اتجاهات

هالة ابو علم: مشاهدينا الكرام مساء الخير لا احد يستطيع ان ينكر اننا نعيش واقعا اعلاميا جديدا بعد ثورة 25 يناير كما ان احد لا يستطيع ان يتجاهل حالة الغضب وعدم الرضا عن الاعلام بشقيه الرسمي والخاص بسب حالة الانفلات الاعلامي التي يعزو اليها الكثيرون حالة الاحتقان وعدم الاستقرار التي نعاني منها ومع ذلك يبقى الاعلام الرسمي والخاص يشكلان معا منظومةالاعلام المصري التي يبني عليها الوطن امالا عريضة للعبور بنجاح من ذلك المنعطف الخطير الذي تمر به مصر الان .. مصر الان في حاجة للجميع في حاجة لضمير اعلامها وحماية جيشها وانصاف شعبها الاعلام الرسمي والخاص كليهما بحاجة للاخر وحاجة الوطن هي الاشد لكليهما المطلوب منهما ان يتوافقا ويتنافسا ولكن من اجل مصر . نريد اعلاما ينحاز للحقيقة ويعبر عنها اعلاما يتناول قضايانا القومية بشكل موضوعي ويطرح الراي والراي الاخر اعلاما يعيد بناء المجتمع ويؤكد روح الولاء في نفوس اناء الوطن اعالم اكثر توازنا من الناحية المهنية واكثر التزاما من الناحية السياسية اعلام يبني ولا يهدم يوحد ولا يفرق نتحاور ونتساءل كل وسائل الاعلام واطيافها مدعوة لمحطة وصول واحدة وهي وصول سفينة الوطن الى بر الامان ساعات قليلة مشاهدينا الكرام تفصلنا عن بداية عام جديد وثواني قليلة ايضا تفصلنا عن اللقاء بضيفنا وان كان ليس بضيف وانما هو صاحب البيت المسئول الاول عن الاعلام في مصر السيد احمد النيس وزير الاعلام ارحب بحضرتك يافندم في بيتك مشاهدينا الكرام نخرج فاصل ونواصل
فاصل
هالة ابو علم: الاستاذ احمد انيس .. الاعلام مسئولية..؟
السيد/احمد انيس: طبعا مسئولية ضخمة
هالة ابو علم: طيب رؤية حضرتك للاعلام المصري في الوقت الحالي بشقيه الرسمي والخاص في راي حضرتك لماذا يوجه النقد في الفترة الاخيرة صورة دائمة لكليهما؟
السيد/احمد انيس: خليني ابدا الحقيقة احنا فاضل لنا ساعات ونبدا عام جديد ابعت تحية اعزاز وتقدير لاسر الشهداء.. الشهداء المصريين سواء من ابناء الثورة او من القوات المسلحة او من الشرطة واهنئ الشعب المصري كله بالسنة الجديدة واتمنى من الله ان تكون سنة سعيدة واهنئ الاخوة المسيحيين بعيد الميلاد وبتمنى ان يكون هذا العام يكون عام عطاء وعام خير لمصر ولكل المصريين خارج وداخل مصر اما عن سؤالك الحقيقة بعد ثورة يناير العظيمة اتكلم عن ملاحظاتي كواحد عمل في حقل الاعلام قبل كده وفي نفس الوزارة كوزير للاعلام .. ثورة يناير العظيمة لما قامت الاحداث فيها كانت متلاحقة وسريعة جدا فكان من الطبيعي ان كل وسائل الاعلام مقروءة او مسموعة او مرئية وايضا الكترونية ودي هامة جدا كان لازم تواكب هذه الاحداث وتتزامن معاها مع سرعة هذه الاحداث انا الحقيقة بدي العذر نسبيا انه كان من الطيعي يحصل عدد من التجاوزات انما لما تمر فترة كبيرة من الزمن انا اعتقد انه كان من الضروري ان بعض التجاوزات من بعض وسائل الاعلام نحاول نصوب مسارها نحاول نصلحها نحاول نرتقي يها انما التجاوزات كانت ملحوظة والمواطن المصري واعي جدا ومدرك جدا لهذه التجاوزات احيانا كان فيها بعض الاثارة وقد يصل في بعض القنوات الى تحريض رغم انه مش تحريض صريح انما الرسالة بتبقى واضحة دا كان واقع طبيعي فرضته الاحداث المتلاحقة سواء كانت احداث امنية او سياسية او اقتصادية وانا اجد ان دي ظاهرة طبيعية لمثل هذه الاحداث الكبيرة زي ثورة يناير ولكن السؤال هنا ياترى هل كل وسائل الاعلام موضوعية في تناولها هل كانت حيادية بشكل مطلق هل كانت بتتناول الراي والراي الاخر هل كانت دائما منصفة هل كانت تسعى الى التوازن ام تسعى الى الاثارة يعهني هناك الحقيقة اسئلة كثيرة مطروحة في هذا المجال اللي انا على يقين منه انه بعض وسائل الاعلام لها اعتبارات اقتصادية او اعتبارات اقليمية واعتبارات سياسية احيانا الحقية اللي انا شايفه انه بعد ثورة عظيمة زي ثورة يناير يكون هناك سبق بين وسائل الاعلام وتسعى كل منها الى ان تكون الاسبق في تناول الاخبار
