اتجاهات

احمد بصيلة : اعزائي المشاهدين اهلا بكم في حلقة جديدة من اتجاهات اثارت تصريحات الدكتور مرسي رئيس الجمهورية عن السياحة واحترامه لهذا القطاع وتقديره لكافة العاملين فيه ارتياحا بالغا وبعث باكثر من رسالة تطمين خاصة ان برنامج السيد رالرئيس تضمن اكثير من المقترحات والتعهدات لرفع سعر السياحة والعاملين فيها واستعادة عافيتها الحقيقة التي يجب ان نعرفها جميعا ان مشكلة السياحة في مصر لم تبدا عقب احداث 25 يناير كما يتراءى للبعض ولكن مشكلة الكساد موجودة في العالم التي تمتلك جميع مقومات السياحة وتتميز بالتنوع الكبير في المنتج السياحي فمثلا تمتلك مصرثلث اثار العالم ان لم يكن اكثر وتتميز بتعدد المزارات الدينية سواء قبطية او اسلامية فمصر تمتلك اروع المناظر على مستوى العالم وفي السياحة العلاجية نجد سفاجا لعلاج الامراض الجلدية وكذا واحة سيوة والوادي الجديد وسيناء واسوان مصر وصحراءها الشاسعة خاصة في الجنوب واحدة من اروع الاماكن في العالم ومع ذلك نجد اعداد السائحين والعائد منها اقل بكثير من اي دولة لا تمتلك واحد فقط من هذه المكونات صحيح ان الاحداث عقب الثورة وما صاحبها من انفلات امني اثر كثيرا حتى ان التقرير الاخير للسياحة العالمية التابع للامم المتحدة ذكر ان مصر خرجت من نادي العشرين الكبار سياحيا في العالم والذي دخلته لاول مرة في تاريخها عام 2010 ورصد التقرير تراجع السائحين من المركز 18 الى المركز 26 عندما استقبلت 14 مليون سائح عام 2010 مقابل 9.5 مليون سائح عام 2011 واشار التقرير عن عودة السياحة المصرية وانها بدات تتعافى ., السياحة بدات بالفعل تتعافى قليلا ومعها بالطبع سيتعافى اقتصاد مصر السياحة لديها قدرة على احداث تطور سريع في الموارد المالية لمصر والتي هي في امس الحاجة اليها السياحة مازالت هي القطاع الوحيد الذي يمتلك القدر الهائلة على استعادة المخزون النقدي سريعا مقارنة بالقطاعات الاخرى التي يتطلب تنميتها ليس فقط استثمارات ضخمة غير متاحة حاليا ولكن فترة زمنية اطول يبدا ربيع السياحة المصرية من جديد سؤال نطرحه في حلقة اليوم يشرفنا بالحضور الدكتور خالد المناوي الخبير الاعلامي لاتحاد الغرف السياحية وايضا يشرفنا الدكتور عادل عبد الرازق عضو اتحاد الغرف السياحية ابدا بيك دكتور خالد الكلمات التي اطلقها الرئيس محمد مرسي في خطابه في التحرير وفي اكتر من مكان في الفترة الاخيرة يحي السياحة ويؤكد على اهتماه بهذا القطاع كيف استقبل القطاع السياحي هذه الكلمات
أ.خالد المناوي: هو الحقيقة انا عايز اتكلم في نقطتين كلمات الدكتور محمد مرسي مطمئنة للعامل المصري والعاملين ولكن برضه لازم نطمئن الخارج يعني احنا لازم نعمل على اتجاهين اتجاه للخارج واتجاه للداخل ودا بنشكر عليه الدكتور محمد مرسي انه طمأن العاملين في مجال السياحة وقال ان السياحة مصدر هام للرزق ولكن في بداية البرنامج باطالب اسم جميع العاملين في قطاع السياحة رسالة صغيرة للدكتور محمد مرسي للعالم الخارجي يقولهم اهلا بيكم مصر بلد الامن والامان هذه الرسالة هي مخاطبة داخلية للسوق الداخلي المصري والعاملين في قطاع السياحة بنناشد كعاملين في قطاع السياحة نناشد الدكتورمحمد مرسي ان يوجه رسالة ولتكن من امام الاهرام ولتكن من شرم الشيخ يعني انا اتمنى انه يقف امام ابو الهول وقدام الهرام الاكر ويقول مصر باثارها وشواطئها وباهلها وبناسها وبترابها تناديكم كسائحين انكم ترجعوا وتزوروا مصر تاني في امان مطلق النهاردة تصريحات الدكتور مرسي طمأنة وايجابية بعض الجرائد الايطالية النهاردة كاتبة تصريحات الدكتور مرسي وان الدكتور مرسي بيرحب بالسياحة وياللا ياطلاينة ارجعوا تاني ايطاليا كانت بتجيب مليون و400 الف سائح لما تبدا الاسواق وتبدا الناس تقرا الكلام دا مرة اخرى دي رسالة طمانينة فما بالك لو الدكتور مرسي عمل مؤتمر صحفي صغير قدام الهرم الاكبر وقدام ابو الهول المكان اللي شهد عايدة وشهد الاوبرات وشهد التاريخ وعبق التاريخ وقال اهلا وسهلا بيكم في مصر دي بلد الحضارة تاكد ان هذه الرسالة البسيطة اللي هتكون مدتها دقيقة ولا دقيقتين ستنشر في كل وسائل الاعلانم العالمية وكل وسائل الاخبار
