اتجاهات

28/9/2011
هالة ابوعلم: اعزائي المشاهدين نرحب بضيف حلقة اليوم المهندس عبد الله غراب وزير البترول والثروة المعدنية موضوع حلقة اليوم هو ازمة البنزين
م/عبدالله غراب: لو دا كان مدرج في موازنة في الدولة في هذا المجال لازم يتحافظ عليه تماما ولازم يوصل لمستحقيه اللي الدولة عملت دا عشانه ، الدولة بتدعم المواطن المصري اللي محتاج دعم
هالة ابوعلم:طيب يافندم بالنسبة للعقوبات الخاصة بالتلاعب في المواد البترولية يعني هل تتناسب العقوبة مع ما يتم فعله
م/عبدالله غراب:بصراحة لا .. القانون اللي بيعالج الاحداث دي او الافعال دي محطوط سنة 45 بس الحكومة دلوقت فيه مشروع لتعديل هذه العقوبات ليتناس هذا مع حجم الجرم لان استخدام المواد البترولية المدعمة زي البوتاجاز او البترول ابعاده الاقتصادية على الوطن او على المواطن ، المواطن بيشتريها منم السوق السودة باسعار كبيرة زي السولار او البوتاجاز وبتستخدم في صناعات مش مخصص ليها هذه الاستخدامات
هالة ابوعلم:وبعدين دي سلع استراتيجية اعتقد ممكن اذا كان قانون الطوارئ مطبق الان لضبط الامن في البلد اعتقد اتنه ممكن يطبق
م/عبدالله غراب:والله اعتقد ان دي امور بتبحثها الحكومة دي بتحتاج الى مشاركة الناس والناس عموما بتحتاج قطاع البترول في اغل الخدمات ولكن لازم نشوف الاسباب الحقيقية مع اسباب القصور
هالة ابوعلم: يتردد حضرتك يافندم بالنسبة للدعم المبلغ اللي حضرتك ذكرته 95 مليار جنيه فيه اقوال بتقول انه ممكن يكون رايح لبعض شركات الاسمنت او شركات البترول ودي مش مواطنين
م/عبدالله غراب:لا شركات البترول لا .. شركات البترول هي الجهة الوحيدة اللي بتستخدم امنتجات البترولية سعرها الحقيقي هي القطاع الوحيد اللي بياخد المنتجات السعر الحقيقي بالنسبة لمصانع الاسمنت دا جزء من الدعم انما مش كل الدعم
هالة ابوعلم: مصر تنتج حوالي 75% من السولار وبتستورد حوالي 25% برضه هناك مخاوف بعد ما كنا نصدر البنزين من 10 سنين ان احنا نبتدي رضه نستوردة
م/عبدالله غراب:لا موضوع الاستيراد والتصدير دا مرتط احتياجات المواطن واحتياجات الاستهلاك المحلي يعني التصدير حصل من فترات طويلة لما كان الاستهلاك المحلي قليل ونصيب مصر من البترول ما قلش حاجات كتير على مدجى السنين الطويلة اللي فاتت يعين برضه اعلى انتاج لينا في البترول حوالي 850 الف برميل في اليوم والكلام دا في منتصف الثمانينات النهارده 700 الف ، مكانش فيه انتاتج غاز النهارده بقى فيه انتاج غاز كبيرانما الاصلي والاساسي هو الاستهلاك المحلي والاستهلاك المحلي بيزيد مع عمليات التنمية وعمليات زيادة السكان هو دا اللي يستهلك كل انتاجنا المحلي
هالة ابوعلم:عايزين نطمن على الارقام الحقيقية لاحتياطي المواد البترولية ان هناك برضه تشكيك في حجم الاحتياطي
م/عبدالله غراب: انا مش عايز اقول انا احترم طبعا كل الاراء إنما الاحتياطي هو احتياطي متغير في كل الاحوال هو الخلاف بين كل الفنيين على التعريف، احتياطي مؤكد ، احتياطي محتمل انما في النهاية الاحتياطي بيصبح اللي موجود في سجلات البترول او في قطاع البترول هو المدون في الشركات اللي بتعمل في هذا المجال يعني انا بعتبره خلاف فني ومقبول انما في الاخر كلنا بنشتغل عشان الاحتياطي يزيد
