افعلي الصواب عن اقتناع.. فليس له حق عليكِ

السلام عليكم أولا أحب أشكركم على موقعكم ثانيا أحب أعرض مشكلتي ويا ريت تفيدوني.. أنا فتاة عندي 19 سنة، وبحب واحد قريبي وهو كمان بيحبني.. فضلنا مع بعض خمس سنوات حب وخناق وزعل بس المشكلة إن قريبي ده غيرني زي ما بيقولوا 180 درجة، واتغيرت علشان أنا حبيته، وربنا يعلم كنت باخلص له قد إيه.. المهم دلوقتي حصلت مشكلة بيننا بسبب إني مش باسمع الكلام مع إنه غيّر طريقة لبسي وحياتي نهائي، بس إحنا حاليا منفصلين ومش بنتكلم خالص..
والمشكلة دلوقتي إن أنا مش قادرة أنساه ولا قادرة حتى أرجع لحياتي الطبيعية، ولا حتى عارفة أروح الكلية، ولا أخرج ولا أي حاجة مع العلم إني كنت بالبس لبس خروج وهو خلاني ألبس إسدال وأنا دلوقتي مش عارفة أغيره خالص، أرجوكم تشوفوا لي حل لأني بجد تعبت من التفكير أوي.
malak

لو عايز تفضفض لنا دوس هنا