ما نقص منك قد ذهب لأحب الناس إليك

بصراحةأنامش عارفة أبدأ منينبس فى البداية أحب أشكركم لانى اخذت رأيكم قبل كدة وانتوا بجد ساعدتونى برأيكم الصائبفى مشكلة كانت لصاحبتى بس انهاردة بقى انا عاوزة افضفض لكم بمشكلة انا اللى واقعة فيها مع اعز صديقة لياواللى قلتلكم على مشكلة ليها قبل كدة والمشكلة هى انى انا ليا واحدة صاحبتى دى واللى انا بعتبرها اعز صديقة ليا ويمكن كمان اكتر من اختى احنا مع بعض فى الكلية بقالنا 3 سنين كنا مع بعض فى ثانوى بس مكوناش اصدقاء كنا عارفين بعض بالشكل بس ولما دخلنا الجامعة اتعرفنا على بعض وكان لينا زمايل تانى احنا كنا شلة حوالى اربع او خمس بنات بس انا وهى كان فى الفة بيننا شوية لدرجة ان باقى زمايلنا كانوا بيضايقوا مننا بصراحة احنافكرنا كان متقارب جدآ لدرجة اننا كنا بنقول نفس الحاجة فى نفس الوقتوبنفكرزى بعض وكدة يعنى المهم صاحبتى دى كانت والدتها مريضة بالقلب وانا كنت بكلمها باستمرار علشان اطمن عليهاوساعتها والدتى قالت اننا حنروح نزورها لماتعمل العمليةبس بعد لما خلصنا سنة أولىواخذنا الاجازة وبعدين النتيجة ظهرت بعدها بيومين لقيت صاحبتى بتتصل بيا ومموتة نفسها من العياط وعمالة تقولى ان مامتها ماتت وانها محتجانى اوى انا مش حنكر ان الموقف كان جديد عليا بس حاولت اهديها ولما ماما لقيتنى مش عارفة اتصرف اوى يعنى بحكم ان الموقف جديد عليا اخدت منى سماعة التليفون وكلمتها هدتها وبعدين روحنالها انا وماما واختى واتنين من اصحابنا بس بصراحة بعدالموقف دة واها لجأت ليا أنا دونآ عن كل اصحابنا معزتى ليها زادت اكتروبقيت احبها اكتر من اى حد وبعد كدة بقينا نزور بعض كتير وروحنا اتفسحنا مع بعض داغير اننا فى الدراسة كمان مع بعض وخلاص الناس كلها اتعودوا اننا مع بعض فى اى حاجة وفى اى مكان لان كل حاجة بقينا نعملها سوالدرجة انها كانت مرة عيانة مثلا ولما غابت عن الكلية كل اصحابنا بقوا يقولولى فين نصك التانى.

احنا دلوقتى بقي رايحين سنة رابعةان شاء اللهبس فى سنة تالتة وخصوصا التيرم اللى فات دة انا سافرت عمرة ومهما وصفت مش حقدر اقول احساسى ولا احساسها قبل السفر بجد كانت حاجة صعبة علينا اوى اننا نسيب بعض اسبوعين لاننا متعودين نبقى مع بعض فى الكلية اوفى البيت عنداى حد مننا او بنتكلم فى تليفون البيت او عالموبايل واحنا فى الشارع اوعالشات واحنا عالنت المهم لمارجعت من السفر كانت اول حديجيلى هى كانت فى الكلية وكلمتنى وانا فى المطارقالت لى انها حتجيلى فى نفس اليوم بعد الكلية اللى عاوزة اقوله انهاساعدتنى كتير لان كليتناعملية واسبوعين غياب عن الكلية كانوا دمار ليا بس هى بجد وقفت جنبى الحكاية دى خلتنا نبيت عندبعض كل كام يوم عندحد مننا لغايةلماخلصنا العملى المطلوب منى كلة بس احناعندنافالبيت مينفعش حديبات برة خالص بس اناكنت حسة انى مدمرة ومش عارفة اذاكر خالص فاستأذنت منهم فى البيت عندى اننا نذاكرمع بعض فى ايام الامتحانات النظرى بس هما موافقوش فى الاول بس بعد محاولات كتيرة وافقوا.

بس لما النتيجة ظهرت صاحبتى جابت اعلى منى والله انا متضايقتش من كدة خالص بس انا فعلا كنت مظلومة فى الدرجات لانى كنت بطلع من الاوائل بس عندى فى البيت عملولى مشكلة كبيرة لانها جابت اعلى منى وطريقتهم اتغيرت ناحية صاحبتى وبقوا بيعايرونى ويقولولى مش هى دى اللى كنتى عاوزة تذاكرى معاها آهى جابت اعلى منك مع ان والله تقديرى مش وحش علشان اللى هما بيعملوة دة انا جايبةجيدجدآ بس اقل من اللى كنت بجيبة كل سنةب3 % بسيعنى الحكاية مش مستهلة كل دة المشكلة الرئيسية هنابقى وهى اننا فى الاجازة دلوقتى وصاحبتى دى عندهم توضيب فى الشقة بتاعتهم فقلت لها تيجى تقعد عندى لانها ياما وقفت جنبى وكان لازم اقف جنبها انا كمان المهم جت قعدت معايا اسبوع وعند اخريوم قبل ما تمشى اهلى اتخانقوا معايا وانا كنت بحاول اسكت بس هما ضايقوها بالكلام على انها قاعدة عندنا بقالها اسبوع للاسف مش حقدرأدافع عن اهلى لأنى انا نفسى مستغربة همالية عملوا كدة معاهاوخصوصآ انهم عارفين انا بحبها قد ايه وكمان هى عملت ايه علشانى فى كذا موقف ومن ساعتها وهى رافضة تيجى عندى وبتقولى ما هما ممكن يطردونى اويضايقونى بالكلام تانى وكمان رافضة تكلمنى حتى على تليفون البيت ونا بصراحة مش عارفة اعمل ايه ؟؟؟؟؟