احمد بصيلة : احنا كنا وصلنا ل14 مليون سائح الى 9 مليون سائح ورغم كل الاحداث الا ان السياحة لم تنخفض الى النصف او اقل من النصف اذن مازال هذا القانون جاذبا اللي وضحت ان مشكلة السياحة مش مشكلة الان لاننا فعلا بننمو بالسياحة ب12% او 10% او 7% ودي مش مكانة مصر عشان المكانة الكبيرة اللي بتتمتع بيها لكن احنا وصلنا لاقصى عدد في 2010 كان 14.8 مليون سائح وكانت الايرادات 12.5 مليار دولار طبعا مصر قليلة قوي اللي حققته لان تركيا حققت 29 مليار دولار احنا محتاجين طفرة كبيرة في السياحة ودي مش هتيجي بالنسب اللي بنمشي فيها في السياحة احنا عندنا افكار كثيرة كنا نقوللها في الماضي ولم تنفذ منها الكثير احنا محتاجين الافكار دي ازاي نطلعها وازاي نضبط افكار مصر على العالم الخارجي ماليزيا دخلت النهاردة المرتبة التاسعة انا بس عايز استاذنك على تعقيب على الفكرة اطلقت مبادرة والاتحاد المصري اطلق مبادرة بدعوة الرئيس محمد مرسي رئيس الجمهورية بلقاء مع السياح بمدينة شرم الشيخ احنا عايزين يحضر هناك وفي وسط السياح ويفطر معاهم ويلتقي بيهم وسط العالم ككل واتحاد الغرف السياحية هيرتب وفي هذا اللقاء البسيط اللي مش هياخد من وقته اقل من ساعتين ويلتقي بيه ايضا مع مجلس ادارة اتحاد الغرف السياحية علشان يعرف الافكار المختلفة ان احنا عايزين ننطلق من نسبة ال20% الى 24 و25 % دول كثيرة من دول العالم استطاعت انا تحقق الانطلاقة دي اسبانيا بعد ثورتها بعد ما قضت على الديكتاتور فرانكو ووضعت نصب اعينها القطاع الاول هو قطاع السياحة وعشان كده الملك رأس المجلس الاعلى للسياحة وعمل مجلس برياسة الملك في هذا القطاع اللي هو هيحرك وهو هيقود المجتمع زي ماقلت ان الصناعة محتاجة وقت كبير حتى ننهض بيها سنة اتنين تلاتة والزراعة محتاجة علاقات دولية معينة عشان علاقات التصدير لكن السياحة بمجرد ما تنطلق ستنطلق ووراها كل المشروعات مفيش صناعة من الصناعات ما بتنطلقش وراها السياحة اول ما تبدا السياحة في الانطلاق بنجد ان عمال البناء ومواد البناء بتشتغل واول ما يشتغل الفندق بنلاقي المواد الغذائية والملايات والبطاطين وكل الصناعات في البلد بتتحرك كل الصناعة وكل فرد في المجتمع السياحة رزق لكل فرد في المجتمع وبالتالي هنجد ان بمجرد تحريك السياحة هنجد ان المجتمع كله هيشعر بهذا التقدم السريع
احمد بصيلة : اذن هي دعوة من رئيس الجمهورية الدكتور محمد مرسي من غرفة السياحة انه ييجي يفطر مع السياح
د.عادل عبد الرازق: اي حتة في شرم الشيخ في الغردقة وهيلاقي السياح وهيكون معاه ادارة مجلس الاتحاد لان احنا في المجلس مجموعة متعاونة جدا وبدانا نفكر كيف ننطلق احنا مش سياسيين احنا مهنيين كل واحد مهنته في السياحة بقالنا 30 سنة و35 سنة و20 سنة ولينا استثمارات احنا جملة استثمارات القطاع الخاص 200 مليار جنيه مصري احنا لوكان عندنا 225 الف غرفة فندقية موجودة في مصر فهي لسه متعطلة ، 209الف غرفة احنا عايزين الصناعة دي تتحرك وعايزين رفاهية الشعب المصري من خلال اللي انت قلته
أ.خالد المناوي:انا عايز اعلق على اللي حضرتك قلته انه على الرغم من الثورة وعلى الرغم من كل ما مرت به مصر في ال16 شهر الاخيرة احنا وصلنا ل9.5 مليون سائح والسياحة لن يمر ليها ظروف اصعب من الظروف اللي مرت بيها في ال16 شهر الاخيرة احنا مرينا بظروف ارهاب ومركز التجارة العالمي لانه تنوع مصر المتعددة جعلتك عندك اسواق زي الاسواق الروسية والاسواق الانجليزية لم تتاثر كما تاثرت ايطاليا واسبانيا نمرة اتنين ان مصر في الشتاء لا يوجد لها منافس من تونس وتونس وقفت وقد تنافس من تركيا من لبنان من اليونان من اسبانيا لكن انت في الشطر دا لا يوجد مقصد سياحي على بعد 3او 4 ساعات من اوربا حيث تجد شمس ومية وهوا وشواطئ زي اللي موجودة في مصر انت بتسيب درجة حراة 18 و20 تحت الصفر عشان تيجي تلاقي درجة حرارة 28 وتلاقي بحر احمر درجة حرارته 28 وتنوع المنتج السياحي المصري واضافة منتج جديد زي مرسى علم ومرسى مطروح هذا الي ادى الى انه توصل الى 9.5 مليون سائح ووجود مصر على الخريطة العالمية صعب ان يزال انا عايز اطمنك انه اذا صدرت هذه التطمينات الى السياح وانا من الناس المتفاءلة مش المتشاءمة انا بقول انه اكتوبر اللي جاي لو طلعنا هذه التطمينات تاكد انه اكتوبرالماضي سيأتي السياح وستزداد معدلات الاشغال في الفنادق وهذا سيؤدي الى زيادة معدلات الاسعار انه عندك 9.5 مليون سائح جبتهم بكام