هالة ابوعلم:هل صحيح ان بعض الشركات اللي بتستثمر في مجال البترول في مصر تركت هذا المجال في الفترة الاخيرة
م/عبدالله غراب: لا خالص
هالة ابوعلم: طب قلت الاستثمارات
م/عبدالله غراب:خالص الحقيقة العمل مع الشركا الاجانب اللي بيشتغلوا في قطاع الترول من الاربعينات والخمسينات والستينات وقطاع الاستثمار الاجنبي في مصر هو شئ طبيعي جدا لان صناعة البترول صناعة عربية ماهياش صناعة محلية في أي دولة من الدول، شركات البترول من اكر شركات العالم موجودة لسنين طويلة ومستمرة بالعكس يعني الظروف المحيطة والاحداث اللي في المنطقة ساعدتنا
هالة ابوعلم:هنرجع مرة تانية للمسالة الخدمية ليه الناس مش راضيين عن قطاع البترول والخدمات اللي بيقدمها رغم تاكيدات قبل مجلس الوزراء ان الخدمة دي مسئولية تضامنية بين عدد من الوزراء وعدد من الوزارات
م/عبدالله غراب: اهم حاجة المادة اللي بيتم تقديمها احنا في قطاع البترول بيظهر بشدة في الازمات يعين ممكن سواء اسبوع سواء 10 ايام وبقية السنة الحمد لله ماشية منتظمة احنا مسئولين طبعا على التوزيع انما بالنسبة للبنزين والسولار وخلافه هو فيه كذا مرحلة ، مرحلة انتاج الزيت الخام عد التكرير والذهاب الى المستودعات ، العملية ما بين التداول من المستودعات الى المحطات هي دي اللي اغلب الوقت بيبقى فيها مشكلة انا بالنسبة لي كوزير لو فيه مشكلة في تواجد البنزين انا احله لانه الامر لا يحتمل عدم وجود البنزين في حد ذاته انما بيتعامل مع مشكلة توزيعه في المحطات هي دي المشكلة
هالة ابوعلم: طيب ايه السبب يافندم بالنسبة للمشكلة
م/عبدالله غراب:الانتاج ماشي طول السنة بمعدلات ثاتة ، الفترة الاخرانية بعد العيد بالتحديد طلعت اشاعة انه هيزيد سعره او مش هيتواجد فالناس بطبيعتها
هالة ابوعلم:انا عايزة اقول لحضرتك النسبة لي انا شخصيا انا فيه يوم فعلا قعدت الف على محطات بنزين كتيرة جدا يقولوا انه مفيش نزين مفيش بنزين فالواحد اتصور انه مفيش نزين تاني ، تاني يوم لما جيت ادخل لقيت البنزين توفر ايه السبب في اللي بيحصل لمدة يومين تلاتة
م/عبدالله غراب:انا لفيت برضه واتعرضت كده اللي حصل ان المحطات الكمية اللي بتروح لها بتاخد يوم او يوم ونص في الظروف العادية خلصت في نفس اليوم ماجالوش امداد فوري فقعدوا نص يوم بدون بنزين اللي بيدخل المحطة دي ما يلاقيش بنزين هيدخل على اللي بعدها فيحصل العدد هيتضاعف ولو مالاقاش في دي هيدخل في اللي بعدها يعني الامر تم تداركه في وقتها
هالة ابوعلم:الوقت اللي بتنتشر فيه الشائعات ما بيخرجش مسئول كبير في الدولة يطمن الناس وارجو برضه انه حضرتك تدرك ان الشعب لفترة طويلة ما بقاش فيه مصداقية لكلام المسئولين للاسف دا مش تشكيك في الحكومة الحالية ولكن دا نتيجة ميراث سابق فانا اعتقد يافندم انه مهم جدا انه في الوقت الي بيحصل فيه الازمة انه فعلا يخرج مسئول وليكن مثلا حضرتك ويخرج يكلم الناس بحقيقة وشفافية وننبه الناس نقول المنطقة الفلانية اللي مش متواجد فيها بنزين ممكن العربية تتوجه للمنطقة الاخرى اعتقد ان دا يدي نوع من الثقة للشعب وكمان نقطة تانية فيه بعض المحطات الفضائية بتحب انها تشتغل على مشاكلنا وكان من ضمنهم قناة قفلت منذ ايام لعدم وجود تراخيص هذه القناة قبل ما تقفل على طول كانت شغالة على موضوع ازمة البنزين وفي نفس الوقت الاعلام الرسمي او الحكومي مدرك تماما ان هذه الازمة ازمة مؤقتة وبالتالي ما بيحبش ان هو يصعد الامور لكن المحطات الاخرى بتحب تشتغل على هذه الازمات من هنا كان مهم جدا
