كلام مسئول

محمد صلاح: يا مساء الخير مصر كانت ليلة 6 أكتوبر حزينة مش عارفة إنها هتصحى على يوم جديد ترجع فيه ضحكتها عاليا دا كلام يعرفوا إللى عاشوا بين اللحظتين لحظة النكسة فى 67 ويوم النصر فى 73 يعنى عايزكده وبأقل حسبة الناس إللى فوق ال50 تقريبا يعنى لكن الأجيال إللى أقل سنا وهما دلوقتى الأكثرعددا محتاجين يعرفواويفهموا وإحنا كمان محتاجين نستفهم ونفهم ونستوعب كل دا ممكن علشان حاجة واحدة بس إن حرب أكتوبر بتقدم دايما نموزج بتفتح مخزن أسرار ومخزن أسلحة وترد على الحيرة والإستفهامات كل سنة بيحرنا السؤال بيحيرالمفكرين والعسكريين المثقفين والفنانين والكتاب والإعلاميين إيه الجديد إللى ممكن نعرفه ونقوله ؟ دى مش مناسبة كده وتعدى يعنى لأ صحيح مجرد طرح السؤال بتيجى ألف إيجابة عن 6/ أكتوبر إيجابات فى حب مصر مهوسة بالعزيمة قصص تتعلق بالبطولة منظومة وطنية علمية مؤهلة لدخول إمتحانات ومراهنات فى أى وقت لكن إيه إللى متعرفش ؟ إيه إللى متذكرش عن حرب أكتوبر من دروس نفعت ساعاتها وتنفع دلوقتى؟ حرب أكتوبر 73 إعتبرناها بشهاداتنا وبشهادة غيرنا معجزة بكل المقاييس إستثناء فى مسار العسكرية العالمية مش بس نجحت فى تحقيق أهدافها إنما كان حرمت إللى حاولوا يلتفوا على النصر من تحقيق أهدافهم إرادة الحرب الإسنيعاب تدارج أسباب النكسة الهجوم إللى هو خير وسيلة للدفاع التغبئة العسكرية والتعبئة المدنية الثقة فى انه مفيش مشكلة ملهاش حل بسم الله الله أكبر بسم الله
فاصل من الأغانى الوطنية
محمد صلاح: هى حرب أكتوبر 73 إللى إستردت الأرض لكنها كانت أكبر من مساحة أرض تتقاس بالكيلو مترات صنعت مصر نصر جه أهم من الحرب وموازين القوى فيها الحرب إللى لفت راس إسرائيل والغرب بعد ما كانه بيعتبرونا جثة هامدة نصرأكتوبرعبارة عن معجزة وإستثناء نفسنا فى كل سنة فى ذكرى الحرب نشوفه ويتحول لقاعدة للنجاح اللواء أركان حرب حسام سويلم هيكون لينا معاه كلام مسئول ومن كلام اللواء/ حسام سويلم إسرائيل لديها أهداف عليا لن تتنازل عن تحقيقها مهما حدث والأطماع الإسرائيلية فى الدول العربية هى مستمرة ولن تتوقف والحرب التى دارت ما هى إلا مراحل فى الصراع العربى الإسرائيلى فى يوم 21/ أكتوبر تعرضت الفرقة 16 لموقف غاية فى الصعوبة عندما حاول الإسرائيليون إختراق الجيش الثانى ونجحنا ببراعة وثلات فيه تجميع نيران 24 كتيبة مدفعية مما أدى إلى حماية الفرقة 16 والجيش الثانى بأكمله وقال اللواء/ حسام سويلم سياسة رد الفعل والإنفعال والخلط بين السياسة والعسكرية كانت سببا فى وقوع هذه هزيمة يونيو 67 ما تبقى من حرب أكتوبر بعد كل هذه الفترة الزمنية هى روح أكتوبرالتى للأسف تخلينا عنها قال هذه الروح كانت توجد داخل كل بيت فى مصر حرب أكتوبر لمن تكن حرب عسكريا بل كانت حربا شارك فيها جميع فئات الشعب على إختلاف جهاتها وبساطتها الله أكبر كان العنوان إللى سطر تحته الجندى المصرى أروع ملحمة فى تاريخه فى العصر الحديث نصر أكتوبر إللى كان فى حقيقته نصر على كل المستحيلات إللى كانت واقفة تتحدانا حرب تشرين زى ما سوريا بتسميه يوم الغفران زى ما إسرائيل بتفتكرها والعبور إللى هوالوصف والمعنى المصرى الجميل للى جرى فى اليوم ده اللواء/ حسام سويلم هيكون لينا معاه كلام مسئول
فاصل
محمد صلاح: أرحب بالخبير العسكرى اللواء/ حسام سويلم منورنا يا سيادةة اللوا
اللواء/ حسام سويلم : أهلا بيك
محمد صلاح:سيادة اللوا حرب أكتوبر رغم مرور 37 سنة لسه فيها أسرارمتعرفتش ؟ هل أتأرخ للحرب دى بشكل قاطع ونهائى ؟
اللواء/ حسام سويلم : هو طبعا بذل جهود كبيرة جدا لتدوين وتسجيل كل ما فيه حرب أكتوبر ولكن برضه بصراحة شديدة جدا ليس كل ما حدث تم تسجيله أو قيل طبعا فيه أسرارالمصلحة العامة بتفرض ده مقدرش أقول انه حرب أكتوبر لم تحدث فيها أخطاء لأ حصلت أخطاء جذرية حصلت أخطاء عسكرية والبعض أشار لها مثلا موضوع الثغرة ولم يحدث تفاصيل فى هذا الموضوع والناس فهمت ليه مثلا حصلت الثغرة ؟ ليه مثلا التطوير لم يحقق هدفه ؟ إيه الدروس إللى إستفدنا منها من 67 ؟ يعنى فيه حاجات متفتحتش فيه أجيال محضرتش مثلا 67 والبلاوى إللى كانت فى 67 وإللى كانت سبب فى الهزيمة كيف إن إحنا تغلبنا وإستفدنا من 67 فيه انه إحنا نعمل إنتصار 73
محمد صلاح: إيه الدروس إللى خرجنا بيها من النكسة 67 ؟