احمد بصيلة : هنتوقف عند تقرير عن معدلات السياحة وسينضم الينا في المدة الباقية من البرنامج الدكتور احمد امام المتحدث الرسمي باسم حزب الحرية والعدالة
فاصل تقريري
مواطن1: مصر مابقاش ليها اي دور خالص حتى تركيا سبقتنا في السياحة
مواطن2: الزمن لو رجع 100% احنا شايفين اسبانيا واسبانيا من الدول الكبرى في السياحة حوالي 75 مليون في السنة احنا عندنا عدد ضئيل جدا عشان الامن
مواطن3: علينا ان نحترم الضيوف واحترام الضيف دا واجب ومن الدين انه يحترم الضيف اللي يجيله ويكون المعاملة فيها شئ من الحسنى
مواطن4 : لو عايزين نستعيد دور السياحة اكتر مما كانت ودا ان شاء الله هيحصل.. نهدى شوية ويبقى فيه صورة لان الدنيا كلها بقت دنيا مقفولة لان الحدث اللي بيحصل في مصر بيتعرض برة يمكن في نفس اللحظة وقبل حتى ما نعرفه المطلوب انه فيه رئيس جمهورية اننا نهدى في الوضع الداخلي شوية
مواطن5:الزبون بيبلغ اللي بيشوفه في البلد لو شاف امان في البلد الزبون بيرجع ولو شاف عدم امام في البلد بيبلغ الناس اصحابه هناك وبالتالي السياحة بتقل
فاصل
احمد بصيلة : عدنا اليكم مرة اخرى وحديث السياحة ونرحب بالدكتور احمد امام من حزب الحرية والعدالة دكتور احمد الحزب في برنامجه بيتحدث عن السياحة في جزء لا باس بيه تحدث عن عدد السائحين اللي اتوا الى مصر اهم النقاط لزيادة عدد السياح ايه
د.احمد امام : فيه اهداف مختلفة بعيد المدى وقصير المدى وقصير المدى اللي الاساتذة تحدثوا عنه اهمية ان الدكتور مرسي يطلع يتكلم عن السياحة وفيه مسئولين في الاعلام قالوا تهيؤات او اشاعات لكن احنا بنؤكد ان حزب الحرية والعدالة والرئيس دلوقت مستقل تماما عن حزب الحرية والعدالة ان احنا بندعم هذ القطاع بشكل قوي لكن بشكل عالمي ولما نيجي نتكلم بشكل علمي يعني بنبص في دراسة اتعملت في مركز مصر العالمي في 2009 ان مركزنا على العالم 64 على العالم ودول بيقيسوا مش عدد السياح ولكن الامكانيات والقدرة على الضيافة وبعد الثورة وصلنا للمركز ال75 على العالم فاحنا نزلنا 11 مركز بعد الثورة فاحنا بعيد المدى هل مصر عندها مقومات انها تطلع الى المركز 10 او 20 على مستوى العالم طبعا في الهدف القريب بنتكلم عن انه ازاي نستعيد السياحة قبل الموسم اللي جاي في اكتوبر ودا بس مش هنتكلم عن شرم الشيخ ولا الغردقة احنا برضه لو بصينا على مرسى علم والاقصر واسوان ونويبع وطابا هنلاقي ان دول مدن محتاجين دعم فطبعا احنا في خطتنا بنبص 25 مليون سائح والفكرة انه فيه الاف الغرف موجودة وبتتبني خلال الاف الغرف اللي بتتبني واللي موجودة فعلا 209 الف بيتبنوا و225 الف موجودين لكن احنا عندنا حاجة زي طريق " العين السخنة - الزعفران " فلو زودنا السياحة عليه الحوادث تزيدد فاحنا بنتكلم عن انه نبني مصر بطريق علمي انه لو وصلنا للعدد دا من السياح ان دا ما يؤديش اى ضرر اكبر في السياحة بل اننا نهض بالسياحة كقطاع ككل ويمكن احنا في رؤيتنا حاطين ان كرم الضيافة دا من اهم الحاجات وان احنا عايزين ننافس فيها بقية دول العالم " وجعلناكم شعوبا وقبائل لتعارفوا" فعايزين نتعارف باحسن طريقة ممكنة احنا كان موجود حتى من قبل الثورة احنا المستوى العالمي الي احنا ماوصلنالهوش ان احنا نبقى قيادة في السياحة طبعا البنية التحتية ما تساعدش على كده ولكن ازاي ننهض بالقطاع ككل وكشركات سياحة وكطرق ان شاء الله احنا بننظم قريبا ان احنا ندعو كل التور اوبريتورز والصحفيين بتوع السياحة اللي عاوزين يسمعوا ايه البرنامج اللي موجود حاليا