هى اعزصديقة ليا وكاتمة اسرارى واى حاجة بتضايقنى هنا منهم فى البيت بحكيلها عليها لانى برتاحلها جدآ اكتر من اى حد حتى من اهلى اللى بصراحة بيفرقوا بينى وبين اختى فى المعاملة وهما اللى وصلونى لكدة بصراحة انا ساعات كتير بكرههم من سوء معاملتهم ليا وكمان ظلمهم ليا من غير ما اعمل حاجة المهم اتصرف ازاى علشان انا بجدتعبت هما اهلى وهى اعز انسانة على قلبى (اكتر من اهلى)ا هما رافضين يسمعوا اى حاجة عنها وهى رافضة تسمع اى حاجة عنهم ياريت تقولولى اتصرف ازاى اناحسة بقلق وتوتر نفسى شديد وبقيت فى حيرة دايمآ وعلى طول زعلانة هما بيقولوا انى عندى اكتئاب بس بجد انا مخنوقة من اللى انا فية وكاتمة جوايا مش قادرة اتكلم وكمان مش عارفة اتصرف ازاى

fozdo

لا عليك يا عزيزتنا الغالية، فأنت تسعين للوفاء لصديقتك التي طالما وفت معك وطالما وقفت بجوارك.. ولكن عليك أن تعلمي أن حل أيمشكلة تعترضنا يكون بتوصيفها الدقيق.. وعدم خلط الأمور وإلا تشابكت وعجزنا عن الحل..
وأبدأ معك بمشاعرك تجاه أهلك وشعورك أنهم فرقوا بينك وبين أختك وعاملوها أفضل منك..وقد يكون شعورك هذا خاطئا أو لم تفهمي اهتمامهم بها لدرجة معينة فربما أنت نفسيا أقوى منها وهي في حاجة للرعاية أكثر منك.. وقد يكونون فعلا أعطوها فوق ما أعطوك فهل نكره أهلنا؟
لا يا عزيزتي فما تعتقدين أنه نقص منك قد ذهب لأحب الناس إليك أختك.. فتسامحي في حقك وانظري لختك بعين الذي لو يملك أكثر من هذا لأعطيتيها أنت أيضا حبا واهتماما دون تردد وتلك هي أخلاق الصالحين المؤمنين الطيبين من عباد الله.
ولتعلمي أن ما نقص عندك من عطاء الأهل فتح لك بابا أعظم للتعويض هو باب الله.. فالله يعطيك ما لم تعطه لك أمك وما لم يعطه لط أبوك فاملئي قلبك حبا وتسامحا ينشرح صدرك وتسعدين بأسرتك. وحتى لو الأبوين أخطأا في حقنا فقد فعلا معنا ما لا يمكن إنكاره بعد أن أثبته الله في كتابه العزيز أن ربياك وأنت صغيرة ضعيفة لا تقدرين على شيء فقل سبحانه:"وقل رب ارحمهما كما ربياني صغييرا".. فحرري قلبك من المشاعر السلبية تجاه أهلك حتى تخرجي عن دائرة الحزن والاكتئاب التي يحاول الشيطان أن يحكمها على قلبك:"إنما النجوى من الشيطان ليحزن الذين آمنوا"..
وأما عن صديقتك فلا تقطعيها ولا تفرضيها على أهلك أبدا وقد فرق الشيطان بينهما.. لا تذكري سيرة أهلك لديها ولا تذكريها أمام أهلك حتى لا تزداد الفجوة.. وحدثيها تليفونيا ولو من سنترال في الشارع وأخبريها أنك لن تنسي وجودها معك ووقوفها بجوارك.. صليها بعيدا عن أهلك.. فليس مفروضا أن يحب أهلنا كل من نحب أو نصادق..
افصلي بين مشاعرك تجاه أهلك ومشاعرك تجاه صديقتك وحاولي أن تعطي لكل ذي حق حقه..
ولا تضغطي عليها في أن تتصل بك على تليفون المنزل حتى لا تتعرض لموقف محرج.. ولا تدري لعل الله يحدث بعد ذلك أمرا وتأتي أحجاث الحياة وما أكثرها.. ويجد أهلك كم هي صادقة في مشاعرها نحوك فيحبونها ويحدث التقارب بينهم وبينها.. والقلوب بين أصابع الرحمن يقلبها كيف يشاء..
واعلمي أن كل مؤمن يبتليه الله بشيء يكرهه فطوبى لمن صبر وغفر وتسامح.. فاغفري لأهلك وتسامحي تجدي الراحة تملأ كل جوانبك.. واستعيني بالله على وفائك لصديقتك وسيجدين أن هناك ألف طريقة لتواصلك معها بغيدا عن الأهل.
واله نسأل أن يشرح صدرك ويهيء لك من أمرك رشدا.

لو عايز تفضفض لنا دوووس هنا