اللواء/ حسام سويلم : أولا أنا عايز أقولك حرب أكتوبر كانت فريدة فى نوعها حقيقة الأمر يعنى مش بس بالنسبالنا انه إحنا مدهلناش حقها فى المدارس العسكرية إللى بره والبحوث العلمية أدركوا حقيقة هذا الحرب لى 4 ، 5 أسباب السبب الأولانى إن هذه الحرب جاء على عكس إرادة القوتين العظمتين فى هذا الوقت الولايات المتحدة وأيضا الإتحاد السوفيتى إللى هو كان المصدر الرئيسى لتسليح القوات المصرية فى هذا الوقت بدليل انه كان فيه إتفاق بين أمريكا وروسيا أو الإتحاد السوفيتى على عدم إمداد مصر بالأسلحة الهجومية التى تمكنها من إستعادة سيناء وعلشان كده لم يعطونا ما نريده من أسلحة نقدر نطور هجومنا ونستعيد سيناء بالكامل عسكريا علشان كده محدودية الحرب بترجع لهذا السبب فكانت على عكس إرادة الأتنين
محمد صلاح: دا أول سبب
اللواء/ حسام سويلم : السبب التانى انه حرب أكتوبرعلى عكس جميع حروب العالم إحنا نفذناها بمبادرة مصرية بعملية هجومية فى ظل خلل فظيع فى الميزان العسكرى لصالح إسرائيل فى هذا الوقت إحنا كان عندنا 10 فرق هما عندهم 15 فرقة كان عندنا 225 أو 250 طائة مقاتلة كان عندهم 450 طائرة مقاتلة بصرف النظرعن النوعية غير الدبابة إللى كانت موجودة عندنا فى 54 فيه 55 فيه 62 كان فيه 34 إللى أقتحم بيها اللواء/ فؤاد عزيزغانم أنطرة كان فيه 44 ترجع للحرب العالمية التانية لا يمكن تقارنها بى الأم 60 إللى كانت فى الجيش الأمريكى فى نفس الوقت لا يمكن تقارن الميج 51 إللى هى ترجع للخمسينات مع الإسكاى هوب والفانتوم إللى كانت فى نفس الوقت فى القوات الأمريكية إذا كان فيه خلل كمى وخلل نوعى بغض النظر على الإحتكار النووى الإسرائيلى ورغم هذا الخلل إللى لا يمكن حد يقول فى ظله تقدر أنك تهاجم عدوك
محمد صلاح: لكن الإستخدام الأمثل للمتاح هو إللى أتاح لينا الإنتصار فى الحرب
اللواء/ حسام سويلم : مع الفضل الألهى
محمد صلاح: أكيد دى نقطة هنتكلم فيها
اللواء/ حسام سويلم : إنما أنا عايزأقول إيه ؟ انه الناس بره إستغربت أنا هقولك واحد أمريكانى عبر عن هذه الحقيقة كان مندوب عسكرى فى الهند فكنا واقفين فى ريسبشن فى كشمير فى الهند إحنا كنا أول دفعة أتخرجنا بعد حرب أكتوبر ملحقين عسكريين بره فجه عرفنى بنفسه قإللى أنا كنت ماسك المحور بتاع الجيش المصرى فى البنتاجون قلتله أهلا وسهلا قلتله أنتم عملتم جسرجوى وإديتوا الإسرائيليين أسلحة حديثة وهى دى إللى حددت عملية التطويربتاعتنا زى ما إديتوهم الصاروخ الطوق إللى هو مضاد للدبابات فى الجيل التانى ودا كان بينزل من العريش على طول من الجسر الجوى على الجبهة مباشرتا قلتله إحنا كان فى إيدنا الصاروخ المضاد للدبابات الجيل الأولانى الجيل الأولانى إنك بتتبع الهدف بتتبع الصاروخ بتاعك وبتوصل الصاروخ للهدف عايزة حساسية جامدة جدا واخد بالك معانا فكنا بندرب العساكر بتوعنا على الدايرة إللى باديها للعيل الصغيرإللى فيه كور كور ودوايروندخل الكورجوا الدايرة علشان العصايا بتاعة الصاروخ وأنت بتوجهه يايطلع منك فوق ويضيع منك يا يخبط فى الأرض وبعد تطلعه بره يضرب 1000 هدف ثما فى الميدان يضرب 11 صاروخ دى بتحتاج حوالى 3 تشهر أنا أعرف انه الجيل التانى بيبقى على الهدف والصاروخ يروح لوحده قلتله تحتاج أسبوع أنا بديك الفرق للى كان فى إيدينا وفى إيد غيرنا وبعدين قإللى بصراحة شوف بقى التعبير بتاع الأمريكان إللى هولا هوعربى ولا هو مصرى ولا هو أى حاجة قإللى أنتم فى الحرب مع إسرائيل كنتم أشبه بواحد ماسك عصايا فى إيده شوهة يعنى قدامه واحد ماسك كلاشينكوف إللى هى إسرائيل أمكن بالشومة إللى فى إيده دى انه يحارب الكلاشينكوف
محمد صلاح: الحمد الله دول سايبين السبب التالت ؟
اللواء/ حسام سويلم : الحاجة التالتة انه تمت فى ظروف نفسية صعبة جدا إفتقاد الثقة الشعب نفسه كان فيه يأس وأنت عارف يمكن كنت فى الجامعة أياميها أنت
محمد صلاح: لا لا لأ كنت فى كى جى وان
اللواء/ حسام سويلم : كى جى وان ها ها كان فيه نكت طلعت سنة الردع وسنة مش عارف التطوير وسنة الضباب ونكت طلعت على الجيش وكانت ظروف نفسية صعبة جدا كان فيه يأس وكان فيه عدم ثقة إن إحنا نقدرنحررالأرض بالقوة العسكرية ففى ظل الظروف النفسية دى لم نرد كقيادة عسكرية إن إحنا نحول هزيمة السلاح إلى هزيمة للنفس وللروح المعنوية وتكون مطرقة على دمغنا وعلى أروحنا فى المرحلة الجاية وزى ما بقول كده جبال الحزن إللى كانت على أكتافنا حواليناها إلى طاقة بحيث يتحقق بيها النصركان فيه إصرار على بلوغ التجاوز هزيمة 67 زى ما قلت ودى أول حرب كانت بمبادرة أول حرب بمبادرة مصرية بمفجأة حققت أهدافها
محمد صلاح: إحنا بنقول يا سيادة اللوا انه حرب أكتوبر كانت معجزة إحنا لأننا عاطفيين شوية أو لأن إحنا حققنا نصرفى الحرب دى بنبالغ فى الحكاية دى ولا فعلا فيه أسس بتضع حرب أكتوبر فى مكانة المعجزة؟
