مساحة للرأى

السبت*28/4/2012
ولاء غانم : مشاهدينا الاعزاء حلقة اليوم من برنامج مساحة للراى نتساءل فيها ايه اللى بيحصل بالضبط كل ما نقول قربنا من الحل والهدوء والاستقراربتتعقد الأموراكثرواكثرالجمعية التأسيسية لصياغة الدستور مختلفين عليها الى الان ومحتارين نعد دستورجديد والا نرجع لدستور 71 والا نكتب تعديل دستورى لفترة محددة ليتضمن اختصاصات الرئيس وسلطات الدولة والا نفضل نلف وندور لحد ما نقع على الارض بعد ما نفقد الوعى من كتراللف والدوران سباق الرئاسة ده هم اخرالمعارضون لخوض شفيق فى ناس فرحانين باستبعاده بصدورقانون العزل لكن الشعب محتار هل من حقه الطعن على القانون لاعتباره تفصيل عليه ويشوبه العوار التشريعى طيب وماذا لو صدر حكم بعدم دستورية القانون هل بتلغى الانتخابات ونرجع لنقطة البداية مرة اخرى والادهى والامرلوصدرحكم بعدم دستورية مجلس الشعب اساسا بعد تقريرهيئة مفوضى الدولة ببطلان انتخابات ثلث اعضائة فى هذه الساعة اوفى هذا الوقت بندخل فى حزبة برمه طيب ايه بقى احنا دلوقتى امام مشكلة تستحق التوقف امامها والبحث عن مخرج من خلال الحوارمع الكاتب والصحفى أستاذ محمد خير بنرحب بحضرتك استاذ محمد
أ/ محمد على خير: اهلاوسهلا
ولاء غانم : خلينى ابتدى من اخر حاجة قلتها البحث عن مخرج احناعارفين ان بكرة انشاء الله فى لقاء بين المجلس العسكرى والقوى السياسية وفى اقتراح موجود ان هو يتم وضع مبادئ دستورية او حاكمة للدستور ويبقى فى 20 فقيه دستورى المجلس يختارهم باختيارالدستور لمدة 60 يوم حضرتك شايف ان ده مخرج للازمة
أ/ محمد على خير:هو اولا خلينا نبدا ايه الى وصلنا لكل ده لان لو عرفنا ايه اللى وصلنا لده وارد ان الازمه دى ايضا تتكرر مرات اخرى اللى وصلنا لده يا استاذه ولاء ان احنا من 11 فبراير 2011 حتى الان لايوجد لدينا خارطة طريق واضحة المعالم حواليها ما يشبة التوافق ما بين القوى السياسية كل فصيل سياسى عايز يعمل خارطة طريق على مذاجة وفق اهوائه ووفق مصالحة اذا كان ده مجرد فى الفترات اللى هى امور البلاد بتكون فيها شبه مستقرة فامر غير مبرر لما يكون امور البلاد غير مستقرة زى الفترة الانتقالية اللى بنعيشها
ولاء غانم : طيب
أ/ محمد على خير:احنا فى خلال سنه ونص لم ننجح فى انجاز دستور السؤال هل كان يعجب المجلس العسكرى كسلطة سياسية بتدير البلاد من 2011 منذ 14 شهر على انه كان يعد او يكلف مهمة اعداد دستور للجنة تأسيسية مختصة خاصة ان مصر لها قامات دستورية من كبار الاساتذة وكان ممكن فعلا تشكيل لجنة يحدث حواليها توافق و تمثل اطياف المجتمع نرجع الى ما سيحدث غدا اول حاجة هل احناعايزين دستور قبل انتخابات الرئاسة يعنى احناباقى 60 يوم فقط ويتم اعلان رئيس الجمهورية الجديد فهل فى خلال 60 يوم نستطيع ننهى الدستور سؤال كل ما نستطيع ان احنا ننجزه وفق معايير الجنة التاسيسية طيب لما اذا عايزين ده ليه الوقت حتى اللى فات منذ صدور حكم محكمة القضاء الادارى الذى افضى الى حل اللجنة التاسيسية فات ما يقرب من 3 اسابيع ليه فى التلت اسابيع دول فشلنا