قلبى مقبوض معرفش ليه قلبى مقبوض وخايف اللى راح يعود مش قادر انام وانا حاسس إن امبارح لسه موجود فى وشوش مش عاوزه تختفى وعقول لسه بترتشى وصمت الشاهد والمشهود العنكبوت بينسج خيطه ومحدش بينضف حيطُه وسايبينه يغزل ميت عنقود حاسس بالثوانى سنين والخطوه ميل وخايف الميزان يميل على عكس المعهود وحرب دايره جوه دايره ليه بنُصِر على الطريق المسدود لوحد يهَدينى ويهْدينى د احنا على الحافه ومفيش بينا وبين الهاويه سدود ما تيجو نشَّبك ايدينا ودراعتنا تقوينا نرسم باجسامنا الحدود الثوره لسه فى ايدينا والعهد لساه موجود والدم منشفش من الميدان والشهيد على الأرض ممدود وانا لسه خايف وكأنى مش شايف إن اللى راح مش ح يعود يا رب ما يعود