اتجاهات

الاحد-30/10/2011
نيرمين البيطار: اهلا بكم في هذه الحلقة الجديدة من اتجاهات..بالتأكيد لا ثورة دون وطن ولا دولة دون امن واستقراروالتزام وعندما تغيب الدولة بهيبتها والقانون بقوته فمن الطبيعي ان تعود الممارسات والسلوكيات العصبية وتتجه الحياة الى ما يشبه قانون الغاب لا احد يمكن ان ينكرالحجم الكيرمن الاخطاء والتجاوزات والسلبيات في الاجهزة الامنية واجهزة الشرطة في الفترة السابقة كان خلالها الحل الامني هوالخيار الاول وربما الوحيد لكثيرمن المشكلات الاقتصادية والاجتماعية والسياسية ولا احد يستطيع ان ينكرما اصبحت عليه حالة الانفلات الامني اصبحت هناك معارك بالرصاص وقنابل مولوتوف وقطع للطرق وكل ذلك يمثل نوعا من الحوادث المتكررة او شبه المتكررة كي نكون منصفين هيتعبيرعن سلوكيات جديدة للحصول على ما يعتقده الناس انه حق لهم وانعليهم ان يحصلوا علتى حقوقهم بايديهم ......
في مصر الاف المصانع تحت بيرالسلم لصناعة الفرد الخرطوش الذي اصبح كاللعبة في يد الجميع للحصول على اسلحة ثقيلة لتهريبها ومنصاتصواريخ وصواريخ مضادة للطائرات والدبابات وكل ما عليك ان تدفعالثمن.. نعم هناك حملات اعلامية مغرضة للشرطة دون التفرقة بين الاغلبية الملتزمة حريصة على مصلحة الوطن لانه التاكيد هناك مثل هذه العناصر الجيدة والكبيرة داخل جهاز الشرطة والقلة التي تربت على العنف وادمنت التجاوزات ربما ارتكبت المخالفات واهدرت حقوق الضعفاء وهؤلاء يلاحقهم القضاء حتى القصاص، الحقيقة المذكورة ان غالبية الشعب يحترمرجال الشرطة ومن حق رجال الشرطة ان نقدر تضحياتهم وعملهخم ومن حقهم على الدولة تحسين احوالهم المعيشية وان نرتقي بدخولهم المشروعة ومن حق الشعب ان يطالبهم باستكمال عودتهم الى الشارع لبث الرعب في نفوس البلطجية والطمأنينة في النفوس الخائفة ولا بد ان يدركرجال الشرطة ان الشعب لن يبدا معه صفحة جديدة الا اذا عادوا الى موقعهم الطبيعي بين الجماهيريحمون الارواح ويحرسون الممتلكات ويصونون حقوق المواطنين فاصل ونستكمل حلقة الليلة
فاصل
نيرمين البيطار: اهلا بكم من جديد ونواصل هذه الحلقة من اتجاهات وحلقة الليلة يسعدني ان استضيف فيها السيد اللواء سيد شفيق مساعد المديرالعام للامن العام وايضا معنا الكاتب الصحفي الاستاذ مجدي دربالة مساعد رئيس تحرير اخبار اليوم .. سيادة اللواء هو الموضوع عن وزارة الداخلية ولكن لابد ان نبدا مع الاستاذ مجدي واجتماع كان في غاية الاهمية عدجمعة استرداد الثورة بالامس كان لقاء الفريق سامي عنان مع مع ممثلي الاحزاب المصرية والتكتلات السياسية المصرية والذي اعلن فيه انه سيتم تعديل المادة الخامسة التي لم تلق قبولا في الشارع المصري وايضا تعديلوالغاء قانون الطوارئ.. راي حضرتك في هذاغ الاجتماع وما تمخض عنه .