فى ان احنا نجتمع كقوى سياسية وفى خلال 48 ساعة نجتمع ونحدد المعايير ثم ننهى مهمة اعداد الدستور لتلك اللجنة اللى حاصل منذ 3 اسابيع هناك شد وجذب هناك حسابات مصالح ضيقة مصالح حزبية تبتعد تماما عن مصلحة مصر العليا وبالتالى اتوقع ان غدا ايضا هتحدث خلافات صراعات عايز افكر حضرتك والساده المشاهدين ان من يومين انسحب عشر احزاب وان الاجتماع ضم عدد من القوى السياسية اعتمادا بردوا على فكرة ايه هى المعايير اللى هتتحط ايه اللى دخلنا فى كل الدوامة دى ليه ما حددش المجلس العسكرى فى اعلانه الدستورى مادة ( 60 ) ان هو يحدد معايير اختيار اعضاء اللجنة التأسيسية ويستطيع المجلس العسكرى ان اراد خلال التلت اسابيع اللى فاتوا او هوكان يصدر او يضيف اعلان تكميلى للمادة (60) ويضع فيها تلك الضوابط غدا سيحدث الخلاف مثلا الاخوان المسلمين يميلوا الان الى ان يتم اعداد الدستور بعد اجراء الانتخابات الرئاسية طبعا هنكون امام رئيس جمهورية غير محدد الصلاحية مثل البرلمان الحالى البرلمان الحالى مشكلتة ان هو يقول لأ ان احنا مش عارفين مش عارفين نسحب ثقة من الحكومه مش عارفين نشكل حكومة لان هما ايضا الفصيل السياسى اللى شكل الاكثرية هو حزب الحرية والعداله اواغلبية الانضمام لحزب النور ليه وافقواودفعوا الناس لكى صوتوا للتعديلات الدستورية فهنرجع تانى بردوا للمشكلة لكن عدد من فقهاء القانون قدموا تصورات ارائها جيدة جدا جديرة النظروالحوار ان هو مثلا يصدر فى الاعلان الدستورى يتم تحديد صلاحيات محددة لرئيس الجمهورية عن اختصاصاتة خلال تلك الفترة لحين اعداد دستور جديد للبلاد انت يهمك ايه دلوقتى ايه هى صلاحيات رئيس الجمهورية بس لو قدمنا الدستور لبعد اجراء الانتخابا تالرئاسية افرضى حصل ان جالك رئيس جمهورية لا يتوافق مع البرلمان الحالى فيتم اعداد دستور يميل الى النظام البرلمانى ويقلص كليتا صلاحيات رئيس الجمهورية طب ما رئيس الجمهورية فى الحالة دي هيبقى قاعد ملوش لازمه هل هيطالب بقى باعادة الانتخابات الرئاسية مرةاخرى يعنى كل ما هندخل او كل ما نخرج من ازمة نقع فى ازمة تانية الاصل او الحل الناجز السريع هو ان يتم تحديد صلاحيات سريعة فى الاعلان الدستورى يحدد صلاحيات رئيس الجمهورية خلال الفترة القادمة لحين اعداد دستور جديد الجزء التانى وانت عندك دستور (71) كل القوى السياسية قالت ان الابواب الاربعة الرئيسية التى تتعلق بالحريات العامة العشرون متفق عليهم الخلاف على الجزء اللى بيتعلق بالظام السياسىالنظام السياسى هو المتعلق بكيفية العلاقة بين السلطات الثلاثة فى الدولة بالاضافة الى منصب رئيس الجمهورية بيتم فعلا فيه تحديد صلاحياتة يعنى اذا لو توافرت الارادة السياسية واعلاء مصلحة مصر العليا اولا ان تخيلى ان انجاز ملف الدستور ممكن يتم بسرعة دون ابطاء لان مفهوش مشكلة
ولاء غانم : ما هو هنا فى بعض الاراء بتقول ان المشكلة مش فى الدستور المشكلة فى تكوين الجمعية التأسيسية