اللواء/ حسام سويلم : أنا هقولك ليه كانت معجزة ؟ أولا هذه الحرب رغم الخلل فى الميزان العسكرى ورغم الحنفية إللى كانت مقفولة من جانب الولايات المتحدة بامدادهم بالأسلحة إنما حرب أكتوبربرضه بقول انه حصلت أخطاء ودى إللى الناس مش فاهمها أومش مستوعباها بالذات الأجيال الجديدة حضرتك بتقول كنت فى كى جى وان يمكن فيه ناس ما كنتش إتولدت هذه الحرب رغم محدودية الإمكانيات والصعوبات والمشاكل وغيره نجحت فى تحديد الهدف السياسى منها وهو إستعادة سيناء حتى أخرحبة رمل فى طابا هذه الحقيقة للأسف لا يدركها انه لا زالت الأراضى العربية الأخرى فى الجولان وفى الضفة الغربية 37 سنة لغاية دلوقتى محتلة لغاية النهارده وهذا النصرتحقق ليس فقط أولا بفضل الله ليس فقط بفضل القوى العسكرية ولكن بالمعركة الدبلوماسية الناجحة ونحررأرضنا وعندناش النهارده عقد أرضنا محررة وليس لدينا عقد فى الوقت إللى غيرنا وهاجمونا وقاطعونا 10 سنين النهارده بيتمنوا وبيطلبوا من تركيا وغيرها إنهم يوصلوا للى إحنا وصلناله من 37 سنة دا الجوهربتاع حرب أكتوبرنجاحها فى تحقيق الهدف السياسى وهوتحرير الأرض للأخرحبة رمل فى سيناء وفى طابا وهذا من نجاح القيادة المصرية ودا نجاح للقرار السياسى وللجهد العسكرى والدبلوماسية المصرية
محمد صلاح: أوصفلى الأوضاع الإقتصادية والأوضاع المدنية إللى كانت محيطة بالجيش المصرى فى الوقت ده ؟ يعنى إقتصاديا يعنى سمعنا عن المجهود الحربى وعن يعنى جمع التبرعات عن أكيد ‘ن أزمات إقتصادية عن ضائقة مالية بيعيشها الناس طبعا التهجير تهجيرالمدن الثلاثة كل دى ضغوط كانت إقتصادية ومعيشية على الناس الجيس كان بيحس ده إزاى ؟ انه دا بياخده حافز انه يحقق نصر ولا تأثر؟ ما هو الجيش هو الشعب يعنى
اللواء/ حسام سويلم : شوف حرب أكتوبر تمت فى ظروف صعبة أنا كنت فى الوقت ده مقدم وكانه فاتحين لينا جمعية إستهلاكية فى نادى الظباط فى الزمالك وباخد بطاقة تموين بس علشان تعرف كان حالنا إيه ؟ وبعدين بقول أنا كنت مقدم فى الوقت ده يعنى نشوف بقى الشعب مستواه إيه ؟ وأروح كل 15 يوم أخد جوز فراخ وأخد 15 حتة صابون وأخد 5 كيلو رز بالبطاقة
محمد صلاح: وتلاقى فيه حصى كتير وطوب وظلط
اللواء/ حسام سويلم : بقيت قطاعات الشعب كان حالها شكلها إيه ؟الشعب أتحمل كتيرجدا وعلشان كده لما أتكلم فى دروس حرب أكتوبروإزاى تغلبنا على المشاكل بتاعتنا ؟ يمكن واحد يسأل طب ليه محققناش 15 فرقة زى إسرائيل ؟ لأ 15 فرقة زى إسرائيل يعنى عايزة فلوس يعنى عايزة أموال يعنى على حساب الشعب فى ظل أزمة إقتصادية
محمد صلاح: عفوا سيادة اللوا انه فعلا ممكن يجيى فى أذهان البعض انه إحنا يعنى عدد السكان فى مصر أكبر بكتير قوى من عدد سكان إسرائيل فى التوقيت دا فا ليه هما يبقى عندهم 15 فرقة وإحنا أقل يعنى ؟
اللواء/ حسام سويلم : دى من دروس 67 إزاى إستفدنا من دروس 67 ؟ عدد مصرأكبر بكتيرمن عدد سكان الإسرائيليين فى التوقيت ده فا ليه هما يبقى عندهم 15 فرقة وإحنا أقل يعنى ؟ إزاى إستفدنا من دروس 67 ؟ طبعا إللى أنا عايزأقوله دا سبب أساسى من أسباب الإنتصارانه إحنا إستوعبنا دروس حرب 67 أو هزيمة 67 وإزاى تغلبنا عليها أول درس برزإلينا بعد هزيمة 67 خطورة إنشغال الجيش بالسياسة والدولة إللى يتغنس جيشها فى السياسة لا هينفع فى السياسة ولا هينفع فى الحرب بتاعته ولا تأمين متطلبات الأمن القومى لها واخد بالك ودا إللى حصلنا فى سنة 67 دا سبب من أسباب هزيمة مصر ليه ؟ لأن الجيش كان مسيس القائد العام للقوات المسلحة كان مسئول عن حاجات كتير جدا كان مسئول عن لجنة الأقطاع كان مسئول عن التأمين كان مسئول عن الوحدة مع سوريا كان المسئول عن المصالحات إللى بتتم فى حرب اليمن القوات المسلحة كانت مسئولة عن الجمعيات الإستهلاكية كانت مسئولة عن حرس الجمارك كانت مسئولة عن هيئة النقل العام مصايد الأسماك كل الكلام الفارغ ده كان على هيئة القوات المسلحة طبعا ده على حساب الإنتباه للقوات المسلحة للجيش لى سيناء لتأمين خط المضايق للدفاع
محمد صلاح: التفرغ يعنى لحماية البلد يعنى ؟
اللواء/ حسام سويلم : القيادات فى هذا الوقت والقيادات المتوسطة أوالوسطى كانت قيادات مسيسة كانت بتعين ليس على أساس الكفاءة القتالية الكفاءة القيادية بمعنى أصح الخبرة العلم الموهبة ولكن على أساس الولاء السياسى بغض النظر عن مدى كفاءته كرجل عسكرى أو قائد ودى كانت مصيبة تانية واخد بالك معايا غير مؤهلين إنما دا كان حال الجيش فيه 67 كان تلت الجيس فى اليمن كنا بنصرف مليون جنيه يوميا
محمد صلاح: فى التوقيت ده يعنى مبلغ بقى ؟