هالة ابو علم: بس يافندم دا بيجي على حساب المصداقية
السيد/احمد انيس: دا اكيد .. انا هدي لحضرتك مثال ما يجش اطلاقا تحت أي ظرف نمن الظروف دي الامانة ودي المهنية الحقيقية ان السبق يكون على حساب دقة ومصداقية الخبر هناك شائعة انطلقت ان هناك احتمال لزيادة اسعار البنزين اعتبارا من يناير او اسعار الوقود انا عايز اكون سابق عن غيري لازم الحقيقة هنا والضمير المهني والاحساس بالمسئولية يبانوا والاحساس بالوطن يبانوا هل اطلع الشائعة دي ولا اقول انها مجرد شائعة ولا خر مطلق وكأني متأكد منه ولا اطلع الشائعة واطكلع معاها في نفس التوقيت نفيها من مصدر مسئول
هالة ابو علم: دايما يقولوا ان ههنا في الاعلام الرسمي لما يجيلنا خبر ونسمعه ما نقدرش ان نسرع ونذيعه طالما لم يأت الينا ما يؤكده وكمان تعليمة من وزير الاعلام او تعليمة من حد مسئول في الحكومة بالتالي بتسبق القنوات الاخرى في اذاعة هذا الخبر واحنا نتأخر وبعدين بنتعرض لهجوم .. كيف نوازن بين المصداقية وصدق الخبر والجوع الى المصدر المنسئول ولكن في الوقت نفسه يوجه البنا اللوم لاننا تاخرنا عن اذاعة الخبر وسبقتنا اليه محطات اخرى
السيد/احمد انيس: الامانة بتقتضي انه لازم نكون موثق متأكد من هذا الخبر قبل ما اطلعه ولكن طبعا يبقى فيه تنافس مش بس القنوات الفضائية ولكن وسائل الاعلام الاخرى ان كطانت مقروءة او مسموعة يهمها انها تكون سابقة دايما .. من الضروري ان نؤكد هذا الخبر ومفيش ما يمنع اطلاقا من انا اشير اليه ولكن اشير الى ان الخر غير مؤكد ولم تؤكده أي مصادر على الاقل دا بيدي اطمئنان وبيدي راحة للمواطن لا سيما ان كنت بتكلم عن خبر بيؤذي المواطن في قوته اليومي يعين لما بكون بتكلم عن خر زي زيادة اسسعار البنزين بالتاكيد دا ليه تداعيات خطيرة جدا انه ينتشر هذا الخبر واحنا غير متأكدين منه احنا كملاعلام رسمي سارعنا بتاكيد ان هذا الخبر لا اساس له من الصحة على الالطلاق ولكن الاساس انه يبقى عندنا توازن واضح ما بين صحة الخبر وسرعة اعطاء هذا الخر للجمهور
هالة ابو علم: طيب يافندم البعض بيوجه اللوم للحكومة انا بتكلم بصفة عامة انه دا بسب الحكومة انه ما يكونش عندها الشفافية بتصرح بما تنتوي ان تفعله وبالتالي دا بيدي مجال لانتشار الشائعات
السيد/احمد انيس: دا جائز ودا ممكن يكون موجود في وجدان بعض الناس دا احد الحاجات اللي احنا حاليا نعاني منها واللي نسعى بكل ما اتوينا من قدرة وحجرفية ان احنا نتجاوز خهذه المرحلة بنحاول نسرع ونبادر باننا ندي حقيقة كل شئ كما هي والحقيقة اللي انا ملاحظه في الفترة الاخيرة ان احنا مش متخلفين عن الحدث ودائمات نسرع باعطاء الحقيقة للشعب لان دا حق الشعب علينا
هالة ابو علم: حضرتك شايف انهنه في الفترة الاخيرة حصل تطور في الاعلام الرسمي ولو بدرجة بسيطة عن قبل ثورة يناير
السيد/احمد انيس: لاشك لانه لما الثورة دي قامت كان هناك وسائل اعلام كثيرة غطت بشكل يختلف كتير عن الاعلام الرسمي من الضروري ان نتزامن معاهم وتنكون منافسيين ليهم ونستعيد ثقة المواطن ليبنا ودا اللي احنا بنسعى اليه جدية وامانة مطلقة لحد لما اجي في هذا المنصب لانه شاهدت في هذا المنصب يمكن تكون شهادة الى حد ما مجروحة انا لاحظت ان الالعام بيتحسن كثيرا بتدوا الحقيقة كما هي مش بتبالغوا فيعها ولا بتهونوا منها ما بتتخلفوش عن الحدث بتجتهدوا وبتجتهدوا بصدق وتدوا الراي والراي الاخر بمنتهى الشفافية وبمنتهى الموضوعية ما بقولش ان احنا وصلنا لدرجة الكمال اعلام بشكل جديد يتفق مع رؤية العصر
هالة ابو علم: يافندم ايه السلبية اللي حضرتك شايف انك هتعمل عليها في الوقت القادم
السيد/احمد انيس: مازال ناس كتيرة منتظرة تعليمات انا عبر دا اخطر شئ في مجال الاعلام .. كل اللي بيعملوا في مواقع قياديةا اعلامية محترفين اكتر مني انا شخصيا هما مش منتظرين انا متحمل مسئولية العاملين بكل تخصصاتهم وتنوعهم ولكن ما ينتظرش التعليمات لديه الاحساس بالمسئولية لده الخبرة لديه الوطنية لديه الحس القومي ينطلق ..