أ/ محمد على خير: يعنى اذا كانت النيه او الارادة السياسية متوفرة واذا كان فعلا لاعلاء مصلحة مصر فوق المصلحة الحزبية هيتم اعدادة حزب الحرية والعدالة بما انه يشكل الاكثرية فى البرلمان ممكن ما يكنش مطمئن الى ان يذهب منصب رئيس الجمهورية لمرشحة يبقى بالتالى فكرة اعادة الدستور ان هو يقلل صلاحيات رئيس الجمهورية لاحياء البرلمان والحكومة المؤسسة العسكرية تميل الى الا يكون صلاحيات البرلمان كبيرة وتميل الى ان يكون هناك توزيع فى الصلاحيات القوى الليبرالية الثورية عايزة مزيج ما بين النظام البرلمانى والنظام الرئاسى
ولاء غانم : نعم
أ/ محمد على خير:طيب ما نقعد ونتفق بس اللى حاصل ان احنا بقلنا 14 شهر عمالين فعلا نتخانق مع بعض دون البحث عن المصلحة الحقيقية للبلاد لكن ممكن انجاز الدستور نعم ما اقوله هو قامات دستورية عظيمة ان هو ممكن فعلا تحديد صلاحيات رئيس الجمهورية فى الاعلان الدستورى والمسالة تمشى بهذا الشكل دستور 71 يعنى احناعندنا دستور 23 وعندنا دستور 54 عندنا دستور 71 يعنى هل ما انجزة قامات دستورية طوال قرن كامل خلال القرن الماضى يعنى كان التلث دساتير دول كان مثلا سيئين
ولاء غانم : البعض فى تصريح بيقول ان دستور71 عشان يعاد تانى ده خيانة فيه خيانة للثورة
أ/ محمد على خير : لأ احنا مش بنقول نعيده انا باقول هناك مواد ماهو الدستور مش اختراع ايضا يعنى هناك مواد جرى الاتفاق عليها التى تنتصر لحريات الراى والابداع احترام المواثيق الدولية حقوق الانسان كلها دى متفق عليها لكن هوالجزء اللى هومثار خلاف النظام السياسى انت هتنتصر للبرلمان يعنى مثلا فى اعداد دستور جديد هل تسحبى صلاحية حل البرلمان فى دستور 71 رئيس الجمهورية يستطيع ان هو يحل البرلمان حل مثلا لو حزب الحرية والعدالة موجود فى البرلمان هيرفض ان يمنح هذا الحق الدستورى لرئيس الجمهورية ليه لان المصالح انية حاليا انما تخيلى بقى لو مكنش فى انتخابات مجلس شعب ولم نعرف الحزب الذى يشكل الاكثرية فى البرلمان وزرائع للدستور بعد الثورة مباشرتا مكاش هندخل فى هذا الجدال لكن ظنى زى ما تصريح صدر قبل من اسبوعين على لسان المشير طنطاوى ان هو يريد ان يتم انجاز الدستور قبل اعلان الانتخابات الرئاسية انا اعتقد ده لصالح البلد يعنى ان يكون هناك دستور فعلا قبل اجراء الانتخابات الرئاسية لتحديد صلاحيات رئيس الجمهورة او يحصل وفاق لصالح البلد فكرة ان هو هناك رأى يرفض وده راى بيشكلة عدد من شباب ائتلافات الثورة بأن لا يتم وضع الدستور تحت حكم العسكر حتى لو كان العسكر موجود فى السلطة او كان
ولاء غانم : هو الرفض يا استاذ محمد عشان هنطر ان احنا نأجل الانتخابات الرئاسية وده حاجة مرفوضة
أ/ محمد على خير : لأ الانتخابات الرئاسية هتتم فى مجراها الطبيعى بس هى فكرة ان فى رأى بيرفض ان يتم اعداد الدستور حاليا والمجلس الاعلى للقوات المسلحة موجود فى السلطة على اساسا ان هو يستطيع ان يملى قرارات او مصالح له كما جرى فى المسوده للدكتور على السلمى المادة 9و10 فى اعلانه لكن كثير قال ان المجلس العسكرى حتى لوهوكان خارج السلطة لا يستطيع ان يؤثر فى الدستور والمجلس العسكرى قوة رئيسية فى المشهد السياسى جزء