م/عبدالله غراب:طلع تصريحات في التليفزيون وطلع حتى ارقام موجودة لانه انا تلقيت اتصالات كتيرة من مواطنين عن محطات بيقولوا انها مفيهاش انا بعمل اتصالاتي مع الشركات وبيتم تدارك الموضوع ، الازمة الاساسية ان شاء الله ماتحصلش لو مفيش بنزين انما الازمة تقعد تلت او اربع ايام وبتنتهي فبيبقى نوع من الحركة في التداول ودي بنبص عليها انا هعمل على ان شركات التوزيع في المستقل تتلافى الموضوع دا ان شاء الله
هالة ابوعلم:ازاي قدرتم تتعاملوا مع الاضرابات الكتيرة اللي شهدتها شركات البترول كان فيه بعض قطاعات فيها اضرابات للعاملين في هذه الشركة
م/عبدالله غراب: لم يحدث يوم تاخير في قطاع البترول حتى الاضرابات كانت بعد الضهر
هالة ابوعلم: كان ايه السبب
م/عبدالله غراب:السبب طبعا كان فيه تثبيت عمالة بصفة اساسية فيه نوع من عدم التساوي بشركات قطاع البترول كلها حاجات تم دراستها واعتقد تم حل اغلبها فاضل لسه حاجات هتاخد وقت يعني
هالة ابوعلم:بالنسبة للمديونيات لقطاع البترول يعني اعتقد ان هذه المديونية بلغت 100 مليار مديونية لهيئة البترول
م/عبدالله غراب:الحقيقة فيه مديونية لهيئة البترول ومديونية عهلى هيئة البترول دي بيتم تسويتها دلوقت في اطار الحكومة مع وزير المالية مع البنوك ومع الوزارات الاخرى المعنية لانه البترول جزء من الدولة هيئة البترول مش جزء مستقل هي جزء من الدولة تتحمل بعض الاعباء وعليها بعض الاستحقاقات بنحاول نسوي الامور دي لانه في النهاية بيتحمل مسئولية الانتاج والاستيراد لما يحتاجه السوق المحلي ، الامور المالية بيتم تسويتها بين الاطراف هيئة البترول هيئة قومية جدا حتى ان هيئة البترول اقوى الهيئات القادرة على سداد ديونها مهما كانت الديون كبيرة الهيئة قادرة على سداد ديونها
هالة ابوعلم:اصل النظرة دايما لقطاع البترول انه من القطاعات المهمة في الدخل القومي وباتلتالي الفكرة ان هو قطاع عمره ما يتعرض لازمات مالية
م/عبدالله غراب: يعني عشان ابقى مصدر لدخل قومي لو هجيب فلوس سائلة دا شئ النهارده قطاع البترول بيوفر منتجات لو حضرتك حسبت قيمتها مقابل سعر بيعها فيه فرق فيه دعم
هالة ابوعلم:هل دا معناه ان دا بيسبب خسارة لوزارة البترول مسالة انكوا انتوا تنتجوا لتر البنزين مثلا هل دا بيسبب خسارة لهذا القطاع
م/عبدالله غراب: ما بيسبش خسارة لكن فيه فرق سعر
هالة ابوعلم: بس انتوا اللي بتتحملوه
م/عبدالله غراب: الهيئة بتتحمله عن طريق قروض خارجية في الاخر الهيئة مملوكة للدولة في الاخر بتروح لوزارة المالية فالهيئة مالهاش كيان مستقل اقتصادي في الاخر لازم ابص لديون الهيئة واستحقاقات الهيئة
هالة ابوعلم: طب بالنسبة للتصدير
م/عبدالله غراب: التصدير بيجيب عملة صعبة وبيحصل التوازن دا طول السنة وفي الاخر بيحصل التسوية
هالة ابوعلم:طيب يافندم بالنسبة لامداد وزارة البترول ليه وزارة البترول بتدي وزارة الكهربا الطاقة باسعار يعني .....