أ.خالد المناوي: اسمح لي اعلق انا حضرت 3 او 4 لقاءات مع الدكتور مرسي وهو رئيس لحزب الحرية والعدالة وقبل ما يبقى رئيسا لمصر لكن انا لم اسمع منه اي تصريح سلبي على السياحة بل كل تصريحاته كانت ايجابية كان الراجل بيقول انا مع هذا القطاع وقال باللفظ مين مجنون يقدر ينسف قطاع موجود وبيشتغل فيه 4 مليون عامل وبيدخل 14 مليار احنا لا نجامل الدكتور مرسي ولكن هذه حقيقة بس اسمحلي الحقيقة احنا حضرنا مع الحزب الحرية والعدالة كذا اجتماع مع اتحاد الغرف السياحية وحضرنا مع حزب النور وبالعكس كانوا مرحبين جدا وطلبوا انهم يطلعوا معانا اسبانيا ويتكلموا لدعوة السياحة فاذا كانت هناك تخوفات اعتقد ان المنطق بيفرض نفسه على التخوفات الموجودة وفيه 200 مليون دولار زادوا الشهرين اللي فاتوا في الاحتياطي المركزي جم من مارس وابريل والسياحة بدات تتحرك شوية ودي اسرع طريقة انك تزود دخلك وتزود الاحتياطي بتاعك انك تزود عدد السائحين بس فيه نقطة هنا انه 2009 و2012 المركز السويسري اللي بيقول عليه الاخ احمد قال احنا 64 انا مصدر الاحصائيات بتاعي هو منظمة السياحة العالمية انه احنا دخلنا نمرة 18 على مستوى العالم احنا بنفرق عن تركيا وعن ماليزيا لو ذكرت لحضرتك ان ماليزيا سنة 98 كانت بتعمل 2,5 مليون سايح وتركيا كانت بتعمل 9 مليون سايح النهاردة وصلت 29 والتانيةوصلت 24 ماليزيا النهاردة بيدخلوا 18 مليار احنا عندنا 209 الف غرفة انا بانادي ان الاقتصاد يدعمهم والبنوك تدعم اصحاب هذه المشاريع المشاريع دي هيكل خرساني موجود يعني في اقل من سنتين تنتهي لكن الاستاذ احمد قالل نقطة مهمة جدا انه انك لن تصل الى 30 مليون سائح ببنيتك التحتية اللي موجوددة حاليا ولا بنية الاتنوبيات اللي عندك انت عندك اتوبيسات لا تكفي 30 مليون فانت لابد ان تفتح الاستثمارات في هذا المجال احناعندنا خطة كاملة نتمنى من اخوانا في حزب الحرية والعدالة ان يجتمعوا بينا قبل مايدعوا منظمي الرحلات ونقعد مع بعضينا لانه هدفنا مصلحة واحدة هي مصلحة هذا البلد فانت لازم تدعم الاستثمار في مجال النقل السياحي ومجال الاتوبيسات تعمل طرق جديدة تعمل شبكات صرف صحي ومية جديدة تغطي .. في 2010 كنا بنغطي اول فبراير خلصنا 30 اكتوبر الموسم امتد .. النهاردة فيه 54 طيارة بتزور مرسى مطروح ياجماعة مطار تركيا اول امبارح مطار كمال اتاتورك سجل اعلى نسبة وخش موسوعة جينيس انه اعلى نسبة في تاريخ البشرية كلها في عدد استقبال الركاب استقبل 548 طيارة وسفر 450 طياة في يوم واحد يعني عدى الالف طيارة في يوم واحد وهما عندهم مطار تاني اسمه مطار صبيحة في استانبول يعني انت بتتكلم على مطار واحد
احمد بصيلة : اذن المشكلة مش مجرد غرف فندقية وانما خدمات متكاملة من طرق من مواصلات من استقبال جيد من مطارات تستطيع ان تستقبل يعني هناك بنية متكاملة لانجاح السياحة واذا تركنا هذا الموضوع للدولة والحكومة فقط لانشاء هذه البنية الاساسية هناخد سنوات الدور اللي انتوا ممكن تلعبوه كرجال سياحة كمتخصصين للمساعدة ايه هو
د.عادل عبد الرازق: منظومة متكاملة ساعات بيطلع عدد الاشخاص يقولك السياح كام يقولك 14 مليون احنا عاوزين نوصل ل20 و30 و40 انا بصراحة كمهني وجوه المهنة وعارف ومتخصصين في الموضوع دا الموضوع لابد ان يكون له دارسة وله وضوح كامل ان الاعداد ما بتزيدش كده مرة واحدة عايزة خطة معينة وعايزة ترتيب معين عشان كده انا بطلب من الزملاء وهما متفهمين جدا في حزب الحرية والعدالة نقعد في اجتماع مشترك في اتحاد الغرف السياحية بينهم ننسق خطة مشتركة كاملة لانه بطبيعة الحال احنا عندنا مصلحة واحدة عايزين ننظم المنظومة السياحية في البلد احنا لدينا اهداف وخطط المثل الي قاله دكتور خالد انه استطاع مطار اتاتورك انه يستقبل 1000 طيارة في يوم واحد انه احنا بدانا نفكرن زمان انه لا يمكن عاصمة سياحية في العالم ما يكونش ليها على الاقل مطارين او 3 مطارات اي عاصمة في العالم اسبانيا ولا اليونان ليها 6 او 7 مطارت في العاصمة وتركيا لما جت تشتغل كانت شغالة مطار اتاتورك واتعمل مطار صبيحة دا في الجزء الازوربي ودا في الجزء الاسيوي وحصل طفرة كبيرة اكثر من مليون سائح في السنة ايه اللي حصل..؟ الخطوط الجوية التركية قالت لا دا انا كده هقع وانه الخطوط التركية هتقع زي ما بيحدث عندنا في مصر.. احنا لا بد ان نحول مطار غرب القاهرة العسكري الى مطار مدني ويبقى في القاهرة على الاقل مطارين قالوا لا اصل دا كان مطار عسكري طب ما احنا كل مطاراتنا عسكرية في شرم الشيخ والغردقة عسكرية والاقصر عسكرية ومرسى مطروح ومرسى علم الفكرة دي ان احنا لا بد ان نحول مطار غرب القاهرة العسكري الى مطار مدني وبعدين عندنا حاجة تانية عندنا مطار في اكتوبر المطار دا نرفع من شانه وننزل فيه الشرطة مصر للطيران هتعترض بس هيى امامي حاجتين لو النهاردة فيه رحلات رخيصة في تركيا يبقى النهاردة فيه حاجتين انت عايز تقطع تذكرة ب2500 او 3 الاف جنيه اركب الخطوط الجوية او مصر للطيران وانزل مطار اتاتورك عايز ادفع الف جنيه انزل مطار صبيحة لانه مطار رخيص انا ليه ما انوعش اذا كنا بنفكر في مجال المطارات .. هل يعقل ان النهاردة اهم منطقة سياحية في العالم واحنا بنقول ان الحزب عايز ينتمي المناطق السياحية فيها اهرامات القاهرة واهرامات سقارة واهم المقابر الفرعونية والاسلامية في المنطقة دي كلها وعدد الغرف اللي موجودة في محافظة الجيزة 9 الاف غرفة وانت جاي عليك بعد سنوات هتفتح اكبر متحف في العالم طب عاوز اقولك حاجة كنت بتوزع الاراضي للفلل والشاليهات على طريق مصر اسكندرية الصحراوي اختار يا اخي اي مكان مليون متر مربع او 2 مليون متر مربع واعمله يا اخي بشكل رمزي ملك المغرب بيوزع الاراضي مجانا تحت ضوابط وشروط بيقولك اذا كنت هتبني لي فندق خلال سنتين او تلاتة انا هديك الاراض بدولار يعني ببلاش طب تعالى انت معندكش تلاتة او اربعة مليون متر مربع على الطريق الصحراوي هنا او على طريق الفيوم ونقول عاوزين نعمل مدينة مغلقة اذا مكناش قادرين نعمل ممشى زي اللي عملته لبنان والسياحة العربية تقولك ياسلام الممشى اللي عمله الحريري مصر العريقة مش قادرين نعمل الكلام دا ..؟ !! نستطيع لان عندنا امكانيات وافكار والافكار دي مدروسة وعندنا في اتحاد مصر للغرف السياحية ونحتاج الى التواصل
احمد بصيلة : التواصل بينكم بين الحزب والحكومة
د.عادل عبد الرازق: ونبدا البداية اللي هي المبادرة بتاعة الدكتور مرسي انه يزور احدى المدن السياحية وننطلق وهنلاقي الافكار كثيرة والامكانيات المادية ليست هي العائق انا في مرة من المرات كنا في اجتماع في مطار القاهرة من 3 او 4 سنوات وقالولنا ان العالم بيتمنى انه يعمل مطار في غرب القاهرة وانه مصر يسلمها مطار بعد 25 سنة والشركة التاركية اللي عملت مطار القاهرة عندها استعداد انها تعمل المطار اللي في غرب القاهرة وتسلمه لمصر خلال 3 سنوات وبعد 25 سنة تديه لمصر
أ.خالد المناوي:انا عايز ادعو اخواتنا في حزب الحرية والعدالة المسئولين عن قطاع السياحة انهم يتواصلوا مع الاتحاد المصري لغرف السياحية لانه الاب الشرعي لقطاع السياحة طبقا للقواعد واحنا جاهزين بخطط متكاملة وافكار متكاملة احنا اي حد في الاتحاد المصر ي فهو شايل على الاقل وراه 30 سنة خبرة
احمد بصيلة : تعقيب يا استاذ احمد
د.احمد امام : احنا لما نيجي نبني مصر مش عاوزين نبني مشاريع بدون ما ننظر لل20 سنة قدام شكله ايه يعني مثلا هل فيه قرار هنستضيف اولمبياد 2028 ولا 2032 ولا لا .. هل هنستضيف كاس العالم تاني ولا لا فيه مشاريع قومية في السياحة زي ما اسبانيا استضافت برشلونة 92 ودا كان جزء من التنمي السبياحية اللعي هي عاملاه يعني هنعمل مطار غربي هل هنعمل قاعة مؤتمرات انها تبقى من اجسن عشر قتاعات عالمية في العالم .. التنمية تتم بشكل استراتيجي متكامل يعني مثلا انا ليا خبرة في الطيران هل ننشتري الطيارات االلي الناس بتقعد فيها ساعتين برخص التراب فتقلل الضغط على شركات السياحة وهي بتنقل الناس من القاهرة الى الاقصر والقاهرة واسوان هي طيارة رخيصة جدا 35% من الطيارة لو اتملت في الباقي ربح على الطيارة فمصر عندها مشاكل سواء حادثة بتحصل هنا ولا حاجة الطيارة اتملت على الاخر ولا لا فبتظل مربحة فيجب ان يكون فيه استراتيجية لقطاع ككل انا قلت معلومة بسيطة
احمد بصيلة : واضح ان فيه اهتمام بالسياحة من حزب الحرية والعدالة ولكن هناك العديد من التصريحات حول مختلف انواع السياحة يحسن الكثير هل هناك اعتراض على اي انواع من السياحة الموجودة في مصر