الكاتب الصحفي/مجدي دربالة : انا شايف ان الجزء الاولاني جيد جدا والجزء التاني يبقى فيه كلام الغاء قانون الطوارئ لانه كان في البداية قبلطرح فكرة الطوارئ كنت اعلم ان وزارة الداخلية شكلها الحالي لا يهمها في شكل قانون الطوارئ القديم الا3 بنود او 4 بنود اللي هما البلطجية وتجارالسلاح ومهربين المخدرات
نيرمين البيطار: هو الحقيقة دراسة وقف الطوارئ وليست الالغاء ربما انا خانني التعبير يعني هناك دراسة مازالت جارية
الكاتب الصحفي/مجدي دربالة : هي ال 3 فئات دول هما ال3 فئات اللي كان بيحتاجها السيد منصور العيسوي وزير الداخلية لمواجهتها بقراراتاستثنائية لانه كان دايما السؤال اللي بيطرح ان الداخلية تعلم اماكن وبيوتالبلطجية ما تقبضش عليهم في بيوتهم ليه كان الرد ان القرارات الاستثنائية كانت تتيح القبض على البلطجية في بيوتهم ويبدو ان دا كان مطلب شعبي
لكن القوى السياسية عندها تاريخ وميراث قديم ان قانون الطوارئ مرتبط بالاعتقالات السياسية واعتقال الناشطين وكانوا لا يريدون وجوده بالمرة ،انا كنت تحدثت مع كوادرالكتل الدينية والجماعات الشهيرة عن قانونالطوارئ وهم متفهمين جدا ان الشارع المصري يريد اجراءات استثنائية ضد البلطجية وكله يؤيد هذا فطرحوا بديل قالوا لماذا لا يصدر مرسوم بقانون بتحديد هذه الفئات فقط في قانون خاصانهم يعتقلوا واعتقد ان دا ممكن يطرح جدا ان الكتل الاسلامية بتبرهن انها ليست ضد الضوابط التي تساعد على رجوع الامن في الشارع المصري انما الاحزاب فتفكر في شكلقد يكون بعيد عن الواقع لانه الاحزاب كم تمثل كل اعضائها من الشارع تمثل كام هي والكتل الاسلامية20 % و 80 % لهم اراء ويجب ان يتم دراسة ارائهم وضعهم ايه بالنسبة لمواجهة اللطجية
نيرمين البيطار: استاذ مجدي ال 20 % بتقود فكريا ربما باقي ال80 % اوالاغلية الصامتة كما نحب ان نسميعهم ؟
الكاتب الصحفي/مجدي دربالة : دي مش اغلبية صامتة لان الاغلبية دي جزء كبيرمنها شارك في الثورة ، فيه تقديرات من ان اللي اشتركوا في الثورة يقتربوا من ال 15 مليون دول فين دلوقت ، دول شاركوتا مشاركة فاعلة وكانوا ايجابيين جدا لازم يكون لهم راي هي القصة في ايه .. القصة في ان مواجهة البلطجة اصبحت مطلب شعبي واحنا يج ان نساعد وزارة لداخلية في ادواتها وزارة الداخلية يجب انها تعمل وخاصة حكم عملي كاعلامي شايف ان فيه اخطاء كثيرمنها الاعلام نتكلم بصراحة والاعلام للاسف عنصرليس جيدا في التعامل مع وزارة الداخلية اذا استعرضنا الفضائيات نسة 80 %من الفضائيات حاليا بتدمر في الداخلية ، مش عايزة الداخلية تقف ، بعضالكتل السياسية تحاول قدر الامكان ان تستهدفالداخلية وبعدين على الانترنت بيتكلموا صارحة احنا مش عايزين الداخلية تقوم لها قائمة ، زمان دي كانت وزارة داخلية النظام دلوقت وزارة داخليةمصر وزارة داخلية الثورة اذا كماقامتش وزارة الداخلية في مصر هتفشل الثورة
نيرمين البيطار: سيادة اللواء.. البلطجة وصفحات الحوادث ربما لا تخلومن عناوين كثيرة وعناوين كبيرة ايضا لماذا زيادة البلطجة هل بالفعلالداخلية تعي تماما كل البلطجية في الجمهورية وفي منازلهم وممكن انهم يتقبضعليهم صحيح ولا ايه الوضع بالظبط