هالة ابو علم: يعني حضرتك تدي القيادات الخط الاخضر انها تتصرف دون الرجوع لحضرتك
السيد/احمد انيس: اسوا شئ انه يكون في أي مؤسسة مهما كانت اعلامية او غيرها انها تفاتقد للنظام او تفتقد للسيستم نتمنى ان ربنا يوفقني واني احط سيستم عمل اخلي الناس وهي في مكانها قادرة على انها تبادر بالتغطية الاعلامية الصحيحة الموضوعية الموثقة واللي الشعب في حاجة اليها يمكن دا هيساعدنا على استعادة بعض الثقة اللي فقدت في الايام الماضية
هالة ابو علم: الحقيقة رغم ان الجمع بيتفق على منصب وزير الاعلام الا انه علت الاصوات في الفترة الاخيرة بضرورة الغء وزارة الاعلام رغم اهميتها وايضا بيروا ان المسالة بتكمن في وزارة او هيئة وانما المسالة مرتبطة بسياسات والضوابط الحاكمة لمسيرة الاعلام بصفة عامة فحضرتك شايف انالغاء وزارة الاعلام دا بيصب في صالح منظومة الاعلام ككل
السيد/احمد انيس: انا لما كلفت بهذه الوزارة تحملت هذا التكليف وقبلته باعتبارها مسئولية وطنية في هذه المرحلة الحرجة معنديش أي سبب لقبول الوزارة غير كده انما لم اكلف عل الغاء وزارة الاعلام ولكن ان طلب مني ان اقول رايي في هذا .. نعم من الممكن الغاء وزارة الاعلام ولكن ليس بالشكل اللي شفناه من عدة اسابيع او من عدة شهور انه على غفلة تشكل حكومة واول قرار ليها الغاء وزارة الاعلام الموضوع خطورته في ايه وحله ايضا هقوله لك يعين على سيل المثال هناك اتفاقيات دولية وهناك برتوكولات مع دول لما الغي الوزارة لازم احدد الكيان البديل اللي هيتولى هذه الاتفاقيات مع الدول لازم اقول مين اللي هيتحمل مسئولية عمل مكاتبنا الاعلامية خارج مصر في الدول العربية او الاجنبية لازم اقوزل مكين اللي هيتحمل الاشراف على هيئة الاستعلامات ب100 مركز من مراكز الاعلام .. لازم اكون ظابط الاعلام حاليا زي جهاز المطبوعات زي مكتب الالعالميين الافارقة زي المنخصصات او التكليفات الاشرافية لوزارة الاعلام على اتحاد الاذاعة والتليفزيون مين اللي هيكون معني بيها لو انا وجدت هذه الكيانات البديلة اللي ممكن تنولى هذه المهام ما فيها المسئولية المالية والاشرافية لاتوجد مشكلة في الغاء وزارة الاعلام ولكن يجب ان احنا نقتر منها تدريجيا مش بشكل مفاجئ نحط الكيان البديل نحدد مسئولياته واختصاصاته وصلاحياته وننلق لانه هناك امكانية لوجود جهاز بديل ولكن بعد ما نحدد التبعية بتعة الاجهزة اللي تتبع وزارة الالعام سواء الاتحاد او الشركات او هيئة الاستعالمات نحدد مين اللي هيبقى الاب الشرعي لهذه الكيانات
هالة ابو علم: طيب بالنسبة لاهم الملفات والتحديات المطروحة على مكتب حضرتك
السيد/احمد انيس: الملفات عديدة الحقيقة وبالتالي انا مضطر اني احط لها اسبقيات واعتقد ان الملف بتاع العاملين وتسوية المواقف المعلقة سواء كانت مالية او وظيفية من اهم الملفات وفيه ملف خاص بمدينة الانتاج وملف خاص بالهياكل اعادةترتيب الهيكل .. الهيكل الاداري ككل فيه ملفات خاصة بعض القيادات احتنا عايزين يبقى فيه دم جديد ونشرك الشباب الحقيقة ملفات عديدة ومتشابكة ورنا يقدرنا ان احنا نحلها في اقرب وقت ممكن لان الفترة وجيزة
هالة ابو علم: اتدي مع حضرتك في الملف الاول وهو ملف العاملين لانه من خلال اهتمام حضرتك هذه الكوادر البشرية هو دا اللي هيدي الدفعة للاعلام الرسمي في المرحلة اللي جاية حضرتك بتفكر فيهم ازاي