د.احمد امام : احنا قلناها في كذا حتة قبل كده في هيئة رجال الاعمال وفي كذا مكان احنا سندعم القطاع دا كله ولينا رؤيتنا وقلناها قبل كده وقلنا لا مساس للناس اللي سالت قبل كده الهجوم الاعلامي الشرس اللي حصل علينا في خلا ل السنة ونص صدر تصريحات ممكن تكون مخالفة او في القطاع يكون حصل منها مشاكل ولو حصل احنا نعتذر لو حد طلع تصريح خاطئ احنا مش هنغير القانون واي حاجة هتحسن مصر هنمشيها كدخل قومي احنا هنساندها واتكلمنا كده مع الغرفة واتكلمنا في بعض المشاريع اللي مطروحة وازاي نحسن السياحة فاحنا ندعم القطاع يعني احنا لما نتكلم عن مطار شرم الشيخ والغردقة دا لا يصلح لنهضة المدن دي لو عايزين نستضيف بطولات وحاجات كبيرة ففيه كتير من القطاعات لازم تتحسن احنا عارفين ان احنا داخلين على 4 او 5 سنين صعبين جدا في اعادة بناء الدولة بحيث ان احنا ننهض بحجة معينة ودي كانت رؤيتنا في الحزب وهي كرم الضيافة احنا عاوزين نصبح احسن دولة في العالم في كرم الضيافة ويمكن هرجع اتكلم عن تصنيف مصر العالمي لو حد عايز يشوف راي اناس فيه ناس بتتكلم عن ازاي الاكل يتحصن انا سافرت 51 بلد وشقت جزر الكاريبي وشفت 6 او 7 جزر في الكاريبي في كرم الضيافة احنا في كصر عندنا قدرة على كرم الضيافة عالي قوي
احمد بصيلة : لا هو ما بيبقاش كرم هو بيبقى اسلوب في التعامل مع السياح
أ.خالد المناوي:انا باحيي الاخوة في حزب الحرية والعدالة وباحيي الدكتور مرسي احقاقا للحق انا لم اسمع الا تصريحات فردية حرمت السياحة واضرت بالسياحة وعلى المدى البعيد والقريب هتضر كمان لكن مفيش تصريح رسمي طلع من حزب الحرية والعدالة ولا من حزب النور انا ما بدافعش عنهم على فكرة انا بذكر حقائق بيقول ان السياحة حرام لكن انا بانادي رئيس حزب الحرية والعدالة والسيد رئيس حزب النور انه يجب ان يصدر تصريح رسمي وواضح باسم الحزب حتى ان بعد كده ان لو حد طلع من بعض الناس وقال ان السياحة حرام نقوله لا الحزب قال واتمنى انه يصدر هذا التصريح واناشدهم على الهوا الاخوة في حزب الحرية والعدالة والاخوة المسئولين في حزب النور انه لامساس عشان ما يجيش الاستاذ احمد كمتحدث رسمي يقول لا وبعدين ييجي واحد يقول لاستاذ احمد بيتكلم عن نفسه لازم يكون فيه تصريح صادر بانه لا مساس باي نوع من انواع السياحة بصفته المحور الرئيس للدخل القومي
احمد بصيلة : اروح للاستاذ عادل في نقطة الضيافة يعني اصبحت الان السياحة منتج بيتباع واللي بيبيعه هو الناس اللي بيشتغلوا في هذه المهنة اصبحت علم محتاجة تدريب محتاجة معاهد محتاجة واعتقد ان احنا بعيدين شوية عن الموضوع دا
د.عادل عبد الرازق: انت مسكت نقطة اللي هي جودة الصنعة ودي المنافس الاول في اي دولة في العالم مش موضوع ولكن اذا كنت عاوز تبقى دولة محترمة وتتقدم تقدم شديد يبقى اهتم بنقطة الجودة ودي نقطة مهمة جدا انت للاسف ولابد ان نعترف وبوضوح وعلى الهوا انك انت التعليم السياحي في المدارس والجامعات مش موجود لو تعرف انه خلال 4 سنوات صرفنا 200 مليون جنيه على موضوع التدريب بنعيد اعادة تدريب وتاهيل على اجودة لدرجة اننا مسكت كل صناعة من الصناعات طيب اقولك حاجة مصر بتعاني من الشيف في الفنادق فبدانا نعمل مراكز 3 مراكز في مصر واحد في 6 اكتوبر وواحد في الاقصر وواحد في الاسكندرية وبدانا نعمل ان كل فندق يروح وحدة التدريب لحد الفندق نفسه عشان ما تعطلوش عن شغله وعن عمله وتبدا كل فئة من الفئات تبقى موجودة ويبدا تعيد تدريبها عشان تبقى المنافس الاول في الفترة اللي جاية وممكن نبقى فرحانين بزيادة الاعداد لكن في وقت من الاوقات يحصل دروب ونقع .. احنا عملنا حاجة ظريفة قوي في 2009 وحدة البحوث الاقتصادية عندنا عملت بحث حوالين السياح وهو ماشي من شرم الشيخ والغردقة والمدن السياحية عملنا مجموعة اسئلة وسالنا هل تقدر تيجي مصر تاني طب ايه سبب انك ما تجيش تاني ايه الاسباب اللي ضايقتك من مصر وبدا نا نعملها دراسة
احمد بصيلة : تختلف حتى من جنسية الى جنسية
د.عادل عبد الرازق: الدراسة ادتنا احنا كمصريين كمسئولين عن السياحة ان احنا عندنا نقطة ضعف في الحتة الفلانية خلوا باكم يامصريين سواقين التاكسيات لازم يحصل حاجة ويحصل تدريب ليهم خلي بالك من البازار اللي بيبيع له حتة مغشوشة على انها اصلية دي ثقافة شعب عايزين ننمي فيها ونبذل جهد كبير قوي عشان نغير من مفاهيم واخطاء كثيرة تقع على السائح سواء من معاكسته اومن السائح او من البازار او غيره لانه اذا كنا احنا بنفكر في نهضة سياحية كبيرة وعايزين نبقى ضمن العشرة الازوائل ونحافظ على مركزنا لابد ان احنا نهتم بالجودة ونهتم بالنقط الصغيرة دي اللي هتساعدنا على اننا نكون في موقف ونقدر نوصل وعايزواقول لحضرتك على حاجة املنا كبير قوي وفي مدة قصيرة قوي قوي قوي ان احنا نخش من ضمن العشرة الكبار واحنا لسن اقل من تركيا اللي هي الدولة السابعة
