقول للناس انا هاكلكم ووظفكم يبقى انفصل عن الدولة المفروض هدى لكم فرض تكلوا وتتوظفوا مش هاكلكم واوظفكم الدولة الاشتراكية لما تقوم بكل العمل الناس تنفصل لما النا ستتحمل المسئولية مع الدولة فو نظام محكم يبقى فى دولة ويبقى فى اخذ وعطا ويبقى فى تعلم الناس تتعلم من اخطائها لما الناس تجوع تشتغل
محمد القاضى : تقصد انفصلوا يعنى ريحوا
د. يحيى الرخاوى : همش واصبح اله واما الغاء كامل فا بينفذ بقلة نفس وقلة انتماء فحكاية ان اهمش الناس وازيحهم واحتقرهم ال 30 سنة اللى فاتوا وال30 اللى قبلهم ارضعهم واسكنهم بحيث يعتمدوا اعتماد اسمية رضيعى زى طفل بيرضع
محمد القاضى : دى مرحلة الاعتماد الرضيعى لكن مرحلة السبعينيات والانفتاح وبعد كده السوق الحر فى الثمانينيات والتسعينيات اللى حصل ان شوية الناس الاذكياء الشطار كسبوا فلوس كثيرة جدا وبعدين لا عرفوا يوزعوها ولا يتحملوا مسئوليتها فكانت الدولة ناجحة اقتصاديا وكان فى اقتصاد وطنى لكن مكنش فيه عدل ولا حسن توزيع ولا رؤية للناس اللى كانوا دول
محمد القاضى : تقصد غياب للدور الاجتماعى لراس المال
د. يحيى الرخاوى : بالضبط
محمد القاضى : ده كان غايب لكن بيقال ان كل الاقتصاديات اللى بتبدا تنهض بيحصل فيها عملية القطبية ان فى مجموعة بتمثل قطب بيقوم عليهم الاقتصاد وبيبقى لسه الثمار لم توزع على الكل والبعض يقول ان تركيا كده لم تصل لمرحلة العدالة الاجتماعية
د. يحيى الرخاوى : ولا امريكا وصلت للعدالة
محمد القاضى : بعد ثورة يناير
د. يحيى الرخاوى : مفيش ثورة الثورة هى ان يتحمل ال 90 مليون مسئولية ال 90 مليون
محمد القاضى : بس ده مش طرق عقلى
د. يحيى الرخاوى : هو طرف عقلى ولكن هو امانة امام الله هو لما الفقراء يعتصموا هيزدادوا فقرا ويجب نقول لهم يالا نشتغل مش هنشتغل هتزدادوا فقرا والناس ما بتشتغلش والاعلام مش قائم بدورة خالص
كل واحد يقوم بدورة تجاه اسرته ويشوف عمل ايه تجاه اسرته النهاردة فى دول السلطة عملت ايه بيبصوا بره وجوا لو ما بصتش للخطر الخارجى هيتاكل فى البرازيل والصين وروسيا جنوب افريقيا شايفين خطر ما يبقى الثورة هى اقتصاد والسلطة تنتبه للاحتقان الداخلى واحنا لا عندنا لا ده ولا ده
محمد القاضى : حضرتك عايز الناس تشتغل ولا تعترضش
د. يحيى الرخاوى : لأ تعترض بس ما يصدروش احكام اعدام فى الشارع لا يعترضوا على القضاء نهائى لا يعترضوا على البوليس نهائى يحاكموا الفاسدين اه ولما الاعلام عمال يورى للناس الناس عمالة تضرب فى بعضها ايه وظائف ده
محمد القاضى : انت بتتكلم عن دور الاعلام
د. يحيى الرخاوى : اه طبعا
محمد القاضى : هو الاعلام ما بيشتغلش بكده هو الاعلام بيؤدى دورة الحقيقى بنقل الحدث كما هو
د. يحيى الرخاوى : مفيش حاجة اسمها كما هى دا الاعلام مسئول ده بيادى رسالة
محمد القاضى : يعنى الاعلام لما يلاقى تاثيرات سلبية يحجبها عن المجتمع
د. يحيى الرخاوى : لأ يطلع عينة معقولة على حجم الخبر
محمد القاضى : ايه رايك فى دولة زى ماليزيا عندم 3 اعراق لا نسمع عندم طائفية ولا فتن ركزت الناس على ان فى مشروع علشان ينتقلوا من دولة كذ ا الى دولة كذا
د. يحيى الرخاوى : العمل واقتراب الكلمة من الفعل مهاتير محمد
محمد القاضى : طبعا
د. يحيى الرخاوى : كان عابد وشريف ومازال عابد وشريف وعارف اسرائيل بتعمل ايه وعارف امريكا بتعمل ايه ومازال عارف بتعمل ايه الان السعى الى جعل منطقة الشرق الاوسط مكان للمواد الخام وناسها عبيد وهى اسواق