السيد/احمد انيس: هو العدد الكبير ماهواش عيب وماهواش مقلق بامانة مطلقة هو عبء مالي ضخم محدش يقدر يتصوره ولكن دي طاقة بشرية انا شخيا بحترمها وطاقة خلاقة ومبدعة وفيهم ناس حرفيين والحقيقة تقول انه على ايديهم اتعمل اعلام خاص في كثير من القنوات الفضائية بخبراتهم وعلمهم هما يستحقوا مننا ان نفكر في كل مشاكلهم ولعل من اهم هذه المشاكل انه يمكون هناك عدل في كل شئ في الاجور والمهام والوظائف والعائد اللي يحصلوا عليه وفي تكليفهم باعمال البعض الاخر شايف انها مش مناسبة من وجهة نظره فبيعمل شئ من الغصة بين العاملين فالحقيقة العاملين مشاكلهم عديدة وكثيرة وانا الحقيقة فاتح مكتبي للكثيرين منههم وبقابلهم بالغرم من انا اعلم ايه اللي هيتكلموا فيه من قبل ما يقولوا ولكن لازم استمنع اليهم وربنا يقدرني اني اقدر احل هذه المشكلات لاني مؤمن تماما ان اقوى شئ في هذا المبنى على غير ما يتوقعه البعض الطاقة البشرية اللي فيه لاني انا مش حزين ولا قلقان من هذا الكم ربنا يقرنا ان نقدر نوظفه بالشكل المناسب سواء في كيانات قائمة حاليا او في كيانات اخرى ننشئها مستقبلا في حالة توفر موارد مالية
هالة ابو علم: مين معاونيك مين مساعدينك مين مستشاريك حضرتك مش ممكن تقوم بالمهمة دي كلها لوحدك مين بتستند اليه انه يساعدك في هذ1ه المسئولية
السيد/احمد انيس: اهل المكان اهل ماسبيرة مليانين خبرات انا اساس بعتمد عليهم بدرجة مباشرة ممكن قوي مذيع اخد خبرته في جزئية معينة ويفيدني ممكن معد اخد خبرته في جزئية معينة ويفيدني مخرج اسمع منه كلام يفيدني غير كده عندنا قاعدة عريضة داخل المجتامع المصري من العلماء الافاضل اللي انا بسمع ارائهم سواء في الجامعات او بعض الكليات الاعلام او الخبراء او الفنانين نفسهم يمكنت استفيد منهم في قضايا خاصة بالدراما معنديش مشكلة في الحصول على المشورة الطيبة والصثادقة
هالة ابو علم: نقطة التمويل لمؤسسات الاعلام سواء الاعلام الرسمي او الاعلام الخاص يعني الاستاذ محمد حسنين هيكل بيقول مفيش اعلام لوجه الله وبيقول ان الاعلام الرسمي بيواجه ازمة طبعا نتيحجة التمويل مفيش فلوس اما بالنسبة للاعلام الخاص فهو ملئ بالاجندات وتدفق اموال واستثمرات غير بريئة تماما من تحقيق اهداف لهذه المؤسسات كيف تنظر الى هذا الملف بصفة خاصة
السيد/احمد انيس: انا بتفق مع الاستاذ الكبير محمد حسنين هيكل في اللي قاله وبضيف حتة نعم هناك اجندات خاصة ممكن تكون سياسية ممكن تكون اقتصادية مكطن تكون دينية لها هدفها ولها مصالحها ونعم الاعلام الرسمي في ازمة وربنا يقدرنا ان شاء الله بجهد الناس اللي في ماسبيرو ان احنا نتجاوز هذه الازمة وانا على ثقة وعندي تفاؤل كبير ان احنا هنتجاوزها انما الاجندات اللي موجودة في بعض وسائل الاعلام سواء كانت مقروءة او مرئية نعم هناك عض الاجندات وهناك بعض الحسابات الخاصة والمصالح الخاصة واحيانا بتكون تجارية واعلانية واحيانما اخرى سييباسية او دينية
هالة ابو علم: حضرتك بتتابع الاعلام الخاص
السيد/احمد انيس: بعرف ايه اللي فيه من خلال الاوراق اللي بتجيلي احينا ممكن اتفرج انما الحقيقة انا معني بالدرجة الاولى ان انا ابص على حاجتي لان الوقت صعب الوقت مش متاح لي اني اشوف كل شئ يمكن انا بركز في المرحلة دي على القنوات الاقليمية بركز جدا على محطات الاذاعة اللي متصور انه مش مرئي انا معاه اكتر من اللي هو مرئي
هالة ابو علم: لو شاهدت شئ استهجنته او حسيت انه مش مهني او مش مفروض انه يظهر على الشاشة هل بترفع السماعة وتكلم المذيع بتاع البرنامج او بتتصرف ازاي لو شفت حاجة مش عاجاك
السيد/احمد انيس: قول رايي بس مش بشكل مباشر وفوري عمرها ماهتحصل مني وارد انه يكون هناك اخطاء وارد اني اتفرج على مذيع وبلاحظها كتير في بعض القنوات الخاصة انه بيتبنى وجهة نظر معينة وبيمشي معاها على طول انما قنواتنا لما بيحصل تجاوزات باخد وبدي مع المسئول ولكن فيما بعد مش بشكل مباشر