اللواء/سيد شفيق: انا بشكرالاستاذ مجدي على ما تفضل به من كلام لكن انا عايز اقول لحضرتك على حاجة اجواء الثورة وما صاحها من حريةوصلت عنمد الناس بمفهوم خاطئ الناس فاهمة ان الحرية ان انا اعمل اللي انا عايزاقف في الحتة اللي انا عايزها ابلطج في الحتة اللي انا عايزابلطجها عندي مطلب فئوي اقطع طريق،اقطع طرق سكك حديد بدعوى ان انا عندي مطالب فئوية اليست هذه الافعال نوع من انواع البلطجة اعتقد انه نوع من انواع البلطجة ، يقف قدام حضرتك ويبني في ارض الدولة ويسدمنافذ عليكي وعلى بيتك بدعوى ان دي حرية وان الثورة اديهاتله اعتقد ان دا نوع من انواع البلطجة ، يقطع السكك الحديد بدعوى ان هما عايزين يركبوا مية اويركب ماسورة هنا ولا هنا اوالمية تزيد عندهم ويعطل مصالح الاف الركاب دا يبقى بلطجة ، ناس فاهمة الحرية غلط الحرية لازم تكون حرية منضبطة وفي اطار منظم لكن لاانفات اللي احنا شايفينه دا اععتقد انه انفلات اخلاقي قبل ان يكون انفلات امني ، كانت موجودة زمان اه لكن زادت ليه اليومين دول ، زادت علشان الناس حست ان العيار فلتان مافيش حد ليه عنده حاجة الاعلام او بعضالاعلام ساهم في كسرهيبةوزارة الداخلية في ثورة 25 يناير كل دا ساعد على انتشار البلطجة ،اللطجة زادت علشان فيه سلاح كتر بعد معهاجمة السجون والمراكزواقسام الشرطة واصبح السلاح في متناول قطاعات عريضة من الناس، السلاح كتر للاحداث اللي حوالينا سواء في الغرب او في الجنوب وانتشا رالسلاحبكميات كيرة
نيرمين البيطار: سيادة اللواء مسالة انه فيه 99 قسم شرطة ربما هذا الرقمدقيق ولا تم حرقه
اللواء/سيد شفيق 135: قسم شرطة
نيرمين البيطار: قد ايه منهم رجع يافندم والباقي مارجعش ليه ؟
اللواء/سيد شفيق: 90 %منهم رجع واعبيد بناؤه واعيد ترميمه فيه جزءاقل من 10 %محتاج وقت عشان نعيد بناؤه تاني او ان المكان كانمستاجر وزارة الداخلية كانت مستاحراه من الاهالي وبالتالي اصحابهم بيطالبوا بالمبنى وبالارضلكن كل الاقسام شغالة صحيح اتنقلت في اماكن بديلة
نيرمين البيطار: الاماكن البديلة دي يافندم المديريات المرور يتعمل في حتة
اللواء/سيد شفيق: لا دي بعض اقسام الشرطة فقط واعتقد انه في القاهرةتحديدا هي اللي فيها مشكلة ان 5 اقسام اتنقلوا من اماكنهم الى اماكن بديلةودي جاري تدبير اماكن
نيرمين البيطار: استاذ مجدي نتحدث كثيرا عن هيبة الشرطة في راي حضرتك هيبة الشرطة ممكن ترجع ازاي وايه التوصيف الحقيقي لهيبة الشرطة لانه الاسف ههناك بعض الظباط انه ربما قد يوافقني او يخالفني سيادة اللواء ان هناك بعض الظباط بيتخيلوا ان الهيبة هي العنف والقهر