محمد القاضى : ايوا ازاى انا كدولة انتقل من مرحلة الخلاف وانقل الناس معايا من مرحلة الخلاف الى مرحلة بناء حقيقية العدل ده مسئولية دولة
د. يحيى الرخاوى : بس لما يكون ا لعدل واصل لكل الناس وهى نايمة فى بيوتها وعارفة ان فى عدل يصحى يشتغل
محمد القاضى : العدل يحتاج الى قوة لتنفيذه
د. يحيى الرخاوى : بالضبط
محمد القاضى : تنفيذة
د. يحيى الرخاوى : عدل عندنا بوليس وجيش وقضاء
محمد القاضى : كويس قوى مفروض يحصل ايه من ا لحكومة
د. يحيى الرخاوى : تبقى حكومة الحكومة مش حكومة ما ينفعش يجيبهم كلهم اخوان يجبهم كلهم اخوان بس لصالح البلد
محمد القاضى : موافق على اخونة الدولة
د. يحيى الرخاوى : بيطلعوا شعارات ويصدقواويمشوا وراها فى حاجة اسمها اخونة الدولة يعنى ايه فى حاجة اسمها اقتصاد يجيبوا اخوان يجيبوا من الصين يحكمونا يجيبوا جن ازرق فى حاجة اسمها اقتصاد يصلح الاقتصاد اضرب له تعاظيم سلام ليه اخاف من الاخوان انا عاوز واحد فهام شغلتة يزود عائد بلدة ويوزعها على الناس يجى اخوان يجى يهودى يجى هندى انا موافق اثور على واحد بعقيدته او ديانتة اثور بادائة على شرط يبقى فى دولة
محمد القاضى : لنا سنتين ونص فى الحالة اللى حضرتك بتتكلم عنها وبالتالى نفسية المواطن المصرى حصل فيها لغبطة متى نصل للمرحلةالحرجة استعادة الامر بيبقى خلاص فات الاوان
د. يحيى الرخاوى : انا متفاءل رغم كل ده بنثق فى اللى قاعد فى الغيط دلوقتى بيضم الغلة وواثق فى التاريخ ان انا قدرت اتغلب على صعوبات العن من دى فا احنا وصلنا للمرحلة اللى هى لا صلاح معها
محمد القاضى : احنابالحسابات العادية ما نعرفش نرجع لشكل الدولة المصرية
د. يحيى الرخاوى : مادام ربنا موجود مادام المصريين هما المصريين هنرجع ولما يبقى فى هدف لكل كلمة بتقولها هنا لما توصل هتعمل ايه فى اللى سمعنا الان تزود ثقتة فى ربنا وفى نفسة والا لأ
محمد القاضى : مهاتير محمد اخذ نموذج اليابان اعتبرها قدوة اتجة شرقا وليس غربا واعتبره نموذجا ملهما ايه النموذج اللى ممكن يكون ملهم لمصر
د. يحيى الرخاوى : نموذج باكرهه جداجدا
محمد القاضى : ايه هو وعاوز تخده
د. يحيى الرخاوى : اه الصين باكرههم ومعندهمش اخلاق ليه القرش وبس
محمد القاضى : المهم تحقق مصلحة يعنى
د. يحيى الرخاوى : بس بقى فى قيمة القرش قيمة
محمد القاضى : حضرتك عايز مصر تبقى كده
د. يحيى الرخاوى : انشاء الله هختلف عنهم فى حاجة واحدة بس هعرف ربنا واعرف اصرف القرش ده ازاى هما بيجيبوا القرش وهيبقى قوة العن من امريكا خلى بالك دا وحوش
محمد القاضى : عايز تاخذ ايه من الصين تحديدا
د. يحيى الرخاوى : العمل والانتاج والتصدير والوعى بما يجرى بره وجوا الضبط والربط الصين اللى بيثبت عليه فساد بيعدم الان
محمد القاضى : وحقوق الانسان
د. يحيى الرخاوى : مفيش حاجة اسمها حقوق الانسان انت بتصدق دى مطلعاها امريكا علشان تسوق بيها حالهافى حقوق انسان فى اسرائيل على اللى بيعملوة فى غزة
محمد القاضى : للمواطن الاسرائيلى
د. يحيى الرخاوى : طيب يبقى فين حقوق الانسان مفيش حقوق انسان الا اذا كانت على الجميع
محمد القاضى : استاذ يحيى الرخاوى استاذ الطب النفسى بنشكرك شكرا جزيلا ولك الشكر مشاهدينا الى حلقةجديدة تابعونا