هالة ابو علم: موضوع التمويل ومن اهم مصادر التمويل هي الاعلانات ازاي نرجع الاعلانات مرة تانية
السيد/احمد انيس: اتردد في بعض الاوقات ان هناك بعض الناس قالت انه هناك شركات خاصة بالاعلان بتحارب التليفوزون المصري انا الحقيقة لا اثق في هذا .. ازمة الاعلانات لما ظهرت في التليفزون المصري اعتقد كان الاساس فيها تلت حاجات رئيسية اول حاجة ودي كان مستغرب شوية انه قبل رمضان بشهر او بشهرين الغي امتياز بتاع صوت القاهرة تماما دا عمل سقطة شديدة
هالة ابو علم: وتم نقله للقطاع لااقتصادي
السيد/احمد انيس: نعم لا سيما انها قبل موسم رئيسي يضاف الى ذلك الفترة دي تغيرت فيها قيادات كثيرة الامور غير مستقرة الوكلات الاعلانية مابقاش فيه حاجة واضحة بالنسبة لها هل فيه قرارات حاسمة بالنسبة للاعلانات يمكن صدورها واخيرا المنتج الاعلامي سواء درما او الى اخره ما نقدرش نقول انه كان على مستوى مشجع للاعلانات انها تقترب من التليفزيون المصري ولذلك مفتاحنا في هذا اننا نحدد الشكل اللي بيدير الاعلانات ولازم نرتقي ودا تحدي رئيسي عندنا بالمنتج الاعلامي سواء الدراما او غيره عشان نشجع المنتجين يقتربوا مننا
هالة ابو علم: البعض بيتحدث عن وجود قوى مالية هائلة غير معلومة المصدر بتتدفق الان على ساحة القنوات الفضائية هل القانون بيلزم اصحاب هذه القنوات بالكشف ععن مصادر هذا التمويل
السيد/احمد انيس: هما لما بيتقدموا لهيئة الاستثمار مطالبين انهم يعرضوا الموازنات بتاعتهم ويعرضوها بشكل سنوي ولكن احيانا بتكون مصادر التمويل مش معروفة انا اعتقد انه من الضروري انه يكون هناك افصاح وشفافية في الاعلان عن مصادر التمويل
هالة ابو علم: ديون ماسبيرو وصلت لكام حاليا؟
السيد/احمد انيس: 16 مليار
هالة ابو علم: وطبعا بيضاف اليها فايدة سنوية 2 مليار واعتقد تان المصاريف اللي بتتمثل في المرتبات حوالي 2 مليار يعني الفرق هائل بتفكر ازاي انه يتم حل هذا الموضوع
السيد/احمد انيس: المشكلة كبيرة ولكن يهمني ان هناك بعض وسائل الاعلام تناولت دا انه بيمثل اهدار لمال العام الحقيقة مش كده الكلام دا يخص من هم قبلي ويخصني ايضا في فترة سابقة .. حقيقة الديون دي اتخلقت ازاي ..؟ اتحاد الاذاعة والتليفزون بيفقدم ما يسمى بخدمة اعلامية للدولة ودي ممكن تكون خاصة بحملة خاصة بانفلونزا الخنازير او شئ خاص بالصحة او التعليم او الزراعة .. احنا بنتكلف في هذه الخدمات سنويا 2.5 مليار وبنحصل من الدولة على تقريا التلت اذن الباقي دا بيصنع عجز عندي وانا بستدين من بنك الاستثمار عشان اعوض هذا العجز فبتتراكمم هذه الديون .. الدين اللي عامل لي قلق مش هذا المبلغ هي ديون خاصة بوكالات اجنبية او اتحادات دولية او مستشفيات يؤذيني جدا انا كوزير اعلام ان احد العاملية في اتحاد الاذاعة والتليفزيون يروح لمستشفى والمستشفى ترفض استقباله لان احنا ماسددناش الديون اللي علينا
هالة ابو علم: هل هناك نية انه يتم اسقاط الديون عن ماسبيرو حتى ولو جزء
السيد/احمد انيس: دا موضوع كبير ومتروك للمتخصصين واتمنى من مجلس الشعب القادم يتناول هذا الموضوع ويطلع لنا قرار جمهوري لانها قصة كبيرة لها ضوابط قانونية عديدة ولكن رغم الضائقة المالية اللي احنا فيها الحكومة مش متاخرة علينا في دعمنا في الفترة الحالية وايضا القوات المسلحة بتعاوننا ماليا
هالة ابو علم: تبعية الاعلم الفضائي لوزارة الاستثمار مش وزارة الاعلام وبالتالي هو تحول لمجرد عقود تمويل واموال في حين ان الراي الاخر يرى ان الالعام حرية ومسئولية كيف تنظر الى ذلك