الكاتب الصحفي/مجدي دربالة : هو الاعلام له دورفي اعادة هيبة الشرطة انما لما الاقي قناة فضائية مستقلة تقعد اسوعين بالكامل لا هم لها سوى تدمير الشرطة واستدعاء اهالي المسجلين الخطرين علشان يبانوا ان هماضحايا وفي الفضائيات ومش متاح لا للمتحدث الرسمي لوزارة الداخلية ولا للظابط نفسه انه يتكلم برضه دا شئ... ولما تيجي مذيعة شهيرة تستضيف وزير الداخلية ولا هم ان هي تكمسر هيبته قدام ال 40 الف ظابط برضهالعلام بيساهم في تدمير شكل الشرطة يعني انا اناشد الاعلام الوطني مابقولش الاعلام الحكومي ان يساهم في عودة الشرطة يعني ارجع واقول انها مهمة في الفترة دي انها تعود لصالح مصر ولصالح الثورة احنا نتكلم دايما في كلمة بنذكرها في وسائل الاعلام وضيوف كتيرة بتقول هو الظباطمش عاوزين يرجعوا ليه مش عايزين يشتغلوا ليه..؟ طيب هو القضايا اللي نازلة في كل صفحات النت الظاط اللي بيستشهدوا كل يوم
نيرمين البيطار: النهارده استععادوا حوالي 3 الاف قطعة سلاح
اللواء/سيد شفيق: يوميا فيه حملات الحقيقة سيادة الوزير عامل خطط مرنة ومتغيرة في كل وقت بينفذها قطاع الامن التنسيق مع مديريات الامنيوميا الحمنلات مستمرة نهارا وليلا والحملات شغالة على الميادين والشوارع الرئيسية في عموم الجمهورية
نيرمين البيطار: بس يرجعوا تاني
اللواء/سيد شفيق: ماهو نرجع ونقول الانفلات الاخلاقي مافيش التزام ووازع عند الناس
نيرمين البيطار: ويمكن عشان مفيش بديل للناس دي
اللواء/سيد شفيق: الناس اللي يقولوا طب دبرولهم اماكن طب بيتاجروا ويشتغلوا في اماكن تانية لكن هو نوع من انواع الابتزاز وعدم حرصالناس على مساندة الشرطة يعني اتصور ان حملة مرافق نازلة مع حملةمرور على ميدان تدا تنضف الميدان من الباعة الجائلين والعربيات والمواقف العشوائية لازم المواطن يبقى حريصانه يحافظ على المظهر الحضاري لما يشوف مخالفة يقوله لا انت كده غلط، لما الناس تحس انالراي العام مش معاها مفتكرش انه هيرجع تاني مفتكرش انه هيبلطج تانياحنا نحتاج الى الدعم الشعي لمساندتنا في الفترة اللي جاية ان شاء الله
نيرمين البيطار: معنا على الهاتف الاستاذ سيد عامر عضو ائتلاف الثورة استاذ سيد ما هو المطلوب من وزارة الداخلية الان
أ/سيد عامر-عضو ائتلاف الثورة: اولا ارحب بالضيوف ولكن لي عتاب على وزارة الداخلية لما جينا نتكلم عن البلطجية والسجون وعدم الانضباط في الشارع كان المفروضن الناس كلها ما تتحطش في مكيال واحد ويتمالتصرف مع كل الناس على انها بلطجية يعني مثلا لما مسك سيادة اللواء محمود وجدي وزير الداخلية كان فيه توجيهات جميلة وشكلها حلو وقالوا ان جميع السجناء التي لم تحاول الهرب او تم تسليمهم سوف يقضوا نصف المدة والناس استشفاها الفرحة واكتر من 100 الف اسرة ليهم مساجين في السجون هيتمتعوا بالفرحة دي وفجاة لقينا الكلام كله اتغير تماما وعاملوا كل الناس على انها مجرمين وتتخيلي سيادتك ان هذا العفو لم يتم الا عنتجار المخدرات العفو نصالمدة حضرتك الكلام اللي انا بقولهولك بيقولواخرج من السجون10 الاف واحد و5 الاف واحد و6 الاف واحد داوا يخرجوا البلطجية وداوا يسيبوا الناس اللي المفروضتتمتع بعفو نص المدة البلطجي معروف واللي جريمة عادية معروف والبلطجية معروفة انماالنهارده ال 100 الف اسرة اللي في السجون فيه منهم كان مسجون مظلومبسب اللي الثورة اعترفت يه انه كان فيه تاثير من الشرطة طب