انتظريه على أول الطريق!

السلام عليكم ورحمة الله، أنا بنت عندي 21 سنة، اتعرفت على زميل ليّ في الكلية، وبدأت تربطنا قصة حب، عنده في البيت عارفين بيها، وكل اللي في البيت بيحبوني، زميلي عنده 20سنة يعني أصغر مني؛ بس أنا بحبه جداً واتفقت أنا وهو إننا نقول لوالدتي وقلت لها هي ما كانتش معترضة عليه؛ بس المشكلة عندها إنه معايا في نفس السنة يعني هيخلص جامعة معايا، ولسه مش مستعد للارتباط؛ بس هو متفوق في دراسته، وبيكون التاني على الدفعة، وإن شاء الله ليه مستقبل كويس.
المشكلة دلوقتي إن بابا عرف، وهو مش موافق، ومش معارض في نفس الوقت؛ بس هو ربط رفضه باستخارة هو شاف فيها إنه فيه حد جاله وقاله يرفضه.
هو حبيبي دايماً من كتر خوفه عليّ بيعمل مشاكل؛ بس أنا متأكدة من حبه ليّ لأنه وقف جنبي في حاجات كتير في منها حاجات ما فيش حد يتحملها لأني قبله كنت اتعرفت على شخص من النت واتضح لي إنه إنسان سيئ جداً، وكان عايز يورّطني معاه في مشاكل، وبسببه أنا عشت في رعب لأنه سبب خلافات مع أصحابي وقرايبي لأنه سرق إيميلاتي وكلم الكل، وكان بيعمل حاجات معاهم وحشة جداً؛ طبعاً حبيي عرف كل المشاكل دي؛ لكن هو احتوى الموضوع بسرعة علشان يقف جنبي، وقدر إنه يعديني المرحلة دي، وقدرنا ننسى الشخص ده، وكل المشاكل اللي مرينا بيها.
بس هو دلوقتي عصبي جداً في البيت، ودايماً فيه مشاكل مع والده والدته اللي هي أصلاً سبب خلافاته؛ بس هو في نفس الوقت هو أكبر واحد في البيت، والده بيعامله كأنه صديقه؛ بس كمان فيه مشكلة إنه والده ووالدته انفصلوا ورجعوا تاني؛ بس الموضوع ده مسبب مشاكل كتير، والدته دايماً حاسة إن حبيبي بيحب والده عنها.
lamoooor

لو عايز تفضفض لنا دوووس هنا