م/عبدالله غراب: دي اسعار مقررة اصل وزارة البترول ووزارة الكهربا وزارتين في الحكومة وسواء احتياجات بترولية او احتياجات كهربا من غاز او خلافه في الاخر دي خدمة للمواطن هي بتقرر سبل التعاون بين الوزارتين
هالة ابوعلم: ايوه لكن قطاع الكهربا بياخدوا بدعم كبير جدا وبعدين ممكن بيكون بيتم اهداره بعد كده في المحلات اللي بتسهر طول الليل
م/عبدالله غراب: انا بشوف دا في البترول برضه يعني استخدامات البنزين واستخدانمات السولار احنا مش زي العالم كله احنا بنستهلك معدلات اكبر بكتير عن البلاد الاخرى
هالة ابوعلم: يافندم احنا هنخرج فاصل وهنستكمل الحوار مع حضرتك
فاصل
هالة ابوعلم: مرة اخرى مشاهدينا الكرام نرحب بكم ونرحب بضيف هذه الحلقة المهندس عبد الله غراب وزير البترول والثروة المعدنية سيادة الوزير ما سبب الازمات المتكررة في انبوبة الوتاجاز وارتفاع سعرها وهل ارتفاع السعر ناتجة عن انتاج ولا عن تداول واسمحلي اربط بهذا السؤال سؤال اخر عن مسالة الترشيد ترشيد استخدام الطاقة
م/عبدالله غراب: ترشيد استخدام الطاقة دا هدف لكل الدول انت لو شفت طريقة حياتنا مصر بتقفل الساعة 3 او 4 الصح البلد شغالة والعربيات والمحلات مفتوحة فدا غير العالم ، العالم كله ما بين 6 و7 بالليل
هالة ابوعلم: بس مش كل الشركات بتشتغل المحلات فقط اللي بتمتد
م/عبدالله غراب: المحلات والعربيات في الشارع دا بيزيد الاستهلاك زائد الزحام اللي موجود في الشارع والزحام الموجود بيزود استهلاك الوقود ما بين 25 الى 30% فيه مقولة بتقول انه سنة 2014 مساحة الطرق هتبقى نفس مساحة العربيات فلفتت نظري المقولة دي وقلت هنعمل ايه عشان كده
هالة ابوعلم: والوقفة الطويلة في الاشارات استهلاك وتصاعد للابخرة والغازات
م/عبدالله غراب: طبعا فترشيد الاستهلاك هدف في كل الاحوال مش علشان توافر النمنتج
هالة ابوعلم: ودا نمارسه ازاي
م/عبدالله غراب: دا طبعا افراد وشعب وحكومة
هالة ابوعلم: يعني هل مطلوب مننا ان نغلق المحال التجارية في وقت معين في الليل
م/عبدالله غراب: لا انا ما بقولش حاجة محددة انا بقول نشيل الحساسية في الكلام دا ، الكلام دا لما نتكلم فيه انا كوزير بترول الترشيد دا هدف للدولة بالكامل لان دي فلوس في الاخر الفلوس دي ممكن نحتاج لها في قطاعات اخرى في التعليم في صحة في اسكان في أي حاجة تانية
هالة ابوعلم: طيب الازمات اللي بتتعرض ليها انبوبة البوتاجاز دي ناتجة من ايه
م/عبدالله غراب: أي سلعة في الدنيا تكلفة تانبوبة البوتاجاز النهارده الفعلية حوالي 60 جنيه بتتباع ب2.5 يعني هي دي اول مصدر للخلل يعني هي معمولة ب2.5 للمواطن عشان يستعملها يبقى لازم توصل للمواطن في بيته فطالما انا مش قادر اوصلها للمواطن في يته يبقى انا عندي مشكلة ان احنا مش قادرين نوصل للمواطن بالسعر اللي الدولة مقرراه فبيحصل انه في الاخر المواطن بينزل عشان يلاقي الانبوبة وما يلاقيهاش بتروح لاستخدامات اخرى
هالة ابوعلم: بتروح فين
م/عبدالله غراب: فيه استخدامات منزلية واستخدامات صناعية واستخدامات اخرى بيتم
هالة ابوعلم: مفيش قانون بيحظر دا
م/عبدالله غراب: فيه قوانين موجودة بس الفترة دي انا لازم اتكلم فيه تفعيل قوي جدا للرقابة والمتابعة والكلام دا لان وزارة التضامن مع وزارة البترول مع المحافظات انت هتحسي
هالة ابوعلم: يعني فيه مسموح للضبطيات القضائية مثلا