السيد/احمد انيس: هو مش تابع بشكل مطلق لهيئة الاستثمار هي معنية تماا انها تشجع الاستثمار ودا احد اهدافها بالتاكيد فبيتقدم ليها اللي عايز يطلع قناة فضائية تمنحه الترخيص اللي يتضمن ضوابط خاصة بنوعية القناة والموضوعات اللي يشتغل فيها والموضوعات اللي لا يجب انها تعمل فيها دي علاقة تعاقدية ين هيئة الاستثمار او المنطقة الحرة الاعلامية وهذه القنوات ولما يحدث عض التجاوز بيوجه ليها اكتر من انذار من المنطقة الحرة الاعلامية وبتنظر عد كده في الغاء هذا الترخيص واو عدم الغاؤه حسب التجاوز اللي تم
هالة ابو علم: البعض بيقول ان هناك بعض القنوات اللي بتحصل على تصريح على اساس انها قنوات منوعات وبعدين بنفاجئ انها بتبث مواد دينية على مدرا 24 ساعة مين من حقه يقوم بمسالة ضبط المحتوى بما يتفق مع التصريح
السيد/احمد انيس: لما المنطقة الحرة بتاخد ترخيص الترخيص ينص على نوع القناة هل هي قناة افلام منوعات غنائية او قناة عامة واللي من حقها انها تاول بعض الحاجات السياسية وبعض الموضوعات الاخبارية انما قنوات المنوعات لا يجوز لها هذا ولو حصل بيتوجه لها الانذار لانها خرجت عن الخط والخريطة وبتنظر في الغاء هذا الترخيص لو استمر الامر
هالة ابو علم: هذكر مثال بخصوص هذا الموضوع الازهر الشريف طلب وقف قناة تبث من الولايات المتحدة من كاليفورنيا وهي مش على النايل سات بتاعنا بالتالي هل احنا لينا حق ان احنا نوقف بث قنوات لا تقوم بالبث من خلال القمر الصناعي المصري
السيد/احمد انيس: هي مش على النايل سات طيب هوقفها ازاي والحقيقة الكلام دا مهم جدا لان احنا تعرضنا لبعض التساؤلات من بعض السادة الصحفيين انه ازاي بتكون عندنا قنوات للرقص او قنوات بتزدري الاديان او قنوات للسحر والشعوذة الحقيقة ان النايل سات معندوش أي قناة من هذ1ه القنوات .. القنوات دي بتطلع من موقع اسمه 7 درجة غرب فيه الاقمار الفرنسية زائد النايل سات أي حد بيظبط التردد على 7 درجة غرب فاللي موجود فيه هيلتقط مافي داخل هذا القمر فقناة زي قناة الكرمة ماهياش على النايل سات على الاطلاق لكنها على قمر فرنسي .. ايه الحل الامثل لمعالجة هذه الامور..؟ قبل كده كانت احدى القنوات واجهت معارضة من فئة من الناس فراحوا مقدمين شكوى للمجلس السمعي البصري الفرنسي قالوا ان هذه القناة بتهاجمنا وبالفعل بحث القضية واصدر تعليماته للمجلس السمعي الفرنسي بايقاف بث هذه القناة لما يكون حد متضرر من الرسالة الاعلامية الموجودة على احدى القنوات يرفع دعوى وتوجه عن طريق القنوات الشرعية وانا واثق انهم هيتعاملوا معاها بجدية في المجلس السمعي البصري الفرنسي
هالة ابو علم: طب احنا كمان عايزين مجلس سمعي بصري مصري نشتكي ليه
السيد/احمد انيس: ما احنا بنتكلم عن الغاء وارة الاعلام قد يكون دا احد الكيانات البديلة اللي ممكن تحل محل وزارة الاعلام الكيان دا عشان يتخلق قوي لازم تكون له الصلاحيات القانونية اللي يعود بيها على أي تجاوز ولو معندوش الصلاحيات القانونية هنفضل مستمرين في الاعتماد على مواثيق الشرف الاعلامي
هالة ابو علم: الغاء وارة الاعلام قد تستغرق سنة او اتنين او تلاتة او اكتر او حتى لا يتم الغاؤها خالص .. هل ممكن نعمل مجلس وطني
السيد/احمد انيس: مش من المناسب اطلاقا ان احنا نفكر في الغاء وزارة الاعلام لان دا مش قرارنا دا قرار اعلى مننا انما من المناسب ان نبدا الدراسات ومن الانسب ان يكون هناك كيان بالفعل قبل ما نفكر في الغاء وزارة الاعلام عشان ما يبقاش فيه ثغرة في المنظومة الاعلامية
هالة ابو علم: الا توجد قوة في ايد وزارة الاعلام او جهة ما تستطيع ان تضبط الايقاع الاعلامي
