مع رانيا.. كوكتيل الزيوت الطبيعية لعلاج تقصّف الشعر

أهلا بكل بنات "قمر 14" في حلقة جديدة من حلقات "جمالك من الطبيعة مع رانيا"، والنهارده في حلقتنا هنعمل ماسكات طبيعية لعلاج مشكلة تساقط الشعر والتقصف والقشرة..
كوكتيل الزيوت لعلاج تقصّف الشعر
المقادير:
ملعقة زيت زيتون
ملعقة زيت سمسم
ملعقة زيت الجوجوبا
ملعقة زيت الأملج
ملعقة زيت حصى اللبان (روزماري)
ملعقة زيت جرجير
الطريقة:
اخلطي زيت الزيتون مع زيت السمسم وزيت الجوجوبا وزيت الأملج وزيت حصى اللبان، وفي الآخر ضيفي عليهم زيت الجرجير وقلّبيهم مع بعض كويس، وبعد كده استخدميه، والخليط ده بيساعد في علاج معظم مشكلات الشعر سواء كانت تساقط أو ضعف أو قشرة الشعر، وبيساعد في تطويل الشعر.
إضغط لمشاهدة الفيديو:
لوسيون بقشور الليمون لعلاج القشرة
المقادير:
بشر 5 ليمونات
كوب ميه
الطريقة:
اغلي الميه على النار، وبعد كده ضيفي عليهم بشر الليمون، وسيبيهم يغلوا مع بعض على النار لمدة ربع ساعة تقريبا، وبعد كده صفّي الخليط كويس، واستخدمي الميه دي في عمل لوسيون للشعر للتخلّص من مشكلة القشرة.. سيبيه على شعرك لمدة ربع ساعة، وبعد كده تشطفيه، وده ممكن تعمليه بشكل يومي، وممكن تستخدمي اللوسيون ده على بشرة الوش.
إضغط لمشاهدة الفيديو:
وتقدري تستخدمي قشور الليمون اللي بتتبقى بعد ما صفّيتي الميه في عمل سنفرة لبشرة وشك وجسمك، والطريقة دي مفيدة في تفتيح البشرة وشد الجلد وترطيبه.

إضغط لمشاهدة الفيديو:
ودلوقتي هارد على بعض أسئلتكم اللي وصلت لنا من خلال المشاركات..

إضغط لمشاهدة الفيديو:
وبكده تكون خلصت حلقتنا..
في انتظار أسئلتكم وتعليقاتكم..