م/عبدالله غراب: البترول معندوش ضبطية قضائية ، الضبطية القضائية مع وزارة التموين مع مباحث التموين فايا كان فيه تعاون النهارده كامل بين وزارة التضامن والبترول وفيه مراقبة وحضرتك قلت عن الحالة اللي تم ضبطها ، سلعة للاسف يعني محتاجة تطوير جامد جدا في المنظومة في توزيعها لازم مادام هي بالسعر المدعم لازمم يوصل لمواطن بالسعر المدعم
هالة ابوعلم: بالنسبة لموضوع الغاز في السنوات الاخيرة تم اكتشاف الغاز وبكميات كبيرة جدا على الاراض المصرية واصبح مصدر من مصادر الدخل القومي لمصر واوصلناه للعديد من المناطق لكن فيه مناطق تانية ماوصلهاش الغاز لكن ابتدينا نصدره ما يقال انه تم مراجعة اسعار الغاز النسبة للعديد من الاتفاقيات مع دول اخرى يعني مثلا الولايات المتحدة تم مراجعة السعر بالنسبة لها الى ان تم توقيف تصدير الغاز بالنسبة لها
م/عبدالله غراب: مكناش بنصدر ماشرة للولايات المتحدة دي كانت شحنات الغاز بتطلع من المعامل للولايات المتحدة ، الولايات المتحدة يمكن سعرها اقل سعر في العالم كله
هالة ابوعلم: اقل سعر في ايه في البسيع ولا الشرا
م/عبدالله غراب: اقل سعر مستهلك فاحنا الشركة كانت بتصدر لهناك قلنا لهعا لا صدري للسوق الاعلى شوية عشان تحقق لنا عائد اكبر
ههههههههه اه يعني سحبتم من السوق الامريكي عشان يروح لسوق اخر
م/عبدالله غراب: سعر الغاز النهارده في امريكا قليل جدا
هالة ابوعلم: ايه السبب
م/عبدالله غراب:السبب انهم اكتشفوا غاز من مصادر اخرى فابتدى ان الكميات تبقى متاحة اكبر فالسوق الامريكي النهارده ما بقاش سوق جاذب، في سنة 2008 كان اعلى سعر كان سوق جاذب للناس كلها لكنهه سوق متغير
هالة ابوعلم:هل من السهولة بمكان ان احنا نلغي اتفاقيات
م/عبدالله غراب: هي عملية مستمرة لازم يبقى فيها متابعة
هالة ابوعلم:طيب بالنسبة لبقية الدول اللي احنا بنصدر لها ايه الموقف ولماذا لا نعلن اسعار تصدير الغاز
م/عبدالله غراب: بصفة عامة معنديش مشكلة ان انا اعلنها لكن الرقم بالظبط ما ينفعش ممكن نقول في حدود كام
هالة ابوعلم: يعني هو متغير من اتفاقية لاخرى او من دولة لاخرى
م/عبدالله غراب: مفيش رقم ثابت لانه مفيش سعر عالمي ثابت زي البترول يعني البترول خام برنت سعره كذا انما الغاز سعر اسواق امريكا مختلفة عن اوربا والغاز المسال غير الغاز اللي في الانابيب فالسوق كبير انما نحاول نوصل للسوق العالمي
ه هالة ابوعلم: طيب بالنسبة للدهب كمصدر تعمل فيها وزارة البترول منذ تقريبا سنتين طلعت المانشيتات في الصحف بتقول اكتشاف مناجم كبيرة للذهب وانه مصر هتكون من اوائل الدول او على الخريطة العالمية اللي تنتج الدهب ، الاصوات دي خفتت وما بقيناش عارفين ايه حقيقة الامور بالنسبة لموقف مصر في مجال انتاج الدهب يعني عايزين نستوضحح الصورة دي من حضرتك
م/عبدالله غراب:مصر تاريخيا من ايام الفراعنة الدهب فيها مادة اساسية موجود في مصر النهارده من ايام الفراعنة حوالي 120منجم دهب علماء الثروة المعدنية متعارفين عليهم احنا شغلنا منجمين واحد صغير شوية ومنجم كبير
هالة ابوعلم: يعني احنا ما اكتشفناش مناجم جديدة
م/عبدالله غراب: لا مفيش مناجم جديدة المنجم زمان تكنولوجيا قديمة قوي كان مقدر ليه حجم احتياطي معين لما يبتدي يشتغل في المنجم بيبتدي يعمل عمليات بحث واستكشاف بيكبر الاحجام اللي تم اكتشافه اكبر كتير جدا من اللي كان مقدر نتيجة التكنولوجيا وبيحفر ابار عميقة سواء دا على الجار او تحت السطح