منها اذا كان اى فصيل سياسى ان هو يستطيع ان يمررهذا الدستور دون التوافق مع المؤسسة العسكرية انا ما بيقرأش الخريطة بشكل جيد جدا وبالتالى انا اتمنى ان فى هذا الاجتماع يحدث فعلا توافق سريع لان الشارع المصرى ايضا يعنى ليس شاغل ذهنة تلك القضايا اللى هى مهمة لينا كمثقفين كمهتمين بالحياة السياسية لان عندنا تابعات كثيرة جدا مواطن الشارع مش هيقدر يقعد يستمر فترات طويلة انت امام مواطن بيعانى ازمات حياتية شبة يومية زى نقص السولار البنزين انبوبة البوتاجاز رغيف العيش يعنى مس هتيجى تكلمية فى دستور اوكده هو بيقول بالملايين 30 مليون واديت صوتى فى انتخابات مجلس الشعب عشان تحلوا لى مشاكلى
ولاء غانم : تمام
أ/ محمد على خير : بس فات اربع شهور انتوا ما معملتوليش حاجة هتدخلوه تانى فى حسابات مركبة عشان من القوى السياسية الاخرى ان تنتصر فعلا للثورة وتنتصر للملجلس العسكرى
ولاء غانم : طيب اية اللى احنا بنتمناه بس انا لو سألت حضرتك ايه اكثر واقعيا وعمليا ايه اقصى ما يمكن ان نتناقلة بكرة فى الاجتماع ؟
أ/ محمد على خير : يعنى ان يتم اختيار الاعضاء للجنة التاسيسية لجنة المائة ان يتم السماح لمجلس الشعب بان يرشح عدد لا يتجاوز 25% من اعضاء اللجنة التاسيسية هتبقى نسبة مش محل اعتراض هيزيد عدد التمثيل للحزب عن 5% من اللجنة حزب الحرية العداله كانوا هو وحزب النور 50% من اعضاء اللجنة وان اذا انتصروا الباقى اعداد اللجنة التاسيسية بسرعة واعتقد ان هما منتبهين لده لان اعتقد بردوا ضغط الراى العام لان يعنى لن يستكين او يستمر فترة طويلة وسط كل هذا الجدل يعنى
ولاء غانم : خلينا نروح مع حضرتك للسباق الرئاسى واستبعاد المرشح الفريق احمد شفيق وقانون العزل السياسى و فى دلوقتى الفريق طاعن حضرتك شايف ان الطعن تم قبولة وبكرة فى قائمة الاسماء اللى تعلن لانتخابات الرئاسة ايه المتوقع لوالطعن تم قبولة ؟
أ/ محمد على خير : بداية بكرة الخميس 26 ده قرارا من اللجنة الرئاسية لاعلان القائمة الرئاسية هل هبيقى فى اسم الفريق احمد شفيق او لأ محدش عارف ايضا وبكرة اعلان القائمة النهائية يعنى اللى بيحصل هو تسريبات يعنى يقولك مصادر من داخل اللجنة الرئاسية بتقول كذا لأ خلينا نختار لان هو ده السؤال المهم ان جارى استبعاد الفريق احمد شفيق بناء على تطبيق قانون مباشرة الحقوق السياسية وده اسم الفريق احمد شفيق هيحتكم امام القضاء لان القانون به عوار دستورى لكن انخابات الرئاسة هتستمر فى مجراها انت امام مشهدين اوتصورين الاول ان يتم الحسم بسرعة او اصدار حكم سريعا فى قضية "الفريق احمد شفيق" اما بان يطبق علية القانون وبالتالى لايدخل الانتخابات دى مفيش مشكلة او انه لا يلحق بسباق الرئاسة وان الحكم ده يصدر خلال ايام قليلة انتخابات الرئاسة ستجرى فى 24 مايو باقى عليها شهر تقريبا وبالتالى يستطيع ان يلحق بالسباق الرئاسى وانه خلاص مفيش مشكلة بس ماذا لو هو ده بقى المعضلة الاساسية ان جرى الحسم فى قضية "الفريق احمد شفيق" بعد اجراء الانتخابات الرئاسية وبعد تسمية رئيس الجمهورية القادم فى تلك الحالة ان ده المحكمة قررت ان" احمد شفيق " لا يطبق علية القانون ويعود مرة اخرى لقائمة المرشيحين سيتم اعادة الانتخابات مرة اخرى