ليه ماتسرحوش الناس كلها انا من خلال حضرتك ومن خلال البرنامج بتاعك بعمل نداء للمجلس العسكري ووزارة الداخلية انه زي ما الشعب المصري 80 مليون نسمة فرحوا نفسي ال100 الف اسرة اللي ليهم اهالي فيالسجون تفرح ان العفو دا بيتم تنفيذه عن كل الجرائم ونرجو منكم تحية وتقدير لوزارة الداخلية انهم يفرحوا كل الناس انت قلت موقف واضح انهكل من سلم نفسه وكل من لم يحاول الهرب هخليه نصالمدة انت النهارده انت ساوتني حاجات كتير جدا انا مش شايفها مظبوطة طب انت عايزني ازاي اساهم معاك .. طب النهارده البلطجية المسجلة عنكم والقادرين على ان تنزلوا تجيبوهم بالفعل في ظل قانون الطوارئ وانا بؤيد معاكم قانون الطوارئ وتنفيذه لما تنزل تلم الناس محدش يقدر يلومك فيهم لانه عندهم سوابق.... اللي غلط غلطة غير اللي غلط غلطتين غير الليغلط تلاتة وكلمة اخيرة ان انا بتمنى من سيادة اللواء انه ياخد الموضوع على عاتقه وفي انه كل الناس تتمتع بنصف المدة واحد راح شاف عياله ساعة ورجع سلم نفسه ورغم ذلك مرمي في السجن
نيرمين البيطار: الاستاذ سيد عامر عضو ائتلاف الثورة شكرا لك.. سيادة اللواء رأي حضرتك ايه؟
اللوء/سيد شفيق: انا بشكر الاستاذ سيد عامر لكن فايته ان احنا بنتعامل بالقانون الثورة لما قامت يوم25 يناير كانت بتنادي بالحرية والديمقراطية ومن آليات الديموقراطية سيادة القانون ، هناك ضوابط لم تنطبق عليهم نصف المدة في السجون مقدرش كل اللي في السجون المصرية .....
نيرمين البيطار: بس هو يمكن تحدث عن جزئية انه حصلت نداءات من وزارة الداخلية
اللواء/سيد شفيق: هو ممكن يتمتع بنصف المدة اذا انطبقت عليه الشروط لكن انا مقدرش اخالف القانون والسيد الوزيرساعة ما شرف الوزارة آلعلى نفسه الا يخالف القانون مهما كان وبالتالي وزارة الداخلية لن تخالفالقانون القانون اذا كان في صف المسجون فعنده الحق تماما اما اذا كان لاينطبق عليه شروط الافراج من نصف المدة لكن طبعا هناك بعض المناسبات القومية زي ثورة23 يوليو والعيد الصغير والكبيرنتوسع في الافراج عن بعض فئات المسجونين ومن ثم الجماعة اللي سلموا نفسهم دول محطوطينفي الاعتبار وبيفرج عنهم ضمن هذه الفئات
نيرمين البيطار: عندنا تقريرعن اراء الناس في الشارع عن عودة الشرطة الى الشارع المصري
تقرير
مواطن 1: انا شايف ان غالشرطة دلوقت تتكاتف اكتر واكتر مع الجيش
مواطن 2: احنا عايزين الشرطة تلتزم بكل قواعدها في موضوع الامن
والمرور
مواطن 3: نتمنى من الشرطة توفير الامن على الطرق وتامين الطرق
مواطن 4: انا نفسي بس رجال الشرطة الشرفاء احنا نقولهم ماتخافوش من
أي حد واحنا معاكم
مواطن 5: الشرطة لما بتنزل الصراحة بتظبط البلد فليه ما بتنزلش خايفةمن ايه الشرطة يعني
مواطن 6: عايزينهم يرجعوا ويامنونا احنا بلد الامن والامان
مواطن 7: الشرطة ترجع زي ماكانت في الاول
مواطن 8: اللي مش عايز الشرطة هو دا البلطجي
مواطن 9: عايزين من جهاز الشرطة وافراد الشرطة تعاملنا كبني ادمين اللي يغلط تعاقبه على قد غلطه بس مش عايزين اكتر من كده عايزين الامان.........