هالة ابوعلم: يعني لم يتم استغلال كل الكميات الموجودة
م/عبدالله غراب: بنتكلم عن نسبة قليلة جدا اللي تم استغلالها الناحية دي محتاجة ان احنا نتحرك فيها بسرعة اكتر من كده
هالة ابوعلم: دا بيساعدنا في ايه
م/عبدالله غراب: منجم الدهب الواحد بينتج حوالي 10 طن في السنة بيشغل 3500 عامل ما بين عامكل وفني وعمال تعدين هي التعدين صناعة كثيفة العمالة والتعدين مش بس الدهب والحديد والفوسفات والمنجنيز انا شايف ان دي وسيلة اقتصادية ومربحة جدا وكثيفة العمالة في ايجاد فرص عمل
هالة ابوعلم: ايه الخريطة المستقبلية في الثروة المعدنية في مصر
م/عبدالله غراب: احنا شغالين النهارده بسرعة بطيئة سوية النهارده القانون اللي بيحكم الثروة المعدنية قانون صادر سنة 56 فكان علماء الثروة المعدنية اعدوا مشروع قانون جديدي للاسف ما اتعرضش على مجلس الشع في ال3 او ال4 سنين اللي فاتت فدا هنعيد مراجعته انا متفق مع معالي رئيس الوزراء هيتم مراجعته مراجعة نهائية ويتم تقديمه ان شاء الله سواء قبل البرلمان او بعد البرلمان
هالة ابوعلم: القانون دا بينظم ايه
م/عبدالله غراب: بينظم العلاقة في البرتول يعني البرتول علاقاته منتظمة جدا ما بين المستثمر والدولة للانتاج والاستكشاف وفترات محددة ، التعدين مش موجود دا فعايز يتم انه المستثمر جاي عارف يعمنمل ايه بالظبط والدولة عارفة حقوقها ايه وواجباتها ايه النهارده اكتر حاجة مستغلينها المحاجر رمل وزلط ورخام وبرضه دي الدولة لا تستفيد منه بالصورة الكافية
هالة ابوعلم: فيه عندنا الرخام بنستورد كميات كبيرة جدا منه
م/عبدالله غراب: فيه خلاف فيه نوعيات كبيرة جدا في الرخام ودرجة النقاء والدولة بتتعامل مع الثروة المعدنية والمحجرية تعامل استهلاكي اكتر منه اقتصادي
هالة ابوعلم: طيب ايه حقيقة ان منجم الدهب اتعرض لعمليات تهريب
م/عبدالله غراب:غير صحيح تماما لانه مفيش عمليات تهري من حصة الشريك يعني الشريك ينفق والدولة بتشاركه في الانتاج في الدهب الاتفاقية اللي هي موقعة سنة 1954 بتقول ان الشريك يسترد كل ما انفقه لغاية ما يستوفي كل اللي يدفعه ف100% من الانتاج النهارده بيعتبر حصة الشريك بياخد الدهب يصدره بره لانه الدهب النهارده ماهواش دا دهب خام غير منقى ما ينفعش يتباع كده فلازم يروح بره يتنقى وبيتباع لحساب الشريك وياخد منه فلوس سدد للدولة السنة اللي فاتت حوالي 40 مليون جنيه اللي هي الرسوم والاتاوة والضرايب الايجابي جدا ان سعر الدهب علي جدا في السوق العالمي فدا وفر لدينا اكتر من سنتين يعني بدل ما كان هيستردها في 4 سنين ويبتدي يشارك في الانتاج هو هيستردها في 2011 فبذن الله من اول 2012 مصر هتبقى عندها حصتها على الاقل 60 % من الانتاج اولا مفيش تهريب ولا حاجة دي حصته اللي بياخد منها فلوس والفلوس اللي بيصدرها بينفق بيها ويرجعها لمصر فالكلام دا تم بحثه وتم التاكد من عدم صحته
هالة ابوعلم:حضرتك شايف انه مش من حق كل مواطن مصري انهه يوصل ليته الغاز الطبيعي بدل اللجوء لمسالة انبوبة البوتاجاز وازماته من هذا القبيل
م/عبدالله غراب:هو هدف طبعا بس هدف على المدى المتوسط لانه مصر فيها 5 مليون وحدة سكنية فيها غاز النهارده ومعدل توصيل الغغز للمنازل اكتر من نص مليون وحدة في السنة الناس عايزها تكمن مش اللي مانه توصيل الغاز للبيوت كلها انه مفيش غاز ال5 مليون وحدة بيستهلكوا غاز لا يزيد عن 3% من انتاج الغاز ، استهلاك المنازل في حد ذاته استهلاك بسيط جدا