اللواء/ حسام سويلم : الدولار كان ب 30 قرش علشان بس الناس تعرف مليون جنيه يوميا تلت الجيش كان هناك كان فيه قيود فى الميزانية قيود فى التدريب قيود فى الوقود التدريب يدوبك كان فى مستوى سريه كانت الأسلحة بدأت تجيلنا فبتتشكل وحدات بنوايات 25 % فقط وفى ظل هذا الجوتقلصات تقلصات مفيش مفيش ميزانية ضعيفة مفيش تدريب الجيش فى اليمن يصدرقرار بالتعبئة العامة للقوات المسلحة فى سينا يصدر قراربطرد البوليس الدولى من غزة وسينا يصدر قرار بإغلاق المضايق وتخنق إسرائيل وتديها المبرر بأنها تعتدى عليك وتقوم بالحرب إللى سميتها حرب وقائية واخد بالك دا دليل على إيه ؟ كان فيه إنفرادية وعفوية فى القرارالسياسى النتعلق بمسائل الأمن القومى فى مصر دى نقطة مهمة جدا
محمد صلاح: كلمنى بقى فى حاجات مبهجة بقى كلمنى فى حرب أكتوبرأتكلمنا فى 67 يعنى إزاى دى كانت دروس ؟ يعنى أنعكس ده إزاى ؟
اللواء/حسام سويلم : حكاية شغل الجيش بالسياسة ده حصل طلاق كامل بين القوات المسلحة والسياسة ملناش دعوة بالسياسة الجيش إللى يدخل فى سياسة البلد يبقى البلد دى حل بيها مصيبة وهذا المبدأ لا زال قائم لغاية دلوقتى ليس لنا علاقة بالسياسة إحنا مسئولين عن أمن مصرمسئولين عن الدفاع عن الأرض عن الوطن هى دى مسئوليتنا وبس ملناش دعوة السياسة ليها ناسها دى نقطة مهمة رقم واحد دا أول درس وبدأ إنتخاب القيادات العسكرية على أساس الإحتراف الجيش ده محترف فقط والمهنية وليس له علاقة بالسياسة وأتغيرت القيادات طبعا وعلشان كده الجيش إللى أنهزم فى 67 بعد 6 سنين هوهو إللى حقق الإنتصار بتغييرالقيادات الوسطى والقيادات الصغيرة طلعت أناعايز أقول القيادات هى هى الصغيرين طلعوا فوق شوية الحاجة التانية انه فوجئنا بعد حرب 67 بمعادلة مقلوبة المعادلة بتقول إيه بتقول مصركانت 50 مليون فى الوقت ده وكان عندنا 4 فرق فرقتين مشاه تانية وتالتة وفرقة ميكانيكية التالتة كانت فى اليمن والفرقة الرابعة المدرعات 50 مليون وعندهم 4 فرق إسرائيل 4 ونص مليون وعندها 10 فرق وأستولت على سينا والجولان والضفة الغربي فى 9 تيام تيجى إزاى وأنت عندك 50 مليون وعندك 4 فرق ؟ وإسرائيل 4 ونص مليون وعندها 10 فرق تيجى إزاى ؟المعادلة مقلوبة فصححت هذه المعادلة التحضيرلحرب أكتوبر بدل 4 فرق بقوا 10 فرق إذنا عندك وعاء بشرى تقدروإتسلحت مش بس إتسلحت لأ دا أنت دخلت نوعيات مهمة جدا هى المؤهلات العليا ما كنتش موجودة دخلتها فرفعت مستوى الكفاءة بما يناسب التطور التكنولوجى فى هذه الأسلحة مش بس كده دا أنت زودت كمان فرقتين دفاع جو الدرس التالت فى حرب 67 أو من هزيمة 67 إن إحنا قلنا مفيش مشكلة ملهاش حل كل مشكلة لها حل
محمد صلاح: يا سيادة اللوا أنت كنت بتكلمنى على انه كان في حالة إحباط وإحنا كنا حسينا ما أنا برضه كنت واعى يعنى وطبعا من إللى قريناه بعد كده مظاهرات فى الجامعة تريقة على تصريحات سياسية عن انه دا عام الحسم وبعدين وفى أخر السنة نقول انه حصل ضباب الحرب الهندية- الباكستانية فالناس كانت بتسخر وتتطلع نكت وا وا يعنى كان فيه شبه حالة إحباط أوأقرب من اليأس إزاى دا تحول إلى قوة دفع ؟ يعنى الناس ما أتفأجتش لما حصل يوم الساعة 2 الضهر يوم 6 أكتوبر73 الناس كانت مذهولة من القرار يعنى ؟
اللواء/ حسام سويلم : إللى أناعايز أقوله إنه إحنا فى عاملين فى الحتة دى العامل الأولانى إستيعنوا على قضاء حوائجكم بالكتمان ودى نقطة مهمة النقطة التانية انه إحنا إشتغلنا حقيقتا فى صمت فى صمت وإحنا بنتكوى من جوا من أسباب الهزيمة ولا بد زى ما قلتلك انه نحول جبال الهزيمة دى إلى طاقة عمل نسترد بيها سمعة الجيش سمعتنا كظباط أنا كنت ظابط بنزل فى الأجازة وأنا كنت مقدم لابس كاكى ومروح بيتى فى الأجازة لما العربية الجيب تقف فى إشارة المرور والناس تبصلى كنت بقول يا أرض أنشقى وأبلعينى أنا عن نفسى كلنا كده بعد 67 فكان لابد من إزالة عارهذه الهزيمة بشكل أوبأخرالعمل التانى فى الحتة دى وهوداخل فى الخداع بمعنى تغذية الإحساس عند العدو بأنك جثة هامدة ما فيش فايدة فيك وتغذية الغرورعنده واخد بالك دى نقطة مهمة جدا ودى إشتغل فيها الإعلام المصرى كويس غزا هذه الناحية عند العدو وأفادتنا وبعدين ما إنتبهناش قوى قوى للإشاعات الحاجة المهمة إللى عايز أقولها انه القرارات الفردية والعفوية أنتهى قرار الوحدة مع سوريا حد يشك انه دا قرارعبد الناصرفردى؟ علشان كده فشل قراربتاع حرب اليمن فشل فردى قرار التعبئة فى سينا بواسطة قوات 15 مايو وطرد البوليس الدولى كل دى قرارات فردية وعفوية جينا فى 73 بقى لأ دا فيه ترشيد لعملية صنع القرار ويبقى المهمة المكلفة بيها القوات المسلحة على قد أمكانياتها فقط و تتعداه علشان كده الحاجة المهمة الأهم من هذا وذاك المعلومات يمكن لما أٌولك على معلومات تفتكر انه أنا بقولك معلومات عن العدو لا يا سيدى معلومات عن نفسك عن أمكانياتك عن قواتك تنفذ القرار إللى بتاخده وتغطيه ولا غير قادرة ؟ ولا متاخدهوش؟ فكانت عملية المعلومات مش بس على أهميتها لأ أنا فين ؟ هل عبد الناصر كان يعلم ما كان عليه القوات المسلحة فى 67 ؟ لو كان يعلم هذه الحقيقة ما كنش خد القرارات مسألة بديهية ما كنش خد القرارات ما كنش فيه معلومات عن نفسك عن قواتك عن ضعفك أنا فى المدفعية عبا علي- عساكرمهندسين والمهندسين يتعبا عليهم عساكر دفاع جوى
