السلام عليكم أنا بعت ليكم وعايزة رأيكم في حالتي؛ أنا بحب واحد لدرجة لا تتخيلوها والله مش كلام وممكن أعمل أي شيء عشان خاطره، وفعلا أنا عملت كتير بس المشكلة إنه فيه أزمة عنده بسبب والدته؛ لأنها مش مهتمة بيه ولا بتسأل فيه لأنها مش عايشة معاهم ووالده متوفى، أنا ممكن أعمل أي شيء علشانه وبهتم بيه وباسأل عليه كل شوية، ساعات باحس إنه بيحبني ولما بيبقى محتاج لي بيتصل بيّ، كل الناس قالت له: دي بتموت فيك، وهو بيقول لي: إزاي عايزاني أصدّق إنك بتحبيني الحب ده كله وأمي مش بتحبني؟؟ مش عارفة أعمل إيه وأنا حاولت أكتر من مرة أبعد عنه بس مش قادرة، كنت باموت كل مرة وبتعب، أرجوكم ردوا عليّ وقالوا لي أعمل إيه غير إني أبعد عنه.. قولوا لي أخليه يحبني إزاي وأعمل إيه علشان أشيل هذه العقدة وإني أساعده أتوسل إليكم تردوا عليّ في أقرب وقت. نانسي