احمد بصيلة : لو عند حضرتك تعليق
أ.خالد المناوي:انسى انك توصل ل30 مليون و40 مليون من غير ما يبقى عندك جودة السايح لن يرجع لك مرة تانية وتالتة ورابعة من دون ما يبقى عندك عنصر الجودة وحسن الخدمة وكرم الضيافة السايح دا سفير بيرجع يا يحرق اللوكاندة يا اما يقولك ما تروحش مصر دا انا حصل فيا كذا وكذا وانا على الهوا واقولها للجماهير يا اهل مصر الكرام مش بالوقفات الاحتجاجية اللي في التحرير وقدام القصر الجمهوري انتوا هتاخدوا حقوقكم الحكومة هتديكم حقوقكم منين اذا مازادش الايراد ولن يزيد الدخل القومي ولا ايرادات الحكومة طول ما فيه وقفات احتجاجية في التحرير يشوفها السائح رئيس الجمهورية جه بالانتخاب الحر وجه بالصندوق وكلنا واقفين وراه
احمد بصيلة : البعض بيرد انه لا كل البلاد فيها مظاهرات زي اسبانيا
أ.خالد المناوي:لا اسبانيا مفيهاش مظاهرات بس مظاهرات مقنن ما ينفعش حضرتك تقطع الطريق ساعتين تلاتة انت بتقول انا رايح اتظاهر في الحتة الفلانية من الساعة كذا للساعة كذا انا ما بقولش لا تظاهر زي ما انت عايز لكن طبقا للقواعد النهاردة الدكتور مرسي لما ادى ال15% عايز كام مليار عشان يدي ال15% العلاوة دي ماهو المليارات دي هتيجي من صناعة زي صناعة السياحة انت النهاردة واقف في التحرير بتقول الاعلان الدستوري المكمل والحقوق المنقوصة .. الحقوق المنقوصة لرئيس الجمهورية يطالب بيها رئيس الجمهورية ويطالب بيها حزبه وهو قادر على انه يحصل عليها يعني ارجو ان احنا ناخد بالنا احنا تظاهرنا كتير وقلقنا كتير وخوفنا ناس كتير وقطعنا طرق كتير كفاية بقى عايزين نعيش
احمد بصيلة : الاولويات في الفترة دي كبيرة جدا رغبة في تطوير التعليم والتامين الصحي فلو جه اهتمام بالسياحة في مرتبة من المراتب دي يقولك تهتموا بالسياحة وعايزين قطاعات زي دي
أ.خالد المناوي:السياحة عايزة الامن والاستقرار من الصبح يرجعلك ال20 مليون سائح حسس السائح انه عايش في الامن والامان وانه لو جه مش هيقطعوا عليه الطريق ولا هيرهبوه زي ماحصل في مناطق مرسى علم وهو راح الاقصر ويقطعوا طريق مرسى علم
د.عادل عبد الرازق: في التتر بتاع الاهرام وزير المالية في حاجة الى 5 مليار دولار للاحتياجات الاساسية تستطيع السياحة في 6 اشهر ان تحقق هذا الموضوع لانه السياحة بتحقق من مليار الى مليار وربع الى مليار ونص في الشهر
د.احمد امام : انا عاوز بس اضيف نقطة هي دي فعلا نقط صحيحة وازاي نبدا نعيد مصر لكن هي مش سياحة على حساب التعليم .. السياحة ضروري انها ترجع لانها زي ماقالوا كانها دم مستني انه يجري جوه الجسم فالجسم جاهز احنا فقط بنجري الدم فيه والامن له شقين امن حقيقي اللي هو من وزارة الداخلية وامن اعلامي لما الاعلام بتاعنا بيروج الشائعات والصحافة الغربية تشوفها وتترجمها هيقولوا عن المقالة ايه..؟ دا قال كذا ودا قال كذا ودا قطع ودن دا
احمد بصيلة : بس الاعلام برضه ما بيشتغلش من فراغ اكيد هناك حادثة بيتناولها
د.احمد امام : اه بس يراعي قطاع السياحة يعني فيه اخبار حقيقية وبتحصل وما حدش بيغطيها
احمد بصيلة : زي ايه
د.احمد امام : يعني في المنيا فيه تطور حصل في البلد يعني احنا عايزين نتكلم عن ان احنا عايزين ننهض بالبلد وعاوزين نعمل تخطيط للسياحة يعني اتذكر في المكسيك اخويا كان بيدرس ماجستير في السياحة في سويسرا وكان فيه مدينتين على البحر والاتنين حلوين قوي يعملا ايه عشان تنشيط السياحة عملوا واحدة للشباب وواحدة للعائلات فدا التخطيط اني اعرف انه فئة اتواصل معاها مش التخطيط العشوائي اللي هو اكل ييجي في اي مكان في ايحتة
احمد بصيلة : وفكرة الاعلام معتقدش ان فكرة المسلسلات التركي اللي طاغية على الشاشات دي جت بالصدفة يعني اعتقد ان ليها مردود سياحي ايضا