محمد صلاح: يعنى إيه يتعبى عليه ؟
اللواء/ حسام سويلم : إحتياط إستدعاء يعنى واخد بال حضرتك القوات كانت بترسل إلى الجبهة فيه عربيات خضارهل تعلم انه فى 67 القرار بتاع الإنسحاب دا مهم جدا يعنى النقطة دى مهمة جدا قرارالإنسحاب للفرقة الرابعة 3 قرارات فى خلال يوم ونص إنسحبى للضفة الغربية للقناة إنسحبت للضفة الغربية من القناة إرجع للضفة الشرقية رجعت للضفة الشرقية إنسحبى تانى للضفة الغربية أنا هسيب التعليق للمشاهد إللى بياخد القراريبقى شكله إيه ؟ علشان كده إللى عايزأقوله المعلومات دى كانت مهة جدا المعلومات عن قواتك علشان كده لما جه فى حرب 73 أصبح المعلومات إللى تصل إلى رئيس الجمهورية من 3 مصادرعن القوات ليه أنا قلت الحتة دى ؟ كان فيه تقاريربتيجى من هيئة التفتيش فى القوات المسلحة لرئيس الجمهورية كان بيجيلوا تقريرمن كبيرالخبرا الروس عن مستوى القوات المسلحة قبل الحرب بشهر كان فيه لجنة خاصة أنها تمر على جميع الوحدات إللى هتعبروقامت بى زى ما تقول شافت بروفة كانت فى غرب الملاحة عن إيه إللى هيتم فى حرب أكتوبر ؟ لما جينا بقى فى حرب أكتوبر والمشاكل إللى كانت مقابلنا أول مشكلة كانت مقبلانا التفوق الجوى الإسرائيلى والتفوق فى المدرعات التفوق الجوى مردوش يدونا المقاتلات إللى أنا إتكلمت عنها فقلنا نتغلب عليه بالدفاع الجوى حائط الصواريخ حصل برضه حاجة مهمة أنا كنت فى 28 أكتوبر68 دعيت إلى مقابلة الرئيس عبد الناصرفى بيته على سبيل التكريم فى الشغل الى إحنا عملناه فى حرب الإستنزاف ورحنا كان الفريق فوزى موجود الفريق عبد المنعم رياض موجود مجلس الدفاع الأعلى موجودين فى الصالون عنده قال الكلام ده فى أكتوبربعد معركة الكرامة حصلت فى الأردن كان فيه لينا 3 محطات ردارالفريق رياض علشان يشوف الطلعات بتاعة إسرائيل ودخلت إسرائيل ومرتلنا محطة ردار منهم فالريس وهوقاعد وإحنا كنا موجودين قال الحمد الله إحنا دلوقتى مش زى الأردن بيضرب بإستمرارومحدش بيرد عليه لأ عندنا دفاع جوى قوى ولا إيه يا فلان ؟ فلان دا قائد الدفاع الجوى قال يا فندم الحمد الله عندنا الدفاع الجوى قوى فى الدلتا بس نقطة الضعف إللى عندنا الصعيد والبحرالأحمر أنا فى قرارة نفسى بقول ربنا يسترفحرب الإستنزاف بدأت تشتغل مدفعيات بتضرب وبعدين كان فيه عندك العمليات بتاعة الصاعقة وكان فيه عندك عمليات الإغارات والكلام دا كله وفى 29 مايو 69 شوف بعد القعدة بسنة قررت إسرائيل تدخل قوتها الجوية فى معركة الإستنزاف نسيت أقولك وهوقاعد يتكلم بيقول إحنا عندنا نسقين من كتايب صواريخ سام 2 النسق الأول بيمرمن بورسعيد إلى الصالحية فى القنطرة إلى فايد النسق التانى إلى فاقوس والمنصورة ودول للدفاع عن الجبهة وإحنا مطمنين أما دخلت إسرائيل يوم 29 مايو القوات الجوية راحت مخلصة على الخط الأولانى دمرت كتايب سام 2 يوم 30 دمرت الخط التانى بقت السما مفتوحة قصداهم تضرب فى بحرالبقر تضرب فى فى أبوزعبل تخش فى القاهرة أخترقت حاجزالصوت فوق , بين عبد الناصر مرتين وبدأت عملية بناء الدفاع الجوى من الألف إلى الياء أدى معلومات التمام إللى أخذه رئيس الجمهورية من قائد الدفاع الجوى حصل إيه ؟ تمام غيرسليم علشان كده بقول التفتيش ودا من أهم ما يمكن بالنسبة للقيادة علشان تدى قرار سليم دا سبب إلحاحى فى الكلام فى دروس 67 فيه يناير 70 23/يناير/70 كلفت فى مهمة فى موسكو كان معايا الله يرحمه اللوا أمين مظهر كنا بنتعشى عند الملحق العسكرى المصرى بيقول أنتم عارفين مين موجود فى موسكو الليلة ؟ الريس عبدالناصرفى زيارة سرية لموسكوبيقدم طلبات للقيادة السوفيتية عايز 3 فرق دفاع جوى لأن كان مصر مفتوحة وعايز سرب ن 25 فى الغردقة وعايز على البرالغربى 15 وا وا إلى أخره وأكد إذا ما إستجبتوش لطلبات بتاعتى دى الكلام دا موسق أنا هنزل مصر وهتخلى عن القيادة وأجيب واحد يعرف يتفاهم مع الأمريكان وع إسرائيل وإستجابوا لعبد الناصرونزلوا 3 فرق دفاع جوى بدأت تحقق الأمن فى السماء فى مصر هنا ودخلنا فى مبادرة روجرز علشان تمكنا من إن إحنا نبنى الدفاع الجوى حائط الصواريخ إللى وصل لى 30 كيلو فى سن 70 فى غرب القناة وإللى إتصرنا فى حرب 73
محمد صلاح: طب ما تحكلنا يا سيادة اللوا ليلة 6 / أكتوبر كان الجو عامل إزاى ؟ على مستوى مصر الناس كانت حزينة لسه محدش عارف تانى يوم مصر هتضحك يعنى الجو كان عامل إزاى ؟