هالة ابوعلم: امال ايه اللي يعوق
م/عبدالله غراب:امكانيات الصناغعة وامكانيات التوصيل رقم كير جدا احنا بنحاول نوصل ل650 الى 700 الف وحدة في السنة دا الهدف اللي موجود دلوقت زائد التركيز على الصناعات زي ماقلت استخدام المازوت والسولار في صناعات مش مخصصة ليها النهارده هنوفر كميات كبيرة ضخمة
هالة ابوعلم: طيب نتكلم بشفافية هل فيه نية فعلية لزيادة اسعار المنتجات البترولية
م/عبدالله غراب: يعين الاجابة طبعا مباشرة لا انما فيه نية لدراسة الدعم هل بيوصلوا للمواطنين ولا لا ، لو ما بيروحوش للمواطن مباشرة بيروحوا لاماكن اخرى بيعوق المواطن انه يتمتع بخدمات صحية
هالة ابوعلم: دي تبقى عايزة رقابة
م/عبدالله غراب: طول ما فيه سعر متدني جدا هيبقى فيه سوق سودا في أي سلعة في الدنيا عايزين نحمي المواطن اللي يستحق الدعم دا هدف
هالة ابوعلم: هل حضرتك بتحمل أي اخبار او انباء جديدة عن اكتشافات جديدة في البترول
م/عبدالله غراب: فيه موجود فيه ابار جديدة تم اكتشافها في الصحرا الغريية وابار زيت تم اكتشافها وفيه زيادات في الغاز حتى لوة انتاج الزيت ما بيزيدش قوي انما كون يستمر على نفس المستوى فدا في حد ذاته انجاز كويس قوي
هالة ابوعلم: مشروع مسطرد ومشروع فوسفات ابو طرطور وبيقال ان مشروع فوسفات ابو طرطور كان نموذج لفشل الدولة في اقامة مشروع بتتوفر له كل مقومات النجاح اما بالنسبة لمشروع مسطرد فاختلف عنه الاقاويل منه قاله 3 سنوات ولم يتم الانتهاء منه رغم انه مشروع ينبئ بخير من قطاع البترول اطلب من حضرتك توضيح لموقف هذه المشروعات
م/عبدالله غراب: مشروع مسطرد بيطور التكرير في القاهرة اللي بقاله 50 سنة في الانتاج بيطلع منتج المازوت اللي هو منتج بيئيا مش من افضل المنتجات هياخدوا المازوت ويحوله لسولار نظيف جدا هيتفادى استيراد كميات مكافئة من السولار ودا مشروع استراتيجي اللي هو تطوير معامل التكرير ، معامل التكرير في مصر اقدمها من 100 سنة ويمكن احدثها من 40 سنة باستثناء معمل تكمرير موجود في اسكندرية بقاله حوالي 10 سنوات
هالة ابوعلم: كان فيه مشاكل خاصة وقفت المضي في هذا المشروع
م/عبدالله غراب:ايوه حصل بعض المشاكل ولكن كلها تحت السيطرة واعتقد انه ان شاء الله المشروع هيبقى ماشي دا نموذج لتطوير معامل التكرير القديمة لان معامل التكرير بتطلع مازوت ما بتطلعش سولار فدا نوع من التحديث لمعامل التكرير والجهات المعنية بصت على هذا المشروع ومفيش ضرر لاي طرف من الاطراف دا هيوفر طبعلا انتاجيات اقتصادية جيدة لقطاع البترول
هالة ابوعلم: ايه قصة مشروع فوسفات ابو طرطور
م/عبدالله غراب: انا من وانا في بدايات حياتي بسمع عن مشروع ابو طرطور مكنتش اتخيل في يوم من الايام اني ابقى مسئول عنه انما فيه شئ تم عمله في الماضي انا قدامي طريق من اتنين يا اما اشوف دا اتعمل ليه ، عندنا امر واقع لازم نتعامل معاه مشروع فوسفات ابو طرطور مشروع طموح جدا وتم إنشاؤه على اعلى مستوى
هالة ابوعلم: واتصرفت عليه ملايين
م/عبدالله غراب: اتعملت مناجم تحت الارض ودي اغلى انواع المناجم اتعملت سكة حديد من الوادي الجديد واتكلف واتعملت محطة كهربا جديدة دا اصقل يه المشروع، النهارده السكة الحديد بعد ما بدا الانتاج تاني في فوسفات ابو طرطور تم استغلالها في امور اخرى بيتم استغلال السكة الحديد بيتم استغلال محطة الكهربا فيه مدينة سكنية بتسع حوالي 3000 واحد فلازم التعامل مع هذا المشروع واعتقد النهارده انه تحول لمرحلة وقف الخسارة
