اديني رأيك: بتحبني وبتدلع ولا ركناني على الرف؟

السلام عليكم ورحمة الله وبركاته.. فيه واحدة أنا كنت بحبها ولا زلت حتى الآن أحبها من كل قلبي، هي بتدرس مع أخي الصغير في الكلية، بقالي تقريبا سنة ونصف ومش عارف أعمل إيه؟؟

ورحت كلمتها أكثر من مرة، وقلت لها على كل اللي في قلبي من ناحيتها، وقلت لها إني مسافر السعودية قريبا إن شاء الله هتثبت في الشغل بتاع والدي، وبعدين أبعت والدتي تخطبها لي على طول؛ بس هي مش رفضاني هي رافضة موضوع الخطوبة دلوقتي خالص إلا لما تخلص، بس أنا قلت لها هستناكي علشان أنا بحبها.

وبعدين هي غريبة.. منين بتقول لي إزاي الواحدة تلاقي واحد بيحبها الحب ده كله وتسيبه؟؟ ومنين إنها مش مهتمة بالموضوع؟؟! وبعدين يا جماعة أنا كلمتها أكتر من مرة وساعات من طريقتها معايا أحس إنها خلاص موافقة، وبعدين ترجع تاني كأن مافيش حاجة.. فمش عارف هي بتحبني.. وبتدلع.. ولا ركناني على الرف.

يا جماعة بالله عليكم نفسي تساعدوني في الحكاية دي؛ علشان أنا بحبها بجد، ومش عارف أعمل إيه؟ ملحوظة.. هل كتر كلامي ليها له دعوة بالكرامة؟؟!

d.h


لو عايز تفضفض لنا دوس هنا