السيد/احمد انيس: احنا بنسعى وبنجتهد وبنحاول بالاتصال والمناقشة ولا نملك اكتر من كده انما لا توجد الية بتضبط الاداء الاعلامي غير ميثاق الشرف الاعلامي ولكن عدم الاتزام يه ما يترتبش عليه أي مشاكل قانونية دا مجرد ميثاق مجرد كلمة شرف
هالة ابو علم: هل هناك بعض القنوات تقدر تستخدم وحدات البث المباشر وتطلع على القمر الصناعي المصري دون الحصول على تراخيص
السيد/احمد انيس: نعم دا حصل بالفعل في الفترة الاخيرة ولكن هنا الترخيص ما بيبقاش من هيئة الاستثمار دي هتدي اشارة من جمهورية مصر العربية والوحيد المالك لهذه الاشارة هو اتحاد الاذاعة والتليفزيون بقوة القانون 13 فمن الطبيعي ان هذه الوحدات طالما انها دخلت بشكل شرعي وبرغم ان بعضها دخل شكل غير مشروع لكنها تقترب من الحصول على موافقة اتحاد الاذاعة والتليفزيون واحنا حاليا نحاول ان نحصر هذ الوحدات اللي دخلت بشكل غير مشروع وطبيعة الاحداث بتسمح بطييعة هذه التسربات فبنحاول نضبط هذا ويجب انهم يحصلوا على مموافقة وترخيص من اتحاد الاذاعة والتليفزيون
هالة ابو علم: هناك دعوات لتطهير الاعلام كيف ترى ذلك
السيد/احمد انيس: في أي موقع معني انها ترتقي بمكانها مش عايز اقول تطهير .. أي قيادي لازم يحاول يصوب مسار هذه الملفات احنا لو قلنا ان احنا بنطهر يعني عندي عنصر فساد الفساد ممكن يكون مال او اداري او اعلامي لو فساد مالي عندنا اجهزة رقاية كتيرة فمش ا المشكلة الاساسية لكن الفساد الاداري احد المشاكل الاساسية ممكن تكون القيادة لا مبالية غير مبدعة غير كفؤ دا فساد اداري يجب ان نتخلص منه ومن وجهة نظري اخطر انواع الفساد هو الفساد الاعلامي لان اثره ممتد للمشاهد في الخارج
هالة ابو علم: كيف ترى المسئولية الاجتماعية للاعلام الرسمي والاعلام الخاص؟
السيد/احمد انيس: الاعلام الرسمي والاعلام الخاص كلاهما عاشق لمصر ولكن يمكن التناول الاعلامي بتاعه يمكن يكون مختلف
هالة ابو علم: بس الجانب التجاري للخاص اكتر من الرسمي
السيد/احمد انيس: ماهو لازم يجتهد في الربح ولكن نتمنى ان هذا الربح ما يكونش على حساب الرسالة او المسئولية الاجتماعية
هالة ابو علم: ازاي نعمل نوع من انواع التكامل ما بين الاعلام الرسمي والاعلام الخاص
السيد/احمد انيس: انا اتمنى انت يتحقق هذا ولكن الاقتراب من تحقيق التكامل دا له بعض الحساسيات هناك البعض ممكن يتصور ان هناك محاولات لفرض السيطرة ولكن ان كان هناك صدق النوايا فاحنا الاتنين هدفنا اعلاء مصلحة الوطن
هالة ابو علم: طب وايه المشكلة انه يكون هناك محاولات للسيطرة
السيد/احمد انيس: لا مش من حق وزير الاعلام ان يسيطر على القنوات الخاصة هو ممكن يتكامل معاها ويتعاون معاها وكلنا بنؤكد على حرية التعبير والراي ولكن في نفس الوقت كلنا بتنقول انه مش من الضروري ان اختلافنا في وسائل التعبير انه هذه الخلافات تتحول الى عداوات نحن لازم نصب في مصلحة مصر واتمنى ان تكون هدفنا جميعا
هالة ابو علم: هل هناك محاذير للاعلام الرسمي لا يجب الاقتراب منها
السيد/احمد انيس: انا محدش اداني على الاطلاق محاذير ولا انا في نيتي اني ادي محاذير المحذور الحقيقي اللي انا ممكن اتصوره هو اني احاول ان اضلل الشعب في أي قضية من القضايا انا مصمم على ان الشعب ياخد أي قضية بحرية مطلقة ولكن بحيادية كاملة
هالة ابو علم: لكن مفيش محاذير من توجيه نقد للمحكمة او المجلس العسكري او القوات المسلحة
السيد/احمد انيس: اللي تقوليه دا محقق في بعض القنوات لكن احيانا بتوقف عند حاجة اني بلاقي البعض متوقف عند وجهة نظر واحدة ودا اللي انا برفضه انا مطالب اني ادي الحقيقة كما هي وادي الراي والراي الاخر وبدون تجريح ولا اهانة فيه تناول موضوعي شريف شفاف