فاصل
نيرمين البيطار: سيد اللواء سيد شفيق حضرتك كنت عاوز توضح حاجةفي حديث الاستاذ سيد عامر كان ذاكر انه مجرمين مخدرات تم الافراجعنهم
اللواء/سيد شفيق: هناك بعض الموانع القانونية اللي تمنعنا ان احنا نفرج عن تجارالمخدرات لا يمكن الافراج عنهم نص المدة ولا تتمتع ميزةالافراج في نص المدة وبعض قضايا الارهاب ودا القانون اللي بينصعلى هذا وهناك بعض القضايا غير مسموح قانونا بتمتعها بالافراج في نصف
المدة ولكن بياخد عقوبته كاملة لشدة الجريمة ولا هميتاتها في الردع للمجرم نفسه لكن عايز اتكلم عن حكاية الانفلات الكتيراعتقد ان الناس حست في الايام اللي فاتت والشهوراللي فاتت ان الشرطة قد عادت قوةالنهارده حضرتك لما تشوفي كم الحملات وكم المساجين الهاربين اللي تم ضبطهم هناك العديد من السلحة التني تم سرقتها من الاقسام والمراكز استردت، هناك العديد من النجاحات شهدتها الساحة الداخلية
نيرمين البيطار: اكيد المجهود موجود ولكن لماذا لا يشعرالمواطن بمثل هذا المجهود يعني استاذ مجدي حضرتك ذكرت الاعلام وانه ربما في احيانكثيرة تتعمد بعضوسائل الاعلام الاساءة الى جهاز الشرطة طيب ايه اللي المفروضيتعمل هل اخفاء اشياء والحديث عن اشياء اخرى مثلا لافيديوالذي تسر على الانترنت وبسببه تم التحقيق مع رجال من الجيش والشرطة
الكاتب الصحفي/مجدي دربالة : هو من الواضح ان هناك حالة تربصوانا وصلتني معلومة ان الفيديو حصل فيه مونتاج انه حصل مقاومة من الاتنينالبلطجية فكانت النتيجة انه فيه شد وجذب انقطعت اللقطات واتحطت بهذا الشكل وبمناسبة هذا الفيديو هل تعلمي ان هناك فضائيات كثيرة جت فيهامداخلات وايدت اللي حصل من ظابطي الجيش والشرطة ومن اهالي المدينة وقالوا ان الظابط احسن بهذا لانه ادى رسالة للبلطجية انه مسيرأي حد يتقض عليه وادى نوع من الاطمئنان للناس ودي وجهة نظر بس هناكوجهة نظراخرى وامنا عايزاسال سؤال انه هناك تربصمن الحقوقيين ومن بعض المنظمات الحقوقية اللي حاليا بيتم هناك نوع من الرغبةالمجتمعية في معرفة مصائر تمويل المؤسسات دي واتجاهاتها ايه انه زي ما يكون فيه نوع من التربصانه الاتنين دول الظباط عذبوهم طب فين حقوق الناس ليه المنظمات الحقوقية ما اتكلمتش لما الاتنين دول روعواالامنين في مدينة بالكامل واغتصبوا وقتلوا وعملوا كل دا
اللواء/سيد شفيق: مع احترامي طبعا للي انت بتقوله وانا متفهم لوجهة النظر دي ودي وجهة نظر قطاع عريض من الناس ولكن زي ماقلت في الاول نحن نلتزم دولة القانون ونلتزم القانون فاي ممارسة خاطئة للقانون يجب ان تحاسب الحقيقة دا اللي خلى المجلس العسكري يبادر باجراء التحقيق في هذه الواقعة اذا ادينوا الظباط فسوف يعلن ذلك للراي العام لاننا لسنا مع التجاوز يا كان مصدره نحن مع الشرعية ومع سيادة القانون ولا نوافق على اذا كان قدر جرى تزييفه ونحن ننتظر كلمة القضاء
الكاتب الصحفي/مجدي دربالة:احنا في ازمة يافندم يعني لماذا لا يشعر الانسان بوجود الشرطة رغم الجهد الكبير هناك اساب كثيرة يعني هنلاكالشرطة بالفعل
نيرمين البيطار: هل الامكانيات قلت
اللواء/سيد شفيق: احنا استعدنا معظم اللي فقدناه في الاحداث والظباط هي هي .. من خلال الاجتماعات اللي بيعملها السيد الوزير ومن خلالالاجتماعات اللي بيعملها القيادات في الوزارة بالكامل السيد مدير مصلحةالامن العام يوميا في محافظة من المحافظات بيجتمع الظباط ودعم مادي ودعم معنوي وكل ضباط الشرطة على كتفها واجبات مضاعفة الحقيقة نحن لا نتبرأ من هذا .. كل القيادات حريصة انها توصل رسالة الشرطة الجديدة بعد25 ينايرالى الظاط والافراد واعتقد ان الناس حاسة بان الشرطة بعد25 مش هي الشرطة قبل25 يناير من حيث الاداء من حيث التعامل..