ولاء غانم : وفتح باب الترشح من جديد
أ/ محمد على خير : فا انا ما اعرفش دى قانونها لكن انا باتكلم فى فترة انت انت كنتى قلتى انا هنهى ملف انتخابات رئاسة الجمهورية ورئيس الجمهورية وللسلطة الرئيسية فى البلاد جرى تشكيلها عقبال يارب ما نخلص الدستور هترجعى تانى للمربع زيرو انت بتدخلى البلد فى اضطراب سياسى الاوضاع العامة الحالية لا يمكن تحملها بهذا الشكل رغم انتهى يعنى الاضطراب خاصة ان هذا القانون اللى هواسمه بقى يعنى الواقعى قانون "عمر سليمان" هو صدر لاقصاء شخص بعينة هو اللواء عمر سليما ن طب ما هو عمر سليمان مشى هيطلع له قانون عشان '"احمد شفيق" لا القانون لم يضم احمد شفيق يعنى احمد شفيق اعلان ترشيحة منذ 6 اشهر ومجلس الشعب كان يعلم ان احمد شفيق موجود طب ليه ما طلعش القانون لأ هو استهدف شخص بعينة وبالتالى جرى رسم قانون على شخص والقوانين فى طبيعتها يجب اطلاقها على عموميتها يعنى ما ينفعش يكون حاله تفصيل لأ ده بره التفصيل وبره التسمية رئيس جمهورة نائب رئيس جمهورية رئيس وزراء هنبعدعن الوزراء مادخلش ليه على امانة السياسات مادخلتش ليه على الوزراء لان ده هيطول رئيس المجلس الاعلى للقوات المسلحة المشير طنطاوى
ولاء غانم : تمام وبعض الوزراء الحاليين
أ/ محمد على خير : وبعدين ايه الفرق بين ده وبين حكومة دكتور كمال الجنزورى بيكون كمال الجنزورى خرج سنة 1999 عايز يطبق القانون فى فبراير 10/6 يبقى فى 2001 يعنى الفرق سنتين مثلا يعنى كان الجنزورى بردوا وبعدين هذا القانون اللى عايز كل اعضاء امانة السياسات هيخش يسكنه حق الترشح والانتخاب للتصويت وكده الامام الاكبر شيخ الازهركان عضو فى امانة السياسيات وقدم استقالتة فور تعيينة بعد ضغط الراى العام عليه وهل هيستمرفى منصبة والا هناك ايضا بعض اعضاء مجلس الشعب اعضاء فى امانة السياسات هناك رؤساء احزاب تم هل امانات السياسات تضم 250 عضو الابرز منهم 10 او 15 اسم اساتذة جامعة فنيين اطباء مهندسين وكان بيدخل تلك الامانه ليست بهدف ممارسة العمل السياسى بس بيروااستقطابهم من خلال ان هما بيخدموا البلد فى هذا المكان ليس تلك الكفاءات ايضا يعنى فالقانون فى الاخر يوضع امام المحكمة الدستورية لحسمة ثم من الذى يسحدد ان هذا الشخص يعرف الحياة السياسية ام لا يعنى ما انت بتعمل عزل سياسى للجميع هذا العزل لماذا لم يحدث فى السابق منذ فبراير 2011 لوانت كنتى عايزة تطلعى حاجة من اتنين يا اما تطبقى قوانين الثورة يبقى فى محكمة ثورية تصدر تلك القوانين منذ ثورة 52 واقصاء رموز عديدة فى المشهد السياسى قبل52 كان في قامات زى فؤاد سراج الدين زى ابراهيم فرج كل دول تم اقصاءهم سياسيا ولم يرد لهم اعتبار الا بعدها ب 25 سنة طب احنا ما فعلناش قوانين ثورة اشتغلنابقوانين طبيعية حتى ان قادة النظام السابق اتحطواامام محاكم قوانين عادية ليه نرجع تانى ونعمل قوانين تفصيلية هو ده السؤال
