لا تُضِع فرصة عودة حبك بيدك

بداية أنا فكّرت كتير قبل ما أتكلم عن مشكلتي لأني مش عارف أنا صح ولا غلط؛ بس في النهاية قررت إني أفضفض وأطلّع اللي في قلبي.
ومشكلتي هي إني بحب بنت زميلتي في الكلية، وهي بتحبني، ولأني مش عايز أكلّمها من وراء أهلها قررت إني أكلمهم؛ بس اتفاجأت بكلامهم ليّ لما رحت علشان أقابل والدها.
تعجبت من كلامه.. في البداية قال إنها لسه بتدرس وصغيرة.. وكانت موافقة وفي لحظة صدمني بكلامه.. يريد مني أن أتزوج ابنته الأكبر لأنها لم تتزوج بعدُ، وأنه لا يقبل أن تتزوج أختها الصغيرة قبلها.. والذي صدمني فعلاً أن البنت اللي حبتها من كل قلبي كانت موافقة بكلام أبيها.
ساعتها ما عرفتش أتكلم خالص؛ بس لما رجعت البيت قررت إني أغيّر الكلية، وهو ده اللي حصل.. ما دخلتش الامتحان وحوّلت لكلية تانية، وبعد سنتين لقيت البنت جاية لي الكلية، وبتقول لي بابا موافق إن إحنا نرتبط. كان ردي: ليه؟ وإيه اللي غيّر رأيه؟ قالت لي أختي اتجوزت.
وأنا مش عارف آخد قرار دلوقت، ساعات باقول لا.. دي ما كانتش بتحبك، وساعات باقول أهي البنت اللي إنت بتحبها وما نسيتهاش المدة دي كلها. يا ريت تساعدوني.
amer

لو عايز تفضفض لنا دووس هنا