اللواء/ حسام سويلم : أنا مكنتش فى القاهرة أنا كنت فى الجبهة
محمد صلاح: لأ أنا أقصد الجو عندكم أنتم
اللواء/ حسام سويلم : إحنا بنقول ربنا يستركنا بنقول يا رب ليه ؟ لأن إحنا أخدنا بالإمكانيات دى ما ربنا عزوجل بيقول وأعدوا لهم ما إستطعتم أخدنا بأسباب الإستطاعة حتى لم يبقى من الإستطاعة إستطاعة الدفاع الجوى قلنا بدل الطيران قبل حرب أكتوبر وقعنا لإسرائيل حوالى 23 طيارة بإعتراف ديان 23 طيارة وإتأسر 9 طيارين خطة الطياران كنا بنخرج 50 طيار فى السنة فى 67 أتخرج 200 طيار فى السنة فى الفترة بتاعة حرب الإستنزاف كان فيه أسراب بتدرب فى مصر وفيه أسراب بتدرب فى روسيا كان مطلوب 800 طيار علشان نعمل طيار ونص لكل طيار ويقدر يعمل من 6 لى 7 طلعة فى اليوم وصلنا لى 80 % من تحقيق هذا الهدف أتبنى 20 مطار غير 200 كتيبة صواريخ أرض / جو جهد لا تتخيله التفوق فى المدرعات قلنا مش عاوزير يدونا دبابات بلاش هناخد الصواريخ المالوتك إللى بقولك عليها دى نتمرن عليها الأول ونحطها على عربية بيكب ونقاطل بيها ونصدد الدبابات بيها هذه الصواريخ المضادة للدبابات إللى بكلمك عنها إللى عبد العاطى دمر لوحده 21 دبابة
محمد صلاح: عبد العاطى عسكرى مصرى كان مسمينه صائد الدبابات ؟
اللواء/ حسام سويلم : وفيه كذا عبد العاطى مش هو وحده واخد بالك معايا أنا بتكلم على الصواريح إللى كانت بتيجى الأول كنا بنحطها وبنشتغل بيها وندمر الدبابة علشان كده لما قالوا الوقفة التعبوية مكناش قاعدين تشمس دى الوقفة التعبوية دى أتصد فيها ضربات لمندر لجنرال مندر وأتصد لشارون 240 دبابة 240 دبابة لأدمروا فى أثناء الوقفة التعبوية دى لأن كان وجهة النظر أنا هشتغل بنظرية المفرمة إللى يجيلى هفرمه إسرائيل وصل الأمر يوم 9 / أكتوبر إلى أنها كانت بتصوت لكيسنجر أنا أخشى انه سينا هتروح من إيدينا قالها أنا مش بس بخشى على سينا أنا أخشى على إسرائيل نفسها لما ديان راح وقالها
محمد صلاح: موشى ديان كان وزير الدفاع الإسرائيلى
اللواء/ حسام سويلم : راح لمائير يوم 9: أكتوبر وقالها خط بارليف إنتهى وأنا أمرت كل جنودنا فى خط بارليف تنسحب إلى خط المضايق إنها نهاية المعبد التالت قالتله أعدوا لحرب القيامة ونشرت 13 سلاح نووى فى النقب تحت بصرالأقمارالصناعية ومن هنا بدأالجسرالجوى الأمريكى تغلبنا إزاى على القوات الجوية الإسرائيلية فى الدفاع الجوى ؟ قالتله فى هذا اليوم إيه ؟ لكسينجر الكلام دا كاتبه كيسنجر قالتله أنا خسرت فى 4 تيام من 6 لى 9 450 دبابة و112 طيارة فى 4 تيام الساعة 5 يوم 6 أكتوبر ميجلر قائد القوات الجوية الإسرائيلية بيعطى أوامر وإحنا لقطناها بالاسلكى للطائرات أبتعدى عن خط القناة 15 ميل هناك حائط برى موجود أبتعدى عن خط القناة ليه ؟ إيه الحائط البرى ده ؟ طبعا توفيق ربنا عايزك تفسرلى؟ إزاى صاروخ يضرب طيارة مش مشكلة عادى إنما لما الصاروخ يوقع الطيارة والطيارة تنفجر وبقايا طيارة تصيب طيارة أخرى وتوقعها يبقى داتوفيق من مين ؟
محمد صلاح: من الله أكبر
اللواء/ حسام سويلم : فى قصة تانية عايزأقولها فى التجهيزالنيرانى للهجوم بتاعنا كان المفروض تضرب مركزالقيادة فى أم خشيب مركز قيادة الجبهة ضرب أم خشيب بحوالى 12 صاروخ فوجئنا أثناء الحرب فيه طيار أتقصف فبيقول الصواريخ بتاعتكم إللى ضربت مطارالمليز كبدت الطيران بتاعنا 12 طيارة ميراج كانه هما إللى مستعدين إن هما يتعرضوا أو يمنعوا أو يتعرضوا لموجات العبورالأولى فأنتم بتدبركم للصواريخ إللى دمرت ال12 ميراج دى نجت موجات العبور الأولى مليزمين ؟إحنا مضربناش المليز إحنا ضربنا أبوخشيب إيه المليزدى ؟ صورايخ بتاعتنا ما ضربتش مليز
محمد صلاح: أمال مين إللى ضرب مليز ؟
اللواء/ حسام سويلم : رجعنا بقى للورق بتاعنا إيه إللى حصل فى اللوا 64 ؟ هات الورق قعدنا نفد تاك تاك تاك أمسك فيه صواريخ لما بتطلع ودانات المدفعية لما بتطلع من المصانع بتطلع على أحوال جوية نموذجية إنما فى الواقع مفيش كده ففى جداول بنعوض عن الأحوال الغير نموذجية وبنسميه حل التغييرالجوى الولاد إللى حلوالتغييرالجوى غلطوا غلطوا وإللى راجع عليهم مكتشفش الخطأ بدل الصواريخ ما تقع على أم خشيب وقعت على مطار المليزودمرت ال 12 طيارة دا ترتيب مين ؟
محمد صلاح: ترتيب ربنا
اللواء/ حسام سويلم : لازم نقر بالكلام دا كان فيه توفيق من الله
محمد صلاح: سيادة اللوا الكلام والمعجزات إللى بتتكلم عنها مش غيبيات دى حقائق يعنى حصلت وأنت راجل كنت فى الجبهة فيه موقع الحرب يعنى أنت حاسس انه بكل صراحة يعنى حرب أكتوبر بعد 37 سنة بقى فى ذاكرة أو فيه أذهان الجيل الجديد الموجود دلوقتى؟ وشبابنا يعنى فى سن العشرينات وما حوله يعنى بصراحة الخمسينات إحنا فاكري والأربعينات برضه