د.عادل عبد الرازق: تركيا لما عملت المسلسلات احنا كنا بندرس التاثير الاعلامي من ناحية الفن بالسياحة انت النهاردة عايز سياحة كل القطاعات بتشتغل على السياحة فبتلاقي ان الفن والاعلام بيخدم على السياحة النهاردة المسلسل الاولاني اللي اشتهر في البلاد العربية اللي هو مسلسل" نور" دا كان عايز ينشط السياحة وخلى القصر اللي اتصور فيه بقى مزار والافلام العربية بتاعتنا لما بتصور عن جمال مصر بتدي انطباع رهيب
أ.خالد المناوي:انا عايز اقول حاجة مهمة جدا الافلام اللي طلعت مؤخرا في الخمس سنين اللي بتتكلم عن الاحياء الشعبية والعشوائيات ضرتنا كتير وخوفت الناس هيقولك بتتنبأ بالثورات فوق دماغي الثورات كانت هي دي من غيرك كانت اناس حاسة بحاجات كتير قوي فيه شواهد وعلامات ومع ذلك انا مش ضد ذلك لكن اكتب لي فيلم يبين محاسن مصر زي حريم السلطان بس انا ارجع لنقطة مهمة حضرتك قلتها الناس هتقول اشمعنى اهتم بالسياحة لان السياحة مش محتاج تستثمر فيها السياحة كل اللي تطلبه شوية امن شوية استقرار شوية احساس بالامان السياح اذا احس بالامان هييجي وانت داخل على الشتا والشتا انت ليس لك منافس والناس على اشتياق بعد 16 شهر ان ياتوا الى مصر وانا بناشد الدكتور مرسي من خلال البرنامج ارجوك يادكتور مرسي اذا كان لك تحفظ على شرم الشيخ عشان شرم الشيخ مرتبطة بمرحلة سابقة روح الغردقة روح مرسى اوالهرم الاكبر عبق التاريخ ارجوك ياسيادة الرئيس ان تخاطب السياح من اي مكان يعجبك من مصر ولو من القصر الجمهوري نفسه ارجوك خاطب السياح وقولهم تعالوا
احمد بصيلة : طيب انا عايز خطوات سريعة تتم في المراحل القادمة عشان نلحق الموسم السياحي الي هينتهي خلال 6 شهور
د.عادل عبد الرازق: رقم واحد الزيارة دي تكون باسرع ما يمكن يوجه رسالة للعالم في احدى المدن الشاطئية في شرم الشيخ والغردقة وندعو منظمي الرحلات العالمية رقم اتنين يعلمها الاستاذ خالد ان منظمي الرحلات العالمية في اشد الاشتياق لمصر لانه بيكسب من مصر وخسران كتير من مصر يكفي انه منظم رحلات كنت قاعد معاه امبارح في شرم الشيخ بس بيقولي انا الطيارات وصلت معايا لخسائر رقم "س" والطيارات عايزة تتحرك عشان تيجي مصر رقم تلاتة احنا كقطاع السياحة اتهمشنا في موضوعات كمجلس استشاري وفي اللجنة التاسيسية وفي غيره واحنا محتاجين الايام اللي جاية حريات تبقى واضحة وحرية السياحة وتاكيدات على كده نمرة اربعة احنا محتاجين قانون للاستثمار السياحي احنا عندنا 100 كيلو من مدينة شرم الشيخ الى مدينة الطور وعندنا مطار مقفول ومغلق اسمه مطار الطور المطار دا بيتفتح مرة كل 3 اشهر تجيله شوية بضائه تنزل في مطار اطور وواحد ياخد المفتاح ويقفله المطار دا مطار دولي يشتغل ال100 كيلو دول انت عارف ال100 كيلو ددول يعملوا الاف وملايين وهذه المنطقة وانت ماشي على الشاطئ انت شايف السمك اللي موجودة لانه دا جنوب راس محمد وبالاتلاي العالم كله منتظر هذه المنطقة الي هتزود السياحة في مصر
احمد بصيلة : الدكتور محمد
أ.خالد المناوي: السياحة عشان ترجع للسابق بحاجة الى امن واستقرار سرع والنداء من السيد رئيس الجمهورية الى السائحين ان يعودوا الى مصر من اي مكان ان شالله من مكتبه الحاجة التالتة عايزين نعمل حدث مقبرة مقفولة نعملها افتتاح اوبرا كبيرة في الاقصر او اسوان
أ.احمد امام : انا احب اختم اواقول ان السياحة هي شرم الشيخ والغردقة لكن فيه مدن كتيرة طابا ونويبع ودول كلهم على البحر وكمان كل الفنادق العايمة في الاقصر واسوان وهي تعاني معاناة شديدة جدا طبعا هي مربوطة بالقاهرة وفيه ناس عاملة استثمارات كتيرة في نويبع وطابا فعايزين نهتم بيها واحنا كحزب لينا رؤية سياحية ان شاء الله وواحدة من مشرع النهضة ان احنا نحاول لن نستضيف الاولمبياد على المدى البعيد ونداء اخير للشباب عايزين نطلع بمشاريع ابداعية مصرية هما يقلدونا فيها
احمد بصيلة : الاستاذ احمد امام المتحدث الرسمي باسم حزب الحرية والعدالة نشكرك واشكرك استاذ خالد المناوي المتحدث الاعلامي باسم الغرف السياحية شكرا لك والاستاذ عادل عبد الرازق عضو اتحاد الغرف السياحية شكرا جزيلا لك شكرا لكم اعزائي المشاهدين وغدا لقاء جديد واتجاهات