ولاء غانم : طيب انا هستاذن حضرتك واستاذن السادة المشاهدين ايضا نطلع تقرير نعرف منه ابرز ماقاولتة صحف اليوم وترجع مرة تانية مع أ/ محمد خير
تقرير : فى عيد تحرير سيناء كتب مراد عزالعرب فى الاهرام المسائى ان الوفاء لمصر ومستقبلها وثوراتها يعنى المحافظة على المؤسسة العسكرية قوية وبعيدة عن الالاعيب السياسية ودهاليزها وعلى صفحةالشروق يرى فهمى هويدى ان وقف تصدير الغاز لاسرائيل قرار ينهى حقبة كانت مصر جذبا استرايتيجيا لاسرائيل وتحت عنوان هنا مقر دولة الخلافة رصد سليم عزوز فى مقالة بالدستور ما ال اليه الوضع فى ميدان التحرير بعد افتراء انصار ابو اسماعيل عليه رافضين الاستماع الى شخص يذكرهم بان الامر قد انتهى اما.. مى عزام .. فى المصرى اليوم كتبت عن سباق الرئاسة انه مع سخونة المعارك الانتخابية بدات تظهر معادن البسطاء وظهرت معادن المترشحين الحقيقة الامر الذي قضى فرحة مصر بهذا العرس الديمقراطى الذى انتظرة المصريون طويلا وفى خضم الصراعات السياسية ترى منى رجب فى الاهرام ان الميلونيات لم تشهد شعارات لمصلحة الوطن وغاب لمصر وتحسين احوال المواطن البسيط وحل مشاكلة وفى الاخبار تطالب فاطمة مصطفى السياسين والاحزاب بالتوقف عن اثار النفس فمصر فوق الجميع وفى جريدة المساء جمال ابوهيف يلفت الانظار الى خلووفراغ مرشحى الرئاسة بالحل لمشاكل والبحث العلمى وتطوير التعليم وكتب عماد الدين حسين فىالشروق ان نصيب المصرى يوميا لا يتجاوز 17 قرشا فى زمن لم يعد التعامل فيه بالقرش
فاصل
ولاء غانم : رجعنا للاستديو مرة ثانية نكمل حوارنا مع الكاتب والصحفى أ/ محمد على خير استاذ محمد اهم ما لفت نظرك فى التقرير
أ/ محمد على خير : هو ما كتبه اليوم أ/ فهمى هويدى عن مشكلة قطع الغاز عن اسرائيل واللى بيرى ان ده قرار تأخر سنوات طويلة بس هى المشكلة ان احنا لحد الان ما نعرفش هل كان هذا قرارا سياسيا ام قرارا تجاريا يعنى هناك تصريحات وتصريحات مضادة لو كان قرار سياسى خلاص مصر بعد الثورة تستطيع ان تفعل مثل هذا المطلب الشعبى بقطع الغاز واذا كان قرارا اقتصاديا استطلاع الراى العام زى ما بيقولوا بس عدةاتجاهات اللى هو قرار بيطلع ثم يتركوا الراى العام هو يحللة فا واحد زى فهمى هويدى يراه قرار سياسى ثم اخرين يروه قرار تجارى يعنى
ولاء غانم : بس هو دايما يا استاذ محمد السياسة اوالقرارات السياسية بيبقى ظاهرها حاجة وباطنها حاجة تانية تفتكر تبعا للقرارة ده والا هو فعلا قرار سياسى من شركة مصرية حكومية ام شركة خاصة
أ/ محمد على خير : لأ يعنى اذا جينا للتحليل يعنى اللى قلناه ده رصد بان فعلا الواحد مش عارف ده قرار اقتصادى عشان الشركة ما دفعتش الفلوس اللى عليها والا لأ ان احنا مأجرين شقة مثلا والايجار متأخر بقاله 3 سنين او ان هو قرار سياسى لأ من المؤكد ان ما ينفعش قرار زى ده يطلع دون ان يكون المجلس الاعلى انه يوافق عليه لان من المؤكد ان الحكومة الاسرائيلية ستقوم باجراء اتصالات مع الحكومة المصرية او المجلس العسكرى