النهارده فيه ظباط بتستشهد في معارك ومواجهات حقيقية كل دا لما تشوفي الاحصائيات والتراجع في معدلات الجريمة في شهرين اللي فاتوا اذن هناك جهد وحملات كل دا بيدينا مؤشر ان الشرطة عادت فعلا لكنليه الناس بتتكلم عن الانفلات زي ماقال الاستاذ مجدي ان هناك بعضالاعلاميين لا يفرحهم ان تقف الشرطة على قدمها لاغراض
نيرمين البيطار: استاذ مجدي هل تعديل مواد الدرلاسة داخل الشرطة وخاصة العلوم الشرطية في الكلية ربما تهيئ ظباط على درجة مختلفة لنقلفي التعامل مع المواطنين بصورة صحيحة
الكاتب الصحفي/مجدي دربالة : دا شئ اشبه بدراستنا في كلية الاعلام كنا بندرس مواد جامدة لما نزلنا في ارض الواقع لقينا الامور مختلفة نفسالكلام بالنسبة للظابط بياخد حاجات ولكن وقت الممارسة بتلاقي الامورتختلف يعني عندهم قواعد شرطية انه لما ييجي حد يقتحم قسم عنده بعضالادوات اللي المفروض يستخدمها مثل القنابل المسيلة للدموع عشان يفرق بعض ا لمقتحمين بعد كده المسدس يبتدي يضرب في الاقدام ولكن في ظل الظروف دي لا يمكن الظابط هيعمل كده لانه الواقع بيفرض تصرف تاني لانه لو ضرفي واحد ممكن الاف يتجمعوا فاحيانا الظروف بتفرض شئ يختلف عن مواد الدراسة وطبعا الدراسة التي تخص حقوق الانسان في الدفعة دي من كلية الشرطة هتبقى من كل الطوائف واللي كانت محرومة من انها تدخل كلية الشرطة لاسباب كثيرة ولاسباب سياسية انه ليه قريب في حزب التجمع او في حزب الوفد..تصبح كلية الشرطة تخص المجتمع كله.. كل من له ان من حقه انما هناك سلبيات موجودة السيارات اللي اتحرقت4 الاف عربية فاستعيد500 عربية واتاخرت الدولة انها تدعم وزارة الداخلية بدل عربيات النجدة اللي اتحرقت كلها ، الحاجة التانية هناكظباط محتاجين جلسات نفسية علشان......
اللواء/سيد شفيق: بعد اذنك يا استاذ مجدي مش حكاية جلسات نفسيةالظباط مؤهلة لكن هي محتاجة دعم وتشجيع ودا اللي بيعمله مديرالامن العام بيعمل جلسات ولقاءات مطولة مع الظباط بطول الجمهورية دا لدعمهم قدام المواجهات
نيرمين البيطار: طيب الامناء والافراد
اللواء/سيد شفيق: دول دعامة من دعامات وزارة الداخلية ولا يمكن الاستغناء عنهم منظومة من المنظومات الهامة في وزارة الداخلية لازميبقوا على مستوى مادي كويس والحقيقة الوزارة لا تألو جهدا في تحقيقمطالب الامناء والافراد لانهم في الاخر دول رجالتنا دول اللي بنشتغل بيهماذا فقدناهم او خسرناهم يبقى احنا فقدنا الكثير وبالتالي الوزارة حريصة على تلبية مطالب الامناء
نيرمين البيطار: احنا الحقيقة بنشكركم شكرا جزيلا السيد اللواء سيد شفيق مساعد المدير العام للامن العام والصحفي الاستاذ مجدي دربالةمساعد رئيس تحرير اخبار اليوم.. بنشكركم شكرا جزيلا مشاهدينا الى هناتنتهي هذه الحلقة من اتجاهات الى اللقاء