هالة ابوعلم: فيه مشروعات للثروةالمعدنية بنفتخر بيها جدا في مصر زي شركة الحديد ولصلب زي مشروع الالمونيوم
م/عبدالله غراب: دي صناعة
هالة ابوعلم:اه صناعة انما مش ثروة معدنية ، الثروة المعدنية ان احنا نستخرج الحديد ما استوردش حديد يعين الهدف ان احنا نكتشف عندنا في ارضنا انما النهارده في الحديد والامونيوم بنستورد الحديد الخام وبنستورد كميات كبيرة من برة
مصر النهارده فيها فرص لا نهائية في البترول والمعادن
هالة ابوعلم:بتشوف حضرتك ان احنا متاخرين في مجال الثروة المعدنية رغم ان مصر مليئة بالثروات هل احنا متاخرين في هذا المجال
م/عبدالله غراب:اه طبعا احنا متاخرين يعني احنا معندناش أي سبب للتاخر انما احنا متاخرين شوية
هالة ابوعلم: برضه السؤال حول حقلي بكر وعامر هل تم بيعهم لبعض الشركات
م/عبدالله غراب:دا موجود من كذا سنة والفكرة مطروحة عن طريق الاستثمارعن طريق شريك اجنبي وحصل رفض ليها سواء من الشركة او من قطاع البترول بصفة عامة فتم التراجع عن الفكرة دي
هالة ابوعلم:ايه اهم المشروعات المستقبلية اللي من المنمتظر انتهائها او على الاقل بدايتها
م/عبدالله غراب:احنا عندنا موضوع البحث والاستكشاف دا اساسي ودا مستمر ودي رسالة للعالم ان مصر مستمرة في عمليات البحث والاستكشف، دي للمنستقبل وعمليات الانتاج مستمرة الحمد لله ، نتكلم علة معامل التكرير لازم يبقى فيه مشروعات اخرى لمعامل التكرير عشان نضمن احتياجاتنا داخل مصر دا بالنسبة للانتاج، الغاز طبعا التوسع فيه ضروري لما انتاجنا يزيد من الغاز يبقى معندناش مشكلة يعني حصى التصدير قليلة قوي مش كبيرة قوي انما الأولوية للسوق المحلي في كل الاحوال بالنسبة للبتر وكيماويات دا من لمشروعات اللي بتستعمل الغاز كمنج اساسي بتطلع منتج بتقوم عليه صناعات والنهارده كل حاجة في العالم بترو كيماويات استخدام مواد الطعام الاكياس أي حاجة موجودة الكراسي وخلافه فالخطة اللي موجودة انه من خلال سنة احنا بنتفق مع وزارة الصناعة والمحافظين انه المنتج بتاع البتروكيماويات يبقى خام للمصانع الصغيرة والصناعات الصغيرة دي هتبقى فرصة كبيرة جدا لتشغيل عدد كبير جدا من الناس ورؤوس اموال بسيطة دا الهدف الفترة الي جاية ان شاء الله
هالة ابوعلم:طيب يافندم خليني اراجع معاك بعض العناوين اللي ذكرت في هذه الحلقة انه مفيش ازمات حقيقية للبنزين ولا في السولار
م/عبدالله غراب: لا فيه ازمة بس لفترات زمنية صغيرة
هههه يعني يوم ويومين وانه لازم يعاد النظر في اسعار تصدير الغاز بحيث نحقق اكر قدر ممكن من الدخل القومي لمصر وانه فيه العديد من المشاريع الخاصة بالثروات المعدنية وتحديث المعامل الخاصة بالبترول اذن ان شاء الله بنأمل ونتفاءل الفترة اللي جاية في ظل قيادة الحقيقة عينها دايما على صالح الوطن وصالح المواطن بنشكر مشهدينا الكرام المهندس عدالله غراب وزير البترول والثروة المعدنية
م/عبدالله غراب: اقول كلمة هو جهد كبير جدا وانما متفاءل فعلا محتاج مجهود جامد من قطاع البترول ومن الناس عايزين نرجع ان الناس تحب قطاع البترول
هالة ابوعلم: يافندم شرفتنا واشكرك على وجودك معانا وعلى الايضاح اللي القيته والنقاط اللي اشرت اليها واوضحت االغموض اللي يكتنف بعض الموضوعات والقضايا مرة تانية بنتشكر حضرتك واشكركم مشاهدينا الكرام على حسن المتابعة ونلتقي غدا في اتجاهات