ولاء غانم : بس انا كنت قرات تصريح الحقيقة رئيس الشركة العامة للبترول او الهيئة العامة للبترول قال ان القرار ما مرش على المجلس العسكرى خالص
أ/ محمد على خير : هو يبقى ده التحليل الشخصى بس قرار زى ده هو توقف جميل انت بتقول ان ده قرار اقتصادى او تجارى لان الشركة ما دفعتش من 2008
3 سنين وليه ما قطعتوش من سنه
ولاء غانم : انا مش فاهمة
أ/ محمد على خير : اه ليه اشمعنا النهاردة يعنى الشركة خدتها الحمية وخدتتبحث عن فلوسها المتاخرة بقالها 3 سنين
ولاء غانم : ده هيخلينى كويس ان حضرتك فتحت النفطة دى لان فى بعض المتابعين لهذا الشان اللى هما الاسرائيليين شايفين ان قطع الغاز عن اسرائيل له علاقة بانتخابات الرئاسة دى ورقة رابحة بتطلعها القيادة السياسية لكسب مزيد من التاييد او الدعم
أ/ محمد على خير : بس ما رئيس الجمهورية اللى هيجي هيرجع بقى الغاز لاسرائيل والا هيستمر يقطعة ماهو لو استمر فى تنفيذ القرار ما هو ده ما خسرش فيه بونط لانه already تنفيذ القرار تم قبل وصولة او لو رجع الغاز لاسرائيل هيعمل له مشكلة شعبية مع الراى الشعبى بصى خلينا نناقش الامور بمنطق او من زاوية اخرى هل من مصلحت مصر استمرار ضخ الغاز لاسرائيل احنا مشكلتنا ايه لتصدير الغاز لاسرائيل هل هى مشكلة اقتصادية ان احنا مشكلة بان احنا بنبيع اقل من السعر العادى والا احنا رافضين المبدأ من اساسة لو رافضينالمبدأ يبقى دى قصة تانية لية سواء بقى الغاز ده مش هنصدرةلاسرائيل لانه الى اخرة خلاص بقى احنا عارفين ده لكن لو احنا معترضين عشان تعديل السعر يبقى نجيب الحكومة الاسرائيلية ونتفاوض معاها على تعديل السعر لكن عارفة فكرة لعبة خلط الاوراق احنا مش عارفين هل ده اقتصادى ام سياسى لكن انا شايف لا انت من مصلحتك ان انتى تصدرى الغاز بسعر ان لم يكن بالسعر العالمى يعنى اذا نجحتى يبقى ده افضل لكن فكرة ان انت تقعد تلون اسباب القرار فى تقديرى لأ الناس فى تقديرى على علم بده وما يطلعليش حد يقولى مثلا ان لأ زيارة المفتى للقدس كانت بدون علم المجلس العسكرى يعنى ما ينفعش الامور ما بتمشيش بهذا الشكل على الاقل انه ابلغ او قال وانتظر ردا يعنى
ولاء غانم : هو هنا فى البعض بيلعب على اوتار ان تصدير الغاز لاسرائيل جزء من اتفاقية كامب ديفيد فى حين ان بعض الخبراء الاستراتجيين قالوا لأ هو مش جزء منها ولاحاجة هقول لحضرتك حاجة تصدير الغاز ملوش علاقة باتفاقية السلام
أ/ محمد على خير : لأ هو وانتى بتعملى اتفاقية كامب ديفيد فى عام 70مكنتيش تعرفى ان هيتطلع عندك غاز وتصدرية والا لأ بس هو الجزء المهم ان كان فى جزء من البترول المصرى يذهب الى اسرائيل ويحدد سعره بطريقة معينة ولكن هو تفاضل ما بين الرئيس السابق السادات وبين الحكومة الاسرائيلية برئاسة مناحم بيجن لكن هو السؤال انا مليش دعوة بالتاريخ نعرف اذا كانت الحكومة ملتزمة بده والا لأ نعرف ليه اللف بهذا الشكل وانا انا عايز اطلع وانتصر واكتب خطابات رنانة مصر انتصرت للثورة وقطعت الغازعن اسرائيل قلى لأ دا الموضوع اقتصادى واحنا لينا فلوس مخدنهاش الكلام مع الحكومة الاسرائيلية شركة وسيطة هى اللى بتاخذ الغاز من مصر بيتم تاخذ الفلوس من اسرائيل تديها له خزعبالية عملها النظام السابق يعنى يعنى حتى الخلاف مباشرتا مش مع الحكومة الاسرائيلية يعنى الشركة الوسيطة دى هى اللى اخلت بالتزاماتها او استحقاقاتها نحوالحكومة
