عبد المنعم حسين يكتب: قومي يا مصر

قومي يا مصر من تاني
ما تشَمتيش فينا العِدا
انا ابنك اللي سَعَد في حُبك
واللي بحبك إنكوى
قاعد جنب سريرك
كاتم جوايا البُكا
متأكد من صحوتك
نَطره خراطيم الأجهزه
راميه تلال الدوا
وقلبك الشاب مارد
فاتح صدره للهوا
قومي يا مصر
فيه حواليكي لبسوا الحداد
واستعدوا للجنازه
بيفتشوا عن الحيازه
جاهزين للعزا
ناس شايله الكَفن في عِبَها
كداب دَمعها
بيانها غريب الهوى
قلوب واكلها الصدا
عقول عَفِنها الغبا
ناسيه أيام حنيتك
ضمتك
ضحكتك
اللي بكل ألوان الصفا
اللي ياما لافوا على غيرك
نهشم برد الغربه
ولا لقوا غيرك دفا
كلوا خيرك
وحبوا غيرك
يوفوا للى هاجرهم
وسابوا لحبك الجفا
لكن
ما يعرفوش انِك تُبتَلى
لكن ما يصيبك البلا
قومى عشان خاطرى أنا
اللى اتولد فى حجرك
على ارضك حبا
اللى نام تحت ضِلك
ولعب بترابك فى الصِبا
اللى شب وشاب
يدعيلك كل صلاه
قومى
عشان عودتيني تقومي
بعد كل ضحضره
عودتيني بعد كل ماتشيخي
ترجعي ميت سنه
عودتيني اشوفك عروسه
تشاغليني بالشوق والغُنا
عودتينى ما أحب غيرك
وأحب موت اكون اسيرك
ولما اكون خدامِك
ألقى كل الهنا
قومى ياما
يا ستي
يا حبيبتي
ما تشَمتيش فينا العِدا
قومي
عشان خاطري أنا