عمرك تخيّلت نفسك في مكان ضلمة ومخيف اتفرض عليك تعيش فيه سنين طويلة لوحدك، وفجأة تيجي آيات قرآنية تنوّر المكان وتآنس وحدتك وتدخل عليك البهجة والسرور؛ فتسأل كل ده منين؟ وتكون الإجابة إن فلان الفلاني قرأ القرآن على روحك بنيّة إنك تاخد الأجر والثواب؟
لأن الدنيا سلف ودِين، لازم تبدأ بتقديم الهدايا لناس دلوقتي موجودة في قبرها لا حول ليهم ولا قوة، ومحتاجين لهديتك اللي مش هتكلّفك غير وقت قليل ومجهود بسيط، وساعتها إنت كمان هتلاقي في يوم من الأيام اللي يحس بيك ويبعت لك الهدايا الجميلة لمّا ربنا يتوفّاك بعد عمر طويل، ولو عايز الثواب يكون مُضاعف ممكن تقرأ القرآن من أي مصحف معمول على روح حد متوفّى كصدقة جارية، وساعتها صاحب المصحف هياخد ثواب، والمتوفّى اللي بتقرأ القرآن ليه هياخد ثواب، وربنا يقدّرك على فعل الخير.