مفيش شاب دلوقتي مش بيدور على فرصة عمل مناسبة ليه، ولو لقى الفرصة دي بيبقى محتاج يكون مؤهل ليها عشان ما تروحش منه، ولأن "كلمتنا من الشباب وللشباب" ويهمنا انكم تلاقوا الفرص المناسبة في شغلكم،هنقدم لكم بالتعاون مع خبيرة الموارد البشرية "رشا خليفة"، وصاحبة جروب "نصايح رشا" على الفيس بوك.. كل النصايح اللي انتم محتاجينها، وكمان "رشا" هترد على كل استفساراتكم وهتقول لكم على كل اللي انتم محتاجينه عشان تلاقوا فرص العمل المناسبة، ابعت انت بس واسأل عن اللي انت عايزه على.. [email protected] أنا نفسى اشتغل فى مكان مناسب ليا، أنا عمالة آخد فى كورسات و بحضر فى دراسات عليا بس أنا حاسة فى كل ده إنى تاهية ومش عارفة استفيد من كل اللى أنا بتعب فيه ده. دي مش مشكلتك لوحدك .... دي مشكلة ناس كثير!! و السبب الأساسي ان معندهمش رؤية ورسالة لحياتهم ، ودي حاجه مهمه جداً !! ، لأن أنا لما أكون عارف أنا عايز إيه، و عايز أوصل لإيه هبتدي اخطط لحياتي والخطة دي هتبقي خطوات محسوبة لتأهيلي للوظيفة الي انا عايز اشتغلها او المنصب الي عاوز اوصله... يعني انت بتاخدي كورسات .... في ايه؟ الدراسات العليا ..... موضوعها ايه؟ انتي بتدرسي الحجات دي علشان انتي عايزه تبقي ايه؟ وهل الموضوعات الي انت بتدرسيها دي هي المطلوبة علشان توصلك لهدفك؟ لو جاوبتي علي الأسئلة دي .... صدقيني هتوصلي للي انتي بتتمنيه، في مره كنت بتفرج علي برنامج 90 دقيقة .... وكانو بيتكلموا عن البطالة ومعدلات البطالة في مصر وكانت المشكلة الأساسية مش عدم توافر فرص العمل .... كانت المشكلة عدم توافر المؤهلين للوظائف دي . يعني مثلا اعداد خريجي كلية التجارة أكثر من احتياجات السوق ، وخريجي كليات الزراعة .... السوق محتاجهم أكثر وهكذا .... يعني لو احنا كنا دارسين احنا هندرس ايه وليه وعايزين نوصل لايه .... المشكلة هتقل كثيرا ، بغض النظر عن مجموع الثانوية العامة .... وكليات القمة وكليات القاع .... المهن عالية المستوي و المهن متدنية المستوي