اللواء/ حسام سويلم : لا لا لازم يفهم إيه إللى عمله لبلده حرب أكتوبر ودورها فى البلد علشا كده أنا لحيت فى كلامى معاك الناس تعرف
محمد صلاح: كنا إزاى؟ وبقينا إزاى؟
اللواء/ حسام سويلم :أرضنا محررة تحقق الهدف السياسى من حرب أكتوبرونشوف غيرنا مش عاوز أقول الأسامى لا زالت أراضيهم محتلة أليس يعد هذا إنجاز للأنسان المصرى ؟
محمد صلاح: بكل تأكيد إنجاز لكن أنا بسألك سؤال ترد عليه هو أنت محرج تجاوب عليه ولا حاجة
اللواء/ حسام سويلم : إللى هو إيه ؟
محمد صلاح: هل شباب اليومين دول ؟
اللواء/ حسام سويلم : ما يعرفش حاجة عن الحرب فيه تقصير إعلامى
محمد صلاح: هو تقصيرإعلامى بس يعنى ولا ؟
اللواء/ حسام سويلم : تقصيرإعلامى وتقصير سياسى تقصير ثقافى والناس دخلت فى إهتمامات مش بتاعتها ونسيت حاجة مهمة جدا إن إحنا مستقلين وأرضنا محررة وأصحاب قرارانا ومفيش حد يقدريكسر إراداتنا وفى ظل ظروف أصعب من إللى إحنا فيها كتيرتحديناها ودا معدن الأنسان المصرى
محمد صلاح: طب عايز أوريك الشباب بيقول إيه على القصة دى ؟ إيه رأيك ؟
اللواء/ حسام سويلم : أتفضل
محمد صلاح:نشوف الشباب بيتكلم إزاى عن حرب أكتوبر
فاصل
شاب: مش كل الشباب يعرف معلومات عن حرب أكتوبر الفترة الزمنية إختلفت عن الفترة دى خالص زمان كان حرب أكتوبركان عصر أيام طبعا الإنجليز إنما دلوقتى مفيش النطاق السياسى فى الشباب دلوقتى قليل
شاب: دلوقتى مفيش فرصة انه الواحد يقعد ما حد يسمع منه كلمة يفهم بيها إللى حصل زمان بسبب انه فيه مشغوليات جامدة وشغل وفيه ضغط على الناس دلوقتى وكده بس هوأكيد يعنى كان إنجاز جامد بالنسبة لمصر
شاب: فيه يعرف وفيه ما يعرفش السبب انه الشباب ما بيسألوش قوى إللى هما صغيرين دلوقتى عن حرب أكتوبر أو يحبوا يعرفوا حاجة عن حرب أكتوبر زى ما هو بيعرفوا عن الحاجات الجديدة دلوقتى ممكن دلوقتى لو الإعلام يزود عن حرب أكتوبر والحاجات إللى عن حرب أكتوبر والعظماء إللى قادوا حرب أكتوبر يحاولوا يعرفوا الشباب دى أو بالنسبة للشباب إللى بيقعد على النت برضه كتبر ما نحاول نقدمله معلومات عن حرب أكتوبرفى النت الناس إللى هى بتقضى ال24 ساعة على النت نقدم حاجات فى النت عن حرب أكتوبر نعرف الناس دى إيه إللى حصل فى حرب أكتوبر والشعب المصرى إزاى فاز بحرب أكتوبر ؟
شاب: النهارده الشاب دلوقتى مبيعرفش حاجة عن التاريخ وبلأضافة برضه غلى الثإنهية العامة فيه مادجة التاريخ إختيارى وأغلب الناس ما بتخدهاش يا أما علم نفس والله هو فيه بعض الشباب وفيه بعضهم لأ يعنى فيه إللى دارس وإللى مستمر فى الدراسة وغير كده فى إللى ما يعرفش إللى هو دلوقتى خلص تالتة إعدادى وتالتهة إعدادى وبالتالى حياته إرتبطت بمتطلبات تانية المعلومات دى بتتنقل فى النمو
شاب: الإعلام مش موصل للشباب دلوقتى ظروف الحرب والأيام إللى كانت البلد بتمربيها وطبعا الشباب بتاع دلوقتى يعنى فى أشد الحاجة لذكريات الحرب والظروف إللى مرت بيها البلد فى أيام الحرب فى الوقت ده
شاب: المناهج التعليمية بصراحة يعنى أنا كطالب وخلصت جامعة مدرستش حرب أكتوبر بتفاصيل يعنى التفاصيل الحقيقة بتاعتها فأنا شايف إن المناهج التعليمية لازم تناقشها بالتفاصيل بتاعتها
محمد صلاح: لو أنا هضايق سيادة اللوا بيضايقك الجهل إللى حصل فى 73 من 37 سنة لما كنت على الجبهة متخيل انه بعد 30 سنة الجيل أو الأجيال إللى هتيجى هتبقى معلوماتها قاصرة قوى كده عن حرب أكتوبر ؟ تفسيرها وأهدافها وإللى حققته
اللواء/ حسام سويلم : هو طبعا الكلام دا بيحزننى انا بس تذكرت حاجة روسيا حرب 45 سموها الحرب الوطنية روسيا أتحاربت مرتين مرة أجتيح الأمان روسيا لغاية ما وصول موسكو ومرة بواسطة الروس فى الهجوم المضاد للإتحاد السوفيتى سموها الحرب الوطنية العظمى لغاية دلوقتى بتدرس وبيمتحنوا فيها فى روسيا فى المدارس ليه ؟ لأن دا تاريخ البلد هذا الموضوع حرب أكتوبر فيه أعذار لهؤلاء الشباب الدراسة الجامعة الشغل إنما بحمل الدولة بكلم الدولة وبالذات الإعلام والسياسة والدولة حرب أكتوبر جزء من قضية ضعف الولاء والإنتماء فى مصر دى قضية خطيرة جدا
محمد صلاح: الجهل بالحرب يعنى ؟