هالة ابو علم: الحقيقة مبنى ماسبيرو في الفترة اللي فاتت شهد كتير من الاحتقانات هل انتهى ولا لسه وايه صور وجوده
السيد/احمد انيس: اهل ماسبيرو بامانة مطلقة وانا موجود في وزارة الاعلام من اجل اهل ماسبيرو .. اهل ماسبيرو دول عاشقين ومحبين للبلد ومحترفين ومبدعين يستحقوا مننا ان نكون عادلين معاهم والبعض رغم كم العثرات اللي مروا بيها في الفترة الاخيرة الحقيقة مبدعين ومحافظين على الشاشة بتاعتهم . مشكلتهم الاساسية من وجهة نظري العدل في كل شئ في الوظيفة والمسئولية والاجر والعائد .. العدل هو اساس كل شئ بالنسبة لاهل ماسبيرو الاحتقان دا مش وليد الثورة .. لا.. هما على مر سنوات البعض منهم تميز ماديا او اعلاميا والبعض منهم يمكن مبدع بشكل اكبر ولم ياخذ نصيبه بتمنى من ربنا انه يمكننا خلال الفترة الوجيزة دي ونحاول نصوب مسار العدل هما مش عاوزين يزودوا العائد المادي اننا عايز يتاكد ان هناك عدالة في توزيع العائد المادي على الجميع فهنحاول في حدود ظروفنا المالية ان احنا نواءم
هالة ابو علم: كيف نحقق العدالة للجميع وهناك من هو اكفأ من شخص اخر ازاي هنحقق العدالة في ظل التفاوت
السيد/احمد انيس: انا اتمنى ان القيادات تكون ماشية في نفس الخط ولما يكون فيه برامج معينة وناس معينة تدور هذه البرامج ارجو ان يكون الرجل المناسب في المهمة المناسبة في أي عمل ابداعي هناك كفاءات متميزة يجب ان احنا نستفيد بيها وهناك بعض الناس بتعشق العمل في صمت فبتبقى مبدعة جدا فارجو ان احنا نوفق في الوصول لمثل هؤلاء الناس ولكن احنا هتواجهنا مشكلة انه من الصعب ان تجاوز بعض القيادات بحكم اقدميتها ونحط قيادات اخرى اصغر منها سنا هنحاول نوائم بقدر الامكان ان شاء الله بمسميات جديدة
هالة ابو علم: على المستوى العام ايه المشروع القومي اللي حاطه في ذهنك وفي سبيلك انك تحققه
السيد/احمد انيس: موضوع اعادة الهيكلة عايز اعمل توافق ين تقديم الخدمة بحكم انه اعلام الشعب واني اخرجح بعض الكيانات من اتحاد الاذاعة والتليفزيون انهاتعمل بشكل خاص الموضوع دا فيه مشاكل قانونية ومشاكل خاصة بالاصول اتمنى ان انا انجح في اقرب وقت ممكن ان انا اصل للتوفيق في حل هذه المعضلة وعندي انطلاق قناة النيل للاخبار بشكل جديد ومن مكان جديد وباسلوب جديد ايضتا معنيين بدراسات هامة جدا لصالح منظومة الاعلام على مستوى مصر نفكر ايه هو الكيان البديل اللي ممكن يكون مكان وزارة الاعلام او الكيان اللي يتزامن معاها لفترة من الزمن تحت أي مسمى مجلس وطني للاعلام او هيئة عليا لتنظيم البث
هالة ابو علم: ايه اللي بتتمنه للاعلام المصري ومصر بصفة عامة
السيد/احمد انيس: هو العام الجديد مقسوم لمرحلتين مرحلة انا معني بيها جدا اللي هي المرحلة الانتقالية ونشوف مجلس شعب فاعل ويغير في الحياة السياسية ويكون فيه دستور جديد ينتخب الشعب فيه رئيس جديد ودي المرحلة الاولى الي بتمنى انها تمر بسلام وبشكل مشرف.. الجزء التاني بتمنى للحكومة الجديدة الاخرى وبتمنى للرئيس الجديد الذي لا اعلم من هو كل التوفيق لان مصر عظيمة وتستحق رئيس عظيم وربنا يوفق مصر ويارب في هذه الفترة ان نعلي مصلحة مصر
هالة ابو علم: بشكر وجود حضرتك وسعيدة جدا اني كنت مع حضرتك في هذ الحوار بنبدا عام ميلادي جديد اتمنى انه يكون سعيد على حضرتك وعلى اسرة الاعلام وعلى مصر الحبيبة ونشوف مصر الثورة ومشاهدينا الكرام كنا في قراءة مع اوراق السيد وزير الاعلام السيد احمد انيس ايضا قرانما وانفتحنا على مايحمله قلبه من تمنيات لكل العاملين في هذا الجهاز الخطير وهو جهاز ماسبيرو وايضا ما يحمله من امنيات لمصر بالتوفيق والسداد للمرحلة الانتقالية بشكركم مشاهدينا الكرام وبتمننى للجميع عام جديد سعيد.