صاحب العمارة باع شققها ولسه عايز يستفيد منها

أولا: شكرا لمجهوداتكم للرد على أسئلة القراء
ثانيا: إحنا ساكنين في عمارة سكنية جميع الشقق تمليك من 2003 والآن صاحب العمارة اللي الناس اشترت منه جاي وعايز يبنى دورين زيادة أو يركّب برج من أبراج المحمول للاستفادة.
أولا: هل له صفة علشان يعمل الحاجات دي وإيه الموقف القانوني؟
ثانيا: إيه الإجراء اللي سكان العمارة ممكن ياخدوها؟
moslim

أولا: لابد من السير في إجراءات اتحاد ملاك، وانتخاب مجلس إدارة ليكون هو الممثل القانوني لجميع الملاك.

ثانيا: لابد من موافقة الملاك على تركيب برج المحمول، وأخيرا تعلية المالك الأصلي للعقار يتوقف على ما إذا كان بيع الشقق بنصيب من الأرض أم حوائط فقط، في الحالة الأولى لا يجوز له البناء، أما الحالة الثانية يجوز له.

أنا عندي بيت وعايش فيه سكان معايا وأنا شقتي في الدور الرابع وعندي مشكلة، فالمياه مقطوعة طول اليوم وعاوز أركب موتور بس عاوز أركبه لوحدي لأن السكان كلهم مش متفاهمين مع بعض، ولما جيت أركب الموتور، الساكن بالدور التاني محامي ومش راضي يسيبني أركب الموتور علشان الميه هتتسحب من عنده فإيه الحل دلوقتي؟ وهل من حقي إني أركب الموتور لوحدي ولا لأ؟
Get it poppen

تركيب موتور المياه من الأمور التي جرى العرف عليها في المباني التي تعانى من ضعف ضغط المياه، لذلك من الأفضل التفاهم مع السكان فيما بينهم على تركيب هذا الموتور طبقا للقاعدة العامة لا ضرر ولا ضرار.