اللواء/ حسام سويلم : الجهل بحرب أكتوبر ده جزء من قضية خطيرة أخطر بكتير من إسرائيل إللى هى ضعف الولاء والإنتماء للشباب المصرى للبلد كثيرمن الشباب لا يعرف قيمة بلده دى نقطة خطيرة ومن هنا الأداء فى كل المجالات فى المجال التعليمى فى المجال الثقافى فى مجال النقل فى مجال السياحة فى مجال الفلاحة فى مجال المصانع أنك تحس بإنتماءك لهذه البلد لهذه الأرض لأنى الإعلام مقصروالسياسة مقصرة والثقافة مقصرة فيه تعريف الناس بقيمة بلدهم التعليم كلام فارغ كلام فارغ يكفى زمان كنا بنقف نضرب تحية العلم ونشيد الصباح النهارده مفيش إللى بيحاول النهارده أحمد ذكى بدر انه هو يرجعه ويجد صعوبة جدا انه ينفذ هذا الكلام بقول فيه ضعف ولاء وإنتماء هل الشباب المصرى دلوقتى يعرف قيمة مصر فى الإسلام ؟ ناس كتير بتتكلم فى الدين هل يعرف الشباب المصرى إللى المولى عز وجل أداها خصوصية عن سائر بلاد العالم سيدنا رسول الله أداها خصوصية عن سائر بلاد العالم أنهى بلد المولى عز وجل قال عنها أدخلو مصر إن شاء الله أمنين غيرمصر؟ أنهى بلد المولى عز وجل أتكلم عن الكنوز إللى فيها على لسان سيدنا يوسف ؟ لما أخواته جوله وقالو له إيها العزيز مسنا وأهلنا الضر فجأنا ببضاعة مسجاه فأوفى لنا الكيل وتصدق علينا مصركانت بتصدق على العالم دا كله أنهى بلد سيدنا رسول الله وصفها غير مصر بأنها كنانة الله فى أرضه من أرادها بسوء قسمه الله ؟ انهى بلد غير مصر الشباب يعرف هذا الكلام ؟ أنهى بلد غير مصر سيدنا رسول الله أتكلم عن جند مصر خير أجناد الأرض وأنهم لفى رباط إلى يوم القيامة وإحنا فى برباط أهو من 48 أنهى بلد سيدنا رسول الله وصى على أهلها غذا فتح الله عليكم مصر وأستوصوا بأهلها خيرا فإن لكم فيها نسبا وصهرا ؟ كم بلد غير مصر إللى المولى عز وجل وسيدنا رسول الله كرمها ووصفها بهذه الخصوصية ؟ هل شباب مصر يعرف هذه الحقائق ؟ فين الإعلام ؟ فين السياسة ؟ علشان دا من الواقع الدينى للى بيتاجروا بالدين من حوالينا أدى مصر أهه إللى واحد من إللى بيتاجروا فى الدين قال عليها طظ فى مصر وإللى جابوا مصر ما نتكلم بصراحة يا أستاذ صلاح مش واحد قال كده ؟
محمد صلاح: طب الشباب يعمل إيه ؟
اللواء/ حسام سويلم : واحد قاضى مطلع إيه الولاء والإنتماء لمصر دى ؟ إيه مصر دى؟ عبارة عن أرض وميه وطين وتراب وبتاع الإنتماء للعقيدة إينما كانت نعم طب العقيدة دى هتقام على إيه هتقام على أرض وفيها ناس فيه ناس لازم يحافظوا عليها وفين حديث سيدنا رسول الله من مات دون أرضه فهو شهيد من مات دون ماله فهو شهيد من مات دون عرضه فهو شهيد بينفوا الولاء لمصر من مجتمع دينى غلط أدى حديث سيدنا رسول الله إللى بيتكلم عن مصر أدى الأيات القرأنية إللى بتكلم عن مصر فين الإعلام ؟
محمد صلاح: أنا هسألك أتكلمت عن دور الدولة إذا كانت دى مؤثرات على الشباب ليه ما كنش فيه مؤثرات مضادة علشان تقوى الإنتماء عند الناس تذكر الشباب دايما بتاريخهم تطور التعليم بحيث انه زى السوفيت إللى بقوا روس دلوقتى دا لحد النهارده لسه بتطلع أفلام فى هوليود عن الحرب العالمية التانية وعن الحرب العالمية الأولى
اللواء/ حسام سويلم : ما هو دا قصورأنا هتكلم الكلام دا وأنا حزين ومش قادرأقول كل إللى فى قلبى يعنى أنا عايز أقول إيه ؟ لما عندنا مشاكل فى التعليم ومشاكل فى الصحة ومشاكل فى كل حاجة من الحاجات دى هل دا مش ضعف طب لما المولى عز وجل يقول أو الحيث إذا عمل أحدكم عملا أن يتقنه لو أصلت هذا الحديث فى نفس كل أنسان المولى عز وجل يحب انه المدرس إذا عمل عملا أن يتقنه الصانع يتقنه الفلاحة يتقنه إللى بيسوق قطر يتقنه
محمد صلاح: السياسى؟
اللواء/ حسام سويلم : السياسى الوزير انه يراعى المولى عز وجل فى كل عمل هنحس بالمشاكل دى كلها مش ممكن
محمد صلاح: زى ما العسكرى عمل فى 73
اللواء/ حسام سويلم : زى فى 73 كنا مستعدين نضحى بحياتنا أنا هديك مثل بسيط جدا فى العبور العسكرى بعد التمهيدالنيرانى أنت عارف الساتر الترابى الناس إتكلمت عن خط بارليف أنت عارف الساتر الترابى عبارة عن إيه ؟ أو خط بارليف ده عبارة عن إيه ؟ دا عبارة عن ساتربحذا القنال 160 أو 170 كيلو بإرتفاع 20 متر أنت عارف 20 متر يعنى إيه ؟ أرتفاع عمارة 5 تدواروكل 100 متر أو 150 متر مربط دبابة وبعدين كان فيه أنابيب النبالم العساكر كانت بتطلع بسلالم خش تصوربقى واحد بيطلع عمارة 5 تدوارشايل 30 كيلو جرام على كتفه وجسمه سلاح وذخيرة والتعيين اليومى بتاعه وهوعلى سلالم خش طالع عمارة 5 تدوار أنت عارف واحد من الشباب دول جنودنا بعد الحرب ما خلصت قال أجرب أتسلق تانى الساتر الترابى فطلع من غير الهمات من غير ال 30 كيلو مقدرش
محمد صلاح: إللى خلاها كان فيه عز وفيه توفيق من ربنا
اللواء/ حسام سويلم : معرفش يطلع أنا بديك قوة الإيمان إللى كانت موجودة عند الناس شكلها إيه ؟ إيمان بالبلد إيمان بأهميتنا فعلشان كده أنا بقولك قضية انه الناس مش دريانة بحرب أكتوبر دى قضية أكبر من كده يا جماعة قضية الولاء والإنتماء الوطنى
فاصل* أغانى وطنية*
محمد صلاح: قال فى ذكرى حرب أكتوبر الخبير العسكرى اللواء حسام سويلم كلامه معانا النهارده كان كلام جميل كلام معقول وأكيد كان كلام مسئول خلص الكلام سلام نلتقى فى الحلقة المقبلة