كان مفروض أدخل صيدلة ودخلوني بيطري.. أدفع رشوة؟

السلام عليكم سيادة المستشار، بعد التحية..
كنت عايز أستفسر عن حاجة، أنا كنت رافع قضية على وزير التعليم العالي وعميد كلية الصيدلة ورئيس جامعة الزقازيق بصفتهم، بخصوص إني جاي من ليبيا من كلية صيدلة ولما جيت في مصر أحوّل لنفس الكلية مارضيوش ودخلت طب بيطري، والقضية دي بقالها ييجي 5 سنين، والنهاردة وصلني جواب من مجلس الدولة/المحكمة الإدارية العليا/ الدائرة السادسة فحص، إن فيه طعن مقدم من وزير التعليم العالي ضدي، ولما رحت أكشف على القضية قالوا لي إن أنا أخدت حكم مبدئي (مش متأكد من الصيغة) إنما أخدت حكم ليّ من محكمة الإسماعيلية، وأنا الصراحة حتى نسيت القضية خالص وماكنتش متابعها لأني حاليا بقيت في 4 طب بيطري، وحابب أعرف كده أنا ممكن أكسبها ولا لأ؟
وإيه المفروض إني أعمله تاني؟ ولو كسبتها هل ليّ تعويض عن السنين اللي ضاعت مني دي؟
كمان لما رحت لقيت موظف هناك وقال لي إنه ممكن يعمل لي مذكرة وأدي له فلوس يعني.. إيه رأيكم؟ ولا أعمل توكيل لمحامي؟
كمان حابب أعرف لو ليّ تعويض هيكون في حدود كام، مع العلم إن سبب الطعن هو إلغاء الحكم الأول فقط.
vet_islam

يا سيدي لا شأن لك بالموظف المرتشي.. عليك عمل توكيل لمحامي للاطّلاع على الحكم الصادر لك ولبحث تنفيذه، إما بالالتحاق بكلية صيدلة وإما الاستمرار في كليتك الحالية مع تعويض عن الضرر الذي لحق بك من الجامعة، وهذا التعويض يكون مقدّرا من المحكمة التي أصدرت الحكم، لذلك لا بد من الاطّلاع على الحكم.


عايز أعمل شركة كيماويات والتصنيع يكون لدى الغير، فما هي نوع الشركة؟ وإيه الأوراق المطلوبة والتراخيص من الوزارات المعنية؟
وشكرا..
sepas4

تكون شركة توصية بسيطة، والإجراءات تتمثل في التقدم إلى مصلحة الشركات التابعة لوزارة التموين والتجارة الداخلية، واستصدار التصاريح اللازمة من وزارة الصناعة وهيئاتها الرقابية، فضلا عن موافقة الحي الكائن فيه مقر المصنع.