ولاء غانم : كان متهم فيها اسرائيليين
أ/ محمد على خير : كان متهم عقد الشركة يعنى المعنى ايه فى الاخر ان اطلعوا قولوا للراى العام حكومة مصر مسئولة ووزير البترول قطعنا الغاز عشان الشركة ما دفعتش وان احنا هنرجع الغازطب الشركة لو ما دفعتش الفلوس طب لو دفعت الفلوس وعدلت السعر هتصدروا الغازلاسرائيل تانى
ولاء غانم : هو قالت انوا فى احتمالية لعقد جديد يعنى معنى كده ان مبدأ التصدير موجود
أ/ محمد على خير : يعنى هو الاصل ده مفهوش مشكلة هوانا لو هصدر فى جزء انا كنت اتفرجت مرة على فكرة تصدير الغاز لاسرائيل هو فكرة ان هوبيمر من عندك من ارض سينا على اسرائيل على الدول الاوروبية ويمر عبر خطوط لاسرائيل هل مدى صحة ده لكن انا اللى يهمنى الفيصل هو حاجة واحده حددوا السعر العادل محكمة القضاء الادارى فى ايام مبارك فى 20/10 القضية اللى رفعها السفيرابراهيم سامى تصدير الغاز لاسرائيل ان هو كان المبداواضح انه اقل من السعر العالمى
ولاء غانم : بكتير اه
أ/ محمد على خير : يعنى اسرائيل مشكلة لو حصل بالتفاوض ما كل الامور هتمشى بالتفاوض
ولاء غانم : انا قدامى بالضبط دقيقتين علشان اختم عايزة اسال حضرتك فى التقرير اللى احنا شفناه لفت نظرى صحفى بيقول ان برامج المرشحين حتى الان لم تعلن وحتى اللى اعلن منها بيخلو من هموم المواطن البسيط تعليق حضرتك
أ/ محمد على خير : من الامور التعليمية يعنى والثقافية يعنى ان التعليم اول حاجة مفيش برنامج معظم البرامج اللى اعلنت فكرة المرشحين كانت بتسرد فكرة التعليم يعنى مفيش مثلا مرشح رئاسى جه اعلن ان انا فى اول سنه من حكمى همسك مثلا منصب نائب رئيس الحمهورية لقيادة تعليمية لعالم مستنير مصر علميا ان اناهشكل مثلا مجلس قومى برأسة دكتور احمد زويل عشان مثلا ملقتش حاجة تتعلق بالتعليم وطبعا انا كل التصريحات اللى صادرة عن ان لم يكن كل مرشحى الرئاسة اسرائيل مش هبات فى بيتى مش يعنى انا مثلا مراتى مش هشتفوها يعنى انا مثلا بانتخبك عشان مش هشوف مراتك يعنى لكن القضايا الرئيسية زى التعليم زى الصحة زى توفير فرص العمل زى حقوق الانسان زى استعادة مصر لعمقها الافريقى زى قضية مياة النيل
ولاء غانم : القضايا الجوهرية
أ/ محمد على خير : اه القضايا الجوهرية مكنتش تلك القضايا شائعة لكن هى طبعا هى فرقعة لاستمالة الراى العام وجذب الاصوات
ولاء غانم : يعنى الوقت انتهى للاسف اناباشكر حضرتك جدا الكاتب والصحفى أستاذ محمد على خير وفى نهاية الحوار بنتقدم بخالص الشكر للصحفى بالاخبار محمد على خيروكنت ضيفا كريما مشاهدينا يمكنكم التواصل مع البرنامج من خلال الظاهر على الشاشة دلوقتى هو مساحة للراى @ eg ويمكنكم متابعة حلقات البرنامج من خلال موقع اخر لمصر enc.eg وكذلك على موقع اليوتيوب بكرة قبل نص ساعة من دلوقتى حلقة جديدة وسلاموا عليكوا.