السلام عليكم.. أنا بجد باشكر الموقع ده؛ لأنه بيساعد ناس كتير جدا ونفسي يساعدني، أنا مشكلتي إني بحب واحد بس إحنا بنتخانق كتييييييييييير جدا المشكلة إني حاسة إني مش زي الأول يعني حبي ليه قل جدا إحنا من سن بعض، وأنا مش عايزة أظلمه معايا وخايفة أقول له كده أجرحه وأصدمه عشان هو بيحبني أوي، وبجد كان نفسي حد يحبني كده قبل كده والحمد لله لقيته بس المشكلة إن أنا اللي مش عارفة أفضل أحبه زي الأول لإني ما كنتش بحبه أصلا، وكان الموضوع كله وهم ولا السبب الخناقات اللي بتحصل، هو بصراحة جد أوي معايا وخلاني أكلم مامته وخالته أنا بجد محتارة ساعات باقول خلاص أكمل معاه عشان ما أجرحوش وساعات تانية باقول ما أنا كده هظلم نفسي، وحتى لو قلت له هقول له إزاي صعبة أوي أنا بجد محتارة بصراحة أنا عمري ما بينت له إن مشاعري اتغيرت من ناحيته عشان ما يتعبش، بس في نفس الوقت لما بيقول لي كلام حلو ببقى مش عارفة أرد عشان ما أكدبش عليه، مشكلتي جايز تبان تافهة لناس بس بجد هي تعباني ومش باعرف أنام بسببها، ويا ريت حل ما يجرحش مشاعره يا ريت تردوا عليّ بسرعة وآسفة على الإطالة. malk