سورة "تبارك".. وشفاعة حتى الغفران

قال الله تعالى عنه.. فيه شفاء للناس.. فهو قرآننا الكريم.. كلام الله عز وجل الذي يشفي ليس فقط أمراض القلوب لكن فيه الشفاء من مواجع الدنيا وعلاتها..

ومعا سنعرض يوميا حبة دواء لكل من أراد شفاء القلب أو البدن.. فتابعونا

************************

مين فينا مابيتمنّاش الغفران الشامل الكامل عن كل ذنوبه اللي هي أكيد كتير؛ لأن ابن آدم خطّاء؟ مين فينا مش خايف من القبر وظلمته ومِن سؤال الملكين؟ مين فينا لما بيتخيّل يوم القيامة بيكون خايف من لقاء ربنا وعايز أي حاجة تشفع له؟

طبعا ربنا غفور رحيم، ومنحنا هدايا كتير تساعدنا على العبور آمنين.. المهم إننا نستغلّها ونعمل بيها ومانكسّلش..

ومِن الهدايا دي سورة تبارك اللي يقراها كل يوم مش هتاخد منه أكتر من 5 دقايق، وهتكون شفيع له في قبره ويوم القيامة إن شاء الله.

فسورة تبارك قد ورد فيها حديث صحيح؛ حيث تشفع لقارئها في القبر ويوم القيامة؛ فعن أبي هريرة عن النبي صلى الله عليه وسلم قال: "إِنّ سُورَةً مِنَ القُرْآنِ ثَلاَثُونَ آيَةً شَفَعَتْ لِرَجُلٍ حَتّى غُفِرَ لَهُ وَهِيَ سورة تَبَارَكَ الّذِي بِيَدِهِ المُلْكُ"؛ فمَن قرأها وواظب عليها شفعت له في القبر أو شفعت له يوم القيامة.

فبلاش كسل واقراها باستمرار، وده هيساعدك إنك تحفظها، وممكن ترى منها في صلاتك اليومية علشان دايما تكون معاك، وتخش بيها الجنة إن شاء الله.

فليكن دائما يقيننا أن قرآننا يشفينا ويداوينا..
ونسأل الله دوما.. أن يجعل القرآن الكريم..
ربيع قلوبنا..
ونور صدورنا..
وجلاء أحزاننا وهمومنا..
برحمتك